Politics

ఎంపీ అరవింద్, ఎమ్మెల్సీ కవితల మధ్య మాటల యుద్ధం నడుస్తోంది. తాజాగా ఎమ్మెల్సీ కవితపై ఎంపీ అరవింద్ సెటైర్లు విసిరారు. స్ట్రాంగ్ వార్నింగ్ ఇస్తూనే సాఫ్ట్‌గా సెటైర్లు విసిరారు. ఇందుకు సంబంధించిన వీడియో సోషల్ మీడియాలో రిలీజ్ చేశారు. ఇంతకీ.. ఆరవింద్ ఆ వీడియోలో కవితను ఉద్ధేశిస్తూ ఏం అన్నారంటే..

‘అయ్యెపాపం కవితకు బాగలేనట్టున్నది. సీఎం కేసీఆర్ కూతురు ఎన్నడు ఏపాపం చేయలేదు. రూపాయి కూడా తినలేదు. తెలంగాణ ప్రజలను ముంచలేదు. వందరోజుల్లో చెరుకు ఫ్యాక్టరీ, పసుపు బోర్డు, పసుపు ధర తెచ్చింది. పసుపు ధర తగ్గినప్పుడల్లా కేంద్రానికి కవిత తండ్రి సీఎం కేసీఆర్ లెటర్‌ రాసిండు.’అని సెటైర్లు విసిరారు. కవిత అసలు ఎమ్మెల్సీ పదవికే అర్హురాలు కాదన్నారు.

సీఎం కేసీఆర్ ఇటీవల మేనిఫెస్టోతో ప్రజలను మరోసారి మోసం చేసేందుకు సిద్ధమయ్యారని మండిపడ్డారు. ప్రజలు ఉండగా ఇవ్వనిది రైతు చనిపోతే రూ.5లక్షలు, అనారోగ్యంతో చనిపోతే రూ.10లక్షలు ఇస్తామనడంపై అసహనం వ్యక్తం చేశారు.  తెలంగాణలో కొవిడ్ మహమ్మారి వచ్చినప్పుడు ప్రజలు ఆసుపత్రి పాలై లక్షల డబ్బులు కడుతున్నా ఒక్కరికైనా ఆరోగ్యశ్రీ కానీ, కేంద్ర ప్రభుత్వం ప్రవేశపెట్టిన ఆయుష్మాన్ భవన్‌ పథకాన్ని కానీ అమలు చేసిన పాపాన పోలేదన్నారు. కేసీఆర్‌కు రాష్ట్ర ప్రజల ప్రాణాలంటే లెక్కలేదన్నారు. అందుకే ఆరోగ్య బీమా ఇవ్వకుండా చనిపోయాక బీమా డబ్బులు ఇస్తామంటున్నారని.. ఇవన్నీ దొరబుద్ధులు అంటూ ఫైర్ అయ్యారు.

ఒక తెలంగాణ ఆడబిడ్డేనా? అని అరవింద్ ప్రశ్నించారు. తన ఇంటిపైకి రౌడీలను పంపించి దౌర్జన్యానికి పాల్పడ్డప్పుడు కవిత ఆడపడుచు తనం ఏమైందని అరవింద్ విమర్శించారు. తనను చెప్పుతో కొట్టేంత సీన్ కవితకు లేదన్నారు. కవిత గురించి ఏమైనా అంటే తెలంగాణ ప్రజలు హర్షిస్తారే తప్పా సింపతి చూపించరన్నారు. తెలంగాణ ప్రజలను దోచుకొని, యువతకు ఉద్యోగాలు ఇవ్వకుండా ముప్పుతిప్పలు పెడుతున్నరని అన్నారు. యువతను గంజాయికి బానిసలను చేసి రాష్ట్రాన్ని సర్వ నాశనం చేశారని ఎంపీ అరవింద్ ధ్వజమెత్తారు.

