Politics

అసెంబ్లీ ఎన్నికల ఓటమిపై ఇటీవల కేటీఆర్ (KTR) చేసిన వ్యాఖ్యలు సంచలనంగా మారిన విషయం తెలిసిందే. ఓటమికి బాధ్యులుగా ఎమ్మెల్యేలను చిత్రీకరించే విధంగా మాటలున్నాయని ఇప్పటికే పలువురు ఆరోపిస్తున్నారు.. ఈ సమయంలో ఎమ్మెల్సీ కవిత (MLC Kavitha) ఇదే రాగం అందుకొన్నట్టు తెలుస్తోంది. సోమవారం తెలంగాణ భవన్‌లో నిర్వహించిన నిజామాబాద్ లోక్ సభ సన్నాహక సమావేశంలో కీలక వ్యాఖ్యలు చేశారు..

ఈ మీటింగ్‌కు నిజామాబాద్ (Nizamabad) జిల్లా బీఆర్ఎస్ (BRS) ఎమ్మెల్యేలు, మాజీ ఎమ్మెల్యేలు, కీలక నేతలు హాజరయ్యారు. ఈ సందర్భంగా తాను స్వయంగా కార్యకర్తలను కలిసేందుకు వస్తే.. బీఆర్ఎస్ నేతలే రకరకాల అడ్డంకులు సృష్టించారని కవిత మండిపడ్డారు. మాజీ ఎమ్మెల్యేలు నియోజకవర్గం కోటరీ ఏర్పాటు చేసుకొన్నారని సీరియస్ అయ్యారు.. ప్రజలను సమన్వయ పరచుకుని ముందుకు వెళ్లడంలో ఇక్కడి నేతలు విఫలం అయ్యారని పేర్కొన్నారు..

ప్రభుత్వ పథకాలను వారి కార్యకర్తలకే ఇవ్వడం వల్ల అసెంబ్లీ ఎన్నికల్లో పార్టీకి నష్టం జరిగిందని తీవ్రస్థాయిలో ధ్వజమెత్తారు.. కింది స్థాయి క్యాడర్ నేతలను కలవాలని భావిస్తే వారిని దూరం పెట్టారని.. ఈ చర్యల వల్ల తీవ్ర వ్యతిరేకత మొదలైందని తెలిపారు.. తెలంగాణ ఉద్యమంలో బీఆర్ఎస్‌కు అండగా నిలబడ్డ నిజామాబాద్ జిల్లాలో మనం ఓడిపోయాం అంటే.. నేతల పరిస్థితి ఎలా ఉందో అర్థం చేసుకోవాలని సూచించారు..

త్వరలో జరగనున్న పార్లమెంట్ ఎన్నికల్లో నిజాబామాద్ ఎంపీ సీటును గెలిచి బీఆర్ఎస్ అధినేత కేసీఆర్‌కు గిఫ్ట్ ఇవ్వాలని కోరారు. మరోవైపు బిల్కిస్ బానో(Bilkis Bano) కేసులో ఉన్న దోషుల ముందస్తు విడుదలను, సుప్రీంకోర్టు(Supreem Court) రద్దు చేస్తూ ఇచ్చిన తీర్పును స్వాగతించారు. ఈ మేరకు ఎక్స్ వేదికగా స్పందించిన కవిత.. ఇలాంటి తీర్పు మహిళలకు అండగా నిలుస్తుందనడానికి ఉదాహరణనని అభిప్రాయపడ్డారు.

లోక్ సభ ఎన్నికల పోరుకు బీఆర్ఎస్ (BRS).. కాంగ్రెస్ (Congress).. బీజేపీ (BJP).. ఇలా మూడు ప్రధాన పార్టీలు వ్యూహారచనలో ఉన్నారు.. ఇందులో భాగంగా రాష్ట్రంలో మరో ఎన్నికల సమరం మొదలవబోతుందనే సంకేతాలు అందుతున్నాయి.. ఉడుంపట్టులా ఉన్న బీజేపీ.. పరువు కాపాడుకునే పనిలో బీఆర్ఎస్.. గత వైభవాన్ని పొందాలనే ఆరాటంలో కాంగ్రెస్.. ఇలా ఎవరికి వారే ఉద్దండులుగా మారుతున్నారని అంటున్నారు..

