Crime

కాంగ్రెస్ (Congress) ప్రభుత్వం అధికారంలోకి వచ్చాక ప్రగతి భవన్ (Pragathi Bhavan), ప్రజా భవన్ గా మార్చి ఇక్కడ ప్రజావాణి నిర్వహిస్తున్న విషయం తెలిసిందే. అయితే ఈ ప్రజావాణిలో సామాన్యులు చేసుకున్న దరఖాస్తులపై అధికారులు దృష్టి సారించారు. తాజాగా ఆదిబట్లలో బీఆర్ఎస్ (BRS) నేతలపై భూకబ్జా కేసులు నమోదయ్యాయి..

రాష్ట్రంలో కాంగ్రెస్ అధికారంలోకి రాగానే భూబాధితులంతా బహిరంగ విచారణకు క్యూ కడుతున్నారని తెలుస్తోంది. బీఆర్‌ఎస్‌ హయాంలో హైదరాబాద్‌ (Hyderabad) మొదలుకొని అన్ని జిల్లాల్లో పార్టీ నేతలు, ఎమ్మెల్యేలు, కార్పొరేటర్లు, ఇతర ప్రజాప్రతినిధులు భూ ఆక్రమణలకు పాల్పడ్డారనే ఆరోపణలు తీవ్రంగా ఉన్నాయి.. ప్రభుత్వ, ప్రయివేటు భూములతో సంబంధం లేకుండా ఖాళీగా ఉన్న భూములను తప్పుడు పత్రాలతో కబ్జా చేశారని ప్రచారంలో ఉంది..

మరోవైపు భూముల కబ్జాలకు సంబంధించిన విషయంలో బీఆర్ఎస్ నేత కన్నారావు (Kannarao)తో పాటు మరో 35 మందిపై కేసులు నమోదు చేసారు. ఓఎస్ఆర్ ప్రాజెక్ట్స్ డైరెక్టర్ శ్రీనివాస్ ఫిర్యాదుతో రంగంలోకి దిగిన పోలీసులు ఇప్పటి వరకు కన్నారావుతో పాటు మరికొంత మంది బీఆర్ఎస్ నాయకులపై కేసులు నమోదు చేసినట్లు వెల్లడించారు. ఆదిబట్లలో రెండు ఎకరాల భూమిని కబ్జా చేసేందుకు కన్నారావు, తన గ్యాంగ్ యత్నించినట్లు ఆరోపణలు వచ్చాయి.

దీంతో రంగంలోకి దిగిన అధికారులు 307. 447. 427. 436. 148.149 ఐపిసి సెక్షన్స్ కింద కేసులు నమోదు చేశారు. ఓఆర్ఎస్ ప్రాజెక్ట్స్ పేరుతో ఓ బిల్డర్ డెవలప్ చేస్తున్నట్లు గుర్తించారు. భూమి చుట్టూ పెట్టిన బ్లూ షీట్స్ కు కన్నారావు గ్యాంగ్ నిప్పు పెట్టిన కాల్చినట్లు గుర్తించారు. కాగా ఈ వ్యవహారంలో ముగ్గురిని పోలీసులు అరెస్ట్ చేసారు. పరారీలో ఉన్న 35 మంది కోసం గాలింపు చర్యలు చేపట్టారు. అయితే.. కన్నారావు ఎక్కడికి వెళ్లిపోయాడు? అసలు ఎన్ని రోజుల నుంచి ఈ భూకబ్జా భాగోతం నడుస్తోంది? అనేది దర్యాప్తు చేస్తున్నారు.

రాష్ట్రంలో సంచలనం సృష్టించిన ఫోన్‌ట్యాపింగ్‌, ఆధారాల ధ్వంసం కేసులో ఎస్‌ఐబీ మాజీ డీఎస్పీ ప్రణీత్‌రావు (Praneet Rao)కు 14 రోజుల పాటు జ్యుడీషియల్‌ రిమాండ్‌ విధిస్తూ నాంపల్లి కోర్టు న్యాయమూర్తి నిన్న రాత్రి ఆదేశాలు జారీ చేశారు. దీంతో ఆయనను పంజాగుట్ట (Panjagutta) పోలీసులు చంచల్‌గూడ (Chanchalguda) జైలుకు తరలించారు.

కాగా ప్రణీత్‌ గతంలో ఎస్‌ఐబీ (SIB)లో విధులు నిర్వహిస్తున్న సమయంలో ప్రతిపక్ష నాయకులతో పాటు మరికొందరు ఐపీఎస్‌ అధికారులు, సెలబ్రిటీలకు చెందిన ఫోన్ల ట్యాపింగ్‌కు పాల్పడినట్టు ఆరోపణలు వచ్చాయి.. ఈ క్రమంలో కేసు నమోదు చేసిన పంజాగుట్ట పోలీసులు డీఎస్పీని అరెస్టు చేసిన విషయం తెలిసిందే.. ఇదిలా ఉండగా ఎస్‌ఐబీ కార్యాలయంలో జరిగిన ఫోన్‌ ట్యాపింగ్‌, ఆధారాల ధ్వంసం కేసును విచారించటానికి జూబ్లిహిల్స్‌ (Jubilee Hills) ఏసీపీ వెంకటగిరి నేతృత్వంలో నలుగురు అధికారులతో కూడిన దర్యాప్తు బృందంను ప్రభుత్వం నియమించింది.

