Author

sai krishna

Krithi Quite : బేబమ్మ బెంగపడకమ్మా…!

by sai krishna September 13, 2023

written by sai krishna

ఇండస్ట్రీలో అడుగుపెట్టటం ఒక విషయమైతే..అవకాశాలను అందిపుచ్చుకోవటం, వాటిని నిలబెట్టుకోవడా ఇంకా పెద్దవిషయం. అలా జరక్కపోతే కథమళ్లీ మొదటికొస్తుంది.

ప్రస్తుతం మన ‘ఉప్పెన’ బేబమ్మ అలాంటి ఒక సెపరేట్ ఫేజ్ లో ఉంది. ఆసినిమా హిట్ అవ్వడంతో 100 కోట్ల హీరోయిన్ అనిపించుకున్న ఈ బ్యూటీ, ‘శ్యామ్ సింగరాయ్(Shyam Singarai)’ , ‘బంగార్రాజు(Bangarraju)’ సినిమాలతో హ్యాట్రిక్ హిట్ అందుకుంది.

దాంతో గోల్డెన్ లెగ్ అంటూ కృతిని ఆకాశానికి ఎత్తేశారు. అయితే ఈ సుందరి ఎంత ఫాస్టుగా టాప్ ప్లేస్ కి వెళ్లిందో అంతే ఫాస్టుగా డౌన్ అయిపోయింది.కృతి శెట్టి కొద్దో గొప్పో క్రేజ్ ఉన్న హీరోలతోనే జోడీ కట్టింది. కానీ దురదృష్టవశాత్తు ఆ సినిమాలు పరాజయం పాలయ్యాయి.

ఈ నేపథ్యంలోనే శ్రీలీల(Srilila)ఒక్కసారిగా పుంజుకుంది. దాంతో సహజంగానే కృతి శెట్టి వెనకబడింది. అయితే సమయాన్ని వృథా చేయకుండా తమిళ..మలయాళ (Malayalam) సినిమాలపై దృష్టిపెట్టింది.

గ్లామర్ పరంగా ,డాన్స్ పరంగా కృతికి వంకబెట్టవలసిన పనిలేదు. ఒక్క హిట్ పడితే ఆమె జోరు మళ్లీ కొనసాగే ఛాన్స్ ఉంది. ఆమె చేయవలసిందల్లా టాలీవుడ్ కి దూరం కాకుండా చూసుకోవడమే.

September 13, 2023 0 comment

Unfortunate : చంద్రబాబు అరెస్ట్ పై స్పందించిన అశ్వినీదత్..!

by sai krishna September 13, 2023

written by sai krishna

ప్రముఖ సినీ నిర్మాత అశ్వినీదత్(Ashwinidat)టీడీపీ అధినేత,మాజీ సీఎమ్ చంద్రబాబు(Chandrababu) అరెస్ట్ పై రియాక్ట్ అయ్యారు. బాబు అరెస్ట్‌ ను ఆయన ఖండించారు. చంద్రబాబును అక్రమంగా అరెస్ట్ చేశారని, ఆయనపై కుట్ర పన్నిన వారికి పుట్టగతులు ఉండవంటూ తీవ్ర ఆగ్రహం వ్యక్తం చేశారు.

చంద్రబాబుపై అక్రమ కేసులు(Illegal cases)పెట్టినవారికి ఖచ్చితంగా శిక్ష పడుతుందని అశ్వినీదత్ అసహనం వ్యక్తం చేశారు. చంద్రబాబును దుర్మార్గంగా అరెస్ట్ చేశారని, దేశ రాజకీయాల్లోనే కీలక నేతగా ఉన్న ఆయనపై కుట్రలు చేయడం దురదృష్టకరమని విమర్శలు కురిపించారు.

దేశానికి గొప్ప ప్రధానిని, స్పీకర్‌ని, రాష్ట్రపతిని అందించిన ఘనత చంద్రబాబుకు దక్కుతుందని అశ్వినీదత్ తెలిపారు. వచ్చే ఎన్నికల్లో టీడీపీ 160 సీట్లలో గెలుస్తుందని అశ్వినీదత్ ఈ సందర్భంగా జోస్యం చెప్పారు.

