Politics

ఆలిండియా కాంగ్రెస్ కమిటీ చీఫ్ (AICC) మల్లిఖార్జున ఖర్గే (Mallikarjuna karge) బీజేపీ నేతలపై సంచలన ఆరోపణలు చేశారు. పార్లమెంట్ ఎన్నికలు సమీపిస్తున్న వేళ ఆయన చేసిన కామెంట్స్ ప్రస్తుతం రాజకీయాల్లో చర్చనీయాంశంగా మారాయి. ఢిల్లీలో నిర్వహించిన ప్రెస్‌మీట్లో ఆయన మాట్లాడుతూ.. దేశంలో ప్రజాస్వామ్యం ఉండాలంటే నిష్పక్షపాతంగా ఎన్నికలు జరగాలని స్పష్టంచేశారు.అన్ని పార్టీలకు లెవల్ ప్లేయింగ్ ఫీల్డ్ (సమాన స్థాయి అవకాశం) ఉండాలని సూచించారు.

ప్రస్తుతం దేశంలో అధికార బీజేపీ ఇతర పార్టీల పట్ల వ్యవహరిస్తున్న తీరు ఆమోదయోగ్యం కాదన్నారు. ఇటీవల సుప్రీంకోర్టు తీర్పు మేరకు స్టేట్ బ్యాంక్ ఇండియా విడుదల చేసిన ఎలక్ట్రోరోల్ బాండ్లపై ఆయన మాట్లాడుతూ విచారం వ్యక్తంచేశారు. అధికార పక్షానికి వేల కోట్ల రూపాయలు బాండ్ల ద్వారా వచ్చాయి. మరోవైపు ప్రధాన విపక్ష పార్టీ అయిన కాంగ్రెస్ ఖాతాలను ఆదాయ పన్ను శాఖ ఫ్రీజ్ చేసింది.

లెవెల్ ప్లేయింగ్ ఫీల్డ్ లేకుండా చేయడం అధికారపక్షం చేసిన దుష్టపన్నాగం అని వ్యాఖ్యానించారు. ఒక రాజకీయ పార్టీని అసహాయ స్థితిలో పడేస్తే ఇవి నిష్పక్ష,పారదర్శక ఎన్నికలు అని ఎలా చెప్పగలం? అంటూ ప్రశ్నించారు. ‘బీజేపీకి 56 శాతం నిధులు వస్తే, కాంగ్రెస్ పార్టీకి 11 శాతం మాత్రమే వచ్చాయి.ప్రింట్,టీవీ,సోషల్ మీడియాలో అధికార పక్షం డామినేషన్ స్పష్టంగా కనిపిస్తోంది. ఆ పార్టీకి అన్ని చోట్లా 5-స్టార్ ఆఫీసులు ఉన్నాయి. ఆ పార్టీ నేతలు ప్రత్యేక విమానాల్లో తిరుగుతున్నారు.

బీజేపీ ఒక్కో మీటింగ్ కోసం ఎంత ఖర్చచేస్తున్నదో అందులో ప్రతిపక్షం కనీసం 10 శాతం కూడా ఖర్చు చేయడం లేదు.రాజ్యాంగ సంస్థలను కోరేది ఒక్కటే..ఫ్రీ అండ్ ఫెయిర్ ఎన్నికలు కోరుకుంటే మా బ్యాంకు ఖాతాలను వినియోగించుకునేలా చేయండి.ఇన్‌కం ట్యాక్స్ వివాదం ఏదైనా సరే కోడ్ ముగిసిన తర్వాత ఉండాలి.
ఏ రాజకీయ పార్టీకి ఆదాయపు పన్ను ఉండదు.బీజేపీకి కూడా ఉండదు.కానీ కాంగ్రెస్ మీద మాత్రమే ఆదాయపు పన్ను శాఖ ఎందుకు ఇలా పనిచేస్తోంది.దీనిపై న్యాయస్థానంలో పోరాడుతున్నాం.తుది నిర్ణయం కోసం ఎదురుచూస్తున్నాం’అంటూ ఖర్గే సంచలన కామెంట్స్ చేశారు.

