Politics

కాంగ్రెస్ (Congress) ప్రభుత్వం పై ఎమ్మెల్సీ కవిత (MLC Kavitha) మండిపడ్డారు.. అంతర్జాతీయ మహిళా దినోత్సం రోజు ధర్నా చేయాల్సి రావడం సిగ్గుచేటని విమర్శించారు. ఉమెన్స్‌ డే (Women’s Day) రోజున సంతోషంగా సంబురాలు చేసుకునే ఆడ‌బిడ్డలు ఉద్యోగాల‌కై ధ‌ర్నాలు చేసే దౌర్భాగ్యపు స్థితిని ప్రభుత్వం తీసుకొచ్చిందని ఆరోపించారు.. కాంగ్రెస్‌ అధికారంలోకి వచ్చిన తర్వాత ఉద్యోగాల విషయంలో మాట తప్పిందని ఆగ్రహం వ్యక్తం చేశారు.

ప్రభుత్వ నియామకాల్లో మహిళలకు జరుగుతున్న అన్యాయానికి నిరసనగా హైదరాబాద్‌ (Hyderabad) ధర్నా చౌక్‌లో ఎమ్మెల్సీ కవిత దీక్షకు చేస్తున్నారు. ఈ సందర్భంగా మాట్లాడుతూ.. బాబా సాహెబ్‌ అంబేద్కర్‌ మహిళలకు అనేక హక్కులు కల్పించారని తెలిపారు. తెలంగాణ (Telangana) వచ్చిన తర్వాత 33 శాతం రిజర్వేన్‌ను పెంచుకున్నామని, కేసీఆర్‌ (KCR) ముఖ్యమంత్రిగా ఉన్నప్పుడు లక్షకుపైగా ఉద్యోగాలు కల్పించుకున్నామని వెల్లడించారు..

ఓటుకు నోటు కేసులో దొరికిన వ్యక్తి మహిళల ఉద్యోగాల విషయంలో కోత విధించారని విమర్శించారు.. గతంలో వ్యక్తిగతంగా చనిపోయిన ఆడబిడ్డలను అడ్డుపెట్టుకుని రేవంత్‌ రెడ్డి రాజకీయం చేశారని ఆరోపించారు. వికలాంగులు, మహిళలకు తోడు ఉండకుండా ఎవరికి తోడు ఉంటున్నారో చెప్పాలని డిమాండ్ కవిత చేశారు. మహిళలకు 33 శాతం రిజర్వేషన్‌ కల్పించే వరకు తమ పోరాటం ఆగదని స్పష్టం చేశారు.

బీఆర్ఎస్ పాలనలో ఆడబిడ్డలకు అన్యాయం జరగలేదని పేర్కొన్నారు. కానీ కాంగ్రెస్‌ ప్రభుత్వం ఆడపిల్లలకు వ్యతిరేకంగా జీవో 3 తెచ్చిందని విమర్శించారు. ఈ జీవో వల్ల ఉద్యోగాల్లో అమ్మాయిలకు అన్యాయం జరుగుతుందని వివరించారు. వెంటనే ప్రభుత్వం ఈ జీవోను రద్దుచేసి, హైకోర్టులు పిటిషన్‌ వేయాలని డిమాండ్‌ చేశారు. తెలంగాణ తల్లి విగ్రహం పెట్టాల్సిన చోట రాజీవ్‌ గాంధీ విగ్రహం పెడుతున్నారని కవిత మండిపడ్డారు..

తెలంగాణ (Telangana)లో సాగునీటి సంగతేమోగానీ.. ప్రస్తుతం మాత్రం రాష్ట్రవ్యాప్తంగా సాగునీటి ప్రాజెక్టుల్లో డేంజర్​ బెల్స్​ మోగుతున్నాయి. రాష్ట్రంలో నిరుడు అక్టోబర్​ నుంచి 54 శాతం లోటు వర్షపాతం నమోదు కావడం, సూపర్​ ఎల్​నినో ఎఫెక్ట్​తో మార్చిలోనే ఎండలు మండిపోతుండటంతో ప్రధాన జలాశయాల్లోని వాటర్ ​లెవల్స్​ (Water Levels) వేగంగా పడిపోతుండటం ఆందోళన కలిగిస్తోంది.

