Andhra Pradesh

ఆంధ్రప్రదేశ్‌లో సార్వత్రిక ఎన్నికల హడావుడి మొదలైంది.. ఈ క్రమంలో సీఎం వైఎస్ జగన్ రెడ్డి (CM YS Jagan Reddy) ఇప్పటికే యాక్షన్ లోకి దిగినట్టు తెలుస్తోంది. దీంతో ఎప్పుడేం ప్రకటన వస్తుందో.. ఎక్కడ తమ సీటుకు ఎసరుపడుతుందో అని సిట్టింగులు టెన్షన్ టెన్షన్‌తోనే గడిపేస్తున్నారు. ఈ సమయంలో నగరి సిట్టింగ్‌ ఎమ్మెల్యే, మంత్రి ఆర్కే రోజా (Minister RK Roja) ఎక్కడి నుంచి బరిలోకి దిగుతారనే ఆసక్తి నెలకొంది.

మరోవైపు తిరుమల (Thirumala)లో ఈ రోజు ఉదయం శ్రీవారిని దర్శించుకున్న ఆమె.. వచ్చే ఎన్నికల్లో తాను నగరి అసెంబ్లీ నియోజకవర్గం నుంచే పోటీ చేయనున్నట్టు సంకేతాలు ఇచ్చారు.. శ్రీవారిని దర్శించుకున్న అనంతరం మీడియాతో మాట్లాడుతూ.. నగరి (Nagari) నుంచి పోటీ చేస్తా.. హ్యాట్రిక్‌ కోడతానని తెలిపారు. అయితే రోజా ను ఒంగోలు పార్లమెంట్‌ స్థానం నుంచి బరిలోకి దింపేందుకు వైసీపీ అధిష్టానం ఆలోచిస్తుందనే ప్రచారం జోరుగా సాగింది..

కానీ ఎమ్మెల్యే చెవిరెడ్డి భాస్కర్‌రెడ్డి పేరు తెరపైకి రావడం.. దాదాపు ఆయన పేరు ఖరారు చేసినట్టు.. త్వరలోనే అధికారికంగా ప్రకటిస్తారని వైసీపీ శ్రేణుల్లో ప్రచారం మొదలైంది.. దీంతో అక్కడి నుంచి పోటీ చేస్తారని భావించిన రోజాకు చివరికి నగరి అసెంబ్లీ నియోజకవర్గం కన్ఫామ్ అయ్యే సంకేతాలు అందినట్లు తెలుస్తోంది. ఈ నేపథ్యంలో తాను మరోసారి ఇక్కడి నుంచే పోటీ చేస్తానని స్పష్టం చేసినట్టు భావిస్తున్నారు..

మరోవైపు ఎన్నికలు సమీపిస్తున్న కొద్ది దూకుడుగా వ్యవహరిస్తూ అధికార వైఎస్‌ఆర్‌ కాంగ్రెస్‌ పార్టీ.. పలు మార్పులు, చేర్పులు చేస్తోన్న విషయం తెలిసిందే.. ఇప్పటికే ఐదు దఫాలుగా అసెంబ్లీ, లోక్‌సభ స్థానాలకు అభ్యర్థులను ప్రకటించిన అధిష్టానం.. కొన్ని స్థానాల్లో సిట్టింగ్‌లను మార్చి గెలుపుపై ఆశలు పెంచుకోంటుంది. ఇదిలా ఉండగా ఈ ఎన్నికలు జగన్ ప్రభుత్వానికి కీలకంగా మారనుండగా.. ఏపీలో పోరు ఉత్కంఠంగా సాగే అవకాశాలున్నట్లు విశ్లేషకులు భావిస్తున్నారు..

చంద్రబాబు, పవన్‌కల్యాణ్‌ ఓటు కోసం డబ్బులిస్తే బంగారంలా తీసుకోండని, ఓటు మాత్రం ఫ్యాన్‌ గుర్తుకే వేయాలని కోవూరు ఎమ్మెల్యే(Kovuru MLA) నల్లపరెడ్డి ప్రసన్నకుమార్‌రెడ్డి (Nallapareddy Prasanna Kumar Reddy) పిలుపునిచ్చారు. నెల్లూరు జిల్లా విడవలూరు జిల్లా ప్రజా పరిషత్ ఉన్నత పాఠశాలలో వైయస్సార్ ఆసరా కింద నాలుగో విడత చెక్కులను పంపిణీ చేశారు.

