News

కాంగ్రెస్ (Congress), బీఆర్ఎస్ (BRS) మధ్య వార్ పిక్ స్టేజీకి వెళ్తుంది. ఎన్నికలు సమీపిస్తున్న వేళ ఎవరు తగ్గకుండా విమర్శలు గుప్పించుకొంటున్నారు.. అయితే బీఆర్ఎస్ వర్కింగ్ ప్రెసిడెంట్ కేటీఆర్ (KTR).. కపట నీతికి మారుపేరు కాంగ్రెస్ అంటూ చేసిన ట్వీట్ పై ఎమ్మెల్సీ బల్మూరి వెంకట్ (Balmuri Venkat) ఘాటుగా స్పందించారు.. తెలంగాణ మొదటి ముఖ్యమంత్రిగా మీ నాన్న, నువ్వు సమాజానికి ఒరగబెట్టింది ఏంటని ప్రశ్నించారు.

అధికారంలో ఉన్నన్ని రోజులు అహంకారంతో ఉన్న మిమ్మల్ని ఇంట్లో కుర్చోబెట్టగానే తెలంగాణ యువత గుర్తుకు వచ్చిందా ?.. పదవులు ఉన్నప్పుడు ఒక్కసారి అయినా వాళ్లని కలిసిన పాపాన పోలేదు. ఇప్పుడు ఎగిరి ఎగిరి పడుతున్నావ్.. ఈ చీప్ పాలిటిక్స్ వదులుకుంటే మంచిదని సూచించారు.. అలాగే మొన్నటి మీ బీఆర్ఎస్ మ్యానిఫెస్టోలో విద్యార్థుల, యువత అంశం ఒక్కటి అయినా ఉందా ? అని వెంకట్ ప్రశ్నించారు.

మీ పదేళ్ళ ప్రభుత్వ పాలనలో అబద్ధాలు.. అవినీతి.. మోసం ఇవి తప్ప ఏమైనా కనిపించాయా? అని మండిపడిన వెంకట్.. ఇంటికో ఉద్యోగం, పేపర్ లీకేజీ వంటి అంశాలు మరచి మాట్లాడటం సరికాదని సూచించారు.. మేము నిరుద్యోగులకు ఇచ్చిన ప్రతీ హామికి కట్టుబడి ఉన్నాం. ఇది ప్రజా ప్రభుత్వం. ముఖ్యమంత్రి రేవంత్ రెడ్డి, ఉప ముఖ్యమంత్రి భట్టి విక్రమార్క తో పాటు మంత్రులు యువతకు అందుబాటులో ఉన్న విషయాన్ని గమనించాలన్నారు..

ప్రగతి భవన్ లో కంచెలు వేసే రోజులు పోయాయని పేర్కొన్న వెంకట్.. కేటీఆర్ నోరు జాగ్రత్త అని హెచ్చరించారు.. నీ అహంకారమే నీకు శత్రువని తెలుసుకో.. తెలంగాణ ఉసురు పోసుకుంది నువ్వూ, నీ కుటుంబం.. అందుకే మట్టి కొట్టుకుపోయారని ఘాటుగా విమర్శించారు.. మీలా నమ్మించి గొంతు కోసే రకం కాదని స్పష్టం చేశారు. ఎండవేడికి ఆగం అవుతున్నావ్ అందుకే ఏం మాట్లాడుతున్నావో అర్థం కావడం లేదు.. కాబట్టి AC ఫుల్ పెట్టుకొని ఇంట్లో బజ్జో అని సెటైర్ వేశారు..

బీజేపీ రాష్ట్ర అధ్యక్షుడు, కేంద్ర మంత్రి కిషన్‌రెడ్డి (Kishan Reddy), సికింద్రాబాద్ (Secunderabad) లోక్‌సభ అభ్యర్థిగా నేడు నామినేషన్ వేశారు. ఉజ్జయిని మహంకాళి ఆలయంలో ప్రత్యేక పూజలు చేశారు. అనంతరం ఎన్నికల ప్రచారంలో భాగంగా మెహబూబ్ కాలేజీలో నిర్వహించే సభలో పాల్గొన్న ఆయన.. కీలక వ్యాఖ్యలు చేశారు.. అంబర్ పేట్ నుంచి మూడు సార్లు శాసన సభకు ప్రాతినిథ్యం వహించినట్లు పేర్కొన్నారు..

