Andhra Pradesh

తనపై టీడీపీ చేసిన ఆరోపణలు రుజువు చేస్తే తన ఆస్తి మొత్తం రాసిస్తానని మాజీ మంత్రి బాలినేని శ్రీనివాసరెడ్డి(Balineni Srinivasa Reddy) సవాల్ విసిరారు. ప్రకాశం జిల్లా(Prakasham District) ఒంగోలు(Ongole)లో ఇళ్ళ పట్టాల పంపిణీ కార్యక్రమానికి సీఎం వైఎస్ జగన్ మోహన్ రెడ్డి(CM Jaganmohan Reddy) హాజరయ్యారు.

ఈ కార్యక్రమంలో వైఎస్సార్ విగ్రహానికి సీఎం జగన్, మాజీ మంత్రి బాలినేని శ్రీనివాసరెడ్డి పూలమాలలు వేసి నివాళులర్పించారు. ఈ సందర్భంగా ఒంగోలు సీఎం జగన్ సభలో బాలినేని శ్రీనివాసరెడ్డి మాట్లాడుతూ.. యర్రజర్లలో పేదలకు ఇళ్ల స్థలాల విషయంలో టీడీపీ అడ్డంకులు సృష్టించిందన్నారు.

అగ్రహారం, వెంగముక్కల పాలెంలలో భూములు చూశామని, అయితే అక్కడా టీడీపీ కోర్టు కేసులు వేయించి ఇబ్బందులు పెట్టిందని బాలినేని శ్రీనివాస్‌రెడ్డి ఆరోపించారు. భూములకు తనకు ఎకరాకు రూ.8లక్షలు ఇచ్చారని ఆరోపిస్తున్నారని, ఆ ఆరోపణలు రుజువు చేస్తే తన ఆస్తి మొత్తం రాసిస్తానని అన్నారు. ఒంగోలులో పేదలకు సొంతింటి కల సాకారం చేసిన ఘనత సీఎం జగన్‌కే దక్కిందన్నారు.

సీఎం జగన్ ఇచ్చిన భరోసా వల్లే ధైర్యంగా పేదలకు ఇళ్ల పట్టాలు ఇవ్వలేకుంటే ఎన్నికల్లో పోటీ చేయనని చెప్పానని అన్నారు. ఈ కార్యక్రమానికి మంత్రులు ధర్మాన ప్రసాదరావు, ఆదిమూలపు సురేష్, మేరుగ నాగార్జున, ఎమ్మెల్యేలు కరణం బలరాం, అన్నా రాంబాబు, బుర్రా మధుసూదన్ యాదవ్, కేపీ నాగార్జున రెడ్డి పాల్గొన్నారు.

ఆంధ్రప్రదేశ్ (Andhra Pradesh)లో అన్ని రాజకీయ పార్టీలూ అసెంబ్లీ, లోక్‌సభ ఎన్నికలకు సిద్ధమవుతున్నాయి. ఈ సమయంలో వైనాట్ 175, సిద్ధం అంటూ వైసీపీ (YCP) అసెంబ్లీ, పార్లమెంటు ఎన్నికలకు సమర శంఖం మోగించింది. మరోవైపు కూటమిగా ఏర్పడిన టీడీపీ-జనసేన.. (TDP-Janasena) కమలాన్ని తమతో కలుపుకొని వెళ్లేందుకు ప్రయత్నిస్తున్నాయి. ఇప్పటికే ఓ దఫా ఢిల్లీ (Delhi) పెద్దలతో చర్చలు సైతం జరిగాయి.

అయినా ప్రధానంగా పొత్తు రాజకీయాలపై ఇంకా సస్పెన్స్ అలాగే కొనసాగుతోంది. కాగా పొత్తుపై టీడీపీ, జనసేన క్లారిటీగా ఉన్నా.. వారితో బీజేపీ కలుస్తుందా లేదా అనేది సందేహంగా మారిందని తెలుస్తోంది. ఈ క్రమంలో చంద్రబాబు కొద్దిరోజుల కిందట ఢిల్లీ వెళ్లి బీజేపీ పెద్దలను కలిసి వచ్చారు. ఇక ప్రస్తుతం పవన్‌ కల్యాణ్‌ కూడా త్వరలో హస్తినకు వెళ్తారని ప్రచారం జరుగుతుంది. మరోవైపు భీమవ‌రంలో పర్యటించిన పవన్ కార్యక‌ర్తల స‌మావేశంలో.. పొత్తులపై క్లారిటీ ఇచ్చారు. టీడీపీ, బీజేపీతో క‌లిసి వ‌స్తున్నామ‌ని తెలిపారు.

