Politics

తెలంగాణ (Telangana)లో ఎన్నికలకు మరికొద్ది సమయం ఉన్న నేపథ్యంలో పార్టీ అభ్యర్థుల మధ్య పోరు కీలక మలుపులు తిరుగుతుంది. ప్రతి నియోజకవర్గంలో పోటీ ఉత్కంఠంగా సాగే అవకాశం ఉందని కార్యకర్తలు భావిస్తున్నారు. మరోవైపు కాంగ్రెస్ (Congress)కూడా అసెంబ్లీకి పోటీ చేసే అభ్యర్థుల రెండో జాబితాను విడుదల చేసింది. ఈ జాబితాలో ప్రజా యుద్దనౌక గద్దర్ (Gaddar) కుమార్తె డాక్టర్ జీవీ వెన్నెల (GV-Vennela)కి అసెంబ్లీ టికెట్ కేటాయించింది కాంగ్రెస్ పార్టీ.. కాగా సికింద్రాబాద్ కంటోన్మెంట్ నుంచి వెన్నెల బరిలోకి దిగుతున్నారు.

మరోవైపు కంటోన్మెంట్ నుంచి దివంగత ఎమ్మెల్యే సాయన్న కూతురు లాస్య నందిత (Lasya-Nanditha) బీఆర్ఎస్ (BRS)నుంచి పోటికి దిగుతున్నారు. తన తండ్రి మృతి, మహిళ సెంటిమెంట్‌ లాస్యకు కలివస్తుందనే ధీమాతో గులాబీ బాస్, లాస్య నందితకి టికెట్ కేటాయించినట్టు పార్టీవర్గాల సమాచారం.

ఈ నేపథ్యంలో కాంగ్రెస్ కూడా బీఆర్ఎస్ వ్యూహానికి చెక్ పెట్టేలా అదే సెంటిమెంట్ తో వెన్నెలను బరిలోకి దింపుతున్నారని విశ్లేషకులు చెబుతున్నారు. గద్దర్ మృతి సానుభూతి, మహిళాకు ప్రాధాన్యత ఇవ్వటం వంటివి బేరీజు వేసుకొని పక్కా వ్యూహ్యంతో కాంగ్రెస్ పార్టీ వెన్నెలకు టికెట్ కేటాయించినట్టు తెలుస్తుంది. దీంతో సికింద్రాబాద్ కంటోన్మెంట్ పోరు రసవత్తరంగా మారింది.

ఒకవైపు మంచి నాయకునిగా పేరున్న సాయన్న కూతురు.. మరోవైపు తన గళంతో రాష్టాన్ని చైతన్య పరిచిన ఉద్యమ నాయకుడు, ప్రజా యుద్దనౌక గద్దర్ కుమార్తె మధ్య పోటీ తీవ్రమైన ఉత్కంఠకు తెర లేపింది.. వీరిద్దరి తండ్రులు ప్రజల గుండెల్లో నిలిచిన వారు కావడం.. వారిద్దరూ మరణించి ఉండటం.. ఇలా వీరికి సానుభూతి కలిసి వస్తుందని అంతా అనుకుంటున్నారు.

మరోవైపు గద్దర్ మరణించాక టీపీసీ రేవంత్ ఇతర కాంగ్రెస్ నేతలు దగ్గరుండి అంత్యక్రియలకు ఏర్పాట్లు చేశారు. అనంతరం ఆయన కుటుంబానికి తెలంగాణ అసెంబ్లీ ఎన్నికల్లో పోటీ చేసే అవకాశం కల్పిస్తామని కాంగ్రెస్ నేతలు ప్రకటించారు. ఆ తర్వాత గద్ధర్ కుటుంబం పేరు వార్తల్లో ఎక్కడా కనిపించలేదు. వినిపించలేదు. దీంతో పార్టీ టికెట్ మ్యాటర్ సస్పెన్స్‌గా మారింది.

