Andhra Pradesh

ప్రధాని మోడీ(PM Modi)ని నరహంతకుడని తిట్టిన వారే ఇప్పుడు స్వప్రయోజనం కోసం ఆయన చుట్టూ ప్రదక్షిణలు చేస్తున్నారని మంత్రి కాకాణి గోవర్దన్‌రెడ్డి(Minister Govarthan Reddy) ఆరోపించారు. మెదరమెట్లలో నిర్వహించిన సిద్ధం సభ అనంతరం ఆయన మీడియాతో మాట్లాడారు. ఆంధ్రప్రదేశ్ రాష్ట్రంలో సిద్ధం సిభ రికార్డు సృష్టించిందని గోవర్దన్‌రెడ్డి అభిప్రాయపడ్డారు.

తన కుటుంబం 60ఏళ్లుగా రాజకీయాల్లో ఉందని తన జీవితంలో ఏనాడూ ఇంతటి స్పందన చూడలేదని తెలిపారు. సభకు వచ్చిన ప్రజలను చూసి చంద్రబాబుకు గ్యాస్టిక్ ట్రబుల్ వచ్చిందంటూ చురకలు అంటించారు. గ్రాఫిక్స్ ద్వారా అధికంగా ప్రజలు వచ్చినట్లు చూపించారని టీడీపీ అనుకూల మీడియా ప్రచారం చేస్తోందని, గ్రాఫిక్స్‌కు ఆద్యుడు చంద్రబాబేనని దుయ్యబట్టారు.

‘రా కదలిరా’ సభల్లో ప్రజలను చూపించరని, ఎందుకంటే అక్కడ ఖాళీ కుర్చీలే దర్శనమిస్తాయంటూ ఎద్దేవా చేశారు. జగన్ ప్రజల చుట్టూ తిరుగుతుంటే పొత్తుల కోసం ఢిల్లీలో చంద్రబాబు తిరుగుతున్నారని మంత్రి ఆరోపించారు. జనం లేని దానికి సేనాని పవన్‌తో కలిశారు.. ఇప్పుడు బీజేపీతో కలుస్తున్నారు అంటూ మండిపడ్డారు. మోడీని రకరకాలుగా తిట్టి.. ఆయన వ్యక్తిగత జీవితాన్ని కూడా విమర్శించి.. ఇప్పుడు ఆయనతోనే కలుస్తున్నారంటూ ధ్వజమెత్తారు.

‘2014 ముగ్గురూ ఒకటయ్యారు. 2019లో విడిపోయారు.. జగన్ ను ఓడించాలానే లక్ష్యంతోనే మళ్లీ ముగ్గురూ కలుస్తున్నారు.. ప్రతీ సర్వేలోనూ వైసీపీకి మెజార్టీ వస్తుందని వెల్లడవుతోంది. గతంతో పోల్చుకుంటే వైసీపీ బలం ఇంకా పెరిగింది.. వచ్చే ఎన్నికల్లో వైసీపీ సునామి సృష్టించి విజయ దుందుభిని మోగించనుంది’ అంటూ చెప్పుకొచ్చారు.

కాపు ఉద్యమనేత ముద్రగడ పద్మనాభం(Mudragada Padmanabham) త్వరలో వైసీపీ(YCP) కండువా కప్పుకోనున్నారు. ఈ విషయాన్ని ఆయనే స్వయంగా ఓ బహిరంగ లేఖ ద్వారా వెల్లడించారు. ఈనెల 14వ తారీఖున తాను వైసీపీలో చేరుతున్నట్లు ప్రకటించారు.

ఆంధ్రప్రదేశ్ ముఖ్యమంత్రి వైఎస్ జగన్మోహన్‌రెడ్డి(CM Jaganmohan Reddy) ఆధ్వర్యంలో వైసీపీలో చేరబోతున్నట్లు పేర్కొన్నారు. ఆ లేఖలో ‘‘ఈ మధ్య జరుగుతున్న రాజకీయ పరిణామాలు మీడియా ద్వారా అందరికీ తెలుసు. సీఎం జగన్మోహన్‌రెడ్డి పిలుపు మేరకు వైఎస్సార్సీపీలోకి వెళ్ళాలని మీ ఆశీస్సులతో నిర్ణయం తీసుకున్నాను.’’ అని తెలిపారు.