రాష్ట్రవ్యాప్తంగా ఈ జనవరి నుంచే గ్రౌండ్​వాటర్​ లెవల్స్​ పడిపోతున్నట్టు భూగర్భ జలవనరుల శాఖ తేల్చింది. జనవరిలో సగటు నీటిమట్టం 6.22 మీటర్లు కాగా.. ఇప్పటికే 7.72 మీటర్ల లోతుకు పడిపోయాయి. నిజామాబాద్‌‌ (Nizamabad) జిల్లా గోనుగుప్పులలో ఏకంగా 27.63 మీటర్ల లోతుకు పడిపోయాయి. ముఖ్యంగా ఎల్లంపల్లి నీటిమట్టం​ తగ్గడంతో హైదరాబాద్​ (Hyderabad) మెట్రో వాటర్​స్కీం​కు తిప్పలు తప్పేలా లేవన్నట్లు తెలుస్తోంది.

అదేవిధంగా కృష్ణా బెల్ట్​లో ఈ వానకాలం తీవ్ర వర్షాభావ పరిస్థితులు తలెత్తాయి. దీంతో జూరాల, శ్రీశైలం, నాగార్జున సాగర్​ ప్రాజెక్టులు డెడ్​స్టోరేజీకి చేరాయి. ప్రస్తుతం జూరాలలో 4 టీఎంసీలు, శ్రీశైలంలో 36.40 టీఎంసీలు, సాగర్​లో 140 టీఎంసీలు మాత్రమే నీళ్లున్నాయి. నాగార్జున సాగర్ డెడ్​స్టోరేజీ 510 అడుగులు కాగా, ప్రస్తుతం 515 అడుగుల నీరు మాత్రమే ఉంది. గత మార్చి7న ఈ ప్రాజెక్టులో 17.51 టీఎంసీల నీరుండగా, తాజాగా 10 టీఎంసీల నీళ్లు మాత్రమే ఉన్నాయి. ప్రస్తుతం హైదరాబాద్​కు 320 క్యూసెక్కులు, ఎన్టీపీసీకి 121 క్యూసెక్కులు తరలిస్తున్నారు.

మరోవైపు రాష్ట్ర సర్కారు తాగునీటి అవసరాల దృష్ట్యా ఖరీఫ్​ నుంచే సాగర్​ ఆయకట్టు కింద క్రాఫ్​ హాలీడే ప్రకటించింది. కానీ సాగర్​ ఆయకట్టు కింద బోర్లపై ఆధారపడి పంటలు సాగుచేసిన రైతులు భూగర్భజలాలు అడుగంటడంతో పంటలను చాలాచోట్ల పశువుల మేతగా వదిలేస్తున్నారు. ఇక గత సంవత్సరం అక్టోబర్​ నుంచి సగటు వర్షపాతం నమోదు కాకపోవడంతో ప్రాజెక్టుల్లో నీళ్లు తగ్గుతూ రావడం, చెరువులు ఎండిపోవడంతో రైతులు తమ పంటలు కాపాడు కునేందుకు బోర్లపై ఆధారపడుతున్నారు. ఇలాంటి పరిస్థితుల్లో రాబోయే తాగునీటి గండం నుంచి ఎలా గట్టెక్కాలో తెలియక సర్కారు సతమతం అవుతున్నట్లు తెలుస్తోంది.

బీజేపీ (BJP) జాతీయ ప్రధాన కార్యదర్శి, ఎంపీ బండి సంజయ్‌ (Bandi Sanjay) తనపై వస్తున్న విమర్శలకు స్పందించారు.. తనకు కల్మషం ఉండదని, ఎవరి మీద కోపం ఉండదని.. ఎవరితో తనకు అభిప్రాయ భేదాలు లేవని తెలిపారు. బీజేపీ అనేది పెద్ద కుటుంబం అని తెలిపిన ఆయన.. కుటుంబం అన్నప్పుడు చిన్న చిన్న సమస్యలు ఉంటాయనిపేర్కొన్నారు. పార్టీలో ఉంటూ పార్టీ కోసం పని చేయక పోతే కన్న తల్లికి ద్రోహం చేసినట్టేనని పేర్కొన్నారు..

