Politics

బీఆర్ఎస్(BRS) అధికారంలో ఉంటే నిజాంలు లేకుంటే హిందువులా అని మాజీ ఎమ్మెల్యే, మెదక్ ఎంపీ అభ్యర్థి రఘునందన్‌రావు ప్రశ్నించారు.  బీజేపీ(Bjp) రాష్ట్ర కార్యాలయంలో మీడియా సమావేశంలో మాట్లాడారు. మాజీ మంత్రి హరీశ్‌రావు(Harishrao)కు పలు ప్రశ్నలను సంధించారు.

వరంగల్‌లో పూజారి హత్య జరిగినప్పుడు హిందువునని గుర్తుకు రాలేదా? ఆ కుటుంబాన్ని పరామార్శించారా? అని ప్రశ్నించారు. భైంసాలో సంక్రాంతికి హిందువుల పై దాడులు జరిగితే మీ మామ ఎందుకు పోలేదు? అంటూ మండిపడ్డారు. హిందూ గాళ్ళు బొందు గాళ్ళు అనప్పుడు ఏమైంది? అని ఆగ్రహం వ్యక్తం చేశారు. పరీక్షల్లో ఎంట్రీల సమయంలో ఆడపిల్లల మెడలో తాళి బొట్టు తీసేసినప్పుడు మీలో హిందువు ఏమయ్యాడు? అని రఘునందన్‌రావు ప్రశ్నించారు.

అదేవిధంగా చెంగిచర్ల  ఘటనలో బాధితుల దగ్గరకు వెళ్ళారా? అంటూ ఆగ్రహం వ్యక్తం చేశారు. యాదగిరి గుట్ట ఆలయం నిర్మాణం దాతల ఫోన్లు కూడా టాప్ చేసి వాళ్ళ దగ్గర కూడా డబ్బులు లాక్కుని ఉంటారని, దేవుణ్ణి కూడా వదిలిపెట్టలేదన్నారు. హిందుత్వానికి పతిరేకంగా పనిచేసి ఇప్పుడు హనుమాన్ చాలీసా వచ్చు అని హరీశ్‌రావు నాలుగు తప్పులు చదివి కొత్త నాటకానికి తెర లేపాడంటూ మండిపడ్డారు. ఇప్పుడు మోకాళ్ల మీద యాదగిరిగుట్ట ఎక్కినా ప్రజలు మిమ్మల్ని నమ్మరని అన్నారు.

అదేవిధంగా తమ ఫోన్లు ట్యాపింగ్ అవుతున్నాయని దుబ్బాక ఎన్నికల సమయంలోనే తాను చెప్పానని రఘునందన్ రావు చెప్పుకొచ్చారు. రాధాకిషన్ ఇప్పుడు ట్యాప్ చేశామని ఒప్పుకున్నాడని చెప్పారు. అందులో దుర్మార్గంగా మా మీద కేసు పెట్టారన్నారు. ‘వివేక్ వెంకట స్వామి, కోమటి రెడ్డి రాజ్ గోపాల్‌రెడ్డిలు ఇప్పుడు అధికార పార్టీలో ఉన్నారు.. మీరు శిక్షించే స్థానంలో ఉన్నారు..’ అంటూ వ్యాఖ్యానించారు.

2015లో రేవంత్ రెడ్డి ఫోన్ ట్యాపింగ్ వ్యవహారాన్ని పక్కన పెట్టీ ఆ తర్వాత జరిగిన పోన్ ట్యాపింగ్‌లపై విచారణ అంటున్నారని తెలిపారు. రేవంత్ రెడ్డీ ఫోన్ ట్యాప్ చేసినప్పుడు ఇంటిలిజెన్స్ చీఫ్ ప్రస్తుత ఇంటిలిజెన్స్ చీఫ్ శివదర్ రెడ్డి కాదా? అని ప్రశ్నించారు. 2014 జూన్ 2 నుంచి జరిగిన పోన్ ట్యాపింగ్‌లపై విచారణ జరపాలని రఘునందన్‌రావు డిమాండ్ చేశారు. ఈ వ్యవహారంలో మొదటి ముద్దాయి కేసీఆర్, రెండో ముద్దాయి హరీశ్‌రావు, మూడో ముద్దాయిగా వెంకట్ రాంరెడ్డి, నాలుగో ముద్దాయిగా కేటీఆర్ పేరు చేర్చాలని డిమాండ్‌ చేశారు.