అదేవిధంగా మరోసారి ముఖ్యమంత్రి పీఠం మీద వైఎస్ జగన్‌ను కూర్చోపెట్టడానికి ఎలాంటి కోరికలు లేకుండా పని చేస్తానని ముద్రగడ వెల్లడించారు. పేదలకు మరెన్నో సంక్షేమ పథకాలు, అభివృద్ధిని సీఎం జగన్ చేయించాలని ఆశతో ఉన్నానని తెలిపారు.

ప్రజల బిడ్డ అయిన తాను ఎప్పుడూ తప్పు చేయలేదని ముద్రగడ ఆ లేఖలో పేర్కొన్నారు. ఈనెల 14వ తేదీన కిర్లంపూడి నుంచి తాడేపల్లికి బయల్దేరతానని తెలిపారు. అవకాశాన్ని బట్టి ప్రయాణంలో తమతో తాడేపల్లికి రావాలని ప్రజలకు పిలుపునిచ్చారు.

సీఎం జగన్ (CM Jagan)కు బుర్ర లేదంటూ తెలుగుదేశం రాష్ట్ర అధ్యక్షుడు అచ్చెన్నాయుడు (Atchannaidu) విమర్శించారు. ఆయన ఆదివారం శ్రీకాకుళంలో మీడియాతో మాట్లాడారు. పొత్తులపై జగన్ పిచ్చెక్కి మాట్లాడుతున్నారని మండిపడ్డారు. రాష్ట్రంలో టీడీపీ, జనసేన, బీజేపీలు అధికారం చేపడతాయని ధీమా వ్యక్తం చేశారు. దేశంలో పొత్తులు కొత్తకాదని తెలిపారు. జగన్ తండ్రి కాంగ్రెస్‌లో ఉండగా టీఆర్ఎస్, కమ్యూనిస్టులతో ఎందుకు పొత్తు పెట్టుకున్నారని ప్రశ్నించారు.

టీడీపీ అధికారం కోసం పొత్తు పెట్టుకోలేదని, పొత్తు చారిత్రాత్మక అవసరమని వ్యాఖ్యానించారు. రాష్ట్రానికి పట్టిన శని వదిలించుకోవటానికి పొత్తు పెట్టుకున్నామని స్పష్టం చేశారు. ప్రజల మనోభావాలు అర్థం చేసుకున్న అనుభవం ఉన్న నేతగా చంద్రబాబు పొత్తుకు వెళ్లారన్నారు. వైసీపీ పతనం ఖాయమని, టీడీపీ టికెట్ల కోసం అభ్యర్థులు క్యూ కడుతున్నారని తెలిపారు. వైసీపీలో పోటీ చేసే అభ్యర్థులు కరువయ్యారని విమర్శించారు.

‘‘సంక్షేమానికి పేటెంట్ హక్కు టీడీపీదే.. జగన్‌కు బుర్ర లేదు.. చంద్రబాబుకు బుర్ర ఉంది.. మా నాయకుడు విజన్ ఉన్న నాయకుడు.. పెట్టుబడులు తెచ్చే సత్తా చంద్రబాబుకు ఉంది.. వైసీపీ కంటే మెరుగైన సంక్షేమ పథకాలు అందిస్తాం’’ అంటూ అచ్చెన్నాయుడు స్పష్టం చేశారు. రాష్ట్రంలో వలంటీర్ వ్యవస్థను టీడీపీ కొనసాగిస్తుందన్నారు. ప్రజల డబ్బు తీసుకుని వైసీపీకి ఊడిగం చేస్తే ఊరుకోమన్నారు.

