Category:

Andhra Pradesh

Pawan Kalyan : అస్వస్థతకు గురైన పవన్ కల్యాణ్‌.. హైదరాబాద్ కు పయనం..!

by Venu April 3, 2024

written by Venu

ఏపీ (AP)లో ఎన్నికల వేడి మొదలైంది. గెలుపే లక్ష్యంగా పార్టీలు ప్రచారంలో పాల్గొంటున్నాయి. ఈ క్రమంలో జనసేన (Janasena) అధినేత సైతం ప్రచార పర్వానికి తెర తీశారు. ఎన్నికల నేపథ్యంలో పవన్ కల్యాణ్ (Pawan Kalyan) డైలీ బిజీ బిజీగా ఉంటున్నారు. ఓ వైపు తాను పోటీ చేస్తోన్న పిఠాపురం (Pithapuram) నియోజకవర్గంలో ప్రచారం నిర్వహిస్తున్నారు..

మరోవైపు పార్టీ అధినేతగా జనసేన అభ్యర్థులు బరిలోకి దిగుతోన్న నియోజక వర్గాలలో పర్యటిస్తూ ప్రచారం చేస్తున్నారు.ఇక తాజా సమాచారం ప్రకారం.. పవన్ కల్యాణ్, తెనాలి (Tenali) పర్యటన రద్దు అయ్యినట్లు తెలుస్తోంది. మరోవైపు నేటి సాయంత్రం తెనాలిలో నిర్వహించే జనసేన ర్యాలీ, సభల్లో పాల్గొనాల్సి ఉండగా అనారోగ్యం కారణంగా పర్యటనను రద్దు చేసుకొన్నారు. జ్వరం పూర్తిగా తగ్గకపోవడంతో తెనాలి పర్యటనను రద్దు చేసుకొని హైదరాబాద్‌కు బయలు దేరినట్లు సమాచారం..

కాగా పవన్ తెనాలి పర్యటన తేదీని త్వరలోనే ప్రకటిస్తామని జనసేన నేతలు తెలిపారు. ఇక ఏపీలో జోరుగా ఎన్నికల ప్రచారం నిర్వహిస్తున్న పవన్.. బుధవారం సుమారు 20 కి.మీ వరకు ఎండలో పాదయాత్ర చేయడం వల్ల ఆయన అస్వస్థతకు గురైనట్లు తెలుస్తోంది. రానున్న ఎన్నికల్లో కూటమిగా ఏర్పడి అధికార వైసీపీ ఓటమే లక్ష్యంగా బీజేపీ, జనసేన, టీడీపీ (TDP) ముందుకు వెళ్తున్న సంగతి తెలిసిందే. పొత్తులో భాగంగా జనసేనకు 21 అసెంబ్లీ, 2 పార్లమెంట్ సీట్లు దక్కాయి. ఈ స్థానాల్లో అభ్యర్థుల ఎంపిక పూర్తి చేసిన పవన్ కల్యాణ్.. ప్రచార బాధ్యతల్ని సైతం నిర్వహిస్తున్నారు..

April 3, 2024 0 comment

Another survey sensation at the time of Lok Sabha elections.. Victory belongs to that party!

Andhra Pradesh Breaking News Politics

Politics : లోక్‌సభ ఎన్నికల వేళ మరో సర్వే సంచలనం.. విజయం ఆ పార్టీదే!

by Sai April 3, 2024

written by Sai

పార్లమెంట్ ఎన్నికల సమీపిస్తున్న తరుణంలో దేశంలోని రాజకీయ పార్టీలు ప్రచారంలో బిజీబిజీగా గడుపుతున్నాయి. ఇప్పటికే కేంద్రంలోని బీజేపీ ప్రచార హోరును పెంచింది. స్వయంగా ప్రధాని మోడీ దేశవ్యాప్తంగా సుడిగాలి పర్యటనలు చేస్తున్నారు. ఇక ఇండియా కూటమి మాత్రం ఇంకా అంతర్గత కుమ్ములాటలతో కాలయాపన చేస్తున్నది.

లోక్‌సభ ఎన్నికలతో పాటు నాలుగు రాష్ట్రాలకు అసెంబ్లీ ఎన్నికలు జరగనున్న విషయం తెలిసిందే. పొరుగు రాష్ట్రం ఆంధ్రప్రదేశ్‌లో(Andra pradesh) నాలుగో విడతలో ఎన్నికలు జరుగుతాయని కేంద్ర ఎన్నికల సంఘం ఇప్పటికే విడుదల చేసిన షెడ్యూల్‌లో పేర్కొంది. అసెంబ్లీ, లోక్ సభకు మే 13న ఏపీలో ఎన్నికలు జరగనున్నాయి.