పార్లమెంట్ ఎన్నికల వేళ అన్ని రాజకీయా పార్టీల్లోనూ(Political parties) అసంతృప్త జ్వాలలు ఎగసిపడుతున్నాయి. కొందరు బాహాటంగానే ప్రకటిస్తుండగా మరికొందరు లోలోపల రగిలిపోతున్నారు. మరికొందరు ధైర్యం చేసి ఇతర పార్టీల్లోకి (migrate) జంప్ చేస్తున్నారు. తమకు నచ్చిన నియోజకవర్గంలో సీటు ఇవ్వలేదని, తమ అనుచరులకు, కుటుంబీకులకు, తాము కోరుకున్నన్నీ సీట్లు ఇవ్వలేదని, ప్రాధాన్యం కల్పించడం లేదని ఇలా అనేక సాకులు చూపిస్తూ కొందరు నేతలు పార్టీలు మారుస్తున్నారు.

ఆ వెంటనే ఇతర పార్టీలో టికెట్ కన్ఫామ్ చేసుకుని పోటీకి సై అంటున్నారు. ప్రస్తుతం దేశ వ్యాప్తంగా పొలిటికల్ లీడర్స్ చేస్తున్న స్టంట్స్ రాజకీయాల్లో చర్చనీయాంశంగా మారుతున్నాయి. మొన్నటివరకు అధికారపార్టీలో కొనసాగిన నేతలంతా వచ్చే ఎన్నికల్లో వేరే పార్టీ గెలుస్తుందని తెలుసుకుని అందులోకి వెళ్లి కండువాలు మారుస్తున్నారు. ఆ వెంటనే మొన్నటివరకు నీడనిచ్చిన పార్టీపై దుమ్మెత్తిపోస్తున్నారు.

తాజాగా బీజేపీ(BJP) కీలక నేత, కర్ణాటక మాజీ ముఖ్యమంత్రి, పార్లమెంట్ మెంబర్ సదానంద గౌడ(Karnataka Ex Cm Sadananda gowda) ఆ పార్టీకి షాక్ ఇచ్చారు. బెంగళూరు నార్త్ సీటు తనకు కేటాయించకపోవడంపై అసంతృప్తి వ్యక్తంచేసిన ఆయన ఏకంగా రాజకీయాల నుంచి తప్పుకుంటున్నట్లు సంచలన ప్రకటన చేశారు. అయితే, ఆయన కాంగ్రెస్ పార్టీలో చేరతారని జోరుగా ప్రచారం సాగింది. దీనిపై స్పందించిన మాజీ సీఎం తను ఏ పార్టీలోనూ చేరడం లేదని క్లారిటీ ఇచ్చారు.

రాబోయే పార్లమెంట్ ఎన్నికల్లో నరేంద్ర మోడీనే మళ్లీ ప్రధాని కోరుకుంటున్నట్లు చెప్పారు. కాగా, ఇటీవల ఆర్ఎల్‌జేపీ చీఫ్ పశుపతి పరాస్ కూడా తన కేంద్రమంత్రి పదవికి రాజీనామా చేసిన విషయం తెలిసిందే. ఎన్డీయే కూటమిలో మెంబర్‌గా ఉన్న ఆయన ఎంపీ సీట్ల కేటాయింపులో తన పార్టీకి బీజేపీ ఒక్క సీటు కూడా కేటాయించకపోవడంతో ఆయన అలకబూని ఏకంగా తన కేంద్రమంత్రి పదవికి రాజీనామా చేశారు.

పూర్తికథనం..

కాంగ్రెస్‌ పార్టీ(Congress Party)ని ఆర్థికంగా దెబ్బతీసేందుకు ప్రధాని మోడీ(PM Modi) ప్రభుత్వం కుట్ర చేస్తోందని ఏఐసీసీ అధినేత్రి సోనియాగాంధీ (Soniya Gandhi) ఆరోపించారు. ఢిల్లీ(Delhi)లో కాంగ్రెస్ అగ్రనేతలు సోనియా గాంధీ, మల్లికార్జున ఖర్గే, రాహుల్ గాంధీలు ప్రెస్ మీట్ నిర్వహించారు. ఈ సందర్భంగా సోనియాగాంధీ మాట్లాడుతూ.. ఎల‌క్టోర‌ల్ బాండ్ల విష‌యంలో జ‌రుగుతున్న ప‌రిణామాలు అసాధార‌ణ‌మైన‌వ‌ని, అప్ర‌జాస్వామిక‌మైన‌వ‌న్నారు.