కుర్చీకి మూడు కాలు ఉంటే పడిపోతుందంటూ విజయసాయిరెడ్డి వ్యాఖ్యలపై స్పందిస్తూ ‘మా కుర్చీ వైసీపీ కుర్చీని మడత పెట్టేయటం ఖాయం.. వైసీపీని ప్రజలు అసహ్యించుకుంటున్నారు’ అంటూ కౌంటర్ ఇచ్చారు. టీడీపీ అధికారంలోకి వస్తే సంక్షేమ పథకాలు ఉండవని జగన్ కొత్త నాటకం ఆడుతున్నారని ఆరోపించారు. జగన్‌కు సంక్షేమ పథకాల గురించి మాట్లాడే నైతిక హక్కు లేదన్నారు.

ఏపీ(AP)లో పొలిటికల్ పొత్తులు(Political alliances) కాకపుట్టిస్తున్నాయి. బీజేపీ(BJP), టీడీపీ(TDP), జనసేన(Janasena) పొత్తు ఖాయమైన సంగతి తెలిసిందే. ఈ నేపథ్యంలో జనసేన అధినేత పవన్ కళ్యాణ్(Janasena chief Pawan Kalyan) ఎక్స్(X) వేదికగా ఆసక్తికర ట్వీట్ చేశారు.

ఏపీ విభజనలో అర్ధ దశాబ్ద కాలంగా వైసీపీ ప్రభుత్వ విధానపరమైన తీవ్రవాదం, అవినీతి, ఇసుక, విలువైన ఖనిజాల వంటి సహజ వనరుల దోపిడీ, మద్యం మాఫియాతో రాష్ట్రం అల్లకల్లోలమైందని ఆవేదన వ్యక్తం చేశారు. న్యాయవ్యవస్థను దుర్వినియోగం చేయడం మొదలైన అకృత్యాల కారణంగా రాష్ట్రంలో పెట్టుబడులు పెట్టాల్సిన వ్యాపారులు, పారిశ్రామికవేత్తలు పారిపోయారని వెల్లడించారు.

ఆలయాలను అపవిత్రం చేశారని, టీటీడీని ఎటీఎంగా మార్చారంటూ తీవ్రస్థాయిలో ధ్వజమెత్తారు. ఎర్రచందనం స్మగ్లింగ్, 30వేల మందికి పైగా మహిళల అదృశ్యం, దళితులపై అత్యధిక దౌర్జన్యాలు తదితర అకృత్యాలతో రాష్ట్రంలో సామాజిక, ఆర్థిక రాజకీయ గందరగోళం ఏర్పడిందని ఆందోళన వ్యక్తం చేశారు.

ప్రతిపక్ష నాయకులు వారి పార్టీ కేడర్‌పై బలవంతం, భౌతిక దాడులకు పాల్పడ్డారని తెలిపారు. దీనికి ముగింపు పలకడానికి రానున్న ఎన్నికల్లో ప్రధాని మోడీ నాయకత్వంలోని బీజేపీ, టీడీపీ, జనసేన కూటమి ముగింపు పలకనుందని పేర్కొన్నారు. చివరగా బీజేపీలో తమకు భాగస్వామ్యం ఇచ్చినందుకు ధన్యవాదాలు తెలిపారు.

ఏపీ (AP)లో ఎన్నికలు సమీపిస్తున్న కొద్ది రాజకీయాల్లో కీలక మార్పులు చోటు చేసుకొంటున్నాయి. ఇప్పటికే టీడీపీ, జనసేన (Janasena) కలసి బరిలోకి దిగుతుండగా.. బీజేపీ (BJP)తో సైతం జతకట్టాలని భావిస్తున్న ఈ రెండు పార్టీలు ఆ దిశగా అడుగులు వేస్తున్నాయి.. ఇక తాజాగా అమిత్‌షాతో చంద్రబాబు, పవన్‌కల్యాణ్‌ మరోసారి భేటీ అయ్యారు. నేడు అమిత్‌షా నివాసంలో సమావేశమైన చంద్రబాబు, పవన్‌, ఏపీ ఎన్నికల్లో సీట్ల సర్దుబాటుపై చర్చించారు.