మా నాయకుల మీద కామెంట్ చేసే అంత సంస్కార హీనున్ని కాదన్న బండి సంజయ్.. పార్టీ కోసం పని చేసిన కార్యకర్తలకు టికెట్ ఇవ్వాలని కోరారు. తన వల్లనే పార్టీ ఉందని ఎప్పుడు చెప్పుకోలేదని తెలిపిన ఆయన.. తాను ఉన్నా లేకున్నా పార్టీ ఉంటుందని అన్నారు.. కార్యకర్తలకి అన్యాయం జరిగితే ప్రశ్నించే వారిలో తాను ముందు ఉంటానని వెల్లడించారు. ప్రస్తుతం పార్టీలో చాలా మంది కార్యకర్తలు ఇబ్బంది పడుతున్నారన్నారని అన్నారు.

అదేవిధంగా పార్టీలోకి వలస వచ్చే వారి విషయంలో ఆలోచించి వ్యవహరించాలని సూచించారు. బీజేపీ కార్యకర్తల మీద కేసులు పెట్టించిన వారిని, కార్యకర్తలను రాచి రంపాన పెట్టిన వారినీ పార్టీలో చేర్చుకోవడాన్ని తాను వ్యతిరేకిస్తానని, అడ్డుకుంటానని బండి సంజయ్‌ తెలిపారు. కరీంనగర్ (Karimnagar) పార్లమెంట్‌కు12 వేల కోట్ల ప్రాజెక్ట్‌లు తీసుకొచ్చానని తెలిపిన ఆయన.. సొంత పార్టీ కార్యకర్తలే వినోద్ కుమార్‌ను గుర్తు పట్టరన్నారు.

కరీంనగర్‌కు గత ఎంపీ చేసిందేమీ లేదని, అయన అభివృద్ధి చేసి ఉంటే.. నన్ను లక్ష ఓట్లతో ఎలా గెలిపించారని ప్రశ్నించారు.. ప్రస్తుతం లోక్ సభ ఎన్నికల్లో బీఆర్‌ఎస్ (BRS) అభ్యర్థి పోటీ చేయాలా వద్దా అనే ఆలోచనలో ఉన్నారన్నారని అన్నారు. అదేవిధంగా అసెంబ్లీ ఎన్నికల్లో కాంగ్రెస్ (Congress)ను గెలిపించి తప్పు చేశామనే భావనలో ప్రజలు ఉన్నట్లు తెలిపారు. ప్రస్తుతం కాంగ్రెస్ పై వ్యతిరేకత వ్యక్తం అవుతోందని బండి తెలిపారు.

అంతర్జాతీయ మహిళా దినోత్సవం (Women’s Day) సందర్భంగా.. ముఖ్యమంత్రి రేవంత్ రెడ్డి (CM Revanth Reddy) మహిళలకు శుభాకాంక్షలు తెలిపారు. ఈ సందర్భంగా మాట్లాడిన ఆయన.. ప్రజా పాలనలో మహిళల ప్రాతినిథ్యం, భాగస్వామ్యం గణనీయంగా పెరిగిందన్నారు. అన్ని రంగాల్లో మహిళలను అభివృద్ధి, ప్రగతి పథంలో తీసుకెళ్లేందుకు రాష్ట్ర ప్రభుత్వం అవసరమైన చర్యలు చేపడుతోందని తెలిపారు.

మహిళల సాధికారితతో పాటు ఆర్థిక స్వాలంబనకు మహాలక్ష్మి ఉచిత బస్సు ప్రయాణం (Free Bus Travel), ఇంటింటికీ రూ.500 గ్యాస్ సిలిండర్ గ్యారంటీలను కాంగ్రెస్ (Congress) ప్రభుత్వం అమల్లోకి తెచ్చిందని రేవంత్ రెడ్డి వెల్లడించారు. రాష్ట్రంలోని స్వయం సహాయక సంఘాల ద్వారా మహిళల అభ్యున్నతి లక్ష్యంగా మరిన్ని వినూత్న కార్యక్రమాలను త్వరలోనే చేపడుతామన్నారు.