కాగా ఇటీవల ప్రెస్‌మీట్ నిర్వహించిన గద్దర్ భార్య విమల, కుమార్తె వెన్నెల.. తమకు కాంగ్రెస్ పార్టీలో సభ్యత్వం లేదని కానీ ఆ పార్టీ సానుభూతి పరులమన్నారు. కాంగ్రెస్ టికెట్ ఇచ్చినా, ఇవ్వక పోయినా ఎన్నికల బరిలో నిలుస్తామని వెన్నెల స్పష్టం చేశారు. దీంతో వ్యూహాత్మకంగా ప్రవర్తించిన కాంగ్రెస్ కంటోన్మెంట్‌లో పార్టీకి నష్టం జరగకుండా.. వెన్నెలకు టికెట్ కేటాయించిందని అనుకుంటున్నారు. ఇలా రెండు ప్రధాన పార్టీలు ఒకేచోట మహిళలకి టికెట్లు కేటాయించటంతో కంటోన్మెంట్ పోరు ఆసక్తికరంగా మారుతుందనటంలో ఎలాంటి సందేహం లేదని అంతా అనుకుంటున్నారు..

తెలంగాణా (Telangana)లో అసెంబ్లీ ఎన్నికల ( Assembly Election)పోరు హమాస్-ఇజ్రాయిల్ (Hamas-Israel) యుద్ధాన్ని తలపించేలా సాగుతుంది. గత రెండు సార్లు ఎక్కువ పోటీ లేకుండానే.. తెలంగాణ సెంటిమెంట్.. బయటి పార్టీలు వస్తే రాష్ట్రం ఆగం అవుతుందన్న భయంతో ఓటర్లు టీఆర్ఎస్ (TRS)అలియాస్ బీఆర్ఎస్‌ (BRS)కు ఓట్లు వేశారు అనే టాక్ ప్రతిపక్షాల నుంచి వినిపిస్తుంది. కానీ ప్రత్యేక రాష్ట్రం వచ్చాక జరుగుతున్న ఈ మూడో అసెంబ్లీ ఎన్నికలలో కూడా తిరుగు లేదని అనుకుంటున్న బీఆర్ఎస్‌కి ఈ పోరు చెమటలు పట్టిస్తుందని ప్రజల మనోభావం..

ఈ ఎన్నికల్లో వ్యూహాత్మకంగా అడుగులు వేస్తున్న బీఆర్ఎస్‌కు సొంత పార్టీ నేతలు షాక్ ఇస్తున్నారు. అసమ్మతితో పార్టీని వీడుతుండటం అధిష్టానానికి తలనొప్పిగా మారింది. ఇప్పటికే పలు నియోజక వర్గాలలో అసంతృప్తి నేతలు పక్క పార్టీల్లో జంప్ అయ్యారు.. ఇంకా వలసలు కొనసాగుతున్నాయి.. ఈ నేపథ్యంలో సీఎం కేసీఆర్ (KCR)పార్టీ నేతలపై సీరియస్ అయినట్టు సమాచారం. అసమ్మతి నేతలను శాంతింపజేయాలని ఆదేశాలు ఇచ్చినప్పటికీ నేతలు విఫలం అవుతుండటం, పార్టీ మారుతుండటంపై పలువురు ఎమ్మెల్యే క్యాండిడేట్ లకు క్లాస్ తీసుకున్నట్టు వార్తలు వినిపిస్తున్నాయి.

నియోజకవర్గాల వార్ రూం నుంచి నిత్యం, అభ్యర్థితో పాటు ఇన్‌చార్జులు, నేతలను అలర్ట్ చేస్తున్నా ఎందుకు వలసలు పెరుగుతున్నాయని కేసీఆర్ ప్రశ్నించినట్టు సమాచారం. ఇప్పటికే అసమ్మతి నేతలు, కార్యకర్తల ఇంటికి వెళ్లి పార్టీ మారకుండా చూడాలని అధిష్టానం నేతలకు మార్గనిర్దేశం చేసింది. ప్రతీ ఓటు కీలకమని.. ఆదిశగా ప్రతీ ఒక్కరిని కలువాలని సంక్షేమం, అభివృద్ధి గురించి వివరించాలని ఆదేశించింది.