ఈ మేరకు ఎన్డీఏ (NDA)లోకి తెలుగుదేశం పార్టీని బీజేపీ ఆహ్వానించింది. త్వరలో జరగబోయే ఎన్డీఏ భేటీకి సైతం టీడీపీ (TDP) హాజరయ్యే అవకాశం ఉందని తెలుస్తోంది. కాగా రాష్ట్రాభివృద్ధి కోసం కేంద్రం సహకారం అవసరమని భావిస్తున్న టీడీపీ, ఎన్టీఏలో చేరడానికి సిద్దం అయిందని అంటున్నారు.. మరోవైపు ఎన్నికల్లో సీట్ల సర్దుబాటుపై సైతం 3 పార్టీలకు అవగాహన కుదిరిందని సమాచారం.

అదేవిధంగా ఏపీలోని మొత్తం 175 అసెంబ్లీ, 25 లోక్‌సభ స్థానాలకుగాను బీజేపీ, జనసేన కలిసి 30 అసెంబ్లీ, 8 లోక్‌సభ స్థానాల్లో పోటీచేయాలని ప్రాథమిక అవగాహనకు వచ్చినట్లు ప్రచారం జరుగుతుంది. పొత్తుల విషయంలో ఆలస్యమైనందున మిత్రపక్షాల మధ్య ఓట్ల బదిలీని దృష్టిలో పెట్టుకొని జాగ్రత్తగా వ్యవహరించాలని, విజయావకాశాల ఆధారంగా ముందుకెళ్లాలని మూడు పార్టీలు నిర్ణయించినట్లు తెలుస్తోంది.

ఇదిలా ఉండగా గతంలో చంద్రబాబు (Chandrababu) హయాంలో జరిగిన అభివృద్ధిని దృష్టిలో ఉంచుకొని ఆయనతో కలిసి పనిచేయడానికి బీజేపీ కూడా సిద్ధమైనట్లు తెలుస్తోంది. ప్రధాని మోడీ (PM Narendra Modi) మూడోసారి అధికారం చేపడతాననే ధీమాతో దేశాన్ని అభివృద్ధి బాటలో తీసుకెళ్లాలని సంకల్పించుకొని నీతీశ్‌ కుమార్ లాంటి పాతమిత్రులను కలుపుకెళ్లాలని నిర్ణయించారని అంటున్నారు..

అందుకే చంద్రబాబునూ ఆహ్వానించినట్లు టీడీపీ వర్గాలు పేర్కొన్నాయి. అయితే ఈ పొత్తులపై 3 పార్టీల నేతలు ఇప్పటి అధికారికంగా ఎలాంటి ప్రకటన చేయలేదు. తాజాగా భేటీతో క్లారిటీ వచ్చినట్లు భావిస్తున్న క్రమంలో త్వరలోనే ఈ అంశంపై ప్రకటన వెలువడే అవకాశం ఉందని అంచనా వేస్తున్నారు.

తెలుగు బాషపై అభిమానం చూపించే భారత మాజీ ఉప రాష్ట్రపతి ఎం. వెంకయ్యనాయుడు (M Venkaiah Naidu).. ఓనమాలు మాత్రమే నేర్చుకొంటే.. తెలుగు ఆనవాళ్లు ఉండవని హెచ్చరించారు.. తూర్పుగోదావరి (East Godavari) జిల్లా రచయితల సంఘం సంయుక్తంగా కాకినాడ (Kakinada)లో రెండు రోజులపాటు అఖిల భారత తెలుగు సాహితీ సదస్సు నిర్వహిస్తున్నారు..

వంగూరి ఫౌండేషన్‌ (Vanguri Foundation) ఆఫ్‌ అమెరికా 30వ వార్షికోత్సవం సందర్భంగా.. కాకినాడ దంటు కళాక్షేత్రంలో జరుగుతోన్న ఈ సదస్సును నేడు ఆయ‌న ప్రారంభించారు.. ఈ సంద‌ర్భంగా వెంక‌య్య మాట్లాడుతూ, తెలుగు భాషలో వస్తున్న మార్పులపై ఆందోళన వ్యక్తం చేశారు. కొందరు భాష చాలా ఎబ్బెట్టుగా, వెటకారంగా మాట్లాడుతున్నారని ఆవేదన వ్యక్తం చేశారు.. ప్రభుత్వాలు దురదృవశాత్తు సాహిత్యాన్ని ప్రోత్సహించడం లేదని గుర్తు చేశారు..