చంద్రబాబు అరెస్ట్, జైలుకు తరలించడంపై ఇప్పటికే జాతీయ నేతలు స్పందిస్తున్నారు. రాజకీయ కక్ష సాధింపు చర్యల్లో భాగంగానే ఆయనను అరెస్ట్ చేశారని విమర్శిస్తున్నారు. అలాగే టాలీవుడ్ నుంచి నిర్మాత నట్టి కుమార్ ఖండించగా.. ఇప్పుడు ఒక్కొక్కరుగా బయటకు వస్తున్నారు.

September 13, 2023 0 comment

Health

Active yaama : వర్షాకాలానికి వండర్ ఫుల్ టెక్నిక్…ఇలా చేస్తే ఫుల్లు ఛార్జ్ అవుతారు…!

by sai krishna September 13, 2023

written by sai krishna

ఊపిరి ఆగిపోతే మనిషి జీవితం అక్కడితో ఆగిపోతుంది. ఉచ్ఛ్వాశ నిశ్వాసలు (Exhalation breaths) చక్కగా సాగితేనే జీవితం కొనసాగుంది. శ్వాసతో మనసుని, శరీరాన్నీ అనుసంధానించడం వల్ల అద్భుతాలు జరుగుతాయంటున్నారు నిపుణులు.

ప్రాణాయామం అన్నా, శ్వాస మీద ధ్యాస అని చెప్పినా , ధ్యానమనుకున్నా, యోగా అన్నా ఏ పేరుపెట్టినా అన్నీ కూడా శ్వాసను నియంత్రించడం అనే బేసిక్ కాన్సెప్ట్ మీద బిల్డ్ అయినవే.

కొన్ని సింపుల్ టెక్నిక్స్ తో వర్షాకాలంలో వచ్చే సైడ్ ఎఫెక్ట్స్ కు చెక్ పెట్టొచ్చట. అసలు రైనీ సీజన్ లో వచ్చే శారీరక సమస్యలేంటి..?! శ్వాసను కంట్రోల్ చేయడం ద్వారా వాటిని ఎలా కంట్రోల్ చొయ్యొచ్చో తెలుసుకుందాం.

వర్షం కారణంగా వాతావరణం నిమిషానికి ఒకలాగ మారుతుంది. దీన్నీ బట్టి మనిషి మూడ్ కూడా మారిపోతుంది.దీంతో కొంతమందికి లేజీగా అనిపించడం, నీరసంగా అనిపించడం, ఉన్నచోటే ఉండాలనిపించడంతో చురుకుదనం తగ్గిపోయి లైఫ్ ఒక చోట లాక్ అయిపోతుంది.

ఈ టైమ్ లో మనసు చెప్పిన మాట వింటే శారీరక శ్రమ తగ్గింపోతుంది.ఆ ఎఫెక్ట్ ఆరోగ్యం మీద పడిపోతుంది. అయితే ఒక ప్రాణాయామం మనం చురుకుగా ఉండటానికి సహాయపడుతుంది.

నాడిశోధనా ప్రాణాయామ : ఈ ప్రాణాయామం మానసిక ఆరోగ్యాన్ని పెంపొందిస్తుంది. ఒత్తిడిని తగ్గిస్తుంది. అలాగే నాడీ వ్యవస్థను శాంత పరుస్తుంది. దీని రెగ్యులర్ అభ్యాసం అధిక రక్తపోటు(blood pressure), నిద్రలేమి(Insomnia), మైగ్రేన్(Migraine), ఒత్తిడి, కోపం, మానసిక రుగ్మతల నుంచి ఉపశమనాన్ని అందిస్తుంది.

అలాగే ఇది సహనం, మానసిక ప్రశాంతత, నిర్ణయం తీసుకునే సామర్థ్యం, ఏకాగ్రతను పెంపొందించడంలో సహాయపడుతుంది. ఇదెలా అంటే.. మీరు మీ వెన్నెముక(spine) నిటారుగా, భుజాలు సడలించి పద్మాసన స్థితిలో కూర్చోండి.

ఇప్పుడు మీ కుడి బొటన వేలితో మీ కుడి ముక్కు రంధ్రాన్ని మూసివేసి, ఎడమ ముక్కు రంధ్రం ద్వారా లోతైన శ్వాస తీసుకోండి. తర్వాత కుడి నాసికా రంధ్రం ద్వారా నిదానంగా శ్వాస వదలాలి. అప్పుడు మీ కుడి చేతి ఉంగరపు వేలితో మీ ఎడమ ముక్కు రంధ్రాన్ని మూసివేసి, కుడి నాసికా రంధ్రం ద్వారా లోతైన శ్వాస తీసుకోండి.

