Opinion

పార్లమెంట్‌ ఎన్నికలు(Parliament Elections) దగ్గర పడుతుండడంతో బీజేపీ, కాంగ్రెస్‌తో పాటు ఇతర పార్టీలు అలర్ట్ అయ్యాయి. హ్యాట్రిక్ విజయం ఖాయమని బీజేపీ ధీమా వ్యక్తం చేస్తుండగా కాంగ్రెస్ ఈసారి ఎలాగైనా అధికారంలోకి రావాలని ప్రణాళికలు రచిస్తోంది.

ఈ నేపథ్యంలో అధికార బీజేపీ అవినీతి ఆరోపణలు ఎదుర్కొంటున్న నేతలపై ఫోకస్ చేసినట్లు కనిపిస్తోంది. భూకుంభ‌కోణం కేసులో బుధ‌వారం ఝార్ఖండ్ సీఎం హేమంత్ సోరెన్‌(Jharkhand CM Hemant Soren)ను ఈడీ అరెస్టు చేసిన విష‌యం తెలిసిందే. ఈ పరిణామాల మధ్య ప‌శ్చిమ బెంగాల్ సీఎం మ‌మ‌తా బెన‌ర్జీ ఆసక్తికర వ్యాఖ్యలు చేశారు.

న‌దియా జిల్లాలోని సంతిపుర్‌లో జ‌రిగిన ఓ కార్య‌క్ర‌మంలో ఆమె పాల్గొని మాట్లాడారు. రాబోయే పార్ల‌మెంట్ ఎన్నిక‌ల్లో విజ‌యం సాధించేందుకే విప‌క్ష నేత‌ల్ని అంద‌ర్నీ బీజేపీ జైలుకు పంపుతోంద‌ని విమర్శించారు. బీజేపీ తననూ జైలుకు పంపుతుందేమోనని సందేహాన్ని వ్యక్తం చేశారు.

తాను జైలుకు వెళ్లినా మళ్లీ తిరిగి వస్తానని సీఎం దీదీ ధీమా వ్యక్తం చేశారు. లోక్‌స‌భ ఎన్నిక‌ల్లో కాంగ్రెస్ పార్టీతో జ‌త‌క‌ట్టాల‌ని త‌మ‌కు ఉంద‌ని, కానీ ఆ పార్టీ త‌మ ప్ర‌తిపాద‌న‌ను తిర‌స్క‌రించిన‌ట్లు తెలిపారు. అదేవిధంగా కాంగ్రెస్ పార్టీ సీపీఎంతో చేతులు క‌లిపింద‌ని, ఇది బీజేపీ విజ‌యానికి తోడ్ప‌డుతుంద‌ని ఆమె ఆరోపించారు.

ఎర్ర సముద్రం(Red Sea)లో వాణిజ్య నౌకల(Commercial ships)పై హౌతీ తిరుగుబాటుదారులు (Houthi rebels) దాడులకు పాల్పడుతున్నారు. ఈ పరిస్థితి తీవ్ర ఆందోళనకరంగా ఉందని ఐక్యరాజ్యసమితి (United Nations) సాధారణ అసెంబ్లీ అధ్యక్షుడు డెన్నిస్‌ ఫ్రాన్సిస్‌(Dennis Francis) అన్నారు.

ఐదు రోజుల పర్యటనలో భాగంగా భారత్‌ వచ్చిన ఫ్రాన్సిస్‌ బుధవారం ఢిల్లీలో మీడియాతో ఆయన మాట్లాడారు. ఇది మరింత విస్తృతమయ్యే అవకాశం ఉన్నదని, మూడో ప్రపంచ యుద్ధం కూడా రావొచ్చని అభిప్రాయపడ్డారు. ఎర్ర సముద్రంలో హౌతీల దాడులను మూడో పక్షం ప్రోత్సహిస్తున్నట్లు కనిపిస్తోందన్నారు.

ఇది చాలా ప్రమాదకరమని ఫ్రాన్సిస్ హెచ్చరించారు. పర్యటనలో భాగంగా భారత విదేశాంగ మంత్రి జైశంకర్‌తో సమావేశమయ్యారు. నేటి భౌగోళిక రాజకీయ వాస్తవాలకు అనుగుణంగా భద్రతా మండలి ప్రస్తుత కూర్పు లేదని చెప్పారు. దాన్ని సంస్కరించాల్సిన అవసరం ఉందన్నారు.