గెలిచిన ప్రతిసారి అభివృద్ధి నివేదికను ప్రజల ముందు ఉంచడం జరిగిందన్నారు.. అలాగే గత ఐదేళ్ల సికింద్రబాద్ అభివృద్ధి నివేదిక ప్రజల ముందుకు తీసుకొచ్చినట్లు తెలిపారు.. నైతిక విలువలకు కట్టుబడి ప్రజా ప్రతినిధిగా కొనసాగుతూ వస్తున్నానని తెలిపిన కిషన్ రెడ్డి.. ప్రజలు తలదించుకునే విధంగా వ్యవహారించనని పేర్కొన్నారు.. అక్రమాలు దౌర్జన్యాలు బెదిరింపులు, అవినీతి మచ్చ లేకుండా సేవ చేస్తూ వస్తున్నానని తెలిపారు..

భవిష్యత్ లో కూడా ఇదే కమిట్ మెంట్ తో పని చేస్తానని కిషన్ రెడ్డి హామీ ఇచ్చారు.. అదేవిధంగా నాలుగో సారి బీజేపీ (BJP) రాష్ట్ర అధ్యక్షుడిగా భాద్యతలు వహిస్తున్న నన్ను అన్ని వర్గాల ప్రజలు పెద్ద మనస్సుతో ఆశీర్వదించాలని కోరారు.. చివరి శ్వాస వరకు బీజేపీలోనే ఉంటాను, ఈ జెండా మోస్తానని వెల్లడించారు. అలాగే రాష్ట్రంలో ఓట్లు అడిగే నైతిక హక్కు కాంగ్రెస్ (Congress)కు లేదని విమర్శించారు..

ప్రజలకు ఇస్తున్నవి గ్యారెంటీ లా.. లేక అవి కాంగ్రెస్ గారడీలా అని ప్రశ్నించిన కిషన్ రెడ్డి.. దీనికి రేవంత్ రెడ్డి, రాహుల్ గాంధీ సమాధానం చెప్పాలని అన్నారు.. కాంగ్రెస్ ఇచ్చిన హామీలను వంద రోజుల్లో అమలు చేయడంలో పూర్తిగా విఫలం అయ్యిందని ఆరోపించారు.. మరోవైపు తెలంగాణ ప్రజలకు కాంగ్రెస్ వెన్ను పోటు పొడవగా.. బీఆర్ఎస్ నిండా ముంచిందని విమర్శలు గుప్పించారు.. కాబట్ట ప్రజలు బీజేపీని మోజారిటీ స్థానాల్లో గెలిపించాలని కోరారు..

హైదరాబాద్ (Hyderabad) బీజేపీ (BJP) అభ్యర్థి కొంపెల్ల మాధవిలత (Kompella Madhavi Latha) శ్రీరామ నవమి శోభాయాత్ర (Sri Ram Navami Shobhayatra) సందర్భంగా వాహనంపై ర్యాలీగా వెళ్తున్న సమయంలో ఓ మసీదు వద్ద బాణం వేసినట్లుగా సంజ్ఞ చేసిన విషయం తెలిసిందే.. అయితే నేడు ఈ ఘటనపై అసదుద్దీన్ ఫైర్ అయ్యారు. ఇలాంటి రెచ్చగొట్టే చర్యలు మంచిది కాదని సూచించారు..

తమను బూతులు తిడుతూ.. టెర్రరిస్టులు అంటున్నారని మండిపడ్డ ఆయన.. ఇలాంటి చర్యలతో హైదరాబాద్‌కు ఎలాంటి సందేశం ఇస్తున్నారని ప్రశ్నించారు. ముస్లిం మహిళలతో హిజాబ్ తీసేయాలంటున్నారని.. సౌదీలో ఇలాగే జరుగుతోందని తెలుపుతున్నట్లు వెల్లడించారు.. మరోవైపు బీజేపీ ఎంపీ అభ్యర్థి మాధవీలత, అసదుద్దీన్ వ్యాఖ్యలపై ఘాటుగా స్పందించారు. కీలక వ్యాఖ్యలు చేశారు..