అలాగే ఎడమ నాసికా రంధ్రం ద్వారా ఊపిరి పీల్చుకోండి. ఈ ప్రాణాయామం 4 నుండి 5 నిమిషాలు చేయండి. ఇది సోమరితనం నుంచి బయటపడటానికి సహాయపడుతుంది.

ఈ ప్రాణాయామం శరీరంలోని టాక్సిన్స్‌(Toxins)ను బయటకు పంపడానికి సహాయపడుతుంది. శ్వాసను సులభతరం చేయడానికి మరియు శరీరానికి శక్తినివ్వడానికి, రక్తాన్ని శుద్ధి చేయడానికి కూడా సహాయపడుతుంది.

అలాగే ఈ ప్రాణాయామం అలసటను తగ్గించి శరీరాన్ని చురుగ్గా ఉంచడంలో సహాయపడుతుంది. ఈ ప్రాణాయామం చేయడానికి పద్మాసన స్థితిలో కూర్చుని ఆపై మీకు నచ్చిన భంగిమలో మీ చేతులను మీ మోకాళ్లపై ఉంచండి.

ఇప్పుడు లోతైన శ్వాస తీసుకోండి. నెమ్మదిగా ఊపిరి పీల్చుకోండి. దీన్ని కనీసం 20 నుంచి 30 సార్లు రిపీట్ చేయండి. ఈ ప్రాణాయామం మీ సోమరితనాన్ని వదిలించుకోవడానికి సహాయపడుతుంది.

ఇలా క్రమం తప్పకుండా ప్రాణాయామం, యోగాభ్యాసం చేయడం వల్ల సోమరితనం తొలగిపోవడమే కాకుండా అనేక ఆరోగ్య ప్రయోజనాలను కూడా అందిస్తుంది. ఇలా చేయడం వల్ల ఆరోగ్యానికి ఎంతో మంచిది.మరింకెందుకు ఇలా చేసి …అలా యాక్టీవ్ అవ్వండి.

September 13, 2023 0 comment

Entertainment

Yash Next movie : ఎట్టకేలకు గీతూ మోహన్ కథకు యస్ చెప్పిన యష్..!

by sai krishna September 13, 2023

written by sai krishna

యష్(Yash)..కొంత కాలం క్రితం కన్నడలో సీరియల్ హీరో.నెమ్మదిగా హీరో ఛాన్స్ లు పట్టాడు. చిన్నపాటి హీరోగా చలామణి అవుతూ వచ్చాడు.అలాంటి టైమ్ లో ప్రశాంత్ నీల్ అనే విజనరీ డైరెక్టర్ కంట్లో పడ్డాడు. కట్ చేస్తే కేజీఎఫ్(KGF). కొడితే ఇండియన్ ఫిలిమ్ ఇండస్ట్రీ కుంభస్థలం బద్దలైంది.

యష్ పేరు దేశమంతటా మారుమోగింది. మాకు హీరో దొరికేశాడని యాక్షన్ కథలన్నీ మురిసిపోయాయి. చాలా మంది డైరెక్టర్లు యష్ చుట్టు ప్రదక్షిణలు చేశారు. ఈ లిస్ట్ లో దంగల్ సినిమాని డైరెక్టర్ నితీష్ తివారి కూడా ఉన్నాడని టాకు. యష్ క్రేజ్ ఏ రేంజ్ కు ఎగబాకిందో అర్ధం చేసుకోవచ్చు. అయితే యష్ మాత్రం ఛాన్స్ తీసుకోలేదు.

తనకు కంటెంట్ నచ్చితేనే ‘యాక్షన్ –కట్ ‘ లు ఉంటాయని తెగేసి చెప్పేస్తున్నాడు. సో కేజీఎఫ్‌ తెచ్చిన స్టార్ డమ్ ని కాపాడుకోవడం యశ్ కి టాస్క్ అయిపోయింది. తొందరపడి సినిమాలు ఒప్పేసుకుంటే దొరికేస్తామనే డిఫెన్స్ లో నెక్ట్స్..నెక్స్ట్ అంటూ నెలలు గడిపేస్తున్నాడని సినీవర్గాలు చెప్పుకుంటున్నాయి.

అయితే ఫైనల్‌గా మలయాళ దర్శకురాలు గీతూ మోహన్‌(Geethu Mohan)కు గ్రీన్‌ సిగ్నల్‌ ఇచ్చాడని బెంగళూర్ సినీవార్త.నిజానికి ఈ లీక్‌ ఎప్పుడో బయటకు వచ్చింది కానీ.. ఇప్పుడు క్లారిటీ వచ్చేసింది.