యెమెన్‌ దేశాన్ని హస్తగతం చేసున్న హౌతీ తిరుగుబాటు దారులు రవాణా నౌకలపై ఎర్రసముద్రంలో వరుస దాడులతో రెచ్చిపోతున్నారు. క్షిపణులతో దాడులకు తెగపడుతున్నారు. ఇప్పటికే ఇజ్రాయెల్‌-హమాస్‌ యుద్ధంతో పశ్చిమాసియాలో ఉద్రిక్త పరిస్థితులు నెలకొన్న వేళ ఈ ఘటన చోటుచేసుకోవడం ఆందోళన కలిగిస్తోంది. ఇలాంటి పరిస్థితుల్లో డెన్నిస్‌ ఫ్రాన్సిస్‌ తన అభిప్రాయాన్ని వ్యక్తం చేశారు.

అయోధ్య‌(Ayodhya)లో నూత‌నంగా నిర్మించిన రామాల‌యం(Ram Mandir) ప్రారంభోత్స‌వ వేడుక‌కు విప‌క్ష నేత‌లు దూరంగా ఉండ‌టం దుర‌దృష్ట‌క‌ర‌మ‌ని కాంగ్రెస్ నేత(Congress Leader) ఆచార్య ప్ర‌మోద్ కృష్ణం(Acharya Pramod Krishna)అన్నారు.

అయోధ్య‌లో రామాల‌య ప్రారంభోత్స‌వ వేడుక‌ల‌కు హాజరు కాబోమ‌ని కాంగ్రెస్ చీఫ్ మ‌ల్లికార్జున్ ఖ‌ర్గే, ఏఐసీసీ మాజీ అధ్య‌క్షురాలు సోనియా గాంధీ, కాంగ్రెస్ సీనియ‌ర్ నేత అధీర్ రంజ‌న్ చౌద‌రి స‌హా ప‌లువురు విప‌క్ష నేత‌లు స్ప‌ష్టం చేసిన సంగతి తెలిసిందే.

ఈ నేపథ్యంలో ప్రమోద్ కృష్ణం మాట్లాడుతూ.. అయోధ్య రామాల‌య ప్రారంభోత్స‌వ ఆహ్వానాన్ని మ‌న్నించ‌క‌పోవ‌డమంటే భార‌త నాగ‌రిక‌త‌, సంస్కృతిని అవ‌మానించ‌డ‌మేన‌ని పేర్కొన్నారు. భార‌త్ ఉనికిని, గౌర‌వాన్ని ప్ర‌శ్నించ‌డ‌మేన‌ని ఆక్షేపించారు. విప‌క్షాలు బీజేపీతో పోరాడాల‌ని రాముడితో కాద‌ని తాను చెప్ప‌ద‌లుచుకున్నాన‌ని అన్నారు.

శ్రీరాముడు భార‌త్ ఆత్మ అని, ఈ కార్య‌క్ర‌మానికి హాజ‌రు కారాద‌ని విప‌క్షాలు తీసుకున్న నిర్ణ‌యం దుర‌దృష్ట‌క‌ర‌మ‌ని ఆయ‌న వ్యాఖ్యానించారు. చివ‌రికి క్రైస్త‌వుడు, ముస్లిం కూడా శ్రీరాముడి ఆహ్వానాన్ని విస్మ‌రించ‌ర‌ని, భార‌త్ రాముడి ఆత్మ అని, రాముడు లేకుండా భార‌త్‌ను ఊహించ‌లేమ‌ని ఆచార్య ప్ర‌మోద్ అన్నారు.

బీజేపీతో పోరాడండి కానీ స‌నాత‌నంతో కాద‌ని, బీజేపీతో పోరాడండి కానీ భార‌త్‌తో పోరాడ‌కండ‌ని ఆయ‌న విప‌క్షాల‌కు హిత‌వు ప‌లికారు. మరోవైపు విప‌క్ష నేత‌లు రామాల‌య ప్రారంభోత్స‌వ వేడుక‌ల‌కు హాజ‌ర‌వ‌కుండా రాముడి వ్య‌తిరేకులుగా వ్య‌వ‌హ‌రించార‌ని బీజేపీ విరుచుకుప‌డుతోంది.