Breaking News

ఏఐఎంఐఎం(Aimim) చీఫ్, హైదరాబాద్ ఎంపీ అసదుద్దీన్ ఓవైసీ(Asaduddin owaisi) కీలక వ్యాఖ్యలు చేశారు. ఇండియా కూటమి(Indi Alliance) లో చేరని పార్టీలన్నింటితో కలిసి థర్డ్ ఫ్రంట్(Third front) ఏర్పాటు చేయాలని సీఎం కేసీఆర్ ను తాను కోరానని చెప్పారు. ప్రస్తుతం దేశంలో రాజకీయ శూన్యత ఉందన్నారు.

ఆ రాజకీయ శూన్యతను ఇండియా కూటమి పూరించ లేకపోయిందని ఆయన అన్నారు. సీఎం కేసీఆర్ నాయకత్వం వహిస్తే ఆ రాజకీయ శూన్యత భర్తీ అవుతుందని వెల్లడించారు. కేసీఆర్ నాయకత్వం వహిస్తే థర్డ్ ఫ్రంట్ లోకి చేరేందుకు పలు పార్టీలు, పలువురు నేతలు సిద్దంగా ఉందని ఆయన పేర్కొన్నారు.

ఇండియా కూటమిలో చేరాలని తనను ఆహ్వానించక పోవడంపై ఆయన స్పందించారు. ఆ విషయం గురించి తాను పెద్దగా పట్టించుకోబోనన్నారు. బీఎస్పీ చీఫ్ మాయావతి, తెలంగాణ సీఎం కేసీఆర్ తో పాటు ఈశాన్య రాష్ట్రాలు, మహారాష్ట్రలోని పలు పార్టీల నేతలు ఇండియా కూటమిలో చేరలేదని ఆయన గుర్తు చేశారు.

గతంలో కూడా థర్డ్ ఫ్రంట్ కు సీఎం కేసీఆర్ నాయకత్వం వహించాలని అసదుద్దీన్ ఓవైసీ వ్యాఖ్యలు చేశారు. అంతకు ముందు ఏఐఎంఐఎం నేత వారిస్ పథాన్ కీలక వ్యాఖ్యలు చేశారు. ఇండియా కూటమిలోని కొన్ని సోకాల్డ్ సెక్యులర్ పార్టీలు తమను అంటరాని వాళ్లుగా చూస్తున్నారంటూ ఆయన వ్యాఖ్యానించారు.

గుజరాత్ లోని ఆటో డ్రైవర్లు(Auto drivers) ప్రధాని మోడీపై(Pm modi) తమ అభిమానాన్ని చాటుకున్నారు. ప్రధాని జన్మదినం(Birth day) సందర్భంగా సూరత్ కు చెందిన ఆటో డ్రైవర్లు ప్రయాణికులకు ప్రత్యేక డిస్కౌంట్లు ప్రకటించారు. సుమారు వేయి మంది ఆటో డ్రైవర్లు తమ కస్టమర్లకు ఈ రోజు డిస్కౌంట్ ఇచ్చారు. ఈ వార్తను గుజరాత్ ఎమ్మెల్యే పూర్ణేశ్ మోడీ షేర్ చేశారు.

1,000 మంది ఆటో డ్రైవర్లు ఈ రోజు ప్రయాణికులకు 30 శాతం తగ్గింపును అందజేశారని ఎమ్మెల్యే పూర్ణేశ్ మోడీ వెల్లడించారు. మోడీ 73వ పుట్టిన రోజు సందర్బంగా 73 మంది ఆటో డ్రైవర్లు 100 శాతం తగ్గింపును అందించి ఈరోజు తమ ప్రయాణీకులకు ఉచిత రైడ్‌లను అందిస్తున్నారని ఎమ్మెల్యే పేర్కొన్నారు.

ప్రధాని మోడీ జన్మదినం సందర్భంగా బీజేపీ శ్రేణులు ప్రత్యేక కార్యక్రమాలను నిర్వహిస్తున్నాయి. నేటి నుంచి రెండు వారాల పాటు ‘సేవా పక్వారా’ క్యాంపెయిన్ ను నిర్వహిస్తున్నారు. ఇందులో భాగంగా సేవా కార్యక్రమాలు, పరిశుభ్రత, అనాధ శరణాలయాలకు డొనేషన్స్ ఇవ్వడం లాంటి కార్యక్రమాలను చేపడుతున్నారు.