ఈ క్రమంలోనే ఏపీలో ఏ పార్టీ అధికారంలోకి రాబోతున్నది. ఏ పార్టీకి అత్యధిక స్థానాలు రాబోతున్నాయనే విషయంపై రైజ్ (RISE) (ఇండియన్ పొలిటికల్ రీసెర్చ్ అండ్ అనాలసిస్) సంస్థ ఒక సర్వే(SURVAY)ను నిర్వహించింది. ఏపీలోని వివిధ జిల్లాలు, గ్రామాలు, ప్రాంతాల్లోని ప్రజల నుంచి అభిప్రాయాన్ని మార్చి 31 తేదీ వరకు సేకరించినట్లు తెలిపింది.

ఇప్పటికే ఏపీలో పార్లమెంట్ అభ్యర్థుల ప్రకటన దాదాపుగా పూర్తయ్యింది. అభ్యర్థులు, పార్టీల బలబలాల ప్రకారం వచ్చే ఎన్నికల్లో టీడీపీ,జనసేన, బీజేపీ కూటమికే అత్యధిక స్థానాలు రాబోతున్నట్లు రైజ్ సంస్థ అధినేత ప్రవీణ్ పుల్లట స్పష్టంచేశారు.

తమ సంస్థ సర్వే ప్రకారం ఏపీలో 25 పార్లమెంట్ స్థానాల్లో 17-19 సీట్లను కూటమికి వచ్చే అవకాశం ఉందన్నారు. ఇక అధికార వైసీపీకి 7-9 నుంచి స్థానాలు రావొచ్చని.. 1-3 స్థానాల్లో టఫ్ ఫైట్ ఉంటుందని తెలిపింది. ముఖ్యంగా శ్రీకాకుళం, విశాఖ పట్నం, విజయవాడ, నెల్లూరు, తిరుపతిలో కూటమి అభ్యర్థులు, అరకు, రాజమండ్రి, నరసాపురం, కర్నూలు, కడప స్థానాలు వైసీపీ ఖాతాలో చేరతాయని రైజ్ సంస్థ వెల్లడించింది.

April 3, 2024 0 comment

Lok Sabha Elections First Phase Notification Release.. Acceptance of Nominations Begin

Andhra Pradesh Politics

Andhra pradesh : క‌లెక్ట‌ర్లు-ఎస్పీల‌కి షాకిచ్చిన సీఈసీ.. కారణం ఇదేనా..?

by Venu April 2, 2024

written by Venu

రాష్ట్రంలో ప‌లు జిల్లాల క‌లెక్ట‌ర్లు, ఎస్పీల‌కి కేంద్ర ఎన్నిక‌ల సంఘం (CEC) షాక్ ఇచ్చింది. ఐదుగురు ఐపీఎస్, ముగ్గురు ఐఏఎస్ అధికారుల‌పై బ‌దిలీ వేటు వేసింది. ఎన్నిక‌ల కోడ్ (Election Code) అమ‌ల్లో ఉన్న స‌మ‌యంలో వ‌చ్చిన ఫిర్యాదుల ఆధారంగా ఈ నిర్ణ‌యం తీసుకొన్న‌ట్లు తెలుస్తోంది.. వారి స్థానంలో కొత్త వారి నియామ‌కం కోసం ప్యానెల్ పంపించాల‌ని ఆదేశించింది.

ఆంధ్ర‌ప్ర‌దేశ్ (Andhra pradesh)లో సార్వ‌త్రిక ఎన్నిక‌ల వేళ సీఈసీ నిర్ణయం చర్చాంశనీయంగా మారింది. వీరిని వెంటనే బదిలీ చేయాలని రాష్ట ఎన్నిక‌ల ప్ర‌ధానాధికారి ముకేష్ కుమార్ మీనాకు ఈసీ లేఖ పంపింది.. ఈ లేఖ‌ను సీఎస్ జ‌వ‌హ‌ర్ రెడ్డికి కూడా పంపించింది.. మార్చి 17న చిల‌క‌లూరిపేట ప్ర‌ధాని స‌భ‌లో భ‌ద్ర‌తా వైఫ‌ల్యంపై ప్ర‌తిప‌క్షాలు ఇచ్చిన ఫిర్యాదుతో పాటు సీఈఓ ఇచ్చిన నివేదిక ఆధారంగా బ‌దిలీ వేటు వేసిన‌ట్లు స‌మాచారం.

