Breaking News

లిక్కర్ స్కామ్ కేసులో ఢిల్లీ ముఖ్యమంత్రి కేజ్రీవాల్‌‌(Delhi CM Kejiriwal)కు భారీ షాక్ తగిలింది. ఎన్ ఫోర్స్ మెంట్ డైరెక్టరేట్ (ED) కస్టడీ ముగియడంతో అధికారులు ఆయన్ను సోమవారం రౌస్ అవెన్యూ కోర్టులో హాజరు పరిచారు. ఈ మేరకు ఈడీ తరఫు న్యాయవాదులు మరోసారి కస్టడీకి ఇవ్వాలని కోరినట్లు సమాచారం. అయితే, ఇరువురి తరఫున వాదనలు విన్న న్యాయస్థానం కేజ్రీవాల్‌కు 14రోజుల జ్యుడీషియల్ రిమాండ్(14 Days Judiciary Remond) విధిస్తూ సంచలన తీర్పు వెలువరించింది.

రౌస్ అవెన్యూ కోర్టు తీర్పు మేరకు కేజ్రీవాల్‌ను అధికారులు తిహార్ జైలుకు తరలించనున్నారు. అయితే, తమ అధినేతకు వ్యతిరేకంగా తీర్పు రావడంతో ఆప్ శ్రేణులు ఆందోళనలు చేపట్టారు. లిక్కర్ స్కాం కేసులో మార్చి 21న ఈడీ అధికారులు కేజ్రీవాల్‌ను అరెస్టు చేసిన విషయం తెలిసిందే. అనంతరం రౌస్ అవెన్యూ కోర్టులో కేజ్రీవాల్‌ను హాజరుపరచగా మార్చి 28 వరకు ఈడీకి న్యాయస్థానం కస్టడీకి ఇచ్చింది.

మరోసారి దానిని ఏప్రిల్ 1 వరకు కస్టడీకి పొడగించింది. అయితే, తన అరెస్టును సవాల్ చేస్తూ కేజ్రీవాల్ దాఖలు చేసిన పిటీషన్‌పై విచారణను ఢిల్లీ హైకోర్టు ఏప్రిల్ 3కు వాయిదా వేసింది. కాగా, కేజ్రీవాల్ తన సీఎం పదవికి రాజీనామా చేయకుండా జైలులో నుంచి పరిపాలన చేయడంపై రాజకీయంగా విమర్శలు వెల్లువెత్తుతున్నాయి.

ఇదిలాఉండగా, లిక్కర్ స్కాం కేసులో అరెస్టైన ఎమ్మెల్సీ కవిత కూడా తిహార్ జైలులోనే ఉన్నారు. గతంలో కేజ్రీవాల్, కవిత తిహార్ జైలుకు వస్తారని లిక్కర్ స్కాంలో అరెస్టై మండోలి జైలులో ఉంటున్న సుఖేశ్ చంద్రశేఖర్ పలుమార్లు లెటర్లను కూడా విడుదల చేసిన విషయం తెలిసిందే.

కేంద్రంలో బీజేపీ (BJP) ప్రభుత్వం మరోసారి అధికారంలోకి వస్తే.. ప్రపంచంలో భారత్ అతిపెద్ద మూడవ ఆర్థిక వ్యవస్థగా అవతరిస్తోందని ప్రధాని మోడీ (PM Modi) తెలిపారు. పార్లమెంట్ ఎన్నికల ప్రచారంలో భాగంగా నేడు ఉత్తరప్రదేశ్‌ (Uttar Pradesh)లో పర్యటించారు. ఈ సందర్భంగా మీరట్‌ (Meerut)లో ఏర్పాటు చేసిన ఎన్నికల ప్రచార సభలో మాట్లాడుతూ.. దేశంలోని అవినీతిపరులపై తాను యుద్ధం చేస్తున్నానని తెలిపారు..

ప్రతిపక్ష ఇండియా కూటమి తనను బెదిరించాలని చూస్తోందని ఈ సందర్భంగా ప్రధాని సంచలన వ్యాఖ్యలు చేశారు. వారు ఎన్ని రకాలుగా ప్రయత్నాలు చేసినా ఇండియా కూటమి బెదిరింపులకు భయపడేదే లేదని పేర్కొన్నారు.. దేశంలోని అవినీతిపరులను జైలుకు పంపడం ఖాయమని వెల్లడించారు.. కాగా 2024 సార్వత్రిక ఎన్నికలు వికసిత్ భారత్ కోసం జరిగే కీలకమైన ఎన్నికలని ఇందు కోసం ఆలోచించి ఓటు వేయాలని వ్యాఖ్యానించారు..

అవినీతి అనేది అంతం అయితే.. దేశంలో పేదరికం కూడా అంతం అవుతోందని ప్రధాని తెలిపారు.. మరోవైపు కేజ్రీవాల్ (Kejriwal) అరెస్ట్‌ను నిరసిస్తూ ఇండియా కూటమి నేతలు నేడు ఢిల్లీ (Delhi)లో భారీ బహిరంగా సభ నిర్వహించారు. ప్రధానిపై కీలకమైన ఆరోపణలు చేశారు.. ఈ క్రమంలో బెంగాల్ సీఎం మమతా బెనర్జీ మాట్లాడుతూ దమ్ముంటే 200 ఎంపీ సీట్లు గెలవాలని బీజేపీకి సవాల్ విసిరారు..

అదేవిధంగా పార్లమెంట్ ఎన్నికల్లో మోడీ కేంద్ర ఎన్నికల సంఘంతో మ్యాచ్ ఫిక్సింగ్ చేసుకొన్నట్లు ఆరోపణలు గుప్పించారు.. కాగా తాజాగా ఎన్డీఏ, ఇండియా కూటమి నేతల విమర్శలు, ప్రతి విమర్శలు, సవాళ్లతో దేశ రాజకీయం హిట్ ఎక్కుతోంది.. ముఖ్యంగా ఎన్నికల సమయంలో లిక్కర్ స్కామ్ పేరుతో అరెస్ట్ లు ఢిల్లీ రాజకీయాల్లో ప్రకంపనాలు సృష్టిస్తున్నాయి..