News

రాష్ట్రంలో భానుడి భగభగలతో అల్లాడి పోతున్న ప్రజలకి హైదరాబాద్ (Hyderabad) వాతావరణ శాఖ ( Meteorological Centre) చల్లని కబురు అందించింది. రాగల 3 రోజుల పాటు ఉరుములు, మెరుపులతో కూడిన తేలిక పాటి నుంచి మోస్తరు వానజల్లులు (Rainfall) కురిసే అవకాశం ఉందని పేర్కొంది.. అయితే ఇప్పటికే పలుచోట్ల ఉరుములతో కూడిన భారీ వర్షం నమోదైందని తెలిపింది..

మరోవైపు గంటకు 40 నుంచి 50 కిలో మీటర్ల వేగంతో ఈదురుగాలులతో కూడిన మోస్తరు వర్షాలు కురుస్తాయని వాతావరణ శాఖ ప్రకటించింది. అలాగే గాలి విచ్చిన్నతి ఒకటి సౌరాష్ట్ర కచ్ వద్ద వున్న ఉపరితల ఆవర్తనం నుంచి మధ్య మహారాష్ట్ర, ఉత్తర అంతర్గత కర్ణాటక మీదుగా దక్షిణ అంతర్గత కర్ణాటక వరకు కొనసాగుతున్నదని పేర్కొన్నది. ఇది సగటు సముద్ర మట్టానికి 1.5 కి. మీ. ఎత్తులో ఉందని ఒక ప్రకటనలో తెలిపింది.

అయితే నిన్న మరాత్వాడా పరిసరాల మధ్య మహారాష్ట్ర ప్రాంతాల వద్ద సగటు సముద్ర మట్టానికి 1.5 కి. మీ ఎత్తులో కేంద్రీకృతమై ఉన్న ఆవర్తనం ఇవాళ బలహీన పడిందని వివరించింది. మరోవైపు వాతావరణంలో వచ్చిన మార్పులతో.. రాష్ర్టంలో ఉష్ణోగ్రతలు తగ్గుముఖం పట్టాయి. అన్ని జిల్లాల్లో 40 డిగ్రీలలోపే నమోదవుతున్నాయని అధికారులు పేర్కొన్నారు..

ఇదిలా ఉండగా నల్గొండ (Nalgonda) జిల్లాలో ఒక్కసారిగా వాతావరణం చల్లబడి, భారీ వర్షం కురిసింది. దీంతో రోడ్లన్ని జలమయమయ్యాయి. వేసవి వేడి, ఉక్కపోతతో అల్లాడుతున్న ప్రజలకు, అకాల వర్షం (Untimely Rain) కాస్తంత ఉపశమనాన్ని ఇచ్చింది. మరోవైపు ధాన్యం కొనుగోలు కేంద్రాల్లో, అమ్మకానికి ఉంచిన వడ్లు తడిసిపోయే ప్రమాదం ఉందని అన్నదాతలు ఆందోళన చెందుతున్నారు..

కాంగ్రెస్ (Congress) ప్రభుత్వం రైతులను పట్టించుకోవడం లేదని బీఆర్ఎస్ (BRS) నేతలు తెగ ప్రచారం చేస్తున్న నేపథ్యంలో విషయాన్ని సీరియస్ గా తీసుకొన్న ముఖ్యమంత్రి రేవంత్‌ రెడ్డి (CM Revanth Reddy).. వడ్ల కొనుగోలులో రైతులను ఇబ్బందిపెడితే ఊరుకునేది లేదని హెచ్చరించారు.. అన్నదాతల నుంచి తక్కువ ధరకు ధాన్యం కొనుగోలు చేస్తే చర్యలు కఠినంగా ఉంటాయని సృష్టం చేశారు..

నేడు ధాన్యం కొనుగోళ్లు, తాగు నీటి సరఫరాపై సంబంధిత అధికారులతో సీఎం సమీక్షి నిర్వహించారు.. వ్యాపారులు, మిల్లర్లు తేమ ఎక్కువగా ఉందని చెప్పి కొన్ని చోట్ల ధరలో కోత పెడుతున్నట్లు తమ దృష్టికి వచ్చిందని తెలిపిన ఆయన.. రైతులను ధాన్యం ఆరబెట్టి తేవాలనే అవగాహన తెచ్చే ప్రయత్నం చేయాలని యంత్రాంగానికి సూచించారు. మరోవైపు వ్యవసాయ మార్కెట్‌ యార్డుల్లో తక్కువ ధరకు వడ్లు కొనుగోలు చేసే మిల్లర్లు, ట్రేడర్ల లైసెన్సులు రద్దు చేస్తామని హెచ్చరించారు.

ఇలాంటి వారి విషయంలో కస్టమ్ మిల్లింగ్ నిలిపివేసి బ్లాక్ లిస్టులో పెట్టాలని అధికారులకు సూచించారు.. అదేవిధంగా వడ్లను నేరుగా కల్లాల నుంచి మార్కెట్లకు తరలిస్తే తేమ శాతం ఎక్కువగా ఉంటుందని, ఒకట్రెండు రోజులు ధాన్యాన్ని ఆరబెట్టి మంచి రేటు పొందాలని అన్నదాతలకు తెలిపారు. ఇక మార్కెట్ యార్డుల్లోనే ధాన్యం ఆరబెట్టేందుకు అధికారులు తగిన ఏర్పాట్లు చేయాలన్న సీఎం ఆదేశించారు..

