Politics

ఐనవోలు జాతరకు (Ainavolu Jatara) వచ్చే భక్తులకు ఎలాంటి ఇబ్బందులు తలెత్తకుండా ఏర్పాట్లు చేస్తున్నట్టు దేవాదాయ శాఖ మంత్రి కొండా సురేఖ (Konda Surekha) తెలిపారు. 2024 లో జరిగే ఐనవోలు మల్లికార్జున జాతర ఏర్పాట్లపై సమీక్ష నిర్వహించిన మంత్రి.. జాతర ముగిసే వరకు అన్ని శాఖల అధికారులు అప్రమత్తంగా ఉండాలని కోరారు. ఐనవోలు, ప్రభుత్వం కొమురవెల్లి జాతర నిర్వహణను ప్రతిష్టాత్మకంగా తీసుకుందని తెలిపారు..

ఈ సమావేశానికి కలెక్టర్ సిక్తా పట్నాయక్, ఎమ్మెల్యే నాగరాజు, అధికారులు హాజరయ్యారు. మరోవైపు ఐనవోలు జాతర సంక్రాంతికి మొదలై ఉగాది వరకూ జరగనున్నది. రాష్ట్రం నలుమూలల నుంచి లక్షల్లో భక్తులు తరలి వచ్చే ఈ జాతరని.. మూడు నెలల పాటు అంగరంగ వైభవంగా నిర్వహిస్తారు. ఇందుకు గాను అంతరాయం లేని కరెంట్ సరఫరా, హైమాస్ లైట్ల ఏర్పాటు చేస్తున్నారు అధికారులు.

ఈమేరకు గతం కంటే ఇప్పుడు జరిగే జాతరలో మెరుగైసన సేవలు అందించేందుకు చర్యలు తీసుకోవాలని అధికారులను ఆదేశించారు మంత్రి కొండా సురేఖ. అదీగాక జాతర స్పెషల్ బస్సుల్లో కూడా మహిళలకు, ఉచిత ప్రయాణం కల్పించేలా చర్యలు తీసుకుంటామని తెలిపిన మంత్రి.. దీనిపై త్వరలో ప్రకటన చేస్తామన్నారు.. ఈసందర్భంగా మాట్లాడిన మంత్రి కొండా సురేఖ.. మేడారం, ఐనవోలు, కొమురవెల్లి మల్లన్న జాతర నిర్వహణను ప్రభుత్వం ప్రతిష్టాత్మకంగా తీసుకుందిని తెలిపారు.

మరోవైపు మేడారం జాతర సవ్యంగా జరిగేలా మంత్రి సీతక్క (Sitakka)తో కలిసి పనిచేస్తామన్నారు. భక్తుల క్యూలైన్ల ఏర్పాటు, జాతర ప్రాంగణంలో పారిశుధ్య నిర్వహణపై పై తప్పకుండా శ్రద్ధ వహించాలని అధికారులను కోరారు. వృద్ధులు, మహిళలు, గర్భిణీలకు ప్రత్యేక క్యూ లైన్లు ఏర్పాటు చేయాలని ఆదేశించారు. అత్యవసర సేవలు అందించేందుకు అంబులెన్స్ సైతం ఏర్పాటు చేస్తున్నట్లు మంత్రి వెల్లడించారు..

రాష్ట్రంలో కాంగ్రెస్ (Congress) అధికారంలోకి వచ్చిన తర్వాత.. మంత్రి పదవులు చేపట్టిన వారు.. వారి వారి శాఖలలో ఉన్న లోటుపాట్లపై సమీక్షలు నిర్వహిస్తున్న విషయం తెలిసిందే.. ఇప్పటికే పలువురు మంత్రులు అన్ని శాఖలలో అవినీతి జరిగిందంటూ ఆరోపణలు గుప్పిస్తున్నారు.. ఇక ప్రజల సంక్షేమం కోసం పాటుపడే మనిషిగా గుర్తింపు తెచ్చుకొన్న రాష్ట్ర పంచాయతీరాజ్ శాఖ మంత్రి సీతక్క.. ములుగు జిల్లా రంగారావు పల్లి గ్రామ సమీపంలో ఉన్న పంప్​హౌస్​ను పరిశీలించారు.