తల్లి లాంటి మాతృ భాష శతకాలు అలవాటు చేస్తే పిల్లలు బాగుపడతారని సూచించారు.. అదేవిధంగా తెలుగు భాషలో వస్తున్న మార్పులపై ఆందోళన వ్యక్తం చేశారు. మరోవైపు తెలుగును కనుమరుగు కాకుండా బ్రతికించుకోవలసిన బాధ్యత నేటి యువతపై ఉందని తెలిపారు.. విదేశీ మోజులో పడి నేడు.. తెలుగు అంటే.. చిన్న చూపు చూస్తున్నారని ఆవేదన వ్యక్తం చేశారు. ఇక 45 ఏళ్లు విరామం లేకుండా రాజకీయాలు చేశానని గుర్తుచేసిన వెంకయ్యనాయుడు.. ఉప రాష్ట్రపతి అయిన తర్వాత రెస్ట్ తీసుకొనే అవకాశం వచ్చిందని తెలిపారు.

ఏపీ మాజీ మంత్రి వైఎస్ వివేకా(YS Viveka) హత్యా ఉదంతం రాష్ట్ర రాజకీయాల్లో పెను దుమారం రేపిన సంగతి తెలిసిందే. ఈ కేసులో అప్రూవర్‌గా మారిన దస్తగిరి(Dasthagiri).. వైఎస్ వివేకాను ఏపీ సీఎం జగనే చంపించారని సంచలన ఆరోపణలు చేశాడు.

ఈ మేరకు జైలులో జరిగిన ఘటనలపై విచారణ చేయాలని తెలుగు రాష్ట్రాల ప్రధాన న్యాయమూర్తులకు, సీబీఐకి దస్తగిరి లేఖ రాశానన్నాడు. కడప ప్రెస్‌క్లబ్‌లో నిర్వహించిన మీడియా సమావేశంలో దస్తగిరి మాట్లాడుతూ ఎంపీ టికెట్టు విషయంలోనే వివేకా హత్య జరిగిందని స్పష్టం చేశాడు. ప్రస్తుతం పశ్చాత్తాపంతో అప్రూవర్‌గా మారాను కాబట్టే జై భీమ్‌ భారత్‌ పార్టీ తరఫున పులివెందులతో ఎమ్మెల్యే అభ్యర్థిగా పోటీ చేస్తున్నానని తెలిపాడు.

వివేకాను చంపిన తనకు ఓటు అడిగే హక్కు లేదంటున్నారని, బాబాయ్‌ను చంపిన జగన్‌కు ఓటు అడిగే హక్కు ఉంటుందా అని దస్తగిరి నిలదీశాడు. అప్రూవర్‌గా మారినప్పటికీ తనపై బురద జల్లుతున్నారని ఆవేదన వ్యక్తం చేశాడు. వివేకా కేసులో అప్రూవర్‌గా మారడంతో తనను బెదిరిస్తున్నారని ఇటీవల కడప జైల్లో చిత్రహింసలు పెట్టారని ఆవేదన వ్యక్తం చేశాడు.

వివేకా హత్య వెనక ఏపీ సీఎం జగన్, ఎంపీ అవినాష్‌రెడ్డి, వైఎస్‌ భాస్కర్‌రెడ్డి, దేవిరెడ్డి శివశంకర్‌రెడ్డి ఉన్నారని దస్తగిరి ఆరోపించాడు. జైలులో తనను చైతన్యరెడ్డి కలిసినప్పటి సీసీ టీవీ ఫుటేజీ బయటపెట్టాలని దస్తగిరి డిమాండ్‌ చేశాడు. తనను బెదిరించి రూ.20కోట్ల ఆఫర్‌ చేసిన విషయంతోపాటు జైలు అధికారులు హింసించిన వ్యవహారంపై సమగ్ర విచారణ జరపాలని సీబీఐని కోరారు. ఓ పత్రికలో అసత్య వార్తలు రాస్తున్నారంటూ తెలిపాడు.