మరోవైపు ఊరించిన పదవి ఈసడించడంతో రామన్న పార్లమెంట్ ఎన్నికలపై గట్టిగానే ఫోకస్ పెట్టినారని అనుకొంటున్నారు.. ఈ క్రమంలో సన్నాహక సమావేశాల్లో మాటలకు పదును పెంచినాడనే టాక్ వినిపిస్తుంది. ఇందులో భాగంగా హైదరాబాద్‌ తెలంగాణ భవన్‌లో, నిజామాబాద్ (Nizamabad) లోక్‌సభ స్థానం సన్నాహక సమావేశంలో (LokSabha Meeting) పాల్గొన్న కేటీఆర్ (KTR).. నేతలు, కార్యకర్తలకు దిశానిర్దేశం చేశారు.

తెలంగాణ ప్రయోజనాల పరిరక్షణ కోసం, ఢిల్లీలో గులాబీ జెండా ప్రాతినిథ్యం ఉండాల్సిందేనని అన్నారు. నిజామాబాద్ పార్లమెంట్ స్థానంలో ఓట్ల పరంగా బీఆర్ఎస్ మొదటి స్థానంలో ఉందని పేర్కొన్నారు. లోక్‌సభ ఎన్నికల్లో త్రిముఖ పోరు ఉండే అవకాశం ఉందని వెల్లడించారు. బీఆర్ఎస్‌కు గెలుపు ఓటములు కొత్త కాదని గుర్తు చేశారు.పేదలు, దళితులు, బీసీల ప్రయోజనాలకు దెబ్బకొట్టేలా కుట్ర చేస్తే, బీఆర్ఎస్‌ తరపున కొట్లాడుదామని పేర్కొన్నారు.

ఎన్నికల్లో గెలవడానికి కాంగ్రెస్ అడ్డగోలుగా 420 హామీలు ఇచ్చిందని విమర్శించారు. పేద ప్రజల కోసం ఉద్దేశించిన అనేక సంక్షేమ కార్యక్రమాలను రద్దు చేసేందుకు కుట్ర చేస్తోందని ఆరోపించారు. అదే జరిగితే ఆయా లబ్ధిదారులతో కలిసి తమ పార్టీ పోరాటం చేస్తుందని కేటీఆర్ తెలిపారు. కాంగ్రెస్ పార్టీ అస్తవస్త్య పనితీరు, పరిపాలనను ఎప్పటికప్పుడు ఎండగట్టేలా పార్టీ శ్రేణులు క్షేత్రస్థాయిలో పనిచేయాలని సూచించారు.

త్వరలో జరగనున్న లోక్‌సభ ఎన్నికలకు (Lok Sabha Elections).. తెలంగాణ (Telangana) బీజేపీ కసరత్తు మొదలు పెట్టింది. మెజారిటీ స్థానాల్లో గెలుపే లక్ష్యంగా 17 లోక్‌సభ స్థానాలకు ఇన్‌ఛార్జులను నియమించింది. వీరిలో 8 మంది ఎమ్మెల్యేలు, ఓ ఎమ్మెల్సీకి ఇన్‌ఛార్జులుగా అధిష్టానం బాధ్యతలు అప్పగించింది. అయితే బీజేపీ రాష్ట్ర అధ్యక్షులు కిషన్‌ రెడ్డి ఆధ్వర్యంలో తయారు చేసిన ఈ లిస్టులో, సీనియర్‌ నాయకులు బండి సంజయ్, ఈటల రాజేందర్, ధర్మపురి అర్వింద్, రఘునందన్‌రావు, మురళీధర్‌రావు లాంటి వాళ్లు ఎవరూ లేకపోవడం హాట్‌ టాపిక్‌గా మారింది.