ఈ క్రమంలో ఇప్పటికే ప్రణీత్‌రావును దర్యాప్తు బృందం విచారించింది. అయితే ఈ బృందం మరోసారి కస్టడీలోకి తీసుకొని విచారించటానికి సన్నాహాలు చేస్తున్నట్టు తెలిసింది. ముఖ్యంగా ఈ ఫోన్‌ ట్యాపింగ్‌ వెనుక ఉన్న హస్తం ఎవరిది. ప్రణీత్‌ను ఎవరు ప్రోత్సహించారు? ఫోన్‌ ట్యాపింగ్‌ సాంకేతిక పరికరాలను ఇతను ఏ విధంగా సమకూర్చుకొన్నాడు? ఈ విషయంలో సహకరించిన వారు ఎంత మంది ఉన్నారు.. ఎంతకాలంగా ఈ వ్యవహారం జరుగుతుంది. అనే అంశాలపై అధికారులు దృష్టి సారించారు..

అంతేగాక, ఎన్నికల సమయంలో కొందరు ప్రతిపక్ష పార్టీలకు చెందిన నాయకులు కార్లలో డబ్బులను తరలిస్తున్న సమయంలో ఫోన్‌ ట్యాపింగ్‌ ద్వారా సమాచారాన్ని పసిగట్టి, సంబంధిత అధికారులకు సమాచారాన్నిచ్చి పట్టుకోవటంలో ప్రణీత్‌రావు చురుకుగా వ్యవహరించాడని అధికారుల దృష్టికి వచ్చింది. ఈమేరకు ప్రణీత్ రావు నుంచి ఇప్పటికే సెల్‌ఫోన్లను సీజ్‌ చేశారు. పదిలక్షల కాల్‌ డేటాను తొలగించినట్లు గుర్తించారు.

సెల్‌ఫోన్లను మరింత సమాచారం కోసం FSLకు పంపించారు. సెల్‌ఫోన్‌ డేటా ఆధారంగా మరికొందరి పెద్దల పాత్ర బయటపడే అవకాశముందని సమాచారం.. కాగా ప్రణీత్‌రావు అరెస్ట్‌తో పలువురు మాజీ అధికారులు అప్రమత్తమైనట్లు తెలుస్తోంది.. ప్రణీత్‌రావు స్టేట్‌మెంట్‌ ఆధారంగా మరికొందరిని విచారించే అవకాశం ఉందని తెలుస్తోంది.

తెలంగాణ (Telangana)లో ప్రతిపక్ష నేతల ఫోన్ ట్యాపింగ్ కేసు సంచలనం సృష్టించిన విషయం తెలిసిందే.. అయితే ఈ కేసు రోజుకో మలుపు తిరుగుతుంది. కాగా ఎస్ఐబీ (SIB) మాజీ డీఎస్పీ ప్రణీత్రావు (Praneeth Rao) ఫోన్ ట్యాపింగ్ కేసులో పోలీస్ ఉన్నతాధికారులు దర్యాప్తు ముమ్మరం చేశారు. ఈ క్రమంలో నిన్న పంజాగట్ట (Panjagutta) పోలీసులు అరెస్ట్ చేశారు. రాజన్న సిరిసిల్ల జిల్లాలో ఉన్న ఆయన నివాసంలో అదుపులోకి తీసుకొన్నారు.

అనంతరం ప్రణీత్ రావు కేసు విచారణ అధికారిగా జూబ్లీహిల్స్ (Jubilee Hills) ఏసీపీని ఉన్నతాధికారులు నియమించారు. ఆయనను పూర్తి స్థాయిలో విచారణ జరపనున్నారు. స్టేట్మెంట్ రికార్డ్ చేసిన అనంతరం ప్రత్యేక పోలీస్ టీం, ప్రణీత్ రావును రిమాండ్ తరలించనున్నట్లు సమాచారం. ఇక గత బీఆర్ఎస్ ప్రభుత్వ హాయంలో ప్రతిపక్షాల ఫోన్లను ట్యాపింగ్ చేసినట్లు ఆరోపణలు రావడంతో ప్రణీత్ రావును సస్పెండ్ చేశారు.