మేడ్చల్ మాజీ ఎమ్మెల్యే మలిపెద్ది సుధీర్‌రెడ్డి(malireddy sudheerreddy) కాంగ్రెస్‌ పార్టీ(Congress party)లో చేరారు. టీపీసీసీ అధ్యక్షుడు రేవంత్‌రెడ్డి(Revanthreddy) ఆయన నివాసానికి వెళ్లి పార్టీ కండువా కప్పి కాంగ్రెస్‌లోకి ఆహ్వానించారు. ఈ సందర్భంగా సుధీర్‌రెడ్డి మాట్లాడుతూ.. 45ఏళ్ల తన రాజకీయ అనుభవంలో ఇంతటి అవినీతి ప్రభుత్వాన్ని చూడలేదని బీఆర్ఎస్‌పై నిప్పులు చెరిగారు.

మంత్రి మల్లారెడ్డి మేడ్చల్‌ నియోజకవర్గాన్ని పూర్తిగా అవినీతిమయం చేశాడని విమర్శించారు. రానున్న ఎన్నికల్లో మల్లారెడ్డిని ఓడించాలని తరిమికొట్టాలని పిలుపునిచ్చారు. తాను ఇప్పుడే బీఆర్‌ఎస్‌కు రాజీనామా చేస్తున్నట్లు ప్రకటించారు. తనతో పాటు వచ్చిన కార్యకర్తలకు ధన్యవాదాలు తెలిపారు.

టీపీసీసీ అధ్యక్షుడు రేవంత్‌రెడ్డి మాట్లాడుతూ.. ప్రజల ఆశీర్వాదంతో తెలంగాణలో కాంగ్రెస్ పార్టీ అధికారంలోకి వచ్చిన వెంటనే మేడ్చల్ నియోజకవర్గానికి ఐటీ హబ్‌ను తీసుకొస్తానని హామీ ఇచ్చారు. దీని ద్వారా మేడ్చల్ నియోజకవర్గం ఐటీ కంపెనీలతో కళకళలాడుతుందని చెప్పారు. కాంగ్రెస్ హామీ ఇచ్చిందంటే తప్పకుండా నెరవేరుతుందన్నారు.

కాంగ్రెస్ అధికారంలోకి వస్తే సీఎం ఎవరైనా తనకు అభ్యంతరం లేదని రేవంత్ అన్నారు. ప్రజా సమస్యలను పరిష్కరించే స్థానాన్నే తాను తీసుకుంటానని చెప్పారు. పార్టీలో కష్టపడ్డ నాయకులందరికీ తగిన ప్రధాన్యత కల్పిస్తామన్నారు. హరివర్దన్‌రెడ్డి, నక్క ప్రభాకర్‌లకు పార్టీలో సముచిత స్థానం ఉంటుందని వెల్లడించారు. సుధీర్‌రెడ్డిని మేడ్చల్ నియోజకవర్గంలో భారీ మెజార్టీతో గెలిపించాలని పిలుపునిచ్చారు.

తెలంగాణ (Telangana) అసెంబ్లీ ఎన్నికల (Assembly elections) షెడ్యూల్ వెలువడిన తర్వాత రాష్ట్ర రాజకీయాలు ఊహించని విధంగా మలుపులు తిరుగుతున్నాయి. ఇప్పటికే వ్యూహాత్మక నిర్ణయాలతో కేసీఆర్ (KCR) ముందుకు వెల్లుతుండగా కాంగ్రెస్ (Congress) కూడా మంచి జోరులో ఉంది. కాగా బీజేపీ (BJP) కూడా ఫామ్ లోకి వస్తుంది. ఈ క్రమంలో ప్రస్తుతం కేసీఆర్ పోటీ చేసే స్థానాల పై దృష్టి సారించింది.

కేసీఆర్ పోటీ చేస్తున్న గజ్వేల్, కామారెడ్డి నియోజకవర్గాల్లో బలమైన నేతలను బరిలోకి దించాలని ఆలోచిస్తున్నట్టు సమాచారం. అయితే కేసీఆర్‌పై పోటీ చేస్తామని బీజేపీ నేతలు బండి సంజయ్, ఈటల రాజేందర్ ఇప్పటికే సవాల్ చేశారు. గతంలో మెదక్ ఎంపీగా ఉన్న విజయశాంతి కూడా కామారెడ్డి నియోజకవర్గం పై కొంత ప్రభావం చూపారు. ఈ క్రమంలో సీఎం కేసీఆర్ పై గజ్వేల్ నుంచి సంజయ్, కామారెడ్డి నుంచి విజయశాంతి పోటీ చేయాలని బీజేపీ శ్రేణుల మనసులో మాట అంటున్నారు.