ప్రధాని మోడీ ‘సబ్ కా సాత్’ ‘సబ్ కా వికాస్’ లో భాగంగా తాను హిందువులు, ముస్లింల కోసం కష్టపడాలని నిర్ణయించుకొన్నట్లు పేర్కొన్నారు. ఇక శ్రీరామ నవమి రోజు తాను గాల్లో బాణం వదిలినట్లు చూపిస్తే.. కొందరు వివాదాస్పదంగా మార్చారని మండిపడ్డారు.. అలాగే అమాయకులైన ముస్లింలను రెచ్చగొట్టడానికి మతపరమైన వ్యాఖ్యలు చేస్తున్నట్లు ఆరోపించారు.. వీడియో ఎడిట్ చేసి మసీదు వైపు చూపిస్తే తానేం చేయాలని ఫైర్ అయ్యారు..

ఇలా రెచ్చగొట్టి రాజకీయంగా లబ్ధి పొందుడేనా మీ పని.. దేశం బాగు పడాలని.. ఓల్డ్ సిటీ బాగుపడాలని లేదా అని అసదుద్దీన్‌ను ఉద్దేశించి విమర్శించారు.. ఇంకో సారి ఇలాంటి వీడియోలు చేసి చెత్త హర్కత్‌లకు పాల్పడితే పతంగి కట్ చేస్తా.. ఊరుకునేది లేదని.. మాధవీలత వార్నింగ్ ఇచ్చారు.

కాంగ్రెస్ (Congress) ప్రభుత్వం పై కారాలు మిరియాలు నూరుతున్న కేసీఆర్ (KCR).. తనలో ఉన్న పాత మనిషిని చూస్తారని హెచ్చరించారు.. లోక్‌స‌భ ఎన్నిక‌ల త‌ర్వాత రాష్ట్రంలో రాజ‌కీయం గంద‌ర‌గోళం ఏర్ప‌డే అవ‌కాశం ఉంద‌ని జోస్యం చెప్పారు.. కాగా అసలే ఆయన ముద్దుల కూతురు కవిత (Kavitha) అరెస్టు అయ్యారని బయటికి కనబడకుండా రగులుతున్న గులాబీ బాస్ తాజాగా స్పందించారు..

కవిత అరెస్ట్ ని ఖండించిన ఆయన.. అది ముమ్మాటికి అక్రమ అరెస్టు అని విమర్శించారు.. తన కూతురు తప్పు చేసినట్టు 100 రూపాయల ఆధారం కూడా చూపెట్టలేదని పేర్కొన్న కేసీఆర్.. బీఎల్ సంతోష్ పై మనం కేసు పెట్టకపోతే అసలు ఈ అరెస్టు ఉండకపోయేదని.. ఆమెను కుట్రపూరితంగానే లిక్కర్ కేసులో ఇరికించారని ఆరోపించారు.. కాంగ్రెస్‌పై తీవ్ర వ్య‌తిరేక‌త ప్రారంభ‌మైందన్న ఆయన.. ఉద్య‌మ‌కాలం నాటి కేసీఆర్‌ను మ‌ళ్లీ చూస్తారని తెలిపారు.

మరోవైపు రాష్ట్రంలో ఏ రాజ‌కీయ గంద‌ర‌గోళం జ‌రిగినా బీఆర్ఎస్‌ (BRS)కే మేలు జ‌రుగుతుందన్న ధీమా వ్యక్తం చేశారు.. రానున్న రోజులు మ‌న‌వే అని పేర్కొన్నారు.. పార్ల‌మెంట్‌లో మ‌న గ‌ళం వినిపించాల్సిన అవ‌స‌రం ఉందన్న కేసీఆర్.. రైతు స‌మ‌స్య‌లు అజెండాగా ప్ర‌జ‌ల్లోకి విస్తృతంగా వెళ్లాలని సూచించారు.. అలాగే పార్టీని వీడి వెళ్లినంత మాత్రాన అలాంటి నేతల వల్ల బీఆర్ఎస్‌కు న‌ష్టం లేదని తెలిపారు..

