Politics

పార్లమెంట్ ఎన్నికలు సమీపిస్తున్న కొద్ది రాష్ట్రంలో నేతలు చేసుకొంటున్న విమర్శలు సైతం పెరుగుతున్నాయి. ఇప్పటికే కాంగ్రెస్ పై బీఆర్ఎస్ నేతలు చేస్తున్న ఆరోపణలు, విమర్శలు చర్చలకు దారి తీస్తుండగా.. హస్తం నేతలు కూడా గట్టిగానే సమాధానాలు చెబుతున్న ఘటనలు కనిపిస్తున్నాయి. అయితే రాష్ట్రంలో గులాబీ పార్టీ కనుమరుగు కానుందనే ఆరోపణలు వస్తున్న నేపథ్యంలో.. బీఆర్ఎస్ శ్రేణుల్లో ఆందోళన నెలకొందనే ప్రచారం జరుగుతోంది.

మరోవైపు బీఆర్ఎస్ (BRS) వర్కింగ్ ప్రెసిడెంట్ కేటీఆర్ (KTR) గులాబీ నేతల్లో ధైర్యం నింపడానికి గట్టి ప్రయత్నాలు చేస్తున్నట్లు అనుకొంటున్నారు. ఈ క్రమంలో అసెంబ్లీ ఎన్నికల ముందు సీఎంగా రేవంత్ రెడ్డి (Revanth Reddy)ని ప్రకటిస్తే రాష్ట్రంలో 30 సీట్లు కూడా కాంగ్రెస్‌ (Congress)కు వచ్చేవి కాదని కేటీఆర్ విమర్శించారు. కాగా ఈ వ్యాఖ్యలపై కాంగ్రెస్ నాయకురాలు విజయశాంతి (Vijayashanti) ట్విట్టర్ వేదికగా కౌంటర్ ఇచ్చారు.

‘భవిత రహిత సమితి (బీఆర్ఎస్) నేత కేటీఆర్.. రేవంత్ రెడ్డిని సీఎంగా ప్రకటించినట్లయితే గత అసెంబ్లీ ఎన్నికలలో కాంగ్రెస్‌కు 30 స్థానాలు వచ్చేవి కాదు అన్నారు. కానీ, అదే ఎన్నికలలో బీఆర్ఎస్, కేసీఆర్ (KCR)ని సీఎంగా ప్రకటించి 64 స్థానాలు గెలవలేకపోయిందని ఎద్దేవా చేశారు. కేసీఆర్ మూడో సారి సీఎం అవడం ఖాయమని.. రాష్ట్ర ప్రజలు ఆయన వైపు ఉన్నారని జోరుగా ప్రచారం చేసుకొన్న విషయాన్ని విజయశాంతి గుర్తుచేశారు..

ఇంతలా ఊకదంపుడు ప్రచారం చేసుకొన్న బీఆర్ఎస్ 39 స్థానాల్లో మాత్రమే గెలవడం గుర్తుంచుకోవాలని సూచించారు.. ఇక బీజేపీ అధ్యక్షుడు కేంద్ర మంత్రి కిషన్ రెడ్డి.. బీఆర్ఎస్‌పై వ్యతిరేకతతో మాత్రమే కాంగ్రెస్‌ను ప్రజలు గెలిపించారని వ్యాఖ్యానించారు. అవును బీఆర్ఎస్‌పై వ్యతిరేకతతోనే కాంగ్రెస్‌ను గెలిపించారు. ఎవరైనా అనుకూలతతో గెలిపిస్తారా అని విజయశాంతి ప్రశ్నించారు. మీరు చేస్తున్న ఆరోపణలు ప్రజలకు అర్థం కావట్లేదని ట్వీట్ చేశారు.