అదేవిధంగా ఎన్నిక‌ల కోడ్ అమ‌ల్లోకి వ‌చ్చిన వెంట‌నే ప్ర‌కాశం జిల్లాలో (Prakasam District) ఓ పార్టీ కార్య‌క‌ర్త హ‌త్య జ‌రిగింది.. ఈ క్రమంలో ఈసీ మీనా ఈ ఘ‌ట‌న‌పై ప్ర‌కాశం జిల్లా ఎస్పీ ప‌ర‌మేశ్వ‌ర‌రెడ్డిని పిలిచి వివ‌ర‌ణ కోరారు.. ఆ తర్వాత సీఈసీకి నివేదిక పంపించారు..ఈ కార‌ణంగానే ఆయ‌న‌పై బ‌దిలీ వేటు ప‌డిన‌ట్లు టాక్.. అదే విధంగా అధికార పార్టీకి అనుకూలంగా వ్య‌వ‌హ‌రిస్తున్నార‌ని ప్ర‌తిప‌క్షాలు ఇచ్చిన ఫిర్యాదు మేర‌కు మరికొందరిని బ‌దిలీ చేసిన‌ట్లు స‌మాచారం.

ఇక క‌లెక్ట‌ర్ల విష‌యంలో కూడా ప్ర‌తిప‌క్షాల నుంచి వ‌చ్చిన ఫిర్యాదుల‌ను ప‌రిగ‌ణ‌న‌లోకి తీసుకున్న‌ట్లు ఈసీ వ‌ర్గాలు చెబుతున్నాయి. తిరుప‌తి (Tirupati)లో పెద్ద ఎత్తున దొంగ ఓట్ల న‌మోదుకు సంబంధించి ఫిర్యాదు చేసినా క‌లెక్ట‌ర్ ల‌క్ష్మీషా ప‌ట్టించుకోలేద‌ని అందిన ఫిర్యాదుతో విచార‌ణ జ‌రిపిన అనంతరంఆమెపై బ‌దిలీ వేటు వేసిన‌ట్లు తెలుస్తోంది. మొత్తానికి ఒకేసారి ఇంత‌మంది అధికారుల‌ను బ‌దిలీ చేయ‌డం ఆసక్తికరంగా మారింది..

April 2, 2024 0 comment

Andhra Pradesh Entertainment

Vivekam Moive: ‘వివేకం’ సినిమాపై హైకోర్టు సీరియస్..!

by Mano April 2, 2024

written by Mano

వైఎస్ వివేకానందరెడ్డి(Vivekananda Reddy) హత్య నేపథ్యంలో తెరకెక్కించిన సినిమా ‘వివేకం’(Vivekam). ఈ సినిమాపై వివేకా హత్య కేసులో అప్రూవర్‌గా మారిన దస్తగిరి(Dastagiri) హైకోర్టులో పిటిషన్ వేశారు. ఈ మేరకు విచారణ చేపట్టిన హైకోర్టు(High Court) సీరియస్‌గా స్పందించింది. సెన్సార్ బోర్డు అనుమతి లేకుండా ఆ సినిమాను ఎలా ప్రదర్శిస్తారని ప్రశ్నించింది. నిబంధనలు లేకుండా వ్యక్తుల హక్కులకు భంగం కలిగించదా అంటూ సూటిగా ప్రశ్నించింది.

ఎలక్షన్ కమిషన్ ఆదేశాలు ఉన్నా సినిమా ఎలా ప్రదర్శించబడుతోందని హైకోర్టు ప్రశ్నించింది. నారా లోకేష్, టీడీపీ(TDP)పై దస్తగిరి తీవ్ర ఆరోపణలు చేశాడు. వైయస్ వివేకానంద రెడ్డి హత్య నేపథ్యంలో తీసిన వివేకం సినిమా తెలుగుదేశం స్వప్రయోజనాల కోసం వాడుతుందంటూ పిటిషనర్ తరఫు న్యాయవాది జడ శ్రవణ్ కుమార్ వాదించారు. తన స్టేట్మెంట్ ఆధారంగా తీసిన సినిమాలో తన పేరు ఉదహరించిడంపై తీవ్ర అభ్యంతరం వ్యక్తం చేశారు.