ఈ సినిమా డిసెంబర్‌ మూడో వారంలో ఘనంగా లాంచ్‌ కాబోతున్నట్లు టాక్‌. ఇక ఈ కథ గోవాలో జరిగే డ్రగ్స్ మాఫియా(Drug mafia) చుట్టూ జరుగుతుందట. కొన్ని నెలలుగా యష్‌ ఈ కథతోనే ట్రావెల్‌ చేస్తున్నాడట.

మరీ ముఖ్యంగా కొన్ని నెలల కిందట గోవాకి వెళ్లి అక్కడి పరిసరాలను క్షుణ్ణంగా అధ్యయనం చేశాడట. అంతేకాకుండా గన్‌ షూటింగ్‌ వంటి వాటిలో శిక్షణ తీసుకున్నాడట. ఇలా షూటింగ్‌ స్టార్‌ అయ్యే సరికి ఫుల్ ప్రీపేర్‌ ఉండాలని డిసైడ్‌ అయిపోయాడట.

త్వరలోనే ఈ కాంబినేషన్‌పై అఫీషియల్‌ ప్రకటన వచ్చే ఛాన్స్‌ ఉంది. గీతూ మోహన్‌ గతంలో రెండు సినిమాలకు దర్శకత్వం వహించింది. మలయాళీ హీరో ‘నివిన్ పాలీ(Nivin Pauly)’ తో ముథూన్‌ అనే యాక్షన్‌ థ్రిల్లర్‌ సినిమా తీసింది.

నాలుగేళ్ల కిందట వచ్చిన ఈ సినిమా నివిన్‌ కెరీర్‌లో ది బెస్ట్‌ సినిమాగా నిలిచింది. గీతూ మోహన్‌ దాస్‌ టేకింగ్‌, విజన్‌.. హీరో క్యారెక్టర్‌ డిజైనింగ్ ను సినీ ప్రముఖులు అభినందించారు. ఇక ఇప్పుడు ఏకంగా యష్‌తో సినిమా చేస్తుందంటే ఇక ఏ రేంజ్‌లో ఉండబోతుందో అని సినీ లవర్స్ ఆసక్తితో ఎదురు చూస్తున్నారు.

September 13, 2023 0 comment

National Uncategorized

By By Bharth : బాగైన విమానం…స్వదేశానికి కెనడా ప్రధాని పయనం..!

by sai krishna September 12, 2023

written by sai krishna

కెనడా ప్రధాని (Canadian Prime Minister) జస్టిన్‌ ట్రూడో (Justin Trudeau) ఎట్టకేళకు భారత్‌ను వీడారు. జీ20 స‌ద‌స్సు (G20 Summit) కోసం భార‌త్ వ‌చ్చిన ఆయన విమానంలో సాంకేతిక లోపం తలెత్తడంతో సుమారు 36 గంటల పాటు భార‌త్‌లోనే ఉండిపోవాల్సివచ్చింది.

ఆదివారం సదస్సు ముగిసిన తర్వాత ట్రూడో ఢిల్లీ నుంచి కెనడా బయలుదేరాల్సి ఉండగా ఆయన విమానంలో సాంకేతిక లోపాన్ని గుర్తించిన సిబ్బంది చివరి నిమిషంలో ప్రయాణాన్ని రద్దు చేశారు.

ఇక అప్పటి నుంచి సమస్యను పరిష్కరించేందుకు సిబ్బంది తీవ్రంగా ప్రయత్నించారు.చివరికి మంగళవారం విమానంలోని సాంకేతిక సమస్య పరిష్కారం కావడంతో విమానం గాల్లోకి ఎగిరేందుకు అనుమతి లభించింది.

ఆ క్రమంలో ఆయన దాదాపు 36 గంటల నిరీక్షణ తర్వాత తిరిగి కెనడా బయలుదేరి వెళ్లారు. మ‌రోవైపు కెన‌డా నుంచి ట్రూడో కోసం బ‌య‌లుదేరిన బ్యాక‌ప్ విమానాన్ని లండ‌న్‌(London)కు దారిమ‌ళ్లించారు. అయితే ఈ విమానాన్ని ఎందుకు దారిమ‌ళ్లించార‌నే వివ‌రాలు వెల్లడికాలేదు.