తమ ప్రభుత్వం మరిన్ని కొత్త పథకాలు మహిళలకు అండగా ఉండేలా అందుబాటులోకి తెస్తుందని పేర్కొన్నారు. మహిళా సంక్షేమంలో తెలంగాణ (Telangana) రాష్ట్రం తప్పకుండా అందరి దృష్టిని ఆకర్షిస్తుందనే నమ్మకం ఉందని ధీమా వ్యక్తం చేశారు. ఇక అన్ని రంగాల్లో మహిళలకు సమాన అవకాశాలు, సమాన హక్కులు దక్కాలని సీఎం ఆకాంక్షించారు.

మరోవైపు మ‌హాశివ‌రాత్రి ప‌ర్వదినాన్ని పుర‌స్కరించుకొని రాష్ట్ర ప్రజలకు సీఎం శుభాకాంక్షలు తెలిపారు. రాష్ట్రం సుభిక్షంగా ఉండాలని, తెలంగాణ ప్రజలకు సుఖ సంతోషాలను శాంతిని ప్రసాదించాలని ఆ గరళకంఠుణ్ణి ప్రార్థించినట్లు తెలిపారు. శివరాత్రి ఉపవాస పూజలను భక్తి ప్రవత్తులతో నిర్వహిస్తున్న భక్తులందరికీ ఆ మహాదేవుని ఆశీర్వాదం ఎల్లవేళలా ఉండాలని ఆకాంక్షించారు.

మాజీ మంత్రి నిరంజన్ రెడ్డి (Niranjan Reddy).. రేవంత్ రెడ్డి (Revanth Reddy)పై ఫైర్ అయ్యారు.. పాలమూరు (Palamuru)లో సీఎం మాట్లాడిన తీరు బాగోలేదని…వెంటనే ఆయన తీరు మార్చుకోవాలనని సూచించారు. మాజీ సీఎం కేసీఆర్ (KCR)ను రేవంత్ ఇష్టానుసారంగా తిడుతున్నారని మండిపడ్డారు. సీఎం అయ్యాక కూడా భూతులు తిట్టడమే పనిగా ఎంచుకొన్నారని ఆరోపించారు.

రేవంత్ రెడ్డి భాష సరైంది కాదన్న నిరంజన్ రెడ్డి.. ఆయన మాట్లాడే భాష పై సుమోటోగా స్వీకరించి కేసు నమోదు చేయాలని డిమాండ్ చేశారు. కేసీఆర్‌పై ఉన్మాద భాష మాట్లాడుతున్నాడన్నారు. 90 రోజుల నుంచి ఆయన మాట్లాడే భాషను రాష్ట్ర ప్రజలు గమనిస్తున్నారని తెలిపారు. బొంద పెడతాం, మానవ బాంబులు అయితాం, పండబెట్టి తొక్కుతాం అని మాట్లాడటం సరైన విధానం కాదని సూచించారు.

మరోవైపు రేవంత్ ని కానీ మరేవరిని కానీ మేము ఎన్నడు ఏమీ అనలేదని తెలిపిన నిరంజన్ రెడ్డి.. తాము ప్రభుత్వాన్ని పడగొడుతామని ఎక్కడ చెప్పలేదన్నారు. రేవంత్ రెడ్డి పక్కన ఉండే వాళ్ళతోనే, ఆయనకు ప్రమాదం ఉందని తెలిపారు.. అందుకే అలా మాట్లాడుతున్నారని వెల్లడించారు. పాలమూరు బిడ్డా రేవంత్ రెడ్డి కాదన్న నిరంజన్.. చంద్రబాబు నాయుడు తొత్తు బిడ్డ అని విమర్శించారు..

ఈసారి దేశంలో కాంగ్రెస్ అధికారంలోకి రాదని రేవంత్ రెడ్డికి ముందే తెలుసు.. అందుకే మోడీని భడే బాయ్ అంటున్నారని ఎద్దేవా చేశారు. 90 రోజులు కాకముందే ఉద్యోగాలు ఇచ్చామని చెప్తున్న సీఎం.. ఉద్యోగాలకు నోటిఫికేషన్ ఎప్పుడు ఇచ్చారో చెప్పాలని డిమాండ్ చేశారు. 100 యేండ్ల విధ్వంసం జరిగిందని రేవంత్ మాట్లాడుతున్నారు.. కానీ 10 యేండ్లలో చేసిన అభివృద్ధి కనిపించడం లేదా అని నిరంజన్ ప్రశ్నించారు.