Politics

పార్లమెంట్ ఎన్నికల (Parliament Elections) తర్వాత పొంగులేటి శ్రీనివాస రెడ్డి (Ponguleti Srinivasa Reddy) సీఎం అంటూ సోషల్ మీడియాలో జోరుగా ప్రచారం జరుగుతున్న సంగతి తెలిసిందే.. అయితే ఈ ప్రచారం పై స్పందించిన మంత్రి కీలక వ్యాఖ్యలు చేశారు.. పళ్ళు ఉన్న చెట్టుకే రాళ్ల దెబ్బలు తగులుతాయని.. తన దగ్గర పండ్లు ఉన్నాయన్నారు. సీఎం వెంట రోజు ఉంటే నంబర్ టూ ఎలా అవుతానని ప్రశ్నించారు.

నేను సీఎం కావాలంటే హైకమాండ్ కూడా నాలో కొన్ని ఈక్వేషన్స్ చూస్తుంది కదా !.. అని క్వచ్చన్ వేశారు.. మీడియాతో చిట్ చాట్ సందర్భంగా మంత్రి పొంగులేటి ఆసక్తికరంగా మాట్లాడారు.. తనకు సీఎం కావాలన్న ఆశలేదని తెలిపారు. కానీ కొంత మంది నేతలు పనిగట్టుకొని అబద్ధపు ప్రచారాలు చేస్తున్నట్లు ఆరోపించారు.. తెలంగాణకు న్యాయం చేయడం నచ్చిని కొందరు నేను బీజేపీలోకి వెళ్తున్నారనే పుకార్లకు తెరతీశారని మండిపడ్డారు..

తమ ప్రభుత్వంకు ఫోన్ ట్యాపింగ్ చేయవలసిన అవసరం లేదని.. అలాంటి పనులు చేసే వారు ఇంట్లో కూర్చున్నారని ఆరోపించారు.. లోక్ సభ ఎన్నికల్లో కాంగ్రెస్ (Congress) డబుల్ డిజిట్ ఎంపీ సీట్లు గెలవబోతుందని మంత్రి పొంగులేటి జోస్యం చెప్పారు. బీఆర్ఎస్ మీద మేము కక్షపూరితంగా కేసులు పెడుతున్నామని ఆరోపణలు చేయడం హాస్యాస్పదంగా ఉందన్న మంత్రి.. వారి బుద్ధిని మాపై రుద్దాడానికి ప్రయత్నిస్తున్నారని విమర్శించారు..

గత ప్రభుత్వంలో అధికార దుర్వినియోగానికి పాల్పడింది ఎవరో ప్రజలకు తెలుసని వివరించారు.. అదేవిధంగా జలాశయంలో నీరు లేకపోవడం, పంటలు ఎండిపోవడం వంటి ఫొటోలు.. వీడియోలు పెట్టి కొన్ని మీడియా సంస్థలు కాంగ్రెస్ ప్రభుత్వం పై నిందలు వెసే ప్రయత్నం చేస్తున్నాయని మంత్రి మండిపడ్డారు. కాంగ్రెస్ ప్రభుత్వం ఏర్పడింది డిసెంబర్ లో..రాబోయే ఎండాకాలం దృష్టిలో పెట్టుకొని నీటి నిల్వలు ఉంచాల్సిన బాధ్యత గత ప్రభుత్వంపై ఉంది.. కానీ వారు తమ భాద్యత విస్మరించి మాపై రాళ్ళేయడం తగదని సూచించారు..

కాళేశ్వరం ఫలితం ఎవరికి దక్కిందో అందరికి తెలిసిందే అని విమర్శించిన పొంగులేటి.. ప్రస్తుత పరిస్థితుల్లో బీఆర్ఎస్ రెండు ఎంపీ సీట్లు గెలిస్తే గొప్ప అని దెప్పి పొడిచారు.. ఇతర పార్టీల నుంచి మా పార్టీలోకి రమ్మని మేం ఎవరిని అడగటం లేదు. వారికై వారు స్వచ్చందంగా వస్తున్నారన్నారు. మేం గేట్లు ఎత్తలేదు. ఎత్తితే వరద ఆగదని మంత్రి తెలిపారు. గత పాలకుల అవినీతి మీద పోరాడుతూనే.. డిస్టర్బ్ అయిన వ్యవస్థను దారిలో పెడుతున్నామని పొంగులేటి వెల్లడించారు.