మరోవైపు కిషన్‌రెడ్డి అధ్యక్షతన లోక్‌సభ ఎన్నికల్లో అనుసరించాల్సిన వ్యూహాలపై రెండు రోజుల పాటు సమావేశాలు జరిగాయి. బీజేపీ (BJP)కి ప్రస్తుతం రాష్ట్రంలో నలుగురు ఎంపీలున్నారు. తెలంగాణలో పార్టీ బలపడాలంటే వచ్చే ఎన్నికల్లో ఈ సంఖ్యను రెట్టింపు చేసుకోవాలని హైకమాండ్‌ టార్గెట్‌ పెట్టింది. ఆ దిశగా ముందుకు వెళ్లాలని సూచించినట్టు తెలుస్తోంది. జనంలోకి కేంద్రప్రభుత్వ పథకాలను తీసుకెళ్లి.. ప్రజలను తమవైపు తిప్పుకునేందుకు ఏం చేయాలనే అంశాలపై పార్టీ పెద్దలు శ్రేణులకు దిశానిర్దేశం చేశారు.

అయితే ఇటీవల జరిగిన అసెంబ్లీ ఎన్నికల్లో.. కిషన్ రెడ్డి తప్ప మిగిలిన ముగ్గురూ ఎమ్మెల్యేలుగా పోటీచేసి ఓడిపోయారు. తాము ఎంపీగా ప్రాతినిధ్యం వహిస్తున్న నియోజకవర్గం పరిధిలోని ఒక సెగ్మెంటులో పోటీచేసి నెగ్గలేకపోయిన వారు.. మొత్తం ఏడు సెగ్మెంట్ల ప్రజల ఆదరణ ఎలా పొందగలరు? ఎలా మళ్లీ ఎంపీగా నెగ్గగలరు? అనే సందేహం లేవనెత్తుతున్నారు.. మరోవైపు కాంగ్రెస్ (Congress) గత పార్లమెంటు ఎన్నికల సమయానికి ఉన్నంత బలహీన స్థితిలో ఇప్పుడు లేదు. పైగా అధికారంలో ఉంది. ఖచ్చితంగా వారికి కొన్ని ఎడ్వాంటేజీలు ఉంటాయి.

అదే సమయంలో బీఆర్ఎస్ (BRS) తీరు సైతం బీజేపీకి కొరకరాని కొయ్యగా మారావచ్చని అంటున్నారు.. ఓటమి వల్ల పోయిన పరువు నిలబెట్టుకోవాలంటే ఎంపీ ఎన్నికల్లో సత్తా చాటాలనే ప్లాన్ లో ఉన్నట్టు తెలుస్తుంది. ఈ పరిస్థితుల్లో పదికి పైగా సీట్లు గెలవాలని కాషాయం ఆశపడడం తప్పు కాదుగానీ, ఉన్నవి నిలబెట్టుకోగలరా? అనే సందేహాలున్నాయి. ఇక ఏదైతే అది జరగని అనే ధీమాతో ముందుకు వెళ్తున్న బీజేపీ.. హైదరాబాద్ స్థానానికి ఇంఛార్జీగా గోషామహల్‌ ఎమ్మెల్యే రాజాసింగ్‌కు బాధ్యతలు అప్పగించింది.

ఆదిలాబాద్-పాయక్ శంకర్.. పెద్దపల్లి-రామారావు పాటిల్.. కరీంనగర్-ధనపాల్ సూర్యనారాయణ గుప్తా.. నిజామాబాద్-ఏలేటి మహేశ్వరరెడ్డి.. జహీరాబాద్-కాటిపల్లి వెంకటరమణరెడ్డి.. మెదక్-పాల్వాయి హరీష్ బాబు.. మల్కాజ్‌గిరి-పైడి రాకేష్ రెడ్డి.. సికింద్రాబాద్-కే.లక్ష్మణ్.. చేవెళ్ళ-ఏవీఎన్ రెడ్డి.. మహబూబ్‌నగర్-రామచంద్రరావు.. నాగర్‌కర్నూల్-మాగం రంగారెడ్డి.. నల్లగొండ-చింతల రామచంద్రారెడ్డి.. భువనగిరి-ఎన్వీఎస్ఎస్ ప్రభాకర్.. వరంగల్-మర్రి శశిధరరెడ్డి.. మహబూబాబాద్-గరికపాటి మోహనరావు.. ఖమ్మం-పొంగులేటి సుధాకర్ రెడ్డి మొదలగు వీరిని ప్రకటించింది.