రాష్ట్రంలో సంచనాలకు తెరలేపిన ఫోన్ ట్యాపింగ్ (Phone Tapping Case) కేసు రోజుకో కీలక మలుపు తిరుగుతోంది.ఈ కేసులో అరెస్టు అయ్యి విచారణ ఎదుర్కొంటున్న నలుగురు ఎస్‌ఐబీ అధికారులు ఒక్కొక్కరిగా నోరు విప్పుతున్నారు. తాజాగా రాధాకిషన్ రావు(Ex Dsp Radakishan Rao) విచారణలో సంచలన విషయాలు వెల్లడించారు.అందులో ఫోన్ ట్యాపింగ్ వ్యవహారం అంతా గత ప్రభుత్వంలో సుప్రీం లీడర్ ఆదేశాల మేరకే చేశామని కుండ బద్దలు గొట్టారు.

రాధాకిషన్ రావు వాంగ్మూలం మేరకు కాంగ్రెస్ పార్టీ మంత్రులు, నేతలు ఒక్కొక్కరుగా బీఆర్ఎస్(BRS) పార్టీపై విమర్శనాస్త్రాలు ఎక్కుపెట్టారు. అయితే, తమ ఫోన్లనూ ట్యాపింగ్ చేశారని సిరిసిల్ల కాంగ్రెస్ నేత మహేందర్ రెడ్డి, మహబూబ్ నగర్ ఎమ్మెల్యే యెన్నం శ్రీనివాసరెడ్డిలు సోమవారం నగర పోలీస్ కమిషనర్ కొత్త కోట శ్రీనివాస్ రెడ్డికి ఫిర్యాదు చేసిన విషయం తెలిసిందే.

ఈ అంశంపై తాజాగా మాజీ మంత్రి కేటీఆర్(KTR) సోషల్ మీడియా ఎక్స్(X) వేదికగా స్పందించారు. ‘పైన చెప్పిన ఇద్దరు కాంగ్రెస్ ఎమ్మెల్యేలతో పాటు ఓ మంత్రిపై పరువు నష్టం, తనపై ఆరోపణలు చేసినందుకు గాను లీగల్ నోటీసులు పంపిస్తామన్నారు.

ఈ అవమానకరమైన, నిరాధారమైన, అర్థం లేని ఆరోపణలకు క్షమాపణ చెప్పండి లేదా లీగల్ యాక్షన్ ఎదుర్కోండి అంటూ హెచ్చరించారు. వాస్తవాలను ధృవీకరించకుండా ఈ చెత్తను బయటకు పంపుతున్న వార్తా సంస్థలకు కూడా లీగల్ నోటీసులు పంపుతామని’ కేటీఆర్ వార్నింగ్ ఇచ్చారు.

‘తెలంగాణలో కాంగ్రెస్ ప్రభుత్వం వచ్చాకే నీళ్లు తగ్గాయి.. కన్నీళ్లు పెరిగాయి..’ అని మాజీ మంత్రి, బీఆర్ఎస్ ఎమ్మెల్యే(BRS MLA) హరీశ్‌రావు(Harishrao) విమర్శించారు. ఆయన మంగళవారం మీడియా సమావేశంలో మాట్లాడుతూ అడుగడుగునా కాంగ్రెస్ పార్టీ రైతులకు అన్యాయం చేస్తోందన్నారు. ఎన్నికల్లో ఆ పార్టీ ఇచ్చిన ఏ హామీని అధికారంలోకి వచ్చాక నిలబెట్టుకోలేదన్నారు.

100రోజుల్లో అమలు చేస్తామని రైతులకు అనేక హామీలు ఇచ్చారని గుర్తుచేశారు. కాంగ్రెస్ ప్రభుత్వం(Congress Government) అభద్రతాభావంలో ఉన్నదని.. అందుకే విమర్శలు చేయడమే పనిగా పెట్టుకుందన్నారు. కరువు నివారణ చర్యలు చేపట్టాల్సింది పోయి రైతులకు అపాయాన్ని కలిగిస్తోందని మండిపడ్డారు. ఇది కాంగ్రెస్ తెచ్చిన కరువు అంటూ పునరుద్ఘాటించారు. బీఆర్ఎస్ పార్టీని విమర్శించే నైతిక హక్కు కాంగ్రెస్‌ నేతలకు లేదన్నారు.

లో ఓల్టేజీ సమస్యతో బావుల వద్ద మోటార్లు కాలిపోయి అన్నదాతలు సతమతమవుతున్నారని ఆవేదన వ్యక్తం చేశారు. రైతులను పరామర్శించేందుకు సీఎం, మంత్రులకు తీరికలేదా? అని ప్రశ్నించారు. బీఆర్ఎస్ హయాంలో రైతులను కంటిరెప్పలా కాపాడుకున్నామని హరీశ్‌రావు గుర్తుచేశారు. ఎప్పుడూ రైతుల పక్షానే బీఆర్ఎస్ ఉందన్నారు. ఇందులో భాగంగా కేసీఆర్ పొలం బాట పట్టడంతో కాంగ్రెస్ దిద్దుబాటు చర్యలకు దిగిందని చెప్పుకొచ్చారు.

