Telangana

రాజన్న సిరిసిల్ల (Rajanna Sircilla) జిల్లా గంభీరావుపేట మండల కేంద్రం నుంచి ప్రజాహిత యాత్రలో భాగంగా 5వ రోజు యాత్ర చేస్తున్నారు కరీంనగర్ పార్లమెంట్ సభ్యులు బండి సంజయ్ (Bandi Sanjay).. ఈ సందర్భంగా ప్రసంగిస్తూ బీఆర్ఎస్ (BRS) నేతపై నిప్పులు చెరిగారు. నా గురించి స్వయం ప్రకటిత అపర మేధావి అవాకులు చవాకులు పేలుతున్నడు. నన్ను గెలకొద్దు.. గెలికితే అంతు చూస్తా అని హెచ్చరించారు.

శ్రీ సీతారాముల ఆలయంలో ప్రత్యేక పూజలు చేసి బీజేపీ ప్రజాహిత పాదయాత్రను ప్రారంభించిన బండి.. టికెట్ కోసం కన్న కొడుకు పేరునే మార్చేసిన ఘనుడు కేసీఆర్ అని విమర్శించారు. కేటీఆర్ అసలు పేరు కల్వకుంట్ల అజయ్ రావు అని.. ఎన్టీఆర్ పేరు పెట్టుకొని టిక్కెట్ తెచ్చుకున్న మోసగాడు కేసీఆర్ అని దుయ్యబట్టారు. కాళేశ్వరం ప్రాజెక్టు పిల్లర్లు సబ్ కాంట్రాక్ట్ సంస్థ నిర్వాకం వల్ల కూలిపోయే ప్రమాదానికి చేరుకొన్నాయని విజిలెన్స్ ఇచ్చిన నివేదికను గుర్తు చేసిన బండి.. ఆ సంస్థ ఎవరిదో, ఎవరు ఇప్పించారో నాకు తెలుసని వెల్లడించారు..

కాంగ్రెస్ ప్రభుత్వానికి దమ్ముంటే ఆ సంస్థ పేరును, ఎవరి ద్వారా ఆ సంస్థకు సబ్ కాంట్రాక్ట్ దక్కిందనే వివరాలు బయటపెట్టాలిని డిమాండ్ చేశారు. అబద్దాలు, మోసాల్లో కేటీఆర్ అయ్యను మించిపోయిండని ఎద్దేవా చేశారు. రాష్ట్రంలో ప్రజల పక్షాన బీజేపీ కొట్లాడితే కాంగ్రెస్ కు అధికారం ఇవ్వడం న్యాయమా? అని ప్రజలను ప్రశ్నించారు. కాంగ్రెస్ ఇచ్చిన హామీలు అమలు చేసే పరిస్థితి లేదని ఆరోపించిన బండి సంజయ్.. ఎన్నికల కోడ్ పేరుతో కాంగ్రెస్ నేతలు తప్పించుకొనే కుట్ర చేస్తున్నారని ధ్వజమెత్తారు.

కేంద్రం తెలంగాణకు పెద్ద ఎత్తున నిధులు ఖర్చు చేస్తోందని తెలిపిన బండి సంజయ్.. సిరిసిల్ల జిల్లాకు రూ.1408 కోట్ల 6 లక్షల నిధులను ఖర్చు చేసిందని వెల్లడించారు. దీంతోపాటు సిరిసిల్ల అసెంబ్లీ, గంభీరావుపేట మండలానికి సంబంధించి ఏయే పనులకు కేంద్రం ఎన్ని నిధులిచ్చిందనే వివరాలను సైతం వెల్లడించారు. అయోధ్యలోనే రామ మందిరం ఎందుకు కట్టారని వితండ వాదం చేస్తున్న నేతలంతా చరిత్ర తెలుసుకోవాలని సూచించారు.

ఇంకా మాట్లాడితే ప్రజల కోరిక మేరకు దేశంలో అనేక ఆలయాలను నిర్మిస్తామని తెలిపారు. అయోధ్యలో రామ మందిర నిర్మాణం హిందువుల 5 వందల సంవత్సరాల చిరకాల వాంఛ.. ఆ కలను నెరవేర్చిన నరేంద్ర మోడీ (Modi)ని మళ్లీ ప్రధానిని చేయాల్సిన అవసరం ఉందని పేర్కొన్నారు.

ప్రతీ ఒక్కరు తమ ప్రాంతీయ భాషకు ప్రధాన్యత ఇవ్వాలని కేంద్ర మంత్రి కిషన్‌రెడ్డి(Kishan Reddy) అన్నారు. వసంత పంచమి (Vasantha Panchami) పర్వదినాన్ని పురస్కరించుకొని ఇవాళ(బుధవారం) అంబర్‌పేట్‌లోని మహంకాళి ఆలయంలో ఆయన ప్రత్యేక పూజలు చేశారు.