కేసు సీబీఐ కోర్టులో విచారణలో ఉండగా సినిమా తెరకెక్కించడంపై దస్తగిరి తీవ్రంగా అభ్యంతరం వ్యక్తం చేశాడు. ఐటీడీపీ ప్రోత్సహంతోనే ఈ సినిమా అన్ని ఓటీటీ ప్లాట్ ఫామ్‌ల్లో ప్రదర్శించబడుతోందని పిటిషనర్ పేర్కొన్నారు. తక్షణమే ఈ సినిమాను నిలిపివేయాలని దస్తగిరి కోరాడు. పులివెందుల నుంచి ఎమ్మెల్యే అభ్యర్థిగా పోటీ చేస్తున్న కారణంగా ఈ విధమైన సినిమా ప్రదర్శించబడటం తన హక్కులకు భంగం కలిగిస్తుందని పేర్కొన్నాడు.

కేవలం రాజకీయ ప్రయోజనాలతో తెలుగుదేశం పార్టీ వెనుక ఉండి ఈ సినిమా ప్రదర్శిస్తుందని ఆరోపించాడు. ఈ మేరకు ధర్మాసనం కేంద్ర ప్రభుత్వం, ఎన్నికల కమిషన్ నుంచి తక్షణమే వివరణ తీసుకోవాలని ప్రభుత్వ తరఫు న్యాయవాదిని సుప్రీంకోర్టు ఆదేశించింది. ఒక దశలో ఈ విషయమై ఉత్తర్వులు ఇస్తామని స్పష్టం చేసింది. దీంతో ప్రభుత్వ తరఫు న్యాయవాది ఒక రోజు గడువు కోరగా సుప్రీంకోర్టు విచారణను ఎల్లుండికి వాయిదా వేసింది.

April 2, 2024 0 comment

TDP Vs YCP: Tension in Nandigama.. Clash between TDP and YCP workers..!

Andhra Pradesh Crime Politics

TDP Vs YCP: నందిగామలో ఉద్రిక్తత.. టీడీపీ, వైసీపీ కార్యకర్తల మధ్య ఘర్షణ..!

by Mano April 2, 2024

written by Mano

ఏపీ(AP)లోని ఎన్టీఆర్ జిల్లా నందిగామలో ఉద్రిక్తత చోటుచేసుకుంది. టీడీపీ(TDP), వైసీపీ(YCP) కార్యకర్తలు కర్రలు, రాళ్లతో పరస్పర దాడులకు పాల్పడ్డారు. వైసీపీ నేత ఎమ్మెల్సీ అరుణ్ కుమార్(Arun Kumar) ప్రచార సమయంలో టీడీపీ నేతలు వైసీపీ నేతలపై కర్రలతో దాడికి దిగారు. దీంతో వైసీపీ నేతలు వారిపై రాళ్లు రువ్వారు.

వైసీపీ కార్యకర్తలు మూడు రాజధానులపై ప్రచారం చేయడంతోనే టీడీపీ నేతలు దాడికి పాల్పడినట్లు తెలుస్తోంది. ఈ దాడికి సంబంధించిన దృశ్యాలు సీసీ కెమెరాల్లో నిక్షిప్తమయ్యాయి. మూడు రాజధానులు ప్రకటించి అమరావతిని నాశనం చేశారంటూ టీడీపీ కార్యకర్తలు ఆరోపించారు.

ఈ దాడిలో టీడీపీ కార్యకర్తలు పలువురికి తీవ్రగాయాలు కావడంతో వారిని చికిత్స నిమిత్తం నందిగామ ప్రభుత్వ ఆసుపత్రికి తరలించారు. వారిని కూటమి అభ్యర్థి సౌమ్య పరామర్శించారు. వైసీపీ కార్యకర్తలపై వెంటనే చర్యలు తీసుకోవాలని ఆమె డిమాండ్ చేశారు. మరోవైపు ఈ దాడి విషయమై ఎమ్మెల్సీ అరుణ్‌కుమార్ ఏసీపీకి ఫిర్యాదు చేశారు. టీడీపీ నాయకులపై అట్రాసిటీ కేసు నమోదు చేయాలని డిమాండ్ చేశారు.