కేసీఆర్ పర్యటనతోనే కాంగ్రెస్ ప్రభుత్వం రైతులకు నీటిని విడుదల చేసిందన్నారు. అదేవిధంగా 24 గంటల్లో కూడవెళ్లి వాగులోకి నీటిని విడుదల చేయాలని డిమాండ్ చేశారు. లేదంటే పెద్దఎత్తున ఉద్యమం చేపడతామని హెచ్చరించారు. పంట నష్టపోయిన రైతుకు రూ.25వేల నష్టపరిహారం ఇవ్వాలన్నారు. డిసెంబరు 9న రుణమాఫీ చేస్తామని చేయలేదన్నారు. అన్ని పంటలకు రూ.500 బోనస్ ఇచ్చి కొనాలని డిమాండ్ చేస్తున్నట్లు తెలిపారు.

బీజేపీ జాతీయ సెక్రటరీ, ఎంపీ బండి సంజయ్ కుమార్(MP Bandi sanjay kumar) కరీంనగర్ జిల్లాలోని ఆయన కార్యాలయంలో రైతు దీక్ష(Raithu deeksha)ను మంగళవారం ప్రారంభించారు. ఆయన వెంట బీజేపీ నేతలు,కార్యకర్తలు పెద్దఎత్తున ఉన్నారు. బండి సంజయ్ ముందుగా చెప్పిన విధంగా నేడు కలెక్టరేట్ వద్ద రైతు దీక్ష పేరుతో నిరసన చేపట్టడానికి వెళ్తుండగా.. చివరి నిమిషయంలో పోలీసులు అనుమతి నిరాకరించారు.

ఎన్నికల కోడ్ కారణంగా అనుమతి ఇవ్వలేమని చెప్పారు. దీంతో బండి తన ఎంపీ ఆఫీసులోనే రైతు దీక్ష చేయాలని నిర్ణయించారు. పోలీసులు అనుమతి నిరాకరిస్తారని బీజేపీ శ్రేణులు ముందుగానే గ్రహించి ప్రత్యామ్నాయ ఏర్పాట్లు చేసినట్లు తెలిసింది. రైతు దీక్ష ప్రారంభించిన సందర్భంగా బండి సంజయ్ మాట్లాడుతూ.. కాంగ్రెస్ పార్టీ తెలంగాణ ప్రజలను మోసం చేసిందన్నారు. ఆరు గ్యారెంటీలను నమ్మి ఓటేస్తే ఇచ్చిన హామీలను కాంగ్రెస్ ప్రభుత్వం అమలు చేయడం లేదని విమర్శించారు.

100 రోజుల్లోగా ఆరు గ్యారెంటీలను అమలు చేస్తామని అన్నారు. వంద రోజులు పాలన పూర్తయినా హామీల అమలు ఏమైందని ప్రశ్నించారు. కేంద్రం ఇచ్చే మద్దతు ధరతో పాటు 500 బోనసు ఇస్తామన్నారు.దీనిపై‌ నేటికి స్పష్టత ఇవ్వలేదని మండిపడ్డారు. గత బీఆర్ఎస్ సర్కారు తరుగు,తాలు‌ పేరుతో రైతులను దోచుకుంది. ఇప్పుడైనా కాంగ్రెస్ సర్కార్ తప్పతాలు,తరుగు లేకుండా పండించిన పంటని కొనాలి. వడగండ్లు, నీరు లేక ఎండిపోయిన పంటలకు నష్టపరిహారం కింద రూ.20వేలు చెల్లించాలని డిమాండ్ చేశారు. అంతేకాకుండా రూ.2 లక్షల రుణమాఫీ ఎప్పుడు చేస్తారని ప్రభుత్వాన్ని నిలదీశారు.

పంటలు దెబ్బతిని నష్టపోయిన రైతులకు ఎకరాకు రూ.10వేలు ఇస్తామని మంత్రులు చెప్పారు. ఇప్పటివరకు రూపాయి కూడా ఇవ్వలేదు.రైతు భరోసా పేరుతో కౌలు రైతులకు రూ.15000 ఇస్తామన్నారు అది కూడా దిక్కులేదన్నారు.తెలంగాణలో పసల్ భీమా అమలు‌ చేయాలని, ఎన్నికల మేనిఫెస్టోలో ఇచ్చిన హామీలను వెంటనే అమలు చేయాలని బండి కాంగ్రెస్ ప్రభుత్వాన్ని డిమాండ్ చేశారు.