ఈ క్రమంలో కేసీఆర్ పై పోటీ చేసే అంశంపై విజయశాంతి ఆసక్తికర వ్యాఖ్యలు చేశారు. బీఆర్‌ఎస్‌పై రాజీలేని పోరాటంలో బీజేపీ వెనక్కి తగ్గదని కార్యకర్తలు భావిస్తున్నారు. అందుకే గజ్వేల్‌ నుంచి బండి సంజయ్‌, కామారెడ్డి నుంచి నన్ను కేసీఆర్‌పై పోటీ చేయాలన్నారు. అయితే అసెంబ్లీ ఎన్నికల్లో పోటీ చేయాలనేది నా ఉద్దేశ్యం కాదు.. అయితే వ్యూహాత్మక నిర్ణయాలను పార్టీ ఎప్పుడూ శాసిస్తుందనేది వాస్తవం అంటూ విజయశాంతి కామారెడ్డి పోటీపై ఇంకా సస్పెన్స్ కొనసాగిస్తూనే ఉన్నారు.

మరో వైపు ప్రతిపక్ష కాంగ్రెస్, బీజేపీ పార్టీలు అభ్యర్థుల వేటలో ఉండగానే కేసీఆర్ రాష్ట్రంలో పర్యటనకు శ్రీకారం చుట్టారు. ఇలా ప్రచారం చేసుకుంటున్న కేసీఆర్ తాను పోటీ చేసే నియోజకవర్గంపై పెద్దగా దృష్టి పెట్టకపోవచ్చు. దీంతో బలమైన అభ్యర్థులను నిలబెట్టి కేసీఆర్ ను ఓడించాలని…తద్వారా జాతీయ రాజకీయాలకు సిద్ధమైన బీఆర్ఎస్ పార్టీని నైతికంగా దెబ్బతీయాలని బీజేపీ భావిస్తోందని వార్తలు వినిపిస్తున్నాయి.

ప్రవల్లిక(Pravallika) అనే యువతి చనిపోతే కొందరు రాజకీయం చేశారని మంత్రి కేటీఆర్(minister ktr) విమర్శించారు. కరీంనగర్ జిల్లాలో బీఆర్ఎస్(Brs) ప్రజా ఆశీర్వాద సభలో మంత్రి కేటీఆర్ మాట్లాడుతూ ప్రతిపక్ష నాయకులు నాయకులు చిల్లర రాజకీయాలు చేస్తున్నారని మండిపడ్డారు. ప్రవల్లిక ఫ్యామిలీ తన దగ్గరికి వచ్చి జరిగిందేంటో చెప్పినట్లు వెల్లడించారు.

‘ఒకడి వేధింపుల వల్లే మా అమ్మాయి చనిపోయిందని ప్రవల్లిక తల్లి, తమ్ముడు ఆవేదన చెందారు. న్యాయం చేయాలని కోరారు. మీకు, మీ కుటుంబానికి బీఆర్ఎస్ అండగా ఉంటుందని చెప్పా. వాళ్ల తమ్ముడికి ఉద్యోగం ఇప్పిస్తాం. కుటుంబాన్ని ఆర్థికంగా ఆదుకుంటాం’ అని కేటీఆర్ తెలిపారు. అవసరమైతే టీఎస్‌పీఎస్‌సీని కూడా ప్రక్షాళన చేస్తామని, నిరుద్యోగులు తమపై విశ్వాసం ఉంచాలని కేటీఆర్ కోరారు.