ఇది ఇలా వుంటే విశ్వకర్మ జయంతి సందర్భంగా ప్రధాని మోడీ ఈ రోజు చేతి వృత్తుల వారి కోసం ‘విశ్వకర్మ’పథకాన్ని ప్రారంభించారు. దీంతో పాటు ఢిల్లీలోని ద్వారకా సెక్టార్ 21 నుంచి 25 వరకు పొడిగించిన ఢిల్లీ ఎయిర్ పోర్టు మెట్రో ఎక్స్ ప్రెస్ లైన్‌ను ప్రధాని మోడీ ఈ రోజు ప్రారంభించారు. ఈ సందర్బంగా మెట్రోలో మోడీ ప్రయాణించారు.

చంద్రబాబుతో ములాఖత్ అయ్యేందుకు సూపర్ స్టార్ రజనీకాంత్ రాజమండ్రి వెళతారంటూ గత కొన్ని రోజులుగా జోరుగా ప్రచారం జరుగుతోంది. మరో రెండు రోజుల్లో ఆయన చెన్నై నుంచి రాజమండ్రికి వెళ్తారంటూ అటు తమిళ, ఇటు తెలుగు మీడియాలోనూ వార్తలు వస్తున్నాయి. ఈ క్రమంలో రజనీకాంత్ ఆసక్తికర వ్యాఖ్యలు చేశారు.

తమ ఫ్యామిలీ పంక్షన్ హాజరయ్యేందుకు రజనీకాంత్ ఆదివారం కోయంబత్తూర్ బయలుదేరారు. ఈ మేరకు ఆయన చెన్నై ఎయిర్ పోర్టుకు చేరుకున్నారు. ఆ సమయంలో ఆయన మీడియాతో మాట్లాడారు. చంద్రబాబును కలిసేందుకు ఎప్పుడు వెళ్తారని ఈ సందర్బంగా ఆయన్ని మీడియా ప్రతినిధులు ప్రశ్నించారు.

దీనికి ఆయన ఆసక్తికర సమాధానం ఇచ్చారు. తాను చంద్రబాబును కలవాలని అనుకుంటున్నానన్నారు. కానీ ప్రస్తుతం ఫ్యామిలీ పంక్షన్ కు వెళ్తున్నానని చెప్పారు. ఫంక్షన్ కారణంగా తనకు సమయం అనుకూలించలేదని స్పష్టం చేశారు. దీంతో ఈ రెండు రోజుల్లో ఆయన రాజమండ్రికి వచ్చే సూచనలు కనిపించడం లేదని అంతా అనుకుంటున్నారు.

ఇక ఏపీ స్కిల్ డెవలప్ మెంట్ కేసులో చంద్రబాబును అరెస్టు చేసి రాజమండ్రి జైలుకు తరలించారు. ఆయన అరెస్టు నేపథ్యంలో ఇటీవల లోకెశ్ కు రజనీకాంత్ ఫోన్ చేశారు. అక్రమ అరెస్టులు చంద్రబాబును ఏమీ చేయలేవని లోకేశ్ కు రజనీ ధైర్యం చెప్పారు. చంద్రబాబు ఒక గొప్ప పోరాట యోధుడని, ఈ పరిస్థితులను ఆయన సులభంగా అధిగమిస్తారంటూ ఆయనకు ధైర్యం నూరిపోశారు.

ఢిల్లీలోని ద్వారక ‘యశో భూమి’(yasho bhoomi)లో ఇంటర్నేషనల్ కన్వెన్షన్ అండ్ ఎక్స్ పో (IIcc) ప్రారంభించేందుకు ప్రధాని మోడీ(Pm modi) ఈ రోజు ఉదయం బయలు దేరారు. మార్గ మధ్యలో ఢిల్లీ మెట్రోలో ప్రధాని మోడీ ప్రయాణించారు. ఆ సమయంలో మెట్రోలో ప్రయాణికులతో ప్రధాని మోడీ ముచ్చటించారు. ప్రధాని మోడీని చూసి ప్రయాణికులు సంతోషంతో పొంగిపోయారు.

చాలా మంది ప్రయాణికులు మోడీతో సెల్ఫీలు దిగి సంబుర పడిపోయారు. ఢిల్లీ మెట్రో రైల్ కార్పొరేషన్ సిబ్బందితో ప్రధాని మోడీ మాట్లాడారు. అనంతరం ద్వారకా సెక్టార్ 21 నుంచి ద్వారక సెక్టార్ 25లోని నూతన మెట్రో స్టేషన్ వరకు ఢిల్లీ ఎయిర్ పోర్టు మెట్రో ఎక్స్ ప్రెస్ లైన్ ను ప్రధాని మోడీ ప్రారంభించారు. ఇక యశో భూమి సెంటర్ ను 8.9 లక్షల చదరపు మీటర్ల విస్తీర్ణంలో ఈ సెంటర్ ను నిర్మించారు.