అదేవిధంగా చెప్పినట్టే ఐదు ఎకరాలకు రైతు బంధు ఇస్తున్నామని పేర్కొన్నారు.. జీతాల చెల్లించడంలో కొంత ఆలస్యం అయిన మాట వాస్తవమేనని కానీ ఈ సమస్య ఎప్పటికీ ఉండదని వివరించారు. రాబోయే ఎన్నికల్లో 14స్థానాలలో గెలుపు గ్యారంటీ అని ధీమా వ్యక్తం చేశారు.. ధరణిలో జరిగిన అవినీతిని బయటకు తీస్తామని తెలిపిన మంత్రి.. గత ప్రభుత్వ అవినీతి సొమ్ము అంతా కక్కిస్తామన్నారు.. రిజిస్ట్రేషన్ శాఖను ప్రక్షాళన చేస్తామని తెలిపారు. భూమాత పోర్టల్ ను తీసుకొస్తామన్నారు.. కేంద్ర-రాష్ట్ర ప్రభుత్వాలు సమన్వయంతో పాలన చేయాలని భావించాం.. ఈ ఉద్దేశ్యంతో ప్రధానిని కలిస్తే పనికిమాలిన ఆరోపణలు చేస్తున్నారని పొంగులేటి శ్రీనివాస రెడ్డి మండిపడ్డారు..

తెలంగాణ (Telangana)లో కాంగ్రెస్ ప్రభుత్వం త్వరలోనే కూలిపోతుందని బీఆర్ఎస్ (BRS), బీజేపీ నేతలు వ్యాఖ్యలు చేస్తున్న విషయం తెలిసిందే.. ఇదే సమయంలో ఉద్యమకారుడు గాదె ఇన్నయ్య రాష్ట్ర రాజకీయాలపై సంచలన వ్యాఖ్యలు చేశారు. కాంగ్రెస్ లో ఏక్ నాథ్ షిండే (Eknath Shinde) ఉన్నారని త్వరలో బయటకు వస్తారని ఆరోపించారు. పార్లమెంట్ ఎన్నికల వేళ మరోసారి ఏక్ నాథ్ షిండే అంశం తెర మీదకి రావడం ఆసక్తికరంగా మారింది..

బీజేపీతో ఒప్పందంలో భాగంగా మంత్రి పొంగులేటి శ్రీనివాస్ రెడ్డి కాంగ్రెస్ (Congress)లో చేరారని, త్వరలో బీజేపీలో జాయిన్ అవుతారని గాదె ఇన్నయ్య షాకిచ్చారు.. తాజాగా ఓ మీడియా చానెల్ కి ఇచ్చిన ఇంటర్వ్యూలో మాట్లాడిన ఆయన పలు సంచలన వ్యాఖ్యలు చేశారు.. పొంగులేటి కాంగ్రెస్‌లో చేరక ముందు 8 నెలల పాటు బీజేపీతో టచ్‌లో ఉన్నారని ఆరోపించారు. బీఆర్ఎస్ అధికారాన్ని కూల్చడం బీజేపీతో సాధ్యం కాదని భావించినట్లు వెల్లడించారు..

అందుకే కాంగ్రెస్ ద్వారా ఆ పని ముగించుకొని బీజేపీ (BJP)లో జాయిన్ అవుతానని పార్టీ పెద్దలతో ముందే ఒప్పందం చేసుకొని కాంగ్రెస్ లో చేరారని ఆరోపించారు. ఈ ఒప్పందం మోడీ, అమిత్ షాతో పాటు ఆర్ఎస్ఎస్ పెద్దలకు మాత్రమే తెలుసని గాదె ఇన్నయ్య పేర్కొన్నారు.. ఇక ఆయన వచ్చిన పని అయిపోయిందని, తర్వాత బీజేపీలో చేరడం మాత్రమే మిగిలి ఉందని, లోక్ సభ ఎన్నికల అనంతరం జరిగేది ఇదే అని జోస్యం చెప్పారు..