ఈ పొత్తుల యుద్ధంలో తానెంతో న‌లిగిపోయానని పేర్కొన్నారు. టీడీపీ-జ‌న‌సేన‌తో క‌లిసి వ‌చ్చేలా బీజేపీ (BJP)ని ఒప్పించడానికి శ్రమించానని వెల్లడించారు. అయితే పొత్తులపై పవన్‌ చేసిన కామెంట్స్ కు భిన్నంగా.. ఏపీ టీడీపీ అధ్యక్షుడు అచ్చెన్నాయుడు (Achchennaidu) ఆసక్తికర వ్యాఖ్యలు చేశారు. హస్తిన నుంచి ఎన్డీయేలో చేరాలని టీడీపీకి ఆహ్వానం అందినట్లు వెల్లడించారు. ఈ అంశంపై మాట్లాడేందుకే చంద్రబాబు ఢిల్లీ వెళ్లారని షాకిచ్చారు.

ఇకపోతే జనసేన ఇప్పటికే ఎన్డీఏలో భాగస్వామిగా ఉంది. మొన్న అమిత్‌షాతో, బాబు భేటీ తర్వాత టీడీపీ కూడా ఎన్డీఏలో చేరేందుకు రెడీ అయినట్లు తెలుస్తుంది. మరోవైపు ఎన్డీఏలో రెండు సార్లు చంద్రబాబు చేరారు. మరోసారి టీడీపీ ఎన్డీఏలో చేరితే మూడోసారి కానుంది. మొదట 2004 వరకూ ఎన్డీఏలో ఉన్న చంద్రబాబు తర్వాత బయటకు వచ్చారు. 2014 ఎన్నికలకు ముందు ఏన్డీఏతో జతకట్టి.. 2017 వరకూ కూటమిలో ఉన్నారు. ప్రత్యేక హోదా విషయంలో కుటమిని కట్ చేశారు.

మెగా డీఎస్సీ ప్రకటించాలని డిమాండ్ చేస్తూ ఏపీ కాంగ్రెస్ అధ్యక్షురాలు(President of AP Congress) వైఎస్ షర్మిల(YS Sharmila) చేపట్టిన చలో అసెంబ్లీ కార్యక్రమం ఉద్రిక్తంగా మారింది. ఉండవెల్లిలో కాంగ్రెస్ పార్టీ ఆధ్వర్యంలో షర్మిల గురువారం పార్టీ కార్యకర్తలతో కలిసి సెక్రేటరియట్ ముట్టడికి బయలుదేరారు.

ఈ క్రమంలో వైఎస్ షర్మిను పోలీసులు ఉండవల్లి వద్ద అడ్డుకోవడంతో ఆమె రోడ్డుపైనే నిరసనకు దిగారు. పోలీసులు ఎంత నచ్చచెప్పినా వెనక్కి వెళ్లేందుకు అంగీకరించకపోవడంతో అరెస్టు చేసి మంగళగిరి టౌన్ పోలీస్ స్టేషన్‌కి తరలించారు. దీంతో ఉండవల్లిలో ఉద్రిక్త పరిస్థితులు నెలకొన్నాయి. షర్మిలతో పాటు పలువురు కాంగ్రెస్ నేతలను కూడా అరెస్ట్ చేశారు.