గత ప్రభుత్వం ఈ ప్రాంతానికి చుక్క నీరు ఇవ్వకుండా.. ఇతర ప్రాంతాలకు తీసుకుపోయిందని ఆరోపించారు. రామప్ప రిజర్వాయర్ (Ramappa Reservoir) ద్వారా పక్క నియోజకవర్గాలకు సాగునీరు అందిస్తోందని సీతక్క (Seethakka) మండిపడ్డారు.. ఈ ప్రాంత అన్నదాతలకు త్వరలోనే రెండు పంటలకు సాగునీరు అందించే విధంగా కృషి చేస్తానని మంత్రి హామీ ఇచ్చారు. రైతులకు గత ప్రభుత్వం నీళ్లు ఇవ్వకుండా అన్యాయం చేసిందని.. ఇప్పుడు అలా జరగదని పేర్కొన్నారు..

పంప్​హౌస్ నుంచి మిగతా మండలాలకు సైతం సాగు నీరు అందేలా కృషి చేస్తానని తెలిపిన సీతక్క.. ఈ అంశాన్ని ముఖ్యమంత్రి రేవంత్​ రెడ్డి (Revanth Reddy) దృష్టికి తీసుకెళ్ళి పరిష్కారం అయ్యే దిశగా ప్రయత్నిస్తానని తెలిపారు.. మరోవైపు జంగాలపల్లి చెరువులోకి నీరు వదిలేందుకు అధికారులు ప్రణాళిక సిద్ధం చేశారు. ఈరోజు సీతక్కఅదే పంపు స్విచ్ ఆన్ చేసి నీరు విడుదల చేశారు. ఈ పంపు కింద ములుగు మండలంలో 1,300 ఎకరాలు, పాకాల 2,300 ఎకరాలు సాగవుతుందని ఇరిగేషన్ అధికారులు తెలిపారు.

ఇదిలా ఉండగా.. సీతక్క బుల్లెట్ వదిలి, బ్యాలెట్ పట్టి.. మంత్రి పదవి చేపట్టిన విషయం తెలిసిందే.. గన్‌తో ఉన్నా, గన్‌మెన్‌తో ఉన్నా బలహీనవర్గాల కోసమే ఆరాటపడుతూ.. వారి కూడు, గూడు, గుడ్డ కోసమే తన పోరాటం అని సీతక్క పలుమార్లు తెలిపిన సంగతి తెలిసిందే.. ఈ క్రమంలో అధికారంలో ఉన్న సీతక్క ప్రజలకి ఏమేరకు మేలు చేస్తుందో చూడాలి అనుకుంటున్నారు..

బీఆర్ఎస్ (BRS) మాజీ ఎమ్మెల్యే గండ్ర వెంకట రమణారెడ్డి (Gandra Venkanta Ramana Reddy) భూపాలపల్లిలో నిర్మించిన వేకటేశ్వర స్వామి ఆలయం (Venkateswara Swamy temple) నిర్మాణం పై వస్తున్న ఆరోపణలకు స్పందించిన ఆయన కీలక వ్యాఖ్యలు చేశారు.. గెలిచిన ఎమ్మెల్యే గుడిపై రాజకీయం చేయడం మానుకోవాలని సూచించారు..

భూపాలపల్లి (Bhupalpalli)లో నిర్వహించిన మీడియా సమావేశంలో పాల్గొన్న గండ్ర.. వేంకటేశ్వర స్వామి ఆలయానికి సంబంధించి జరుగుతోన్న నిర్మాణాలను నిలిపివేయాలని మున్సిపల్, రెవెన్యూ అధికారులు నోటీసులు ఇచ్చినట్టు తెలిపారు.. అయితే వీటిపై హైకోర్టులో పిల్ వేయగా.. పరిశీలించిన కోర్టు నోటీసులను రద్దు చేసిందన్నారు.. నిర్మాణాలు జరుపుకోవడానికి అనుమతినిచ్చిందన్న విషయాన్ని గుర్తు చేశారు..