ఇదిలా ఉండగా.. మొన్నటివరకు అధికార ప్రతిపక్షాలు ఒకరిని మరొకరు ఏక్ నాథ్ షిండే అవుతారని తీవ్ర విమర్శలు చేసుకున్న విషయం తెలిసిందే. అయితే లోక్ సభ ఎన్నికల సమయంలో ఇన్నయ్య ఈ తరహ వ్యాఖ్యలు చేయడం రాష్ట్ర రాజకీయాల్లో త్వరలో ఏం జరగబోతోందనే ఆసక్తి పుట్టించినట్లు అయ్యిందని అంటున్నారు. నిప్పులో ఉప్పు వేసినట్లుగా గత కొద్ది రోజుల క్రితం బీజేపీ నేత, ఎంపీ లక్ష్మణ్ కూడా కాంగ్రెస్ నుంచి ఏక్ నాథ్ షిండే బయటకి వస్తారని, ఆయన ఎవరో త్వరలోనే తెలుస్తుందని వ్యాఖ్యానించిన విషయం తెలిసిందే..

హెచ్‌ఎండీఏ కృష్ణకుమార్ కేసులో సంచలన విషయాలు వెలుగులోకి వస్తున్నాయి. హెచ్ఎండీఏ అసిస్టెంట్ ప్లానింగ్ ఆఫీసర్ గా పని చేస్తున్న కృష్ణ కుమార్ భారీగా అవినీతికి పాల్పడినట్లు ఆరోపణలున్నాయి.. బడా బిల్డర్లతో కుమ్మక్కై టీడీఆర్ (TDR) ద్వారా ప్రభుత్వానికి వేల కోట్ల రూపాయలు నష్టం చేశారనే అభియోగాలు ఉన్నాయి. ఈ మేరకు కృష్ణకుమార్, శివబాలకృష్ణ అక్రమాలపై ఏసీబీ ఆరా తీస్తోంది.

మరోవైపు ప్రభుత్వం కృష్ణకుమార్ ను ఇప్పటికే సస్పెండ్ చేసింది. ఈయన చేసిన పని వల్ల ప్రభుత్వానికి రూ.3800 కోట్లు నష్టం జరిగిందని‌ అనుమానం వ్యక్తం చేస్తోన్న ఏసీబీ (ACB).. కృష్ణకుమార్ (Krishnakumar) బిల్డర్లకు లబ్ధి చేకూర్చే విధంగా ఫైల్స్ క్లియర్ చేసినట్టు గుర్తించారు. ఈ క్రమంలో ఆయనతో పాటు మరో ఇద్దరు హెచ్ఎండీఏ (HMDA) ప్లానింగ్ అధికారుల పాత్ర పై కూపీ లాగుతున్నారు..

గత ప్రభుత్వ హయాంలో జరిగిన ఈ అవకతవకల్లో బడా బిల్డర్ల ప్రాజెక్టుల ప్లానింగ్ లో టీడీఆర్ విలువ తగ్గించి ప్రభుత్వానికి తక్కువ ఫీజులు కట్టించేలా కృష్ణకుమార్. శివ బాలకృష్ణ నడుచుకొన్నట్లు తెలుస్తోంది. ఫలితంగా గవర్నమెంట్ కు భారీగా నష్టం కలిగించారని అధికారులు గుర్తించారు.. ఈ మేరకు కృష్ణకుమార్. శివ బాలకృష్ణ పై ఏసీబీ కేసు నమోదు కాగానే కృష్ణకుమార్ అమెరికాకు పారిపోయినట్లు తెలుస్తోంది.

అయితే అమెరికా నుంచి కృష్ణకుమార్ ను హైదరాబాద్ (Hyderabad)కు రప్పించడానికి ఏసీబీ అధికారులు ప్రయత్నాలు చేస్తున్నట్లు సమాచారం.. ఇదిలా ఉండగా స్థలాలకు సంబంధించిన డాక్యుమెంట్‌ నంబర్లు, వాటి యజమానులు ఎవరు అన్న విషయాలను పరిశీలించకుండానే టీడీఆర్‌ కింద పరిహారాన్ని ఇవ్వాలని సిఫారసు చేశారు. దీంతో విధుల్లో నిర్లక్ష్యంగా వ్యవహరించినట్లు గుర్తించిన హైదరాబాద్‌ మెట్రోపాలిటన్‌ డెవలప్‌మెంట్‌ అథారిటీ కమిషనర్‌ కృష్ణకుమార్ ను సస్పెండ్‌ చేస్తూ బుధవారం ఆదేశాలు జారీ చేశారు.