గతేడాది అక్టోబరు 30 నుంచి 31 వరకు ఎర్రగుంట్ల సీఐ ఈశ్వరయ్య, డీఎస్పీ నాగరాజులు తనపై ఉన్న అట్రాసిటీ కేసు అడ్డం పెట్టుకుని వివేకా హత్యకు సంబంధించి అవినాష్‌రెడ్డికి అనుకూలంగా సాక్ష్యం చెప్పాలని బెదిరించినట్లు దస్తగిరి లేఖలో పేర్కొన్నారు. అప్రూవర్‌గా మారడానికి సీబీఐ ఎస్పీ రాంసింగ్‌ తనను కొట్టి ఒప్పించారని కోర్టులో చెప్పాలని పోలీసు అధికారులు ఒత్తిడి చేశారని చెప్పాడు. దానికి అంగీకరించకపోవడంతో అరెస్టు చేసి జైలుకు పంపారని వివరించాడు.

విశాఖ(Vizag) రాజధాని అంశంలో వైసీపీ విజన్‌(YCP Vision)పై ఏపీసీసీ చీఫ్ షర్మిల(APCC chief Sharmila) ఎక్స్(X) వేదికగా స్పందించారు. ఈ సందర్భంగా పరిపాలన రాజధానిలో ఇన్నాళ్లు పాలన మొదలు పెట్టడానికి ఏం అడ్డొచ్చిందని ప్రశ్నించారు. పరిపాలన రాజధాని అని చెప్పి విశాఖ ప్రజలను మూడేళ్లుగా మోసం చేయడం మీ చేతకాని కమిట్మెంట్ అంటూ మండిపడ్డారు.

ఐటీ హిల్స్ నుంచి దిగ్గజ కంపెనీలు వెళ్లిపోతున్నా చూస్తూ ఉండటం మీ రోడ్ మ్యాప్ అని సెటైర్లు వేశారు. ఆంధ్రుల తలమానికం వైజాగ్ స్టీల్‌ను కేంద్రం అమ్మేస్తుంటే ప్రేక్షక పాత్ర వహించడం మీ విజన్ అంటూ చెప్పుకొచ్చారు. రైల్వే జోన్ పట్టాలు ఎక్కకపోయినా మౌనం వహించడం మీకు ప్రాక్టికల్. గుట్టల్ని కొట్టడం, పోర్టులను అమ్మడం, భూములను మింగడం ఇదే విశాఖపై వైసీపీ విజన్ అంటూ ధ్వజమెత్తారు.

ఇప్పుడు ఎన్నికల ముందు 10ఏళ్ల వ్యూహాల పేరుతో కొత్త నాటకాలు కాదా ? అని షర్మిల ట్వీట్‌లో పేర్కొన్నారు. ఎన్నికల తర్వాత ఏపీ రాజధానిగా విశాఖే ఉంటుందని సీఎం వైఎస్ జగన్ కీలక ప్రకటన చేసిన విషయం తెలిసిందే. ఏపీ డెవలప్‌మెంట్ డైలాగ్ సదస్సులో ఆయన ఆ వ్యాఖ్యలు చేశారు. బెంగుళూరు, చెన్నై తరహా అభివృద్ధి చేసే అవకాశం వైజాగ్‌లో ఉందని ఆయన తెలిపారు.

అదేవిధంగా విశాఖ ఏర్పాటులో తనకేమీ వ్యక్తిగత ఆలోచనలు లేవని తెలిపారు. వైజాగ్‌లో అవసరమైన అన్ని హంగులు ఉన్నందున ఇక్కడ రాజధాని అయితే బాగుంటుందని నిర్ణయించామని చెప్పారు. రాష్ట్ర విభజన తో హైదరాబాద్‌ను వదులుకోవాల్సి వచ్చిందన్నారు. సర్వీస్ సెక్టార్ తెలంగాణలో 62శాతం ఉంటే ఏపీలో 40శాతం మాత్రమే ఉందన్నారు. భవిష్యత్తులో విశాఖను ఎకనామిక్ గ్రోత్ ఇంజన్‌గా మారుస్తామని చెప్పారు. ఈ నేపథ్యంలో షర్మిల వ్యాఖ్యలు ప్రధాన్యతను సంతరించుకున్నాయి.