సమ్మిట్‌ కోసం ట్రూడో శుక్రవారం భారత్‌కు వచ్చిన విషయం తెలిసిందే. శని, ఆదివారాల్లో ఢిల్లీలోని భారత్‌ మండపంలో జరిగిన జీ20 సమ్మిట్‌లో పాల్గొన్నారు. సమావేశాలు ముగిశాయి.

తర్వాత షెడ్యూల్‌ ప్రకారం ఆదివారం రాత్రి 8 గంటలకు ట్రూడో ఆయన బృందం న్యూఢిల్లీ నుంచి కెనడా బయలుదేరాలి. విమానంలో తలెత్తిన సాంకేతిక సమస్య కారణంగా వారంతా భారత్‌లోనే ఉండిపోయారు.

September 12, 2023 0 comment

Entertainment

Trisha full busy : వరుస ఆఫర్లతో బిజీ అయిన త్రిష…!

by sai krishna September 12, 2023

written by sai krishna

ఎన్ని ఒడిదుడుకులు వచ్చినా చెదరని చిరునవ్వు ఆమెది. ఏళ్లు గడిచినా చెక్కు చెదరని రూపం ఆమెది. హీరోయిన్ ఫ్రెండ్స్ క్యారెక్టర్లతో తన సినీ ప్రయాణం మొదలు పెట్టి…అనతి కాలంలో బిజియెస్ట్ హీరోయిన్ గా ఎదిగింది.

ఎందరో స్టార్ హీరోల సరసన నటించి దక్షిణాది సినిమా(South cinema)ని ఏలుతోంది. ఆమె మరెవరో కాదు. కుర్రకారు గుండెల్లో నిండిన నిషా..అందాల త్రిష. సినిమా అంటేనే కొత్తదనం ఆ క్రమంలో ఎందరో తారలు వెండి తెరకు పరిచయం అయ్యారు.

ఇలా తళుక్కుమని మెరిసి..అలా ఒకట్రెండు ఏళ్లకే మాయమయ్యారు. ఎవరైనా తమ ట్యాలెంటె‌తో కొన్నేళ్లు నెట్టుకొచ్చినా.. ఇండస్ట్రీలో నిలదొక్కుకునేలోపే..వచ్చిన దారిన వెళ్లిపోయారు.

త్రిష అలా కాదు. హీరోలతో పోటీపడుతూ దశాబ్ధాల పాటు నిలిచి నిలదొక్కుకుంది. ప్రస్తుతం సౌత్ ఫిల్మ్ ఇండస్ట్రీలో అత్యధిక రెమ్యునరేషన్(Remuneration) అందుకుంటున్న హీరోయిన్‌గా కొనసాగుతోంది.

తమిళ పొన్ను త్రిష 20 ఏళ్లుగా అటు తమిళ్.. ఇటు తెలుగు సినీ ఇండస్ట్రీలో నిరాటకంగా కెరీర్ కొనసాగిస్తోంది. 1999లో తమిళ్‌లో జోడి చిత్రం ద్వారా త్రిష సిల్వర్ స్క్రీన్‌పై ఎంట్రీ ఇచ్చారు.

‘నీ మనసు నాకు తెలుసు’తో తెలుగులో ఎంట్రీ ఇచ్చారు. ‘వర్షం’ మూవీ త్రిష‌కు తెలుగులో పెద్ద బ్రేక్ ఇచ్చింది. చిరంజీవి(Chiranjeevi) నెక్స్ట్ మూవీలో త్రిషను తీసుకోవచ్చని ప్రచారం జరుగుతున్న వేళ..ఆమె మరో క్రేజీ ఆఫర్ కొట్టేశారు.

స్టార్ హీరో అజిత్ కుమార్(Ajith Kumar)హీరో‌గా తెరకెక్కనున్న ‘విడాముయర్చి’ మూవీలో త్రిష హీరోయిన్‌గా ఎంపికయ్యింది. త్రిష, అజిత్ కాంబినేషన్‌లో ఇది ఐదో సినిమా. గతంలో వారిద్దరి కాంబినేషన్‌లో యన్నై అరిందాల్, మన్గాత, జై, కిరీటం సినిమాలు వచ్చాయి లైకా ప్రొడైక్షన్స్‌ నిర్మించనున్న ఈ మూవీకి అనిరుధ్ (Anirudh) సంగీత బాణీలు సమకూర్చనున్నారు.