అనంతరం ఎమ్మెల్యే ప్రసన్నకుమార్‌ రెడ్డి మాట్లాడుతూ.. చంద్రబాబు, పవన్ కల్యాణ్ ఒక్క ఓటుకు రూ.2వేల నుంచి రూ.3వేలు ఇస్తామంటున్నారని ఆరోపించారు. నాలుగున్నర ఏళ్ల పాటు ప్రజలకు కనపడని ప్రతిపక్ష నేతలు నేడు పగటి వేషగాళ్లలా వ్యవహరిస్తూ ప్రజలను మోసం చేసేందుకు ప్రయత్నిస్తున్నారని మండిపడ్డారు.

చంద్రబాబు హయాంలో కుటుంబాలు బాగుపడ్డాయా..? వైఎస్ జగన్మోహన్రెడ్డి లాగా సంక్షేమ పథకాలు ఇచ్చారా..? అంటూ నిలదీశారు. ఇక, మహిళల పేరు మీదే వైఎస్ జగన్ పథకాలు ఇస్తున్నారని గుర్తుచేశారు. తొమ్మిది సంవత్సరాలు ఉమ్మడి రాష్ట్రంలో చంద్రబాబు పరిపాలనను, ఐదు సంవత్సరాలు కొత్త రాష్ట్రంలో పాలించాడని గుర్తుచేశారు.

అయితే, ఓట్ల కోసం వాగ్దానాలు చేయడం, అధికారంలోకి వచ్చాక మోసం చేయడం పరిపాటిగా మారిందంటూ దుయ్యబట్టారు. రెండు ఎకరాల ఆసామి చంద్రబాబు నాయుడు.. ఇప్పుడు రూ.4లక్షల కోట్ల ఆస్తులకు అధిపతి అయ్యాడంటూ విమర్శించారు. అవన్నీ అక్రమంగా సంపాదించిన డబ్బే అని ఎమ్మెల్యే ప్రసన్నకుమార్‌రెడ్డి ఆరోపించారు.

తనపై అవినీతి ఆరోపణలు చేసిన టీడీపీ అధినేత చంద్రబాబు(TDP Chief Chandrababu) వాటిని నిరూపించాలని ఎంపీ మార్గాని భరత్‌రామ్(MP Margani Bharat Ram) డిమాండ్ చేశారు. చంద్రబాబు ఆరోపణలను నిరూపిస్తే రాజకీయాల నుంచి తప్పుకుంటానని సవాల్ విసిరారు. చంద్రబాబు విమర్శలు చేసే ముందు ఆలోచన చేయాలని సూచించారు.

తాను పార్లమెంట్‌లో లేవనెత్తిన ఎక్కువ అంశాలు ఎవరూ ప్రస్తావించలేదని ఎంపీ భరత్‌రామ్ చెప్పుకొచ్చారు. ఆవ భూముల్లో రూ.150 కోట్లు దోచేశానని, అభివృద్ధి పనుల్లో పదిహేను శాతం కమీషన్లు తీసుకుంటున్నట్లుగా ఆరోపణలు చేయడం కాదని.. వాటిని నిరూపించాలంటూ సవాల్ విసిరారు.

పోలవరం ప్రాజెక్టు విషయమై చర్చించడానికి టీడీపీ నేతలు ఎవరితోనైనా చర్చకు సిద్ధమన్నారు. సెంట్రల్ జైల్లో ఉండగా చంద్రబాబు కిటికీలోనుంచి రాజమండ్రి అభివృద్ధిని చూసి ఉంటారని విమర్శించారు. పుష్కరాల్లో రెండు వేల కోట్లు తినేసింది చంద్రబాబేనని ఆరోపించారు.

అదేవిధంగా బెజవాడలో సీఎం వైఎస్ జగన్ ‘సిద్ధం’ ప్లెక్సీకి పోటీగా పవన్ కల్యాణ్ మేం కూడా సిద్ధం అంటూ ఫ్లెక్సీలు ఏర్పాటు చేశారంటూ ఎద్దేవా చేశారు. ‘పవన్ సిద్ధమవుతుంది నాలుగో పెళ్లికా?’ అంటూ సెటైర్లు విసిరారు. అదేవిధంగా, రాజమండ్రిలో టంగుటూరి ప్రకాశం పంతులు పార్‌్ేను ఎన్టీఆర్ పార్క్‌గా మార్చేశారని, ఇంత దుర్మార్గం మరొకటి లేదని దుయ్యబట్టారు.