కొట్లాడి తెచ్చుకున్న తెలంగాణలో ఈ పదేళ్ళలో ఎన్ని మార్పులు వచ్చాయో గమనించాలని కోరారు. మానేరు నీళ్లకోసం జరిగిన కొట్లాటలు ఇంక కళ్లముందే ఉన్నాయని తెలిపారు. నేడు ఆ పరిస్థితి మారిందన్న కేటీఆర్ కాళేశ్వరంతో కరీంనగర్ జిల్లా అంతా సజీవ జలధారగా మారిందన్నారు. గత ప్రభుత్వాలకు దీటుగా అభివృద్ధి జరుగుతోందని తెలిపారు.

హిందూ ముస్లింల మధ్య కొట్లాటలు పెట్టే సన్నాసులు కరీంనగర్‌లో ఉన్నారని మంత్రి కేటీఆర్ ధ్వజమెత్తారు. కరీంనగర్ బీఆర్ఎస్ ఎమ్మెల్యే అభ్యర్థి గంగుల కమలాకర్ చేతిలో చావు దెబ్బతిన్న బండి సంజయ్ దొంగ ఏడ్పుతో ఎంపీ అయ్యాడని తీవ్రస్థాయిలో మండిపడ్డారు. ‘ఎంపీ అయ్యాక కరీంనగర్ కి ఏం చేశారు? ఓ బడి తేలేదు.. కనీసం గుడి అయినా తేలేదు’. అంటూ ఆగ్రహం వ్యక్తం చేశారు.

తెలంగాణలో (Telangana) రాజకీయ పార్టీలు ప్రచారంలో దూసుకు పోతున్నాయి. ముఖ్యంగా బీఆర్‌ఎస్‌ (BRS), కాంగ్రెస్ (Congress) పార్టీలు తమ ప్రచారాల్లో స్పీడ్ పెంచాయి. ఈ క్రమంలో గ్రామ, పట్టణాలలో పర్యటనలు చేస్తూ ఓటర్లను ఆకట్టుకొనే ప్రయత్నాలలో నేతలు ఉన్నారు. మరోవైపు ఎన్నికల ప్రచారంలో భాగంగా కాంగ్రెస్ అగ్రనేతలు రాహుల్ గాంధీ (Rahul Gandhi), ప్రియాంక గాంధీ (priyanka Gandhi) ఇవాళ తెలంగాణకు రానున్నారు.

అయితే రాహుల్, ప్రియాంక గాంధీల రాక సందర్భంగా బీఆర్ఎస్ ఎమ్మెల్సీ కవిత పలు విమర్శలు సంధించారు. తెలంగాణలో చాలా మంచి వాతావరణం ఉంది. జాతీయ నేతలు వచ్చి ఆ వాతావరణాన్ని చెడగొట్టొద్దు అంటూ సెటైర్లు వేశారు. ఎన్నికలు వచ్చాయని తెలంగాణకు జాతీయ నేతలంతా క్యూకట్టి మరీ వస్తున్నారు. వీరంతా పదేళ్లలో తెలంగాణకు చేసిందేమీ లేదు గానీ ఓట్ల కోసం వస్తున్నారు అంటూ విమర్శించారు.

తెలంగాణ గురించి రాహుల్ గాంధీ కేంద్ర ప్రభుత్వాన్ని ప్రశ్నించింది, ఏమీ లేదు కానీ ఇప్పుడు తెలంగాణకు వచ్చి ఏం చెబుతారు..? అంటూ ప్రశ్నించారు. ప్రధాని మోదీ, రాహులు గాంధీలు రాష్ట్రంలో పర్యటిస్తే బీఆర్ఎస్ ప్రభుత్వం చేసిన అభివృద్ధి చూడాలి అంటూ సూచించారు. మరోవైపు కాంగ్రెస్, బీజేపీ కూడా బీఆర్‌ఎస్‌ పై తీవ్ర విమర్శలు చేస్తున్న విషయం తెలిసిందే. ఎన్నికల ప్రచారంలో ఈ విమర్శలనే ప్రధాన అస్త్రాలుగా మలచుకొన్నట్టు వీరి తీరు చూస్తే తెలుస్తోంది.