April 2, 2024 0 comment

Andhra Pradesh Politics

Sunita Reddy: అన్నగా కాకపోయినా.. సీఎంగానైనా సమాధానం చెప్పాలి: సునీతారెడ్డి

by Mano April 2, 2024

written by Mano

ఏపీ(AP)లో కుదిపేసిన వివేకా హత్య(Viveka Murder)కు సంబంధించి ఆయన కూతురు సునీతారెడ్డి ఇప్పటికే అనేక సంచలన విషయాలను బయటపెట్టారు. తాజాగా అమరావతి(Amaravathi)లో నిర్వహించిన మీడియా సమావేశంలో ఆమె మాట్లాడుతూ వివేకా హత్య కేసుకు సంబంధించి కీలక వ్యాఖ్యలు చేశారు. తన తండ్రి హత్య జరిగాక జగన్ తనతో తోలుబొమ్మలాట ఆడారని ఆరోపించారు.

ఎవరైనా ఒకసారి మోసం చేయవచ్చని, పదేపదే చేయలేరనే విషయాన్ని గ్రహించాలని సునీతారెడ్డి వ్యాఖ్యానించారు. గతంలో ఎవరేం చెప్పినా గుడ్డిగా నమ్మానని, ఇప్పుడు తప్పును గ్రహించాను కాబ్టే ధైర్యంగా ప్రశ్నిస్తున్నానని అన్నారు. జగన్ ఒక అన్నగా కాకున్నా సీఎంగా అయినా సమాధానం చెప్పాలని డిమాండ్ చేశారు. వివేకాను చంపిందెవరో దేవుడు, కడప జిల్లా ప్రజలకు తెలుసని, అవినాష్ ఎందుకు కాపాడుతున్నారని ప్రశ్నించారు.

‘ఈ కేసులో అవినాష్ ప్రమేయం గురించి తెలిస్తే ఇంకేమైనా బయటకు వస్తాయని భయపడుతున్నారా? అంతభయం దేనికి? నేరుగా మాట్లాడాలంటే నేరుగా మీ ఛానల్‌కు వస్తా.. డిబేట్ పెట్టండి.. నిజానిజాలు బయటకు వస్తాయి.. ఎవరేం చెబుతున్నారో ప్రజలే అర్థంచేసుకుంటారు’ అని అన్నారు. అదేవిధంగా కడప ఎంపీ అభ్యర్థిగా పోటీ చేయనున్న వైఎస్ షర్మిలకు సునీత అభినందనలు తెలిపారు.

ఆమెకు తన మద్దతు ఉంటుందన్నారు. షర్మిలను ఎంపీగా పోటీ చేయించాలని తన తండ్రి శాయశక్తులా ప్రయత్నించారని, ఈ క్రమంలోనే హత్యకు గురయ్యారని సునీతారెడ్డి అన్నారు. కష్టపడి వైసీపీని నిలబెట్టిన తర్వాత తను షర్మిల పవర్‌ఫుల్ అవుతుందని భయపడి జగన్ ఆమెను పక్కన పెట్టారన్నారు. 2సంవత్సరాల ముందు నేను, నా భర్త సాక్షులను ప్రభావితం చేస్తున్నామని కేసు పెట్టారని గుర్తుచేశారు.

వివేకా జీవిత ఆధారంగా తెరకెక్కించిన ‘వివేకం’ సినిమాను తాను చూశానని, ఆ సినిమాలో కంటే రియాలిటీ చాలా దారుణంగా ఉందన్నారు. వైసీపీ మళ్లీ అధికారంలోకి ప్రజలకు మంచి జరగదని, అందుకే నిజం చెప్పడానికి ముందుకొచ్చానని సునీతారెడ్డి చెప్పారు. తనతో పాటు షర్మిల పోరాటం ఒకటేనని అన్నారు. ఇప్పటికీ తమ ధ్యేయం జగన్, అవినాశ్‌ను ఓడించడమేనని తెలిపారు. ఆలస్యమైతే పదేపదే పోటీ చేస్తారు.. నేరస్తులు చట్టసభలకు రాకూడదు అని సునీతారెడ్డి అన్నారు.

April 2, 2024 0 comment

Andhra Pradesh Telangana Viral

srisailam : శ్రీశైలం గత పాలక మండలి అక్రమాలపై హైకోర్టులో పిటిషన్..ట్రస్ట్ బోర్డు సభ్యులకు నోటీసులు జారీ!

by Sai April 2, 2024

written by Sai

శ్రీశైలయం ఆలయ అభివృద్ధి (srisailam Temple) కోసం ఏర్పాటైన గత పాలక మండలిపై ఫిర్యాదులు వెల్లువెత్తుతున్నాయి. రాష్ట్ర ప్రభుత్వం ప్రతిష్టాత్మకంగా దేవస్థానం అభివృద్ధి కోసం జీవో ఆర్ టీ నెంబర్ 202ను 24/03/2022న 15 మందితో కూడిన పాలక మండలిని ఏర్పాటు చేసింది. గత నెల మార్చితో పాలక మండలి గడువు ముగిసిపోయింది.ఈ రెండేళ్ల కాలంలో ఏమైనా అభివృద్ధి జరిగిందా? అంటే అంతా శూన్యమే అని చెప్పవచ్చు.