ఈ మూవీలో సంజయ్ దత్, అర్జున్ దాస్ కూడా కీలక పాత్రలు పోషించనున్నారు. సెప్టెంబర్ చివరి వారంలో అబుదాబీలో ఈ మూవీ సినిమా షూటింగ్ మొదలుపెట్టనున్నారు మేకర్స్. ప్రస్తుతం దళపతి విజయ్ సరసన లియో మూవీలో త్రిష నటిస్తోంది. విజయ్, త్రిష కాంబినేషన్‌లోనూ గతంలో పలు సినిమాలు వచ్చాయి. వరుస మూవీల్లో నటిస్తూ 40 ఏళ్లలోనూ తన సత్తా ఏంటో నిరూపిస్తోంది త్రిష.

September 12, 2023 0 comment

Uncategorized Viral

Pak Vs Pok: పాక్ పాలనకు వ్యతిరేకంగా పీఓకే ప్రజల ఆగ్రహ జ్వాలలు..!

by sai krishna September 12, 2023

written by sai krishna

తమకు ఆకలి పంచి..పాక్ అన్నం తీసుకుపోతుందని పాక్ ఆక్రమిత కశ్మీర్(పీఓకే)ప్రజలు ఆందోళనకు దిగారు.పుష్కలమైన ఇక్కడ వనరులను దోచుకుంటూ పాకిస్థాన్ తమ జీవించే హక్కును శాసిస్తోందని ఆగ్రహం వ్యక్తం చేస్తున్నారు.

కాగా పాకిస్థాన్‌(Pakistan)కు వ్యతిరేకంగా పీఓకే ప్రజలు చేస్తున్న ఆందోళనలను పాక్‌ పాలకులు ఉక్కుపాదంతో అణచివేస్తున్నారు. అనధికార విద్యుత్‌ కోతలతో పీఓకేలో అన్ని వ్యాపారాలు దెబ్బతిన్నాయి.

చాలా ప్రదేశాల్లో రోజుకు కొన్ని గంటలు మాత్రమే విద్యుత్‌ సరఫరా చేస్తుండటం.. వీరి బతుకులను అంధకారం వైపు నడిపిస్తోంది. పాకిస్థాన్‌లో ఇతర ప్రాంతాలతో పోలిస్తే పీఓకేలో అత్యధిక విద్యుత్‌ బిల్లులను వసూలు చేస్తున్నారు.

పీఓకే(PoK)లో 3 వేల మెగావాట్ల విద్యుత్‌ ఉత్పత్తి జరిగితే.. అందులో తాము బతకడానికి కనీసం 400 మెగావాట్ల విద్యుత్‌ అయినా కేటాయించాలని స్థానికులు డిమాండ్‌ చేస్తున్నారు. కానీ పాక్‌ ప్రభుత్వం పట్టించుకోవడం లేదు.

నదులు, సరస్సుల వంటి సహజ వనరులు(Natural resources)పీఓకేలో సమృద్ధిగా ఉన్న…సురక్షిత తాగునీటి కోసం ప్రజలు పడరాని పాట్లు పడుతున్నారు.

ఆయా నదులపై నీటి శుద్ధి ప్లాంట్లను నిర్మించాలని పౌరులు నినదిస్తున్నా వినే నాథుడే లేకుండా పోయాడు.ముజఫరాబాద్‌(Muzaffarabad)డివిజన్‌లోని నీలం- జీలం ప్రాజెక్టులో విపరీతమైన అవినీతి జరిగిందని స్థానికులు చెబుతున్నారు.

మిర్‌పుర్‌ డివిజన్‌లోని రతోవ భారీ హర్యామ్‌ వంతెనను పునరుద్ధరిస్తే మిగిలిన భూభాగంతో సంబంధాలు పెరిగి కష్టాలు తీరుతాయని చెబుతున్నా.. ప్రభుత్వాలు నిధులు కేటాయించడం లేదని ఆవేదన వ్యక్తం చేస్తున్నారు.

పీఓకేలోని స్థానిక యంత్రాంగాలు పాక్‌ ప్రభుత్వ చేతిలో కీలుబొమ్మల్లా తయారయ్యాయి. గోధుమ పిండి కొరత నేపథ్యంలో తీవ్రమైన ఆహార సంక్షోభం.. ప్రజలను పస్తులు ఉంచుతోంది.