అనంతరం కిషన్‌రెడ్డి మాట్లాడుతూ.. ఇంగ్లీష్‌ఫై పట్టు సాధించాలే కానీ మాతృభాషను చంపుకోవద్దని సూచించారు. తల్లిదండ్రులు తమ పిల్లలకు మాతృభాషను విధిగా నేర్పించి మాతృభాషను రక్షించుకోవాలన్నారు. దేశంలో ఇంకా కొన్ని చోట్ల నిరక్షరాస్యత ఉందన్నారు. సామాజిక సంస్థలు ముందుకొచ్చి అక్షరాస్యతను పెంచాలని పిలుపునిచ్చారు. .

ఇదే సమయంలో కేంద్రంలోని నరేంద్ర మోడీ ప్రభుత్వం ఒక నూతన విద్యా విధానాన్ని  ప్రవేశపెట్టిందని అందులో ప్రాంతీయ భాషలకు కూడా ప్రాధాన్యాన్ని కల్పించిందని తెలిపారు. ఎవరైనా తమకు నచ్చిన మాతృ భాషలో చదువుకోవచ్చని, అదేవిధంగా పరీక్షలనూ రాయొచ్చని స్పష్టం చేశారు.

కాగా, రాష్ట్రవ్యాప్తంగా వసంత పంచమి వేడుకలు ఘనంగా జరుగుతున్నాయి. నిర్మల్ జిల్లా బాసరలోని జ్ఞాన సరస్వతి ఆలయంలో వసంత పంచమి వేడుకలు ప్రారంభమయ్యాయి. అమ్మవారి జన్మదినం సందర్భం 108 కలశాల జలాలతో అభిషేకం చేశారు. పద్మశాలి సంఘం తరఫున అందజేసిన చేనేత పట్టువస్త్రాలతో అలంకరణ చేసి ప్రత్యేక పూజలు నిర్వహించారు.

బీఎస్పీ స్టేట్ చీఫ్ ఆర్‌ఎస్ ప్రవీణ్ కుమార్(BSP State Chief RS Praveen Kumar) అరెస్టయ్యారు. జన్వాడలో మంగళవారం రాత్రి దాడికి గురైన దళితులను పరామర్శించేందుకు వెళ్తుండగా ఇవాళ(బుధవారం) పోలీసులు ఆయనను అదుపులోకి తీసుకున్నారు.

ప్రవీణ్ కుమార్ జన్వాడ వెళ్లకుండా అడ్డుకుని అరెస్ట్ చేయడంపై బీఎస్పీ శ్రేణులు మండిపడ్డారు. నిందితులను అరెస్ట్ చేయకుండా మద్దతు తెలిపేందుకు వెళ్తున్న ఆర్ఎస్ ప్రవీణ్ కుమార్‌ను అరెస్ట్ చేయడమేంటని కార్యకర్తలు పోలీసులతో వాగ్వాదానికి దిగారు. ప్రవీణ్ కుమార్ పోలీసులు అదుపులోకి తీసుకోవడంతో కాసేపు అక్కడ ఉద్రిక్త వాతావరణం నెలకొంది.

ఈ సందర్భంగా ఆర్ఎస్ ప్రవీణ్ కుమార్ మాట్లాడారు. దళితులపై డాడి చేసిన మూకలను 18 గంటలు గడిచిన పట్టుకోకుండాతమను అరెస్ట్ చేయడం దుర్మార్గమని ఆగ్రహం వ్యక్తం చేశారు. ‘తెలంగాణలో దళితులకు రక్షణ లేదన్నారు ఆర్ఎస్ ప్రవీణ్‌కుమార్.

కేసీఆర్ రాచరిక పాలనను అంతమొందించి అధికారమిస్తే కాంగ్రెస్ సర్కార్ అలాగే వ్యవహరిస్తోందని విమర్శించారు. సీఎం రేవంత్ రెడ్డి బీజేపీ, ఆర్ఎస్ఎస్‌తో మిలాఖత్ అయ్యి దళితులపై దాడులు చేస్తున్నారని ఆరోపించారు. రేవంత్ రెడ్డి.. ఇదేనా మీ గ్యారంటీల పాలన..? అంటూ ప్రశ్నించారు.