వేంకటేశ్వర స్వామి ఆలయ శంకుస్థాపన, విగ్రహ ప్రతిష్ఠాపన కార్యక్రమాల్లో కలెక్టర్‌తో పాటు రెవెన్యూ అధికారులందరూ పాల్గొన్నారని తెలిపిన గండ్ర వెంకట రమణారెడ్డి.. అధికారులందరికి ప్లాన్‌ తెలుసని అన్నారు.. గుడి నిర్మాణాలన్నీ అధికారులకు తెలిసే జరిగాయని, తానేమీ దాచలేదని వివరించారు.. కావాలని ఇలాంటి పనులు చేస్తున్నట్టు విమర్శించారు..

ఆలయం పనులు మొదలు పెట్టిన ఏడాది తర్వాత అక్రమ నిర్మాణాలని, అనుమతులు లేవని, స్థలానికి సంబంధించి కేసు కోర్టులో ఉందని చెప్పడం విడ్డూరంగా ఉందని గండ్ర మండిపడ్డారు.. గెలిచిన కాంగ్రెస్‌ ఎమ్మెల్యే వ్యక్తిగత కుట్ర రాజకీయాలకు తెరలేపుతున్నారన్నారని ఆరోపించారు.. ఇకనైనా ఆలయంపై కుట్రలు ఆపాలని వెంకట రమణారెడ్డి హితవు పలికారు..

దేశంలో కాంగ్రెస్ పార్టీ(Congress Party) పవర్‌లోకి వస్తేనే బీసీ(BC)లకు న్యాయం సాధ్యమని మాజీ రాజ్యసభ సభ్యుడు వి.హనుమంతరావు(VH) అన్నారు. సోషల్ మీడియాలో ఇవాళ(ఆదివారం) ఆయన ఓ వీడియో పోస్ట్ చేస్తూ కీలక వ్యాఖ్యలు చేశారు.

బీసీలకు న్యాయం జరగాలంటే కుల గణన చేయాల్సిందేనని నొక్కి చెప్పారు. రాబోయే ఎంపీ ఎన్నికల్లో కాంగ్రెస్ పార్టీకి చెందిన మెజార్టీ అభ్యర్థులను పార్లమెంటుకు పంపాలని వీహెచ్ రిక్వెస్ట్ చేశారు. దేశంలో కాంగ్రెస్ అధికారంలోకి రాగానే కుల గణన చేసి అన్ని కులాలకు న్యాయం చేస్తామని రాహుల్ గాంధీ మాట ఇచ్చారని గుర్తు చేశారు.

ఆరు గ్యారంటీలు అమలు చేస్తామని కాంగ్రెస్ పార్టీ చెప్పి అధికారంలోకి రాగానే అమలు ప్రక్రియ మొదలు పెట్టామని వీహెచ్ అన్నారు. మాట నిలబెట్టుకునే తత్వం ఇందిరమ్మ కుటుంబంలో ఉన్నదని, సోనియా గాంధీ తెలంగాణ ఇచ్చారని తెలంగాణ ప్రజలు గుర్తుంచుకోవాలన్నారు.

రాహుల్ గాంధీ కులగణన చేస్తామన్న హామీ తప్పకుండా అమలు చేస్తారని ధీమా వ్యక్తం చేశారు. దేశవ్యాప్తంగా సకల ప్రజలు సంపూర్ణమైన ఆనందంతో జీవించాలంటే కాంగ్రెస్ పార్టీ అధికారంలోకి రావాల్సిన ఆవశ్యకత ఉందని వీహెచ్ ఆ వీడియోలో చెప్పుకొచ్చారు.