అంతకుముందు ఉదయం నుంచే ఎన్టీఆర్, గుంటూరు జిల్లాల్లో ఉద్రిక్త పరిస్ధితులు చోటు చేసుకున్నాయి. ఛలో సెక్రటేరియట్‌ను అడ్డుకునేందుకు పోలీసులు బుధవారం రాత్రి నుంచే కాంగ్రెస్ నేతలను అదుపులోకి తీసుకోవడం మొదలుపెట్టారు. దీన్ని గమనించిన వైఎస్ షర్మిల విజయవాడలోని ఆంధ్రరత్న భవన్ లోనే రాత్రి బస చేశారు. గురువారం ఉదయం విజయవాడ నుంచి సచివాలయానికి వైఎస్ షర్మిల పాదయాత్రగా బయలుదేరారు.

కాంగ్రెస్ పార్టీ కార్యకర్తలు నాయకులతో కలిసి షర్మిల మానవహారం నిర్వహించారు. రాష్ట్రవ్యాప్తంగా అరెస్టు చేసిన వేలాదిమంది కాంగ్రెస్ కార్యకర్తలని, నాయకుల్ని విడుదల చేయాలంటూ రోడ్డుపై బైఠాయించి నిరసన తెలిపారు. వైసీపీ గతంలో ఇచ్చిన 23 వేల పోస్టుల మెగా డీఎస్సీ హామీని నిలబెట్టుకోకుండా కేవలం 6వేల పోస్టులతో డీఎస్సీ ప్రకటన చేయడంపై వైఎస్ షర్మిల ధ్వజమెత్తారు. డీఎస్సీ ప్రకటన నిరుద్యోగులను మోసం చేయడమేనన్నారు.

ఏపీలో త్వరలో ఎన్నికలు ప్రారంభం అవనున్న నేపథ్యంలో పొలిటికల్ హిట్ ఇప్పటినుంచే పెరిగిపోతుంది. ఒకవైపు టీడీపీ (TDP), జనసేన (Janasena) ఒకే ఒరలో ఇమిడి పోయి.. వైసీపీ (YCP) ఓటమి లక్ష్యంగా పావులు కదుపుతుండగా.. సింహం ఎప్పుడు సింగిల్ అనే తీరుగా జగన్ వ్యవహరిస్తున్నారనే టాక్ వినిపిస్తోంది. ఇలా అనుకూల, ప్రతికూల రాజకీయాల మధ్య మరో కొత్త ఎత్తుకు జగన్ తెరతీశాడని అనుకొంటున్నారు.

ఈ నేపథ్యంలో రాష్ట్రంలో వైఎస్‌ జగనే (YS Jagan) మళ్లీ ఎందుకు అధికారంలోకి రావాలంటే అనే నినాదంతో వైసీపీ ప్రజల్లోకి వెళ్లాలని ఆలోచనలో ఉన్నట్లు సమాచారం. ఇందులో భాగంగా వైఎస్‌ జగన్‌ ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకెళ్లాలని భావిస్తున్నట్లు తెలుస్తోంది. ఈ క్రమంలో వైఎస్‌ జగన్‌ తిరిగి అధికారంలోకి వస్తేనే ఆ కార్యక్రమాలు ముందుకు సాగుతాయనే విషయాన్ని ప్రచారంగా ఉపయోగించుకోవాలనే ఆలోచనలో ఉన్నట్లు తెలుస్తోంది.

అంటే కాకుండా టీడీపీ, జనసేన కూటమి అధికారంలోకి వస్తే ఆ పథకాలు ఆగిపోతాయని కూడా ప్రజలకు చెప్పనున్నట్లు సమాచారం. మరోవైపు మూడు సిద్ధం సభలతో కార్యకర్తల్లో ఉత్సాహం నింపిన వైఎస్‌ జగన్‌ ఎన్నికల వ్యూహంపై సీనియర్‌ నాయకులతో సైతం చర్చించినట్లు తెలుస్తోంది. ఇప్పటికే రాప్తాడు సిద్ధం సభ అనూహ్యమైన విజయం సాధించిందని భావించిన అధిష్టానం..త్వరలోనే పల్నాడులో మరో సిద్ధం సభను నిర్వహించడానికి సన్నాహాలు ప్రారంభించింది.

