Politics

పార్లమెంట్ ఎన్నికల వేళ కాంగ్రెస్ పార్టీ(Congress party)కి దేశవ్యాప్తంగా వరుసగా షాకులు తగులుతూనే ఉన్నాయి.ఆ పార్టీలో గత కొన్నేళ్లుగా కొనసాగుతున్న సీనియర్ లీడర్లు కాషాయ పార్టీలో చేరారు. మరికొందరు సొంత కుంపటి ఏర్పాటు చేసుకునే పనిలో ఉన్నారు. ఇంకొందరు ఇండిపెండెంట్ అభ్యర్థిగా పోటీ చేసేందుకు సుముఖత వ్యక్తం చేస్తున్నారు.

ఈ క్రమంలోనే ఆ పార్టీ ఢిల్లీ చీఫ్‌గా పనిచేస్తున్న అరవిందర్ సింగ్ లల్లీ (Aravinder Lovely) తన పదవికి రాజీనామా చేశారు.ఈ మేరకు తన రాజీనామా(Resignation) లేఖను ఏఐసీసీ (AICC) పెద్దలకు పంపించారు. ఆయన పార్టీని వీడటానికి బలమైన కారణం ఉందని సమాచారం. మొన్నటివరకు దేశంలో కాంగ్రెస్ పార్టీ నిర్మూలన కోసం పనిచేసిన ఆమ్ ఆద్మీ పార్టీతో హస్తం నేతలు లోకసభ ఎన్నికల్లో పొత్తు పెట్టుకోవడమే ఇందుకు కారణంగా తెలుంస్తోది.

ఆప్ పార్టీతో పొత్తును ఢిల్లీ కాంగ్రెస్ యూనిట్ వ్యతిరేకించినా అధిష్టానం పొత్తుకే మొగ్గుచూపింది.దీంతో అసహనం వ్యక్తం చేసిన అరవిందర్ కాంగ్రెస్ పార్టీ ప్రాథమిక సభ్యత్వానికి రాజీనామా చేసినట్లు సమాచారం. అంతకుముందు ఆప్ తో పొత్తు వద్దని ఏఐసీసీ ఢిల్లీ ఇన్‌చార్జి దీపక్ బాబ్రియాతో కూడా ఇటీవల అరవిందర్ వాగ్వాదానికి దిగారు. అరవిందర్‌సై ఏఐసీసీకి అధికంగా ఫిర్యాదులు అందడంతో ఢిల్లీ కాంగ్రెస్ కమిటీ క్రమశిక్షణా చర్యలకు సిద్ధమైంది.

ఈ నేపథ్యంలోనే ఆయన కాంగ్రెస్ పార్టీకి రాజీనామా చేసినట్లు తెలిసింది.అయితే, అరవిందర్ 15ఏళ్లుగా కాంగ్రెస్ పార్టీలో పనిచేస్తున్నారు. ఢిల్లీ సీఎంగా షీలా దీక్షిత్ ఉన్న టైంలో ఆమె కేబినెట్‌లో అరవిందర్ మంత్రిగా పనిచేశారు.2017 మున్సిపల్ కార్పొరేషన్ ఎన్నికల ముందు బీజేపీలో చేరిన అరవిందర్.. తిరిగి ఏడాదికే కాంగ్రెస్ పార్టీలో చేరడంతో అధిష్టానం అతనికి ఢిల్లీ చీఫ్ పదవిని కట్టబెట్టింది.

దేశవ్యాప్తంగా రెండో విడత పార్లమెంట్ ఎన్నికలు(Parliament Elections) ప్రశాంతంగా ముగిసిన విషయం తెలిసిందే.అయితే, ఒక్క మణిపూర్(Manipur) రాష్ట్రంలో మాత్రం కొన్ని చెదురుముదురు సంఘటనలు చోటుచేసుకున్నాయి. పోలింగ్ బూతుల వద్ద అవాంఛనీయ ఘటనలో చోటుచేసుకోవడంతో ఆయా బూతుల వద్ద రీపోలింగ్ నిర్వహించాలని ఈసీ(Election Commission) సంచలన నిర్ణయం తీసుకుంది.

ఇదివరకు జరిగిన పోలింగ్‌ను రద్దు(Polling Cancel) చేస్తున్నట్లు ప్రకటించింది. రెండో విడత సార్వత్రిక ఎన్నికల్లో భాగంగా మణిపూర్‌లోని 6 పోలింగ్ కేంద్రాల్లో శుక్రవారం పోలింగ్ జరిగింది. అయితే, ఆయా పోలింగ్ కేంద్రాల్లో గుర్తుతెలియని కొందరు దుండగులు ఈవీఎంలు పగలగొట్టినట్లు సమాచారం. దీనికి తోడు పలు హింసాత్మక ఘటనలు చోటుచేసుకున్నాయి.