తెలంగాణ (Telangana) ప్రభుత్వం ఎల్ఆర్ఎస్ (LRS) దరఖాస్తులపై కీలక నిర్ణయం తీసుకొంది. ప్రభుత్వం తీసుకొన్న నిర్ణయంతో పెండింగ్ దరఖాస్తులన్నీ క్లియర్ కానున్నాయి. గత సర్కారు లే అవుట్ల క్రమబద్ధీకరణకు 2020 ఆగస్టులో జీవో 131ను జారీ చేసింది. రాష్ట్ర వ్యాప్తంగా దాదాపు 25.44 దరఖాస్తులను వచ్చాయి. అయితే తాజాగా ప్రభుత్వం తీసుకొన్న నిర్ణయంతో దరఖాస్తులన్నీ క్లియర్ కావడమే కాకుండా రూ.10 వేల కోట్ల వరకు ఆదాయం సమకూరుతుందని సర్కారు భావిస్తోంది.

ఈ క్రమంలో మార్చి 31లోపు లేఔట్లు క్రమబద్ధీకరణ చేసుకునేందుకు వీలు కల్పించింది. దాంతో 20 లక్షల మందికి ప్రయోజనం చేకూరనుందని తెలుస్తోంది.. కానీ దేవాదాయ, వక్ఫ్, ప్రభుత్వ, కోర్టు ఆదేశాలు ఉన్న భూములను, చెరువు శిఖం భూములను తప్ప ఇతర లే-అవుట్‌ (Lay-out)లను క్రమబద్ధీకరించాలని నిర్ణయం తీసుకొంది. ఇదిలా ఉండగా గత ప్రభుత్వం ఎల్ఆర్ఎస్ దరఖాస్తులను 2020 ఆగస్టు 31 నుంచి అక్టోబర్ 31 వరకు స్వీకరించింది.

ఆ సమయంలో రాష్ట్రంలో అన్ని పంచాయతీలు, మున్సిపాలిటీలు, కార్పొరేషన్ల (Corporations) నుంచి దాదాపు 25.44 లక్షల మంది అప్లికేషన్లు సమర్పించారు. ఓపెన్ ప్లాట్లు, నాన్ లే అవుట్ కు సంబంధించిన దరఖాస్తుదారులు వెయ్యి రూపాయల ఫీజు చెల్లించి, తమ డాక్యుమెంట్ కాపీని సమర్పించారు. పెద్ద లే అవుట్ స్థలాలకు సంబంధించి రూ.10 వేలు దరఖాస్తు ఫీజుగా చెల్లించారు. కానీ తర్వాత ఈ ప్రక్రియ నిలిచిపోయింది.

ఇలా నాలుగు సంవత్సరాలుగా ఈ పక్రియ కోసం ఎదురు చూస్తున్నారు. ఎట్టకేలకు విషయం సీఎం దృష్టికి వెళ్లడంతో వీటికి మోక్షం లభించింది. తాజాగా ప్రభుత్వం తీసుకొన్న నిర్ణయంతో నిర్మాణ అనుమతులకు ఉన్న అడ్డంకులు తొలగిపోనున్నాయి. మరోవైపు ఎల్ఆర్ఎస్ క్లియరెన్స్ లేని ప్లాట్లు, వాటి యజమానులు పడుతున్న ఇబ్బందులపై గతంలో కొందరు కాంగ్రెస్ (Congress) నేతలకు వినతులు అందాయని, అందుకే ప్రభుత్వం ఈ నిర్ణయం తీసుకొన్నదని టాక్ వినిపిస్తోంది.

రాజకీయాల లెక్కలు ఎవరికి అర్థంకావు.. ఎందుకంటే ఇక్కడ విజయాలు మాత్రమే కౌంట్ అవుతాయి.. అపజయాలు మైనస్ లా మారతాయి. ప్రస్తుతం అసెంబ్లీ ఎన్నికల్లో ఓటమి పాలైన బీఆర్ఎస్ (BRS) లెక్కలు పూర్తిగా మారిపోయాయని తెలుస్తోంది. పార్టీ పై నమ్మకం సన్నగిల్లడంతో.. కారు దిగుతున్న వారి సంఖ్య పెరిగిపోతుంది. ఇదే సమయంలో వస్తున్న పార్లమెంట్ ఎన్నికలు (Parliament Elections) ప్రస్తుతం గులాబీలో గుబులు రేపుతున్నట్లు తెలుస్తోంది.