తెలంగాణ (Telangana)లో కేసీఆర్ (KCR) సర్కార్ అత్యంత ప్రతిష్ఠాత్మకంగా రూపొందించిన కాళేశ్వరం ప్రాజెక్ట్ పై తీవ్ర ఆరోపణలు వస్తున్న విషయం తెలిసిందే.. బీఆర్ఎస్ అధికారంలో ఉన్నప్పుడు ఇవన్నీ బలం లేని వాదనలని గులాబీ నేతలు వాదించారు.. అయితే ఆ పార్టీ అధికారం కోల్పోయి.. కాంగ్రెస్ (Congress) అధికారంలోకి వచ్చినప్పటి నుంచి.. కాళేశ్వరం మ్యాటర్ రోజు వార్తల్లో నిలుస్తోంది.. ముఖ్యంగా మేడిగడ్డ బ్యారేజీ ( Medigadda Barrage) కుంగుబాటు అంశం రాజకీయాల్లో సంచలనం సృష్టించింది.

మేడిగడ్డలోని ఏడో బ్లాకులో 20వ పియర్‌తో పాటు 19, 21 పియర్స్ కుంగాయి. ముఖ్యంగా ఆరో బ్లాకులోని పలు పియర్స్‌పై ఉన్న ఇనుప దిమ్మెలు కదిలిపోయాయి. ఇనుప దిమ్మెలను అనుసంధానం చేసేందుకు వేసిన జాయింట్లు కూడా చాలా చోట్ల విరిగిపోయాయి. నిశితంగా పరిశీలిస్తే ఆరో బ్లాకుపై పలు ఆనవాళ్లు కనిపిస్తున్నాయని నీటిపారుదల శాఖ నిపుణులు చెబుతున్నారు. 19, 20, 21 పియర్స్‌పై ఉండే ఇనుప బీమ్‌లు కిందికి దిగడంతో వాటి మధ్య ఉండే జాయింట్లు పగిలిపోయాయని , 2, 23, 24 పియర్స్‌పైన ఉన్న బీమ్‌ల జాయింట్లు కూడా పగుళ్లు వచ్చి ఒరిగిపోయాయని వెల్లడించారు.

మరోవైపు ఏడో బ్లాకు ఒక్కటే కాకుండా సమీప బ్లాకుల్లో వచ్చిన మార్పులను సైతం నిశితంగా పరిశీలించాల్సిందేనని నిపుణులు భావిస్తున్నారు. అయితే ఇదివరకే పియర్స్‌ కుంగడంతో మూడు క్రెస్టు గేట్లను మార్చాల్సి వస్తుందని ఈఎన్సీ ప్రకటించిన విషయం తెలిసిందే. గేట్ల నిర్వహణకు ఏర్పాటు చేసిన వించ్‌, యాక్సెస్‌ లాడర్‌, వాక్‌ వే- 1, వాక్‌ వే-2, గేట్లను తెరిచేందుకు, మూసేందుకు ఉపయోగించే ప్రత్యేక పరికరం నడిచే గాంట్రీ వాక్‌ గిర్డర్‌ బీమ్‌లను పూర్తిగా మార్చనున్నట్లు వెల్లడించారు.

గత ప్రభుత్వ తీరుపై మండిపడ్డ మంత్రులు.. బ్యారేజీ ఏడో బ్లాకు సమీపంలో లీకేజీ ఉందని, చర్యలు చేపట్టాలని నిర్మాణ సంస్థకు 2022 ఏప్రిల్‌ 28న లేఖ రాసినప్పుడే ఎందుకు స్పందించి చర్యలు చేపట్టలేదని ప్రశ్నించారు.. మూడో టీఎంసీ తరలింపునకు మొదట భూగర్భ సొరంగం నిర్మాణానికి అనుమతి ఇచ్చారని, తర్వాత పైపులైనుకు మార్చారని మంత్రులు తెలిపారు. నిర్మాణానికి సమయం సరిపోదనే మార్చినట్లు దస్త్రాల్లో చూపారని, రెండు టీఎంసీల పనులే పూర్తికానప్పుడు మూడో టీఎంసీ నిర్మాణాలకు అంత తొందర ఏం వచ్చిందని మంత్రులు మండిపడ్డారు..