కాంగ్రెస్ అధికారంలోకి వచ్చినప్పటి నుంచి.. ప్రతిపక్షం నుంచి తీవ్ర విమర్శలు ఎదుర్కొంటుందన్న ఆరోపణలున్నాయి. అయితే వారి విమర్శలకు కాంగ్రెస్ నేతలు సైతం ధీటుగా సమాధానాలు ఇస్తున్న దృశ్యాలు కనిపిస్తున్నాయి. ఇక సమయం చిక్కినప్పుడల్లా బీఆర్ఎస్ పాలన తీరుపై మండిపడుతున్న కాంగ్రెస్ (Congress) ఎమ్మెల్సీ జీవన్ రెడ్డి (MLC Jeevan Reddy) తాజాగా బీఆర్ఎస్, బీజేపీలపై సంచలన వ్యాఖ్యలు చేశారు.

రాష్ట్రాన్ని అప్పుల్లోకి నెట్టిన కాళేశ్వరంపై న్యాయ విచారణను బీఆర్ఎస్ (BRS) అడ్డుకోవాలని చూస్తోందని.. ఇందుకు బీజేపీ (BJP) సైతం సపోర్ట్ చేస్తోందని ఆరోపణలు చేశారు.. నేడు గాంధీ భవన్‌లో మీడియాతో మాట్లాడిన ఎమ్మెల్సీ జీవన్ రెడ్డి.. ప్రాజెక్ట్ అవినీతిపై జ్యూడీషియల్ ఎంక్వైరీ చాలా పారదర్శకమైనదని అభిప్రాయపడ్డారు. నిష్పక్షపాతంగా విచారణ చేపట్టబోతున్నట్లుగా వెల్లడించారు.

రాష్ట్రంలో ప్రభుత్వం ఏర్పడి సంవత్సరాలు గడిచిందా అని ప్రశ్నించారు.. ఎప్పుడెప్పుడు ప్రభుత్వాన్ని కూల్చుదామనే ఆలోచనలో ఉన్న బీఆర్ఎస్ నేతలు.. తెలంగాణ రాష్ట్రంలో నంబర్‌ వన్‌ 420 కేసీఆర్‌, మోసగాడు కేటీఆర్‌ (KTR).. ముందు ఇది గ్రహించండని జీవన్ రెడ్డి విమర్శలు చేశారు.. కాంగ్రెస్ అధికారంలోకి వచ్చి నెలరోజులు గడవక ముందు నుంచి కొత్త వేషం కట్టి.. హామీలను అమలు చేయలేదంటూ వేస్తున్న గెంతులు ఆపాలని సూచించారు..

ముందు వెనుక ఆలోచించకుండా కాంగ్రెస్‌ను 420 అని కేటీఆర్‌ అనడం ఆశ్చర్యంగా ఉందన్నారు. దళితుడిని సీఎం చేస్తానని, మూడుఎకరాల భూమి ఇస్తానని చెప్పి చేయని కేసీఆర్‌ ని, ఏమంటారని ప్రశ్నించారు. ఇలా మీరు పాలించిన తొమ్మిది సంవత్సరాల పాలనలో, ఎన్నో హామీలు ఆటకెక్కించారని గుర్తు చేసిన జీవన రెడ్డి.. అధికారం పోయిందనే ఆవేశంలో మీ తప్పులు మరచి మాట్లాడటం, మీ స్వార్థ బుద్ధిని తెలియచేస్తుందని అన్నారు..