కానీ, పాలక మండలిలోని ధర్మకర్తలు మాత్రం ఇష్టారాజ్యంగా వ్యహరించారని ఆరోపణలు వెల్లువెత్తుతున్నాయి. ఆలయానికి సంబంధించి కాటేజీలను నచ్చినవారికి కేటాయించడం, ట్రస్టు పరిధిలోని భూములను రియల్ ఎస్టేట్ ప్లాట్లుగా మార్చడం, బోర్డు సభ్యుల నియామకం కూడా నిబంధనలకు విరుద్ధంగా జరిగిందని ఆరోపణలున్నాయి. రాజకీయ నేతలు, నేరచరిత్ర కలిగిన వ్యక్తులు బోర్డులో సభ్యులుగా ఉన్నారని సమాచారం.

ఈ క్రమంలోనే ఆలయ గత ట్రస్ట్ బోర్డుపై ఏపీ హైకోర్టులో రిట్(నంబర్ 7812/2024) పిటిషన్ దాఖలైంది.హిందూ జనశక్తి వెల్ఫేర్ అసోసియేషన్ సభ్యులు ఈ పిటిషన్ వేశారు.
దీంతో దేవాదాయ శాఖ అధికారులకు, ట్రస్టు బోర్డు సభ్యులకు హైకోర్టు నోటీసులు జారీ చేసింది. సంబంధిత పత్రాలతో కౌంటర్లు దాఖలు చేయాలని అధికారులకు సూచిస్తూ ఏప్రిల్ 16 కు విచారణ వాయిదా వేసింది.

రిట్ పిటీషన్‌లోని కీలక అంశాలను ఒక్కసారి పరిశీలిస్తే.. అందులో చైర్మన్ రెండేళ్ల పాటు కాటేజీని వాడుకున్నందుకు అద్దె చెల్లించాలి. ఎమ్మెల్యే హాజరైన 3 సమావేశాలను రద్దు చేయాలి.రాజకీయ ప్రభావం కారణంగా ఎజెండాలను పరిగణనలోకి తీసుకోకూడదు. భక్తుల సొమ్మును ఆక్రమణదారుల కాలనీలకు మౌలిక సదుపాయాల కల్పనకు వినియోగించడం మరియు డబ్బును వృథా చేయడం ఆపాలి.ట్రస్ట్ బోర్డు భూములను రియల్ ఎస్టేట్ ప్లాట్లుగా ఆమోదించింది.దాని మాస్టర్ ప్లాన్‌ను పరిగణనలోకి తీసుకోకూడదు. రెండేళ్ల కాలంలో ట్రస్ట్ బోర్డు వ్యవధిలో కేటాయించిన భూములన్నింటినీ రద్దు చేయాలని రిట్ పిటీషన్‌లో పేర్కొన్నారు.

April 2, 2024 0 comment

Andhra Pradesh Entertainment Politics

Hero Suman : రాజకీయాలపై సంచలన వ్యాఖ్యలు చేసిన సినీ నటుడు..!

by Venu April 1, 2024

written by Venu

టాలీవుడ్ (Tollywood) నటుడు సుమన్ (Actor Suman) రాజకీయాలపై ఆసక్తికర వ్యాఖ్యలు చేశారు. నాయకులను అవినీతి పరుల్ని చేసింది ప్రజలేనని పేర్కొన్నారు.. ఏపీ (AP)లోని ప్రకాశం జిల్లాలో (Prakasam District) నేడు ఓ కార్యక్రమానికి హాజరైన ఆయన మీడియాతో మాట్లాడుతూ పలు విషయాలు వెల్లడించారు.. ఓటర్లు అన్ని పార్టీల నాయకుల వద్ద డబ్బులు తీసుకొని వారికి ఇష్టమైన వారికి మాత్రమే ఓట్లు వేస్తున్నారన్నారని తెలిపారు..