అదే విధంగా ఈసారి ఎన్నికల ప్రణాళికలో ఒకటి, రెండు తప్ప భారీ పథకాలను చేర్చకూడదని జగన్ అనుకుంటున్నట్లు చర్చ జరుగుతుంది. అయితే, రైతు రుణమాఫీ, మహిళలకు ఆర్టీసీ బస్సుల్లో ఉచిత ప్రయాణం వంటి పథకాలను ఎన్నికల ప్రణాళికలో చేర్చే అవకాశాలున్నట్లు టాక్ వినిపిస్తోంది. సామాజిక భద్రత పింఛన్‌ సొమ్మును సైతం పెంచే ఆలోచనలో ఉన్నారని సమాచారం.

మరోవైపు ఉమ్మడి ఆంధ్రప్రదేశ్‌ (Andhra Pradesh)లో 2004లో జరిగిన ఎన్నికల్లో ఎన్నికల ప్రణాళికను ఆయన ప్రకటించారు. ప్రజల కోసం అమలు చేసే వివిధ సంక్షేమ పథకాలను అందులో చేర్చారు. దాంతో కాంగ్రెస్‌ విజయం సాధించి, రాజశేఖరరెడ్డి ముఖ్యమంత్రి అయ్యారు. 2009లో మాత్రం భారీ పథకాలను ప్రకటించలేదు. కాంగ్రెస్‌ (Congress) అధికారంలోకి వస్తే ఆ పథకాలు కొనసాగుతాయనే అంశాన్ని ప్రజల్లోకి తీసుకెళ్ళి విజయం సాధించారు. ప్రస్తుతం తన తండ్రి బాటలోనే జగన్ నడవనున్నట్లు సమాచారం.

వైసీపీ ప్రభుత్వం వైఎస్సార్ కల్యాణమస్తు ద్వారా మైనార్టీ వర్గాల ఆడ పిల్లలకు వైఎస్సార్ షాదీ తోఫా ద్వారా ఆర్థిక సాయాన్ని అందిస్తోంది. దీనిద్వారా ఎస్సీ, ఎస్టీ, బీసీ, మైనార్టీలు, దివ్యాంగులు, భవన నిర్మాణ కార్మికుల కుటుంబాల్లోని ఆడ పిల్లల వివాహాలకు సాయాన్ని అందిస్తున్నది. తాజాగా వైఎస్సార్ కల్యాణమస్తు, వైఎస్సార్ షాదీ తోఫా నిధులను ఇవాళ(మంగళవారం) విడుదల చేశారు.

ఐదో విడత నిధులను ఏపీ సీఎం జగన్మోహన్‌రెడ్డి(AP CM Jaganmohan Reddy) బటన్ నొక్కి లబ్ధిదారుల తల్లుల ఖాతాల్లో జమ చేశారు. అంతకు ముందు వర్చ్యువల్‌గా ఆయన మాట్లాడారు. రాష్ట్రంలో అర్హులైన 10,132 జంటలకు రూ.78.53 కోట్ల సాయం అందిస్తున్నామని చెప్పారు. వధూవరులకు పదవ తరగతి ఉత్తీర్ణత తప్పనిసరి చేశామన్నారు.

వధువు కనీస వయసు 18 ఏళ్లు, వరుడికి 21 ఏళ్లుగా నిర్దేశించామని తెలిపారు. వయసు పరిమితి పెట్టడం వల్లే రాష్ట్రంలో బాల్య వివాహాలు తగ్గిపోయాయన్నారు. దీంతో పేద పిల్లల చదువుల్ని ప్రోత్సహించినట్లు అవుతుందని సీఎం జగన్ వెల్లడించారు. ఇక, పేదల కుటుంబాలు అప్పుల పాలయ్యే పరిస్థితి రావొద్దని సీఎం అన్నారు.

టీడీపీ హయాంలో మొక్కుబడిగా సాయమందించిందన్నారు. అప్పుడు అరకొరగా నిధులు అందించే పరిస్థితి ఉండేదని, కానీ తమ ప్రభుత్వం ఎప్పటికప్పుడు నిధులను విడుదల చేస్తోందన్నారు. ఇప్పటి వరకు 56,194 మంది లబ్ధిదారుల ఖాతాల్లో రూ.427.27 కోట్లు జమ చేసినట్లు వైఎస్ జగన్ చెప్పుకొచ్చారు.