ఈ కేసులో పంజాగుట్ట పీఎస్​లో ఆదివారం ఎఫ్ఐఆర్ నమోదైన సంగతి తెలిసిందే. ఈక్రమంలో ఆధారాలు దొరక్కుండా పక్కా ప్లాన్‌‌‌‌తో ఎస్‌‌‌‌ఐబీ లాగర్‌‌‌‌‌‌‌‌ రూమ్‌‌‌‌లో హార్డ్‌‌‌‌డిస్క్‌‌‌‌లు ధ్వంసం చేసినట్లు అధికారులు గుర్తించారు. అయితే ప్రణీత్‌‌‌‌రావు లీలలు బయటపడటంతో చట్టానికి దొరక్కుండా తప్పించుకు తిరుగుతున్నారు.. ఈ కేసును సీరియస్ గా తీసుకొన్న ప్రభుత్వం అధికారులకు కీలక సూచనలు జారీచేసినట్లు సమాచారం..

దీంతో ప్రణీత్‌‌‌‌రావు ఇంటి వద్ద పోలీసులు నిఘా పెట్టారు. మంగళవారం రాత్రి ప్రణీత్ రావు ఇంటికి వచ్చిన విషయం గుర్తించి, ఆయనను అరెస్టు చేశారు. ఆయన వద్ద ఉన్న సెల్ ఫోన్లను సీజ్ చేశారు. స్థానిక పోలీసులకు సమాచారం ఇచ్చి ప్రణీత్​రావును హైదరాబాద్​కు తరలించారు. పంజాగుట్ట పోలీస్ స్టేషన్‌లో వాంగ్మూలం నమోదు చేసి, నాంపల్లి కోర్టులో హాజరుపరిచే అవకాశం ఉందని తెలుస్తోంది..

ప్రభుత్వ ఉద్యోగం.. లక్షల్లో జీతం.. అయినా ఇంకా సంపాదించాలనే ఆశ.. దీంతో బుద్ధి అడ్డదారి పట్టింది. మనస్సుఆన్‌లైన్‌ బెట్టింగుల వైపు మళ్ళింది. ఆశను అదుపు చేసుకోలేక పోయిన అతను ప్రభుత్వ ఉద్యోగం చేస్తూనే ఆన్‌ బెట్టింగ్‌ ల్లో డబ్బులు పెట్టడం మొదలు పెట్టాడు.. అలా అలా ఆన్‌ లైన్‌ బెట్టింగులకు బానిస అయ్యాడు. ఫలితంగా అతనికి వచ్చే జీతం ఏమాత్రం సరిపోవడం లేదు. చివరకు అప్పులు చేయడం మొదలుపెట్టాడు.

అలా అతను చేసిన అప్పు.. ఒకటి కాదు రెండు కాదు రూ.15కోట్లు.. ఇంతటి ఘనకార్యం చేసిన ఆ ఘనుడి పేరు రాహుల్.. హైదరాబాద్ (Hyderabad)కు చెందిన ఇతను కీసర (Keesara)లో మిషన్ భగీరథ ఏఈగా పని చేస్తున్నారు. అయితే ఆన్‌లైన్ గేమ్‌లు, రమ్మీ వంటి అనేక బెట్టింగ్ గేమ్‌లకు అలవాటు పడిన రాహుల్ మోసాలకు తెరతీశారు. పనులు ఇస్తానని నమ్మించి ప్రైవేట్ కాంట్రాక్టర్ల నుంచి భారీ మొత్తంలో డబ్బులు తీసుకొని ఎనమిది నెలల క్రితం పరారయ్యాడని తెలుస్తోంది.

మరోవైపు రాహుల్ (Rahul) వ్యవహారం ఉన్నతాధికారులకు తెలియడంతో ఆరు నెలల క్రితం సస్పెండ్ చేశారు. అంతేకాకుండా ఆయనకు సహకరించిన అదే శాఖలో పనిచేస్తున్న అధికారిని కూడా సస్పెండ్ చేశారు. ఇదిలా ఉండగా కాంట్రాక్టర్లకు పనులు ఇప్పిస్తానని నమ్మించి దాదాపు 37 మంది నుంచి రూ.15 కోట్లకు పైగా వసూలు చేసినట్లు రాహుల్ పై ఆరోపణలున్నాయి..

ఈ క్రమంలో ఇచ్చిన డబ్బులు తిరిగి ఇవ్వకపోవడంతో బాధితులు అతడిపై పోలీసులకు ఫిర్యాదు చేశారు. వారు అతని అప్పుల పుట్టను చూసి అప్రమత్తం అయ్యారు. ఈ నేపథ్యంలో ఢిల్లీ (Delhi) విమానాశ్రయంలో దుబాయ్ చెక్కేసేందుకు రాహుల్ ప్రయత్నిస్తుండగా.. సమాచారం అందుకొన్న పోలీసులు అక్కడకు వెళ్లి అదుపులో తీసుకొన్నారు.