ఇదిలా ఉంటే బీఆర్ఎస్ గెలిస్తే కేసీఆర్ (KCR) వల్ల గెలిచిందంటారు. ఆయన వ్యూహాలకు సలాం అంటారు. ఆయన నివాసానికి క్యూ కడతారు. కేసీఆర్ వీరుడు.. శూరుడు.. విక్రమార్కుడు అంటూ ప్రశంసలు కురిపిస్తారు. ఇక అసెంబ్లీ ఎన్నికల ఫలితాలు వచ్చేంత వరకూ ఆయన కంటే గొప్ప వ్యక్తి మరొకరు లేరన్నారు. ఆయన వ్యూహాలకు మరే రాజకీయ నేత ఆలోచనలు సాటి రావన్నారు. స్కెచ్ వేస్తే సెటిల్ అయినట్లేనని చొక్కా బటన్‌లు విప్పి మరి చెప్పుకొన్నారు.

కానీ అరవై రోజుల్లో పరిస్థితి మారిపోయింది. కాగా విశ్రాంతి తర్వాత బయటకు వచ్చిన కేసీఆర్.. నల్లగొండ (Nalgonda) సభలో ఘాటుగా స్పందించారు. లోక్‌సభ ఎన్నికల్లో విజయమే లక్ష్యంగా పార్టీని గాడిలో పెట్టాలని ప్రయత్నిస్తున్నారు. అయితే అనేక చోట్ల పోటీకి నేతలు విముఖత చూపుతుండటం విశేషం. అభ్యర్థుల కొరత లేదని చెప్పలేం కానీ, గతంలో క్యూ కట్టినట్లు ఇప్పుడు గులాబీ టిక్కెట్ కోసం వెంపర్లాడటం లేదు.

కాంగ్రెస్ గెలవడంతో పాటు ముఖ్యమంత్రిగా రేవంత్ రెడ్డి (Revanth Reddy) ఉండటం, పార్లమెంటు ఎన్నికల్లో కాంగ్రెస్ కి ఎక్కువ విజయావకాశాలు ఉన్నాయన్న అంచనాలతో బీఆర్ఎస్ పార్టీ వైపు చూడటానికి జంకుతున్నారనే టాక్ వినిపిస్తోంది. నచ్చచెప్పి.. ఒప్పించి బలవంతంగా బరిలోకి దింపాల్సిన పరిస్థితి ప్రస్తుతం తలెత్తిందని తెలుస్తోంది. మరోవైపు లోక్‌సభ ఎన్నికలలో మెజార్టీ గెలుపే లక్ష్యంగా ప్రధాన పార్టీలు పనిచేస్తున్నాయి.

బీజేపీ, కాంగ్రెస్ పార్టీల మధ్యే పోటీ ఉండబోతుందని పొలిటికల్ సర్కిల్లో టాక్ నడుస్తోంది. దీంతో బీఆర్ఎస్ పార్టీకి గుబులు మొదలైంది. ఈ క్రమంలో బీజేపీ, కాంగ్రెస్ వైఫల్యాలను ఎండగడుతూ ప్రజల్లోకి బలంగా వెళ్లే ప్లాన్‌లో ఉందని సమాచారం.. అయితే ప్రజల్లో ఉన్న వ్యతిరేకత చూసి.. బీఆర్ఎస్ నుంచి ఎంపీగా పోటీ చేయాలనుకొనే ఆశావాహుల్లో గెలుస్తామా? లేదా? అనే టెన్షన్ మొదలైనట్లు పార్టీ వర్గాల్లో చర్చ మొదలైందని అంటున్నారు.