బీజేపీకి వచ్చిన ఎలక్టోరల్ బాండ్స్‌పై విచారణ జరిపించాలని డిమాండ్ చేశారు. అసలు బీజేపీకి వేల కోట్ల రుపాయల ఎలక్టోరల్ బాండ్లు ఎలా వచ్చాయని ఆమె ప్రశ్నించారు. బాండ్స్ ద్వారా బీజేపీకి 56శాతం నిధులు వస్తే.. కాంగ్రెస్‌కు 11శాతం ఫండ్స్ మాత్రమే వచ్చాయని తెలిపారు. అక్రమంగా కాంగ్రెస్ బ్యాంక్ ఖాతాలను ఫ్రీజ్ చేశారంటూ కేంద్ర ప్రభుత్వంపై ధ్వజమెత్తారు.

ఓ వ్య‌వ‌స్థీకృత ప‌ద్ధ‌తిలో ప్ర‌ధాని మోదీ కాంగ్రెస్ పార్టీని ఆర్థికంగా నిర్వీర్యం చేస్తోందంటూ మండిపడ్డారు. చాలా విప‌త్క‌ర ప‌రిస్థితులు, స‌వాళ్ల మ‌ధ్య త‌మ ఎన్నిక‌ల ప్ర‌చారాన్ని స‌మ‌ర్థ‌వంతంగా నిర్వ‌హిస్తున్నామ‌ని సోనియా తెలిపారు. ఎల‌క్టోర‌ల్ బాండ్లు రాజ్యాంగ వ్య‌తిరేక‌మ‌ని సుప్రీంకోర్టు పేర్కొన్న‌ద‌న్నారు.

అదేవిధంగా ఏఐసీసీ చీఫ్ మల్లికార్జున ఖర్గే మాట్లాడుతూ.. ఫండ్స్‌ను కట్టడి చేయడం ప్రజాస్వామ్యానికి మంచిది కాదన్నారు. సీతారామ్ కేసరి కాలం నాటి అంశాలపై ఇప్పడు నోటీసులు ఇస్తున్నారని ఆయన పేర్కొన్నారు. చిన్న చిన్న లోపాలను అడ్డు పెట్టుకుని తీవ్ర చర్యలు చేపడుతున్నారని ఖర్గే మండిపడ్డారు. ఇలాంటి చర్యలు కొనసాగితే దేశంలో ప్రజాస్వామ్యం బతకడం కష్టమని అసహనం వ్యక్తం చేశారు.

నెల రోజులకు పైగా తమ అకౌంట్లను ఫ్రీజ్ చేయడంతో తమ ఖాతాల్లోని రూ.285కోట్లను వాడుకోలేకపోతున్నామని తెలిపారు. ఏ పార్టీకి లేని నిబంధనలన్నీ కాంగ్రెస్ కే వర్తిస్తాయా? అంటూ ప్రశ్నించారు. సరిగ్గా ఎన్నికల సమయంలో తమ పార్టీ బ్యాంక్ అకౌంట్లు ఫ్రీజ్ చేయడం దారుణమని అన్నారు. నిధులు వాడుకోలేకపోతే తాము ఎన్నికలను ఎలా ఎదుర్కొంటామని అని మల్లికార్జున ఖర్గే ప్రశ్నించారు.

అదేవిధంగా రాహుల్‌గాంధీ మాట్లాడుతూ.. బ్యాంక్ ఖాతాలను ఫ్రీజ్ చేయడం కాంగ్రెస్ పార్టీపై ప్రధాని మోడీ, కేంద్ర హోంమంత్రి చేస్తున్న నేరపూరిత చర్యగా అని ఆరోపించారు. ఇది భారత ప్రజాస్వామ్యాన్ని అడ్డుకోవడమేనని దుయ్యబట్టారు. ఎన్నికల వేళ తమ నేతలను ఎక్కడికీ పంపలేకపోతున్నామన్నారు. ‘‘విమాన ప్రయాణాలు పక్కన పెట్టండి.. కనీసం రైలు టికెట్లు కొనడానికైనా మా వద్ద డబ్బుల్లేవు’’ అని రాహుల్ అన్నారు. ఎన్నికల్లో తమ సామర్థ్యాన్ని అడ్డుకుంటున్నారని, ఈసీకి ఫిర్యాదు చేసినా ఎలాంటి చర్యలు చేపట్టలేదంటూ రాహుల్ అసహనం వ్యక్తం చేశారు.