గోధుమల దిగుమతిపైనా అధిక పన్నులు విధిస్తున్నారు.గిల్గిట్‌(Gilgit), బాల్టిస్థాన్‌, పర్యటకానికి ప్రసిద్ధి. అలాంటి ప్రదేశాల్లో పారిశుద్ధ పనులు చేపట్టకపోవడం వల్ల ప్రజలు, వ్యాపారులు ఇబ్బంది పడుతున్నారు.

September 12, 2023 0 comment

National Viral

Tiger killer : ఆ రైతు రెండు పులులను చంపేశాడు…ఎలాగంటే..!?

by sai krishna September 12, 2023

written by sai krishna

తమిళనాడు(Tamil Nadu)లోని నీలగిరి జిల్లాలో ఓ వ్యక్తి రెండు పులుల మృతికి కారణమైనట్లు అధికారులు అనుమానిస్తున్నారు.ఈ మేరకు అటవీ అధికారులు శేఖర్‌ అనే రైతును అదుపులోనికి తీసుకున్నారు.

ఎమరాల్డ్‌(Emerald)లోని నీటి కుంటలో 3 ఏండ్లు, 8 ఏండ్ల వయసున్న రెండు పులులు మృతి చెందినట్లు గుర్తించి..దీనిపై విచారణ చేపట్టారు. పులుల కళేబరాలకు సమీపంలోనే ఓ ఆవు కళేబరాన్ని గమనించారు.

దీంతో అనుమానం వచ్చిన అధికారులు ఫోరెన్సిక్ విశ్లేషణ కోసం పులులు, ఆవు కళేబరాల నుంచి నమూనాలను సేకరించి కోయంబత్తూరుకు పంపారు అధికారులు.

కళేబరాలలో పురుగుల మందు అవశేషాలు ఉన్నట్టు నివేదిక వచ్చింది. విషపూరితమైన ఆవు కళేబరాన్ని తినడం వల్లే పులులు చనిపోయినట్టు ఫోరెన్సిక్‌ నివేదికలో తేలింది.

ఈ క్రమంలో సోమవారం ఆవు యజమాని శేఖర్‌(Shekhar)ను అటవీ అధికారులు అదుపులోకి తీసుకుని విచారించారు. తానే ఆవు కళేబరాన్ని విషపూరితం చేసినట్టు శేఖర్‌ అంగీకరించాడు.

పది రోజుల కిందట తప్పిపోయిన తన ఆవును వెతకడానికి సమీపంలోని అడవికి వెళ్లానని, ఓ చోట ఆవు మృతదేహం కనిపించిందని, దానిని పులి చంపినట్లు గ్రహించానని తెలిపాడు.

తన ఆవును చంపిన పులిపై ప్రతీకారం తీసుకోవాలని భావించి.. పురుగు మందులతో దాని మృతదేహాన్ని విషపూరితం చేసినట్టు వివరించాడు. చనిపోయినవాటిలో ఒక పులి శరీరంపై ఎటువంటి గాయాలు కనిపించకపోగా.. మరొకటి గాయపడినట్లు అధికారులు తెలిపారు.

విషపూరిత ఆవు కళేబరాన్ని తిని కనీసం రెండు పులులలో ఒకటి మరణించి ఉండచ్చని అధికారులు భావిస్తున్నారు.మరో పులి ఎలా చనిపోయిందనే కోణంలో దర్యాప్తు చేస్తున్నామని అధికారులు పేర్కొన్నారు.

అయితే, విషపూరిత కళేబరాన్ని తినడానికి ముందు మూడేళ్ల వయసున్న పులిని ఎనిమిదేళ్ల వయసున్న పులి చంపేసి ఉంటుందని భావిస్తున్నారు. గాయాలున్న పులి మరణానికి కచ్చితమైన కారణాలు ఫోరెన్సిక్ నిపుణుల(Forensic experts)విశ్లేషణ తర్వాత వెల్లడవుతుందని అన్నారు.

September 12, 2023 0 comment

Viral

Elephant hunt : సందర్శకులను టార్గెట్ చేసిన ఏనుగు…తర్వాత ఏమైందంటే..!

by sai krishna September 12, 2023

written by sai krishna

కర్ణాటక(Karnataka)లోని మైసూర్ జిల్లాలో ఉన్న నాగర్ హోల్ నేషనల్ పార్క్(Nagarhole National Park)లో ఓ ఏనుగు హల్ చల్ చేసింది. పర్యాటకుల వాహనాలపై దాడి చేసేందుకు ప్రయత్నించింది. కొంత దూరం పర్యటకుల వాహనాలను వెంబడించింది.