ఇందులో సమావేశాలు, కార్యక్రమాలు, ఎగ్జిబిషన్స్ వంటివి నిర్వహించేందుకు 1.8 లక్షల చదరపు మీటర్ల విస్తీర్ణంలో సమావేశ మందిరాలు నిర్మించారు. ఇందులో 73,000 చదరపు మీటర్ల విస్తీర్ణంలో కన్వెన్షన్ సెంటర్ ను నిర్మించారు. ఈ కన్వెన్షన్ సెంటర్ లో ప్రధాన ఆడిటోరియం, ఒక బాల్ రూమ్, 13 సమావేశ మందిరాలు కలిపి మొత్తం 15 కన్వెన్షన్ రూమ్స్ వున్నాయి. ఇందులో మొత్తం 11,000 మంది ప్రతినిధులు హాజరయ్యేందుకు అనువుగా దీన్ని నిర్మించారు.

ఇందులో ప్రధాన ఆడిటోరియంలో 6000 మంది వరకు కూర్చునే సౌకర్యం ఉందని అధికారులు తెలిపారు. ఇక బాల్ రూమ్ లో 2500 మంది వరకు అతిథులు కూర్చునేలా, మరో 500 మందికి కూర్చునేందుకు వీలుగా అదనపు ఖాళీ స్థలాన్ని ఏర్పాటు చేశామన్నారు. 1,97 లక్షల చదరపు మీటర్లలో ఎగ్జిబిషన్ హాల్స్ ఉన్నాయన్నారు.

పార్లమెంట్(Parliament) నూతన భవనం(New building) వద్ద ఉపరాష్ట్రపతి జగదీప్ ధన్ ఖడ్(Jagadeep dhankad)ఈ రోజు జాతీయ జెండాను(Naitonal flag) ఎగుర వేశారు. పార్లమెంట్ ప్రత్యేక సమావేశాలు రేపటి నుంచి ప్రారంభం కానున్నాయి. ఈ నేపథ్యంలో ఒక రోజు ముందుగా జాతీయ జెండాను ధనఖడ్ ఆవిష్కరించారు.

ఈ రోజు చారిత్రాత్మకమైన రోజు అని ధన్ ఖడ్ అన్నారు. భారత సేవలు, శక్తి సామర్థ్యాలను ప్రపంచం ఇప్పుడు గుర్తిస్తోందన్నారు. మనం కలలో కూడా ఊహించని అభివృద్ధి, విజయాలను చూస్తున్న కాలంలో జీవిస్తున్నామని అన్నారు. లోక్ సభ స్పీకర్ ఓం బిర్లా, రాజ్యసభ డిప్యూటీ చైర్మన్ హరి వంశ్, పార్లమెంటరీ వ్యవహారాల మంత్రి ప్రహ్లాద్ జోషి పాల్గొన్నారు.

వారితో పాటు కేంద్ర మంత్రులు అర్జున్ రాం మేఘ్ వాల్, వీ మురళీధరన్, కాంగ్రెస్ ఎంపీలు అధీర్ రంజర్ చౌదరి, ప్రమోద్ తివారీ పాల్గొన్నారు. ఈ కార్యక్రమానికి ప్రతిపక్ష నేత, కాంగ్రెస్ జాతీయ అధ్యక్షుడు మల్లిఖార్జున ఖర్గే గైర్హాజరు అయ్యారు. ఈ కారక్రమానికి తాను హాజరు కాలేనని ఖర్గే ముందుగానే వెల్లడించారు. తనకు ఆహ్వాన లేఖ చాలా ఆలస్యంగా అందడంపై తాను నిరాశ చెందినట్టు లోక్ సభ సెక్రటరీ జనరల్ కు ఆయన లేఖ రాశారు.

అంతకు ముందు జెండా ఆవిష్కరణ కార్యక్రమానికి కాంగ్రెస్ అగ్రనేతలు ఖర్గే, రాహుల్ గాంధీ రాకపోవడంపై కాంగ్రెస్ ఎంపీ అధిర్ రంజన్ చౌదరిని మీడియా ప్రశ్నించింది. దీనిపై ఆయన ఫైర్ అయ్యారు. పతాక ఆవిష్కరణ కార్యక్రమంలో పాల్గొనేందుకు తాను పనికి రాకపోతే చెప్పండని, తాను వెళ్లిపోతానన్నారు. ముందు కార్యక్రమానికి వచ్చిన వారిపై దృష్టి పెట్టండన్నారు.