ఇదిలా ఉండగా.. కార్యకర్తల్లో.. ప్రస్తుతం ఉన్న నేతల్లో ధైర్యం నింపేందుకు ప్రయత్నిస్తున్న కేసీఆర్.. ఎండిన పంట పొలాల‌ను ప‌రిశీలించ‌డంతో పాటు రోడ్డు షోల్లో పాల్గొనాల‌ని భావిస్తున్నట్లు సమాచారం.. ఉదయం 11 గంట‌ల‌ వరకు పొలం బాట.. ఒక్కో పార్లమెంట్ నియోజకవర్గంలో సాయంత్రం నుంచి 2-3 చోట్ల రోడ్డు షోలు, కార్న‌ర్ మీటింగ్స్ నిర్వ‌హించాలని అనుకొంటున్నట్లు టాక్ వినిపిస్తుంది. అలాగే సిద్దిపేట‌, వ‌రంగ‌ల్‌లో ల‌క్ష మందితో భారీ బ‌హిరంగ స‌భ‌లు నిర్వ‌హించాల‌నే వ్యూహంలో ఉన్నట్లు వార్తలు వినిపిస్తున్నాయి..

మాజీ సీఎం కేసీఆర్ బాష గురించి అందరికి తెలిసిందే.. చవట, దద్దమ్మలు అనేది ఆయన లాంగ్వేజ్.. గొంతుల్ని కోసేస్తం, చంపేస్తం ఇలాంటివి ఆయన మ్యానరిజంలో కనిపించే స్పెషల్ రోల్.. మళ్లీ తనే ఎదుటోళ్లను ఇదేం భాష అని విమర్శించడం ఆయన ప్రత్యేకత అని అనుకోని వారు లేరు.. పదవిలో ఉన్నప్పుడు కూడా అంతే కదా.. పీకనీకి పోతున్నరా..? మేడిగడ్డా, బొందలగడ్డా..? ఈ మాటల శైలికి విస్తుపోని వారు లేరు..

తను ముఖ్యమంత్రిగా ఏ భాషైనా వాడొచ్చునట, ఇంత సుదీర్ఘ రాజకీయ జీవితంలో అలవర్చుకున్నది ఇదేం భాషో అని అర్థం గాక జుట్టు పీక్కొన్న వారు కూడా ఉన్నారు.. ఇదిలా ఉండగా సిరిసిల్ల (Sirscilla)లో చేసిన వ్యాఖ్యలపై వివరణ ఇవ్వాలంటూ కేంద్ర ఎన్నికల సంఘం (EC) ఇటీవల గులాబీ బాస్ కు నోటీసులు (Notices) జారీ చేసిన విషయం తెలిసిందే.. అయితే ఈ అంశంపై కేసీఆర్ తాజాగా స్పందించారు.

వారం రోజుల గడువు ఇవ్వాలని ఈసీని కోరారు. మరోవైపు కేసీఆర్ చేసిన వ్యాఖ్యలపై పీసీసీ ఉపాధ్యక్షుడు జి.నిరంజన్​ రెడ్డి కేంద్ర ఎన్నికల సంఘానికి ఫిర్యాదు చేశారు. ఫిర్యాదును స్వీకరించిన ఎన్నికల సంఘం ఈ నెల 18 ఉదయం 11 గంటల్లోపు వివరణ ఇవ్వాలని పేర్కొంది. ఈ సందర్భంగా ఎన్నికల ప్రవర్తనా నియమావళి పాటించాలని 2019, 2023లో సైతం ఆదేశాలు ఇచ్చినట్లు గుర్తు చేసింది.