A systematic effort is underway by the Prime Minister to cripple the Indian National Congress financially. Funds collected from the public are being frozen, and money from our accounts is being taken away forcibly. 

However, even under these most challenging circumstances, we… pic.twitter.com/9a72ujK3QC

— Congress (@INCIndia) March 21, 2024

రానున్న పార్లమెంట్ ఎన్నికల్లో అత్యధిక మెజారిటీ సీట్లు సాధించి ముచ్చటగా మూడో సారి ప్రభుత్వాన్ని ఏర్పాటు చేద్దామని బీజేపీ వ్యూహాలు రచిస్తోంది.. ఈ క్రమంలో బహిరంగ సభలను సైతం నిర్వహిస్తోంది. కాంగ్రెస్ టార్గెట్ గా నేతలు విమర్శలు గుప్పిస్తున్నారు. అయితే ముంబై వేదికగా జరిగిన ‘భారత్ జోడో న్యాయ్ యాత్ర’ ముగింపు కార్యక్రమంలో ఇటీవల రాహుల్ గాంధీ (Rahul Gandhi) చేసిన వ్యాఖ్యలు వివాదాస్పదమయ్యాయి.

ఇండియా కూటమి నేతలు హాజరైన ఈ మెగా ఈవెంట్‌లో రాహుల్ గాంధీ మాట్లాడుతూ.. హిందూ మతంలో శక్తి అనే పదం ఉంది. మేము ఒక శక్తికి వ్యతిరేకంగా పోరాడుతున్నామని వ్యాఖ్యలు చేశారు. శక్తి ఏంటంటే.. ఈవీఎంలో రాజుగారి ఆత్మ ఉంది. రాజు ఆత్మ ఈవీఎంలతో పాటు దేశంలోని ప్రతీ సంస్థలో ఈడీ, సీబీఐ, ఐటీలో ఉంది. ఈవీఎంలు లేకుండా ప్రధాని నరేంద్ర మోడీ (Modi) ఎన్నికల్లో గెలవలేరని విమర్శించడంతో, బీజేపీ (BJP) ఆగ్రహం వ్యక్తం చేస్తోంది.

ఈ నేపథ్యంలో రాహుల్‌గాంధీపై ఎన్నికల సంఘానికి (Election Commission) ఫిర్యాదు చేసింది. కేంద్రమంత్రి హర్దీప్‌సింగ్ పురి నేడు న్యూఢిల్లీలోని భారత ఎన్నికల సంఘం కార్యాలయానికి వెళ్లి రాహుల్ వ్యాఖ్యలపై ఫిర్యాదు చేశారు. ఆయనపై చర్యలు తీసుకోవాలని కోరారు. కాంగ్రెస్ (Congress) ప్రజాక్షేత్రంలో అబద్ధాలు చెబుతోంది. ఒకవేళ రాహుల్‌పై చర్యలు తీసుకోకపోతే.. ఆ పార్టీ దూషణల పర్వానికి అదుపు లేకుండా పోతుందని హర్దీప్ పేర్కొన్నారు.

మరోవైపు నిన్న తమిళనాడులో పర్యటించిన మోడీ.. డీఎంకే, కాంగ్రెస్ పై విరుచుకుపడ్డారు. ఇక్కడున్న మధుర మీనాక్షి, కంచి కామాక్షి శక్తి స్వరూపాలని, శక్తిని ధ్వంసం చేస్తామని కాంగ్రెస్, డీఎంకే కూటమి అంటున్నాయని, హిందూ మతంలో శక్తి అంటే మాతాశక్తి, నారీ శక్తి అని ప్రధాని తెలిపారు. దైవ స్వరూపం అయిన శక్తిని ప్రతిపక్ష పార్టీలు నాశనం చేసేందుకు యత్నిస్తున్నాయని మండిపడ్డారు.. ఇది శక్తిని నాశనం చేయాలనుకునే వారికి.. శక్తిని ఆరాధించే వారికి మధ్య జరుగుతున్న పోరాటమని పేర్కొన్నారు..