Politics

టీఆర్ఎస్‌(TRS)ను బీఆర్ఎస్‌(BRS)గా పేరు మార్చిన నాడే తెలంగాణ (Telangana)తో ఆ పార్టీకి ఉన్న పేగుబంధం తెగిందని ఎమ్మెల్యే కోమటిరెడ్డి రాజగోపాల్ రెడ్డి(MLA Rajagopal Reddy) ఎద్దేవా చేశారు. నేడు అసెంబ్లీలో జరిగిన కృష్ణా జలాల పంపకాలపై ఆయన మాట్లాడారు. బీఆర్ఎస్ ప్రభుత్వ హయాంలో ఉమ్మడి ఆంధ్రప్రదేశ్‌లో కంటే ఎక్కువ దోపిడి జరిగిందని ఫైర్ అయ్యారు.

భవిష్యత్తులో కూడా కాంగ్రెస్ పార్టీదే అధికారమని రాజగోపాల్ రెడ్డి ధీమా వ్యక్తం చేశారు. ఏనాడైతే టీఆర్ఎస్ పార్టీ పేరును బీఆర్ఎస్‌గా మార్చిన నాడే తెలంగాణతో వారి పేగు బంధం తెగిపోయిందంటూ ఆగ్రహం వ్యక్తం చేశారు. అసెంబ్లీలో నోటికొచ్చినట్లుగా బీఆర్ఎస్ నాయకులు అబద్ధాలు ఆడుతున్నారని మండిపడ్డారు.

ప్రజలు ఓడించి ఇంట్లో కూర్చోబెట్టినా.. ఇంకా మీకు బుద్ధి రాలేదా అంటూ రాజగోపాల్ రెడ్డి ఫైర్ అయ్యారు. నల్లగొండ జిల్లాలో బీఆర్ఎస్ సభ జన సమీకరణ చేసేందుకు ఎమ్మెల్యే జగదీశ్వర్ రెడ్డి ఊరూరా తిరుగుతున్నారనీ… అందుకే ఇవాళ అసెంబ్లీకి హాజరు కాలేదన్నారు. హరీశ్‌రావుకు మేనమాన సాలొచ్చిందనీ… అబద్ధాలు ఆడటంలో ఆయనను మించిపోయాడని ఎమ్మెల్యే రాజగోపాల్ రెడ్డి విమర్శించారు.

పవర్ పాయింట్ ప్రజెంటేషన్ ద్వారా రాష్ట్రానికి జరిగిన అన్యాయాన్ని డిప్యూటీ సీఎం మల్లు భట్టి విక్రమార్క, నీటి పారుదల శాఖ మంత్రి ఉత్తమ్ కుమార్ రెడ్డి, సోదరుడు కోమటి‌రెడ్డి వెంకట్‌రెడ్డి ప్రజలకు కళ్లకు కట్టినట్టుగా చూపించారని రాజగోపాల్ రెడ్డి తెలిపారు. అధికార దాహంతో, అవినీతికి పాల్పడి పక్క రాష్ట్రంలోని సీఎం జగన్‌తో కుమ్మక్కై.. బీఆర్ఎస్ పేరు పెట్టి ప్రధాని పీఠానికే టెండర్ పెట్టిన వ్యక్తి కేసీఆర్ అని రాజగోపాల్ రెడ్డి విమర్శించారు

తెలంగాణ(Telangana) అసెంబ్లీ సమావేశాలు కొనసాగుతున్నాయి. ఇవాళ(శనివారం) ఇటీవల మృతి చెందిన మాజీ ఎమ్మెల్యేలకు సంతాపంతో సభను ప్రారంభమైంది. అనంతరం తెలంగాణలో హుక్కా పార్లర్ల(hookah parlors)పై నిషేధ బిల్లును ప్రభుత్వం ప్రవేశపెట్టింది. సీఎం రేవంత్‌రెడ్డి తరఫున మంత్రి దుద్దిళ్ల శ్రీధర్‌బాబు(Minister Duddilla Sridharbabu) సభలో మాట్లాడారు.

ఎలాంటి చర్చ లేకుండా ఏకగ్రీవంగా అసెంబ్లీ ఈ బిల్లుకు దీనికి ఆమోదం తెలిపింది. అదేవిధంగా సిగరెట్లు, పొగాకు ఉత్పత్తి, సరఫరా నియంత్రణ, ప్రకటనల నిషేధ బిల్లుకు ఆమోదం లభించింది. ఈ మేరకు స్పీకర్‌ ప్రసాద్‌కుమార్‌ ప్రకటించారు. విషయాన్ని సభాపతి ప్రసాద్కుమార్ వెల్లడించారు.

ఈ సందర్భంగా మంత్రి శ్రీధర్ బాబు మాట్లాడుతూ.. సిగరెట్‌ కంటే హుక్కా పొగ మరింత హానికరమైనదని తెలిపారు. బొగ్గు ఉపయోగించడం వల్ల కార్బన్‌ మోనాక్సైడ్‌ విడుదలవుతుందని చెప్పారు. దీన్ని సేవించే వారి వల్ల చుట్టుపక్కల వారికి కూడా ప్రమాదమని వెల్లడించారు. అందుకే హుక్కా పార్లర్లపై నిషేధం అవసరమని సీఎం రేవంత్రెడ్డి భావించారని తెలిపారు.