పార్లమెంట్ ఎన్నికల (Parliament Elections)లో మోజారిటీ స్థానాలు దక్కించుకోవాలనే ప్రణాళికలో ఉన్న బీజేపీ.. ఇప్పటి నుంచే కసరత్తు ప్రారంభించింది. ఇందులో భాగంగా విజయ సంకల్ప యాత్రలు ప్రారంభించింది. మరోవైపు మోడీ (Modi) సైతం ప్రచారంలో వేగం పెంచారు.. పలు ప్రారంభోత్సవాల్లో పాల్గొంటూ.. ఓటర్లను ఆకర్షించే ప్రయత్నంలో భాగంగా ప్రతిపక్షాలపై విమర్శలు గుప్పిస్తున్నారు. ఇక తెలంగాణ బీజేపీ నేతలు సైతం దూకుడుగా వ్యవహరిస్తున్నారు.

ఈ నేపథ్యంలో నేడు హైదరాబాద్‌ (Hyderabad), అమీర్‌పేట్‌ (AmeerPet)లో నిర్వహించిన విజయ సంకల్ప యాత్రలో భాగంగా నిర్వహించిన భారీ ర్యాలీలో కేంద్ర మంత్రి, బీజేపీ (BJP) తెలంగాణ అధ్యక్షుడు కిషన్ రెడ్డి (Kishan Reddy) పాల్గొన్నారు. ఈ సందర్భంగా కీలక వ్యాఖ్యలు చేశారు. వచ్చే లోక్‌‌సభ ఎన్నికల్లో బీజేపీ సత్తా చాటుతుందని ధీమా వ్యక్తం చేశారు. ఇప్పుడే కాదు.. ఇంకో పదేళ్ల తర్వాత సైతం కాంగ్రెస్‌ బీజేపీకి పోటీ ఇవ్వలేదని పేర్కొన్నారు.

పార్లమెంట్ ఎన్నికల్లో 400 పైచిలుకు సీట్లలో సత్తా చాటబోతున్నామని తెలిపారు. కేంద్ర ప్రభుత్వ అభివృద్ధి సంక్షేమ పథకాలే పార్టీని భారీ మెజార్టీతో గెలిపిస్తాయని జోస్యం చెప్పారు. తెలంగాణలోని 14 స్థానాల్లో బీజేపీ గెలుపు ఖాయమని పార్టీ శ్రేణుల్లో ఉత్సాహం నింపారు. అబద్ధపు పథకాలతో అధికారంలోకి రావడానికి కాంగ్రెస్ ఇచ్చిన 5 గ్యారంటీలు కర్ణాటకలో ఫెయిల్ అయ్యాయని ఆరోపించారు. తెలంగాణలో కేసీఆర్‌పై ఉన్న కోపంతో కాంగ్రెస్‌కు ఓటేశారన్నారు.

కర్ణాటకలో ఇప్పుడు ఎన్నికలు జరిగితే బీజేపీ భారీ మెజార్టీతో అధికారంలోకి వస్తుందని వెల్లడించారు. గత తొమ్మిదిన్నరేళ్లుగా మోడీ నేతృత్వంలో అద్భుత పాలన అందిస్తున్నదని పేర్కొన్నారు. మోడీ హయాంలో రూపాయి అవినీతి కూడా జరగలేదని వివరించారు. ప్రపంచ దేశాలకు భారత్ గురు స్థానంలో ఉండాలనే ఆలోచనలతో కేంద్ర ప్రభుత్వం ముందుకు వెళ్తుందని తెలిపారు. 15 ఏళ్లు ముఖ్యమంత్రిగా, తొమ్మిదిన్నరేళ్లు ప్రధానిగా పని చేసిన మోడీ ఒక్క సెలవు తీసుకోకుండా దేశం కోసం కృషి చేస్తున్నారని అన్నారు..