మరోవైపు అభ్యర్థి, సిట్టింగ్ ఎమ్మెల్యే, ఇన్‌చార్జుల వైఫల్యంతో పార్టీ నేతలు పక్క పార్టీలోకి జంప్ అవుతున్నారని వార్ రూంలు కేసీఆర్‌కు నివేదిక ఇచ్చినట్లు విశ్వసనీయ సమాచారం. ఈ నేపథ్యంలో నల్లగొండ, మల్కాజిగిరి, ఎల్బీనగర్, నాగార్జున సాగర్, మునుగోడు, జహీరాబాద్ ఇలా పాతిక నియోజకవర్గాలకు పైగా నేతలకు సీఎం క్లాస్ తీసుకున్నట్టు సమాచారం.

కేంద్రమంత్రి, బీజేపీ రాష్ట్ర అధ్యక్షుడు కిషన్‌రెడ్డి (Kishan Reddy) బీఆర్‌ఎస్‌ (BRS), కాంగెస్ (Congress)పార్టీల పై మండిపడ్డారు. హైదరాబాద్‌ (Hyderabad) నాంపల్లిలో నిర్వహించిన సమావేశంలో పాల్గొన్న కిషన్‌రెడ్డి బీజేపీకి ప్రజా సంక్షేమమే ముఖ్యమని.. పదవులు కాదని తెలిపారు. దోపిడి చేసే వారంతా ఒక్క చోట చేరారని విమర్శించారు.

ఈ టీమ్ అంతా కలసి.. తెలంగాణ ప్రజల టీమ్ అయిన బీజేపీ పై అసత్యాలు ప్రచారం చేస్తున్నారని మండిపడ్డారు. అయితే కిషన్‌రెడ్డి అధికారం శాశ్వతం కాదు.. ప్రతిపక్షంలో కూర్చోవడానికి తాము సిద్ధమని స్పష్టం చేయడంతో.. తెలంగాణలో బీజేపీ ఓటమిని ముందుగానే ఊహించిందా? అని రాజకీయ వర్గాలలో చర్చలు జరుగుతున్నాయంటున్నారు..

అధికారంలోకి రావాలని కొట్లాడే వాళ్ళు ప్రతిపక్షం అయినా ఓకే అని ఎలా అంటారని కార్యకర్తల్లో అనుమానపు బీజాలు మొలకెత్తాయని ప్రచారం జరుగుతోంది. మరికొందరు కిషన్ జీ నోట ప్రతిపక్షం మాట!.. ఎందుకు వచ్చిందని ఆరాతీసే పనిలో పడ్డారని అంటున్నారు. ఏది ఏమైనా ఈ మాట ఇప్పటి వరకు కాంగ్రెస్ కానీ, బీఆర్‌ఎస్‌ కానీ అనలేదు.. అనే సాహసం కూడా చేయదని కొందరు పార్టీ వర్గాలలో రహస్యంగా మాట్లాడుకొంటున్నారు.

ఇక ఈ ముచ్చట్లను అలా పక్కన పెడితే.. రాష్టంలో బీజేపీ అధికారంలోకి రావడానికి అందరూ కలిసి పనిచేయాలని కిషన్‌రెడ్డి కమలం శ్రేణులకు పిలుపునిచ్చారు. బీఆర్‌ఎస్‌, కాంగ్రెస్ అభ్యర్థులకు డబ్బులు పంచుతున్నారని కిషన్ రెడ్డి ఆరోపించారు. కాంగ్రెస్ దోపిడీ, హత్యల పాలన.. ఉద్యమం పేరుతో ప్రజలను ఆగం చేసిన బీఆర్ఎస్ పాలన చూసిన ప్రజలు బీజేపీకి ఒక్క ఛాన్స్ ఇవ్వాలని కిషన్ రెడ్డి కోరారు.