ఓటర్లు డబ్బు తీసుకోకుండా ఓటు వేసినప్పుడే ప్రజాస్వామ్యానికి బలం చేకూరుతుందని అన్నారు. అప్పుడే అవినీతి రాజకీయాలు అంతం అవుతాయని.. నిజమైన ప్రజా సేవకులు మాత్రమే మిగులుతారని వ్యాఖ్యానించారు. మరోవైపు తాను తెలంగాణ (Telangana)లో ఉంటున్నాను కాబట్టి ఏపీ రాజకీయాలపై మాట్లాడటం సరికాదని సుమన్ పేర్కొన్నారు.. రాష్ట్రం ఐదు సంవత్సరాలు బాగుండాలి అంటే.. ప్రజలు ఆలోచించి ఓటు వేయాలని సూచించారు..

మనం వేసే ఒక్క ఓటు మన భవిష్యత్తును నిర్ణయిస్తుందని తెలిపిన సుమన్.. ఓటర్లు ఒక్క సారి నోటు తీసుకొని.. ఐదు సంవత్సరాల వాళ్ళ భవిష్యత్తును తాకట్టు పెడుతున్న విషయాన్ని గమనించుకోవాలని పేర్కొన్నారు. అదేవిధంగా తనకు రాజకీయాల్లోకి వచ్చే ఆసక్తి లేదని అన్నారు.. రాజకీయాల్లోకి రావడం వల్ల తనకు పెద్దగా ఉపయోగం కూడా ఏమీ లేదని వ్యాఖ్యానించారు.. రాజకీయాల కంటే తనకు సమాజానికి సేవ చేయడమే ముఖ్యమని వెల్లడించారు..

April 1, 2024 0 comment

manikkam Tagore on ys sharmila joining in congress

Andhra Pradesh Breaking News Politics

Andhra Pradesh : షర్మిల పోటీపై వీడిన ఉత్కంఠ.. పార్లమెంట్ ఎన్నికల్లో సోదరుడిపై పోటీ..!

by Venu April 1, 2024

written by Venu

ఏపీలో జరగనున్న ఎన్నికల కోసం ప్రధాన పార్టీలన్నీ పోటాపోటీగా సిద్దం అవుతున్నాయి.. ఎలా వీలైతే అలా.. గెలుపే లక్ష్యంగా వ్యూహాలు రచిస్తున్నాయి.. ఈ క్రమంలో ఏపీ కాంగ్రెస్ (Congress) చీఫ్ వైఎస్ షర్మిల (YS Sharmila) పోటీపై నెలకొన్న ఉత్కంఠకు మొత్తానికి తెరపడింది. రానున్న పార్లమెంట్ ఎన్నికల్లో కడప (Kadapa) ఎంపీ అభ్యర్థిగా బరిలోకి దిగనున్నారు.

కడప సిట్టింగ్ ఎంపీ, ఆమె సోదరుడు అయిన వైఎస్ అవినాష్ రెడ్డి (YS Avinash Reddy)ని ఢీకొట్టబోతున్నారు.. ఢిల్లీ (Delhi)లో ఏఐసీసీ చీఫ్ మల్లికార్జున ఖర్గే అధ్యక్షతన నేడు జరిగిన సీఈసీ మీటింగ్‌లో ఏపీ ఎమ్మెల్యే, ఎంపీ అభ్యర్థులపై జోరుగా చర్చలు సాగాయి.. అనంతరం క్యాండిడేట్లను ఫైనల్ చేశారు. అదేవిధంగా మరో 58 అసెంబ్లీ, 8 పార్లమెంట్ స్థానాలకు అభ్యర్థులను ప్రకటించకుండా అధిష్టానం పెండింగ్ పెట్టింది.

మిగిలిన అన్ని స్థానాలకు అభ్యర్థులను ఖరారు చేసింది. ఇక, ఏపీలోని 17 లోక్‌సభ స్థానాలకు కాంగ్రెస్‌ సీఈసీ ఫైనల్‌ చేసినట్టు ప్రచారం సాగుతోన్న అభ్యర్థుల పేర్లను పరిశీలిస్తే.. కడప-వైఎస్‌ షర్మిలా.. బాపట్ల-జేడీ శీలం.. కాకినాడ-పల్లంరాజు.. రాజమండ్రి-గిడుగు రుద్రరాజు.. విశాఖపట్నం-సత్యా రెడ్డి.. ఏలూరు.. లావణ్య.. అనకాపల్లి-వేగి వెంకటేష్‌.. శ్రీకాకుళం-పరమేశ్వరరావు..