ఈ పార్క్‌ తిరిగి ప్రకాశం పంతులు పార్క్‌గా మార్పు చేయాలని మున్సిపల్ కార్పొరేషన్ కమిషనర్‌ను కోరతామని అన్నారు. రాష్ట్ర విభజన అనంతరం ఏపీకి తీరని అన్యాయం చేసింది చంద్రబాబేనని ఆరోపించారు. ప్రత్యేక హోదా కోసం పోరాడిన వారిపై కేసులు పెట్టింది, పోలవరం ప్రాజెక్టు ద్రోహి చంద్రబాబేనని ధ్వజమెత్తారు.

ఇన్నాళ్లు టీడీపీ(TDP)లో ఉండి వైసీపీ(YCP)లోకి వెళ్లిన కేశినేని నాని ఇటీవల చంద్రబాబు (Chandrababu)పై కీలక వ్యాఖ్యలు చేశారు. దమ్ముంటే తనతో పోటీ చేయాలంటూ ఏకంగా టీడీపీ అధినేత చంద్రబాబు నాయుడికి సవాల్ విసిరారు. ఈ నేపథ్యంలో తెలుగు తమ్ముళ్లు ఆయనపై ఆగ్రహం వ్యక్తం చేస్తున్నారు. తాజాగా కేశినేనిపై టీడీపీ నేత బుద్దా వెంకన్న (TDP Leader Budda Venkanna) తీవ్రస్థాయిలో విరుచుకుపడ్డారు.

మంగళవారం మీడియాతో మాట్లాడుతూ… కేశినేని నాని టీడీపీలో సంసారం చేస్తూ వైసీపీలో అక్రమ సంబంధం పెట్టుకున్న రాజకీయ వ్యభిచారి అంటూ ఆరోపించారు. బడుగు బలహీన వర్గాల వ్యతిరేకి కేశినేని నాని అని అన్నారు. టీడీపీలో ఏ నాయకుడితో కూడా ఆయనతో కలిసి పని చేసిందే లేదన్నారు. వైసీపీ నాయకులతో మాత్రం చాలా దగ్గరగా కలిసి నడిచారన్నారు. ఎప్పటి నుంచో ఈ కోవర్టు రాజకీయాలకు నాని తెర లేపారని ఆరోపించారు.

చంద్రబాబు దగ్గర మాట్లాడిన మాటలను విజయసాయిరెడ్డి, అయోధ్యరామిరెడ్డికి చేరవేశారన్నారు. ప్రజల కోసం పోరాడే తనలాంటి వ్యక్తులపై చంద్రబాబుకు ఫిర్యాదులు చేశారన్నారు. దీనికి ప్రత్యక్ష సాక్షి సుజనా చౌదరి అని తెలిపారు. కేశినేని నాని టిక్కెట్ తీసుకోక ముందే బ్లాక్ మెయిల్ రాజకీయాలు చేస్తూ చంద్రబాబుపై ఒత్తిడి తెచ్చారన్నారు. చంద్రబాబు తనపై నమ్మకంతో వారి మాటలను నమ్మలేదన్నారు.

చంద్రబాబు, లోకేష్‌ను వేరే వాళ్ల దగ్గరకు వెళ్లి తిట్టింది నిజం కాదా అని ప్రశ్నించారు. పశ్చిమ నియోజకవర్గం ఇన్‌చార్జిగా తనను చంద్రబాబు నియమించినట్లు చెప్పారు. దుర్గగుడి ఫ్లైఓవర్ కోసం తాను ఎన్నో పోరాటాలు చేశానని తెలిపారు. తర్వాత నాని పార్లమెంట్ ఇన్‌చార్జి అయ్యాక తనను తొలగించాలని అధిష్టానానికి చెప్పారని ఆరోపించారు. ఇలాంటి కుట్రలు చేస్తూ పార్టీ నేతల మధ్య చిచ్చు పెట్టారని విమర్శించారు.