తొలుత ఓ సఫారీ వాహనాన్ని తరిమగా వాహనాన్ని రివర్స్లో పోనిచ్చాడు డ్రైవర్ అనంతరం మరో వైపు వస్తున్న పర్యటకుల వాహనాన్ని కూడా వెంబడించసాగింది. దీంతో ఆ వాహనాన్ని కూడా వెనక్కి పోనిచ్చాడు డ్రైవర్.వాహనాలను ఏనుగు తరుముతున్న దృశ్యాలను ఓ పర్యాటకుడు వీడియో తీశాడు.రెండు వాహనాలను తరిమిన అనంతరం తిరిగి అడవిలోకి వెళ్లిపోయింది.

కొద్ది రోజుల క్రితం కూడా కేరళ(Kerala)లోని వయనాడ్ ( Wayanad)లో ముథంగ-బందీపుర్ ప్రాంతంలో ఓ ఏనుగు ఇలాగే ప్రపర్తించింది. వయనాడ్ అభయారణ్యంలో బైకర్లపైకి దూసుకెళ్లింది. ఏనుగును చూసి బైకర్లు రోడ్డుపైనే ఆగిపోగా..అదేసమయంలో గజరాజు వారిపైకి దూసుకొచ్చింది.

భయభ్రాంతులకు లోనైన యువకుడు వెంటనే అక్కడి నుంచి దూరంగా పారిపోయాడు. ద్విచక్రవాహనంపై ఉన్న మరో వ్యక్తి తన బైక్ను అడవిలోకి పోనిచ్చాడు. అలా వాహనదారులు ఏనుగు దాడి నుంచి తమ ప్రాణాలు కాపాడుకున్నారు.

September 12, 2023 0 comment

Telangana

Tension tension : వాగు దాటుతూ కొట్టుకుపోయిన మహిళలు…చివరికి..!

by sai krishna September 12, 2023

written by sai krishna

వాగు దాటుతూ ప్రవాహ ఉధృతికి కొట్టుకు పోయిన ఇద్దరు మహిళలు ఎట్టకేలకు సురక్షితంగా ఒడ్డుకు చేరారు. దాదాపు 6 గంటల పాటు పోరాడి ప్రాణాలతో బయటపడ్డారు. తీవ్ర కలకలం రేపిన ఈ ఘటన మహబూబ్‌నగర్‌ జిల్లా(Mahbubnagar District)లో చోటుచేసుకుంది.

స్థానికుల వివరాల ప్రకారం..మహబూబ్‌నగర్ జిల్లా మిడ్జిల్ మండలం(Middle mandal) చిలివేరు(Chiliveru) గ్రామానికి చెందిన నీలమ్మ (55), సుగుణమ్మ (35) నాగర్‌కర్నూల్‌ జిల్లాలోని ఆవంచ గ్రామానికి వెళ్లారు.

ఆ రోజు మధ్యాహ్నం సుమారు ఒంటి గంట సమయంలో తిరిగి గ్రామానికి వస్తూ మార్గమధ్యలో ఉన్న దుందుభి వాగు దాటుతున్నారు. ఈ క్రమంలో ఒక్కసారిగా వరద ఉద్ధృతి పెరగడంతో కొట్టుకుపోయారు.

వాగు మధ్యలోని చెట్ల కొమ్మలను పట్టుకుని కేకలు వేశారు. వారి అరుపులు విన్న చుట్టుపక్కల వారు.. గ్రామస్థులు, అధికారులకు సమాచారం అందించారు. ఎమ్మార్వో రాజునాయక్(Raju Naik), ఎస్సై శివ నాగేశ్వర్‌ నాయుడు, స్థానిక ప్రజాప్రతినిధులు ఘటనా స్థలానికి చేరుకున్నారు.

వరద ఉధ ఎక్కువగా ఉండటంతో జిల్లా పాలనాధికారికి సమాచారం అందించారు. ఆయన ఆదేశాల మేరకు అగ్నిమాపక శాఖ రెస్క్యూ సిబ్బంది మరబోటు సహాయంతో మహిళలను సురక్షితంగా ఒడ్డుకు చేర్చారు. 6 గంటల పాటు నీటిలో ఉండటంతో హుటాహుటిన వారిని ఆసుపత్రికి తరలించారు.

September 12, 2023 0 comment

Newer Posts

Older Posts