వడ్ల దొంగతనం జరగకుండా సీసీ కెమెరాలు ఏర్పాటు చేసి చర్యలు తీసుకోవాలని సూచించారు.. అలాగే అన్ని జిల్లాల్లో కలెక్టర్లు తమ పరిధిలోని మార్కెట్లు, ధాన్యం కొనుగోలు కేంద్రాలను పరిశీలించాలని.. రైతులకు ఇబ్బంది లేకుండా కొనుగోళ్లు సజావుగా జరిగేలా చర్యలు తీసుకోవాలని ఆదేశించారు. రైతుల నుంచి వచ్చే ఫిర్యాదులను ఎప్పటికప్పుడే పరిష్కరించాలని రేవంత్ పేర్కొన్నారు..

అలాగే వడగళ్ల వానలు వచ్చినా ఇబ్బందిలేకుండా అన్ని మార్కెట్ యార్డులు, కొనుగోలు కేంద్రాల్లో టార్పాలిన్లను అందుబాటులో ఉంచాలని సూచించారు. మరోవైపు రాష్ట్రంలోని అన్ని పట్టణాలు, గ్రామాల్లో తాగు నీటికి ఇబ్బంది తలెత్తకుండా ముందు జాగ్రత్త చర్యలు చేపట్టాలని సీఎం ఆదేశించారు. ఈ విషయాల పట్ల ఎవరైనా తప్పుడు ఫిర్యాదులిస్తే చర్యలు తీసుకోవాలని సూచించారు..

మేడ్చల్ (Medchal) పట్టణంలో నేడు ఉమ్మడి కాంగ్రెస్ (Congress) కార్యకర్తల సమావేశం నిర్వహించారు. ఈ కార్యక్రమానికి ముఖ్యఅతిథిగా కాంగ్రెస్ పార్టీ మల్కాజిగిరి (Malkajigiri) పార్లమెంట్ అభ్యర్థి పట్నం సునీత మహేందర్ రెడ్డి (Patnam Sunita Mahender Reddy), మాజీ ఎమ్మెల్యే సుధీర్ రెడ్డి (Sudhir Reddy), మేడ్చల్ నియోజకవర్గం ఇంచార్జ్ జంగయ్య యాదవ్ హాజరయ్యారు.

ఈ భేటీలో కీలక విషయాల గురించి చర్చనడుస్తుండగా.. పార్టీలో బీఆర్ఎస్ (BRS) నేతలు చేరికపై వివాదం తలెత్తింది. మరోవైపు మేడ్చల్ కి చెందిన పదిమంది మున్సిపల్ కౌన్సిలర్ లు బీఆర్ఎస్ కి రాజీనామా చేసి ఇటీవలే కాంగ్రెస్ పార్టీలో చేరిన విషయం విధితమే. ఈ అంశంపై అభ్యంతరం వ్యక్తం చేసిన కాంగ్రెస్ పార్టీ సీనియర్ నాయకులు నాగభూషణం.. తమకు ఎలాంటి సమాచారం ఇవ్వకుండా వారిని పార్టీలోకి ఎలా తీసుకుంటారని ఆగ్రహం వ్యక్తం చేశారు.

దీంతో పార్టీ కార్యకర్తల సమావేశంలో గందరగోళం నెలకొంది. బీఆర్ఎస్ ప్రభుత్వ హయాంలో కాంగ్రెస్ పార్టీ కార్యకర్తలను ముప్పతిప్పలు పెట్టినట్లు తెలిపిన ఆయన.. వారు కడుతున్న బిల్డింగ్ ల వద్దకు వచ్చి అక్రమంగా లక్షలాది రూపాయలు వసూలు చేసినట్లు ఆరోపించారు.. అంత కఠినంగా ప్రవర్తించిన కౌన్సిలర్లను పార్టీలోకి ఎలా తీసుకుంటారని ప్రశ్నించారు.

ఎన్నో ఏళ్లుగా పార్టీ నమ్ముకొని సేవ చేస్తున్న వారిని కాదని కొత్తగా చేరిన బీఆర్ఎస్ పార్టీ కౌన్సిలర్ లకు ప్రాధాన్యత ఇవ్వడం సరికాదని సూచించారు.. కాంగ్రెస్ కార్యకర్తలు పార్టీ కోసం గత 10 సంవత్సరాలుగా ఎన్నో కష్టాలు పడ్డామని, బీఆర్ఎస్ హయాంలో కేసులు సైతం ఎదుర్కొన్నారని ఆవేదన వ్యక్తం చేశారు. దీంతో సుధీర్ రెడ్డి జోక్యం చేసుకొని తర్వాత మాట్లాడమని గొడవను తాత్కాలికంగా సద్దుమణిగేలా చేశారు.. అయినా లోకల్ క్యాడర్ లో అసంతృప్తిని మాత్రం తగ్గించలేక పోయారు..