యువతను అవకాశంగా తీసుకుని హుక్కా నిర్వాహకులు విచ్చలవిడిగా రెచ్చిపోతున్నారని మంత్రి శ్రీధర్ బాబు అన్నారు. ఈ బిల్లును ఏకగ్రీవంగా ఆమోదించాలని మండలి సభ్యులను ఆయన కోరారు. దీనిపై మండలిలో చర్చ కొనసాగింది. ఈ అంశంపై బీఆర్ఎస్ ఎమ్మెల్సీ వాణీదేవి స్పందించారు. హుక్కా చాలా ప్రమాదకరమని, దీనికి యువత బానిసలు అవుతున్నారని చెప్పారు. మాదకద్రవ్యాల విక్రయదారులపై కఠిన శిక్షలు ఉండాలన్నారు.

సీఎం కేసీఆర్ కూడా రాష్ట్రంలో గుట్కాపై నిషేధం విధించారని బీఆర్ఎస్ ఎమ్మెల్సీ కవిత గుర్తు చేశారు. మరో వైపు రాష్ట్రంలో మాదకద్రవ్యాల వినియోగం బాగా పెరిగిపోయిందని, గ్రామీణ ప్రాంతాల్లోకి కూడా గంజాయి విస్తరించిందని చెప్పారు. ఇది చాలా మంచి బిల్లు అని ఆమె అన్నారు. మాదక ద్రవ్యాలపై కఠిన చర్యలు తీసుకోవాలని మండలి ఛైర్మన్ గుత్తా సుఖేందర్రెడ్డి పేర్కొన్నారు. ముఖ్యంగా గ్రామీణ ప్రాంతాలపై దృష్టిసారించాలని ఆయన సూచించారు.

పాజెక్టుల(Kaleshwaram Project) విషయంలో గత ప్రభుత్వం చేసిన దోపిడీని బయటపెట్టేందుకు సిద్ధమైంది. పాజెక్టుల(Kaleshwaram Project) విషయంలో గత ప్రభుత్వం చేసిన దోపిడీని బయటపెట్టేందుకు సిద్ధమైంది. ఈ మేరకు మేడిగడ్డ ప్రాజెక్టు సందర్శనకు మంగళవారం వెళ్లేందుకు సీఎం రేవంత్‌రెడ్డితో పాటు మంత్రులు సిద్ధమయ్యారు.

ఇప్పటికే మంత్రుల బృందం కాళేశ్వరం ప్రాజెక్ట్‌ను ఓసారి సందర్శించింది. మేడిగడ్డ ప్రాజెక్టులో పిల్లర్లు కుంగిపోవడం, బ్యారేజీ వంగడం, అన్నారం బ్యారేజ్‌లో డిజైన్ లోపాలను ఎత్తి చూపటంపై ప్రధానంగా వారు ఫోకస్ పెట్టినట్లు తెలుస్తోంది. ఈ పర్యటన అనంతరం అక్కడే సభ ఏర్పాటు చేసి సీఎం రేవంత్‌రెడ్డి కాళేశ్వరం ప్రాజెక్టుపై పవర్ పాయింట్ ప్రజెంటేషన్ ఇవ్వనున్నారు.

కాళేశ్వరం నిర్వహణకు బీఆర్ఎస్ చేసిన అవినీతిని, అవసరమైన విద్యుత్, ప్రస్తుతం అవుతున్న ఖర్చు, దీనివల్ల సాగునీరు అందుతున్న ఆయకట్టు వివరాలు అన్నింటిని చెప్పనున్నారు. సీఎం పర్యటన నేపథ్యంలో బ్యారేజీ దెబ్బతిన్న ప్రాంతాన్ని చదును చేయిస్తున్నారు అధికారులు. అదేవిధంగా కాళేశ్వరం వ్యూ పాయింట్ ప్రాంగణం వద్ద 3వేల మంది కూర్చునేలా ఏర్పాట్లు చేస్తున్నారు.

మావోయిస్టు ప్రభావిత ప్రాంతం కావడంతో పోలీసులు భద్రత ఏర్పాట్లను కట్టుదిట్టం చేశారు. ఇప్పటికే ఐజీ శ్రీనివాస్, భూపాలపల్లి ఎస్పీ కిరణ్ కరే మేడిగడ్డ బ్యారేజీ, కన్నెపల్లి పంప్ హౌస్ దగ్గర ఏర్పాట్లను పర్యవేక్షించారు. వాహన తనిఖీలు చేస్తూ కల్వర్టుల వద్ద బాంబు స్క్వాడ్ లతో తనిఖీలు నిర్వహిస్తున్నారు. మరోవైపు మేడారం సమ్మక్క సారలమ్మ జాతర ఈనెల 21 నుంచి జరగనుండగా సీఎం రేవంత్‌రెడ్డి వచ్చే అవకాశం ఉండడంతో అధికారులు తగు ఏర్పాట్లు చేస్తున్నారు.