అదేవిధంగా రిగ్గింగ్ కూడా జరిగిందని ఆరోపణలు పెద్ద ఎత్తున వెల్లువెత్తాయి. ఈ ఘటనపై మణిపూర్ కాంగ్రెస్ యూనిట్ కూడా ఈసీకి ఫిర్యాదు చేసింది.
దీంతో ఈనెల 30న ఉదయం గంటల నుంచి సాయంత్రం 4 గంటల వరకు మరోసారి పోలింగ్ నిర్వహిస్తామని ఈసీ ఆదేశించింది. ఈ మేరకు ప్రజాప్రాతినిధ్య చట్టం 1951లోని సెక్షన్ 58(2),58A (2) ప్రకారం ఆదేశాలు జారీ చేసింది.

మణిపూర్లోని షాంగ్ షాక్ ఎ, ఉఖ్రుల్ (ఎ), ఉఖ్రుల్ (D-1), ఉఖ్రుల్ (F), చింగై, ఓయినం (A1) బూతుల్లో రీపోలింగ్ నిర్వహించనున్నట్లు ఎన్నికల ప్రధాన అధికారి ప్రదీప్ కుమార్ ఝా తెలిపారు. ఓటింగ్ కోసం ఓటర్లు భారీగా తరలిరావాలని పిలుపునిచ్చారు. కాగా, ఔటర్ మణిపూర్ పార్లమెంట్ స్థానం పరిధిలోని 28 అసెంబ్లీ నియోజకవర్గాలకు గాను 13 సెగ్మెంట్లలోని 848 పోలింగ్ కేంద్రాల్లో ఈ నెల 26న పోలింగ్ జరిగిన విషయం తెలిసిందే.

ఇటీవల పార్లమెంటుకు జరిగిన రెండు దశల పోలింగ్ లోనూ బీజేపీ(BJP)కి స్పష్టమైన మెజార్టీని ప్రజలు కట్టబెట్టారని ప్రధాని మోడీ(PM MODI) అన్నారు. ఆదివారం మహారాష్ట్రాలోని కొల్హాపూర్‌‌లో ఆయన బీజేపీ నేతృత్వంలోని ఎన్డీయే కూటమి తరఫున ప్రచారం నిర్వహించారు.

2024 పార్లమెంట్ ఎన్నికల్లో విద్వేషపూరిత ప్రసంగాలు చేసే ప్రతిపక్ష నాయకులకు ప్రజలు తగిన బుద్ది చెబుతారని మోడీ పేర్కొన్నారు. ఒకవేళ ఇండియా కూటమి పొరపాటున అధికారంలోకి వస్తే ఐదేళ్లలో ఐదుగురు ప్రధానులు మారుతారని ఎద్దేవా చేశారు.

ప్రస్తుతం నకిలీ శివసేన పార్టీ కాంగ్రెస్‌(CONGRESS)తో మహారాష్ట్ర(MAHARASTRA)లో పొత్తు పెట్టుకుందని… ఈ విషయం శివసేన(SHIVASENA) వ్యవస్థాపకులు బాల్ థాకరేకు తెలిస్తే కుమిలిపోతారన్నారు. కాంగ్రెస్ పార్టీ అధికారంలోకి వస్తే దేశవ్యాప్తంగా కర్ణాటక మోడల్‌ను అమలు చేద్దామని చూస్తోందన్నారు.

ఓటు బ్యాంకు, బుజ్జగింపు రాజకీయాల కోసం ఆ పార్టీ పరితపిస్తోంది. వారసత్వ, పన్ను, సంపద తిరిగి పంపిణీ చేయాలని చెబుతూ ప్రజల సొమ్మును మింగేసే ఆలోచనలో ఆ పార్టీ నేతలు ఉన్నారన్నారు. ఇప్పటివరకు జరిగిన రెండు దశ పోలింగ్ లోనూ బీజేపీ ఆధిక్యంలో ఉందన్నారు. కొల్హాపూర్‌ను ఫుట్ బాట్ హబ్‌గా పిలుస్తారు. ప్రస్తుతం ఎన్డీయే ‘2-0’ మెజార్టీ సాధించిందన్నారు.

దేశవ్యతిరేక విధానాలు, విద్వేష రాజకీయాలకు పాల్పడుతున్న కాంగ్రెస్ కూటమి రెండుసార్లు సెల్ఫ్ గోల్ వేసుకుందని ప్రధాని మోడీ విమర్శించారు. ఆర్టికల్ 370ని తిరిగి తెస్తామని, సీఏఏను రద్దు చేస్తామని కాంగ్రెస్ తన మేనిఫోస్టోలో పెట్టిందని.. మోడీ తీసుకున్న నిర్ణయాలను ఎవరైనా మార్చగలరా? అలా చేస్తే పరిణామాలు ఎలా ఉంటాయో వారికి తెలియదా? ఇలాంటి వారి ఓటుతో బుద్ది చెప్పాలని మోడీ పిలుపునిచ్చారు.