విజయనగరం-డీసీసీ ప్రెసిడెంట్ రమేష్‌ కుమార్.. రాజంపేట-నజీం అహమ్మద్.. చిత్తూరు-చిట్టిబాబు.. హిందూపూర్- షాహీన్.. నరసరావు పేట-అలెగ్జాండర్.. నెల్లూరు-దేవకుమార్ రెడ్డి.. ఒంగోలు-సుధాకర్ రెడ్డి.. మచిలీపట్నం-గొల్లు కృష్ణ పేర్లను కాంగ్రెస్‌ పార్టీ అధిష్టానం ఖరారు చేసినట్టుగా సమాచారం..

April 1, 2024 0 comment

A big shock to CM Jagan.. The Supreme Court will hear the cancellation of bail today!

Andhra Pradesh Politics

cm jagan : సీఎం జగన్‌కు భారీ షాక్.. బెయిల్ రద్దుపై నేడు సుప్రీంకోర్టులో విచారణ!

by Sai April 1, 2024

written by Sai

ఆంధ్రప్రదేశ్‌లో లోక్‌సభ(LokSabha), రాష్ట్ర అసెంబ్లీ(Assembly)కి ఎన్నికలు జరగడానికి సరిగ్గా ఇంకా నెల రోజుల సమయం ఉంది. మే 13న ఏపీలో ఎన్నికలు ఉంటాయని కేంద్రం ఎన్నికల సంఘం(Central Election Commission) ఇప్పటికే షెడ్యూల్ విడుదల చేసిన విషయం తెలిసిందే. ఆ రాష్ట్రంలో ఇప్పటికే ఎన్నికల హీట్ మొదలైంది. అధికార, ప్రతిపక్ష పార్టీలు రాజకీయ ప్రచారాలతో హోరెత్తిస్తున్నాయి.

రెండోసారి తనను ఆశీర్వదించాలని సీఎం జగన్(CM JAGAN) ప్రజలను కోరుతుండగా..జాబ్ కావాలంటే బాబు రావాలి.. రాష్ట్రం బాగుండాలంటే, అభివృద్ధి జరగాలంటే సైకో పాలన పోవాలని పేరిట చంద్రబాబు కొత్త పంథాలో ప్రచారం మొదలెట్టారు. అయితే, ఈసారి ఏపీ ఎన్నికలు విజయం ఇరుపార్టీలకు కత్తిమీద సాము లాంటిదేనని అంటున్నారు విశ్లేషకులు.

తమ పార్టీ అమలు చేస్తున్న సంక్షేమ పథకాలు, విద్యారంగంలో తాము చేసిన కృషి తప్పకుండా మరోసారి అధికారంలోకి వచ్చేలా చేస్తాయని అధికార వైసీపీ పార్టీ శ్రేణులు ధీమా వ్యక్తం చేస్తుంటే..వైసీపీకి ఈ ఎన్నికల్లో భంగపాటు తప్పదని తెలుగుదేశం, జనసేన, బీజేపీ కూటమి అభిప్రాయం వ్యక్తం చేస్తోంది. సరిగ్గా ఎన్నికల టైంలో వైసీపీ రెబల్ ఎంపీ రఘురామకృష్ణం రాజు సీఎం జగన్‌కు షాక్ ఇచ్చేందుకు రెడీ అయ్యారు.

గతంలో అక్రమార్కుల కేసుల విషయంలో అరెస్టు అయ్యి ప్రస్తుతం బెయిల్ మీద ఉన్న జగన్ సీబీఐ(CBI) పిలిచినప్పుడల్లా విచారణకు హాజరై వస్తుంటారు. ఈ క్రమంలోనే ఆయన బెయిల్ పిటీషన్ రద్దు చేయాలని, సీబీఐ కేసుల విచారణను వేరే రాష్ట్రానికి అప్పగించాలని ఎంపీ రఘరామ వేసిన సుప్రీంకోర్టులో వేసిన పిటీషన్‌పై నేడు జస్టిస్ సంజీవ్ ఖన్నా నేతృత్వంలోని ధర్మాసనం విచారణ జరపనుంది. ఒకవేళ జగన్‌కు వ్యతిరేకంగా తీర్పు వచ్చినట్లయితే ఎన్నికల వేళ ఆ పార్టీకి భారీ ఎదురుదెబ్బ తప్పదని విశ్లేషకలు అభిప్రాయపడుతున్నారు.

April 1, 2024 0 comment

Newer Posts

Older Posts