 అసెంబ్లీలో అధికార కాంగ్రెస్‌, ప్రతిపక్ష బీఆర్‌ఎస్‌ సభ్యుల మధ్య బడ్జెట్‌పై వాడీవేడి చర్చ జరిగింది. బీఆర్ఎస్ తరఫున కడియం శ్రీహరి మాట్లాడుతూ.. కాంగ్రెస్ సర్కార్ ఎన్నికల్లో ఇచ్చిన హామీలు, ఇప్పుడు అనుసరిస్తున్న విధానాలకు సంబంధం లేదని ధ్వజమెత్తారు. ఈ క్రమంలో వాదోపవాదాల నడుమ బీఆర్ఎస్ సభ్యులు సభ నుంచి వాకౌట్ చేశారు.

మేడిగడ్డ బ్యారేజీపై కాంగ్రెస్‌ పార్టీ చేస్తున్న రాద్దాంతంపై విమర్శలు గుప్పించారు. ఆయన ప్రసంగం మధ్యలో కాంగ్రెస్‌ మంత్రులు, ఎమ్మెల్యేలు అడుగడుగునా అడ్డుతగిలారు. ఓ సందర్భంలో కాంగ్రెస్‌ ఎమ్మెల్యే రాజగోపాల్‌రెడ్డి మాట్లాడుతూ.. కడియం గతంలో రాజయ్య నుంచి డిప్యూటీ సీఎం పదవిని లాక్కున్నాడని విమర్శించారు.

బీఆర్‌ఎస్‌ అధినేత కేసీఆర్‌పై కూడా విమర్శలు చేశారు. దీంతో సభలో వాదోపవాదాలు జరిగాయి. కాంగ్రెస్ నేతల వ్యాఖ్యలపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ తీవ్ర ఆగ్రహం వ్యక్తం చేశారు. రాజగోపాల్‌రెడ్డి వ్యాఖ్యలను రికార్డుల నుంచి తొలగించాలని డిమాండ్‌ చేశారు.

అనంతరం సీఎం రేవంత్‌రెడ్డి మాట్లాడుతూ.. నల్లగొండ సభలో కేసీఆర్‌ తన గురించి అవమానకరంగా మాట్లాడారని అన్నారు. దీంతో సభలో అగ్నికి ఆజ్యం పోసినట్లైంది. అసెంబ్లీ ఎన్నికల్లో తెలంగాణ ప్రజలు పాయింట్‌ పీకేసినా బుద్ది మారలేదని వ్యాఖ్యానించారు. దాంతో బీఆర్‌ఎస్‌ సభ్యులు తీవ్ర ఆగ్రహం వ్యక్తం చేశారు. రాజగోపాల్‌రెడ్డి, సీఎం రేవంత్‌రెడ్డి వ్యాఖ్యలకు నిరసనగా శాసనసభ నుంచి వాకౌట్‌ చేశారు.

చచ్చిన పామును ఎవరన్నా మళ్లీ చంపుతారా? అని సీఎం రేవంత్‌రెడ్డి(CM Revanth Reddy) అన్నారు. మాజీ సీఎం కేసీఆర్‌(Ex CM KCR) ను ఉద్దేశిస్తూ ఆయన ఈ వ్యాఖ్యలు చేశారు. కేసీఆర్ సభకు రాకుండా పారిపోయి తప్పించుకు తిరుగుతున్నాడని ఎద్దేవా చేశారు.

మూడు రోజులుగా సభలో అన్ని విషయాలను చర్చించాలని అనుకున్నట్లు తెలిపారు. మేడిగడ్డ బ్యారేజీని చూసి అందరం చర్చిద్దామని పిలిస్తే ఎవరూ రాలేదని రేవంత్‌ అన్నారు. కొత్తగా వచ్చిన వాళ్ళదే తప్పు అన్నట్లు మట్లాడుతున్నారని మండిపడ్డారు.

నల్లగొండలో మంగళవారం బీఆర్ఎస్ ఏర్పాటు చేసిన బహిరంగ సభలో కేసీఆర్ వ్యాఖ్యలపై ఫైర్ అయ్యారు.  మేడిగడ్డ మీద చర్చకు సిద్ధమా? అని ప్రశ్నించారు. ‘కావాలంటే హరీశ్‌రావుకు పెత్తనమిస్తాం.. మేడిగడ్డ ఎలా నింపుతారో నింపండి’ అంటూ సవాల్ విసిరారు.

నీళ్లు నిలిచే పరిస్థితి లేకుండా ఉంటే ఇక్కడకు వచ్చి మళ్ళీ మాట్లాడతారా? అని మండిపడ్డారు. కేసీఆర్ అసెంబ్లీకి వస్తే చర్చిద్దామన్నారు. కాళేశ్వరం మీద అయినా.. మేడిగడ్డ మీద చర్చ చేయడానికైనా సిద్ధం మేము అని రేవంత్ అన్నారు. నిజానిజాలు తెలిశాక కేసీఆర్ జైలుకు పోవడం ఖాయమన్నారు.