ఇక కాంగ్రెస్​ అధికారంలోకి వచ్చిన 4 నెలల్లోనే రాష్ట్రంలో కరవు పరిస్థితులు తలెత్తాయని, 2014కు ముందు ఏ పరిస్థితులు ఉన్నాయో మళ్లీ ఆ పరిస్థితి చూస్తున్నామని కేసీఆర్ విమర్శించారు. రేవంత్ సర్కార్​ అసమర్థత, తెలివి తక్కువతనం వల్ల ఈ పరిస్ధితి వచ్చిందని ధ్వజమెత్తారు. మోసపూరిత హామీలిచ్చి అధికారంలోకి వచ్చిన ప్రభుత్వ వైఫల్యం వల్లే పంటలు ఎండిపోయాయని మండిపడ్డారు. రైతుల కుటుంబాలను ఆదుకోకపోతే ఉసురు తగులుతుందనే కామన్ పీపుల్ లాంగ్వేజ్ వాడారు..

కట్టెలమ్మిన చోటే.. పువ్వులమ్మడం.. తిరిగి అదే చోటుకి కట్టెలతో వెళ్ళడం.. అనే సామెత తెలిసిన వారు తెలంగాణ రాజకీయాల్లో బీఆర్ఎస్ (BRS) పరిస్థితి ఇలా తయారైందేమీటబ్బా అని అనుకొంటున్నారు.. అసెంబ్లీ ఎన్నికలు ఇచ్చిన షాక్ మరి మామూలుగా లేదని తెలుస్తోంది. ఎందుకంటే ఇప్పటికే కారు సీట్లు ఖాళీ అవుతున్నాయి.. పెద్ద బాపు చుట్టూ అన్ని పరేషాన్లు పొదల్లాగా అల్లుకొన్నాయి..

అధికారం ఉన్నన్ని రోజులు, సార్, బాపు అంటూ మాట్లాడిన వారంతా ఒంటరిని చేసి వెళ్ళడం కనిపిస్తోంది. ఈ నేపథ్యంలో మరో బీఆర్ఎస్ కీలక నేత గట్టి షాక్ ఇచ్చేందుకు రెడీ అయినట్లుగా తాజా పరిణామాలు తెలియచేస్తున్నాయనే టాక్ వినిపిస్తోంది.. పార్లమెంట్ ఎన్నికల వ్యూహం ఖరారు కోసం నిర్వహించిన సమావేశానికి తలసాని శ్రీనివాస్ యాదవ్ (Thalasani Srinivas Yadav)తో పాటు ఎమ్మెల్యే ప్రకాష్ గౌడ్ హాజరు అవకపోవడం చర్చాంశనీయంగా మారింది.

అలాగే కొద్ది రోజులుగా తలసాని వ్యవహారం తేడాగా ఉందని తెలుస్తోంది.. కేసీఆర్ (KCR) పుట్టిన రోజు వేడుకల్ని.. తెలంగాణ బాపు కేసీఆర్ అంటూ ఓ రేంజ్ లో నిర్వహించిన ఆయన.. ఆ తర్వాత ఒక్క సారిగా కామ్ గా మారారు.. అయితే సికింద్రాబాద్ నుంచి తన కుమారుడికి సీటు కోసం హడావుడి చేసినా.. తర్వాత మాట మార్చారు.. చివరికి ఆయనకే ఆఫర్ ఇచ్చినా నిర్మోహమాటంగా నో చెప్పేశారు.

ఇక చేసేది ఏం లేక చివరికి సికింద్రాబాద్ ఎమ్మెల్యే పద్మారావును కేసీఆర్ ఖరారు చేశారని తెలిసిందే.. ఇదిలా ఉండగా.. ప్రస్తుతం నియోజకవర్గంలో తలసాని తిరగడం లేదు. పట్టించుకోవడం లేదని టాక్ మొదలైంది. కాగా కొద్ది రోజులుగా ఆయన బీజేపీ హైకమాండ్ తో టచ్ లో ఉన్నట్లుగా ప్రచారం జరుగుతోంది. మొత్తానికి ఆయన వ్యవహారం గులాబీ కండువా తీసేలా కనిపిస్తుందనే చర్చ మొదలు అయ్యేలా ఉందంటున్నారు..