Crime

ఓ డిగ్రీ విద్యార్థిని ఆత్మహత్యకు (Degree Student Suicide) ఆమె కుటుంబంలో వివక్ష(Discrimination) చూపించడమే కారణంగా స్పష్టంగా తెలుస్తోంది. ఈరోజుల్లో అబ్బాయిలే కంటే అమ్మాయిలు చాలా ధైర్యంగా ముందుకు సాగుతున్నారు. కేవలం చదువులోనే కాకుండా ఉద్యోగాల్లోనూ ఆడవాళ్లు పై చేయి సాధిస్తున్నారు.

సమాజంలో నేటికి వారి పట్ల కొంత వివక్ష ఉన్నప్పటికీ గతంతో పోలిస్తే ప్రస్తుతం చాలా మెరుగ్గా ఉందని చెప్పవచ్చు. ఆఖరు అంతరిక్ష పరిశోధన రంగంలోనూ మహిళలు తమ సత్తా చాటుతుండగా.. కొందరు పేరెంట్స్ మాత్రం తమకు ఆడపిల్ల పుట్టిందంటూ పదేపదే వారి పట్ల సూటిపోటి మాటలు ఆనడం వలన మెంటల్‌గా వీక్‌ అయిపోయి తనువు చాలిస్తున్నారు.

సమాజంలో ఆడవాళ్లు ఎదుర్కొనే సమస్యలు ఎలాగూ ఉండనే ఉన్నాయి. అటువంటి వారికి కుటుంబంలో కూడా మద్దతు లభించకపోతే ఇంకా వారు ఎవరికి చెప్పుకోగలుగుతారనే ప్రశ్నలు ఉత్పన్నమవుతున్నాయి.తాజాగా డిగ్రీ చదువుతున్న ఓ విద్యార్థినీ చనిపోయే ముందు తన ఫ్రెండ్‌కు పంపించిన మెసేజ్ (Last Message) వైరల్ అవుతోంది.

హైదరాబాద్‌లోని కాప్రా మండలం జవహర్ నగర్ పీఎస్ పరిధి సాయినగర్ కాలనీలో రెండస్థుల భవనంపై నుంచి శివానీ(18) దూకి ఆత్మహత్యకు పాల్పడింది. పోలీసులు దీనిపై కేసు నమోదు చేసి విచారణ చేస్తుండగా.. మృతురాలు సూసైడ్ అటెంప్ట్‌కు ముందు తన ఫ్రెండ్ కు మెసేజ్ చేసినట్లు గుర్తించారు. ‘ఆడపిల్ల అని బాధపడకండి.మా అమ్మనాన్నకు చెప్పు.. మరో జన్మంటూ ఉంటే వారి కడుపునే మగపిల్లాడిలా పుడతా’ అని స్నేహితురాలికి మెసేజ్ చేసి బిల్డింగ్ మీద నుంచి దూకినట్లు పోలీసులు నిర్దారణకు వచ్చారు. అయితే, కేవలం పేరెంట్స్ వివక్ష చూపించడం వల్లే డిగ్రీ విద్యార్థిని ఆత్మహత్య చేసుకుందని నెట్టింట చర్చ జరుగుతోంది.

రాష్ట్రంలోని రహదారులు నెత్తురోడుతున్నాయి. ప్రతిరోజూ ఏదో ఒక మూలన సగటున ఐదుకు పైగా రోడ్డు ప్రమాదాలు జరుగుతున్నట్లు గణాంకాలు చెబుతున్నాయి. అయితే, కొన్నిఘటనలు వెలుగులోకి వస్తుండగా, మరికొన్ని ఘటనా స్థలానికే పరిమితం అవుతున్నాయి.

తాజాగా హైదరాబాద్ మహానగరం పరిధిలోని ఔటర్ రింగు రోడ్డుపై (ORR) ఘోర రోడ్డు ప్రమాదం (Road Accident) సంభవించింది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందగా, ముగ్గురు వ్యక్తులకు తీవ్రగాయాలైనట్లు సమాచారం.ఆదివారం తెల్లవారుజామున శంషాబాద్ వైపు నుంచి పోలీసు అకాడమీ వైపు వెళ్తున్న కారు అతివేగంగా వచ్చి అదుపుతప్పి ఢీవైడర్‌ను (Car Hit devider) ఢీకొట్టింది.

ఈ ఘోర రోడ్డు ప్రమాదంలో కారులో ఉన్న ఇద్దరు అక్కడికక్కడే మృతి చెందగా.. మరో ముగ్గురికి తీవ్రగాయాలయ్యాయి. క్షతగాత్రులను శంషాబాద్‌లోని సన్‌రైజ్ ఆస్పత్రికి తరలించి చికిత్స అందిస్తున్నారు. అయితే, వారి పరిస్థితి కూడా విషమంగా ఉన్నట్లు తెలుస్తోంది. ఇదిలాఉండగా, మృతులు, క్షతగాత్రులకు సంబంధించి వివరాలు తెలియాల్సి ఉంది.

ఈ రోడ్డు ప్రమాదం ఘటనతో ఔటర్ రింగురోడ్డుపై భారీగా ట్రాఫిక్ జామ్ ఏర్పడింది. వెంటనే సమాచారం అందుకున్న రాజేంద్రనగర్ పోలీసులు ఘటనా స్థలికి చేరుకుని ట్రాఫిక్ క్లియర్ చేశారు. మృతదేహాలన పోస్టుమార్టం నిమిత్తం ఉస్మానియా ఆస్పత్రికి తరలించారు. అయితే, మితిమీరిన వేగం, మద్యం మత్తులో కారు నడపడమే ప్రమాదానికి కారణం అయి ఉండొచ్చని పోలీసులు అనుమానం వ్యక్తంచేస్తున్నారు.

హైదరాబాద్ మహానగరంలో మాదక ద్రవ్యాల(InToxicants) వినియోగం క్రమంగా రాజ్యమేలుతోంది. కొందరు అక్రమార్కులు డబ్బుల కోసం గుట్టుగా మాదకద్రవ్యాలను తీసుకొచ్చి నగరంలోని పబ్బులు, హోటల్స్, బస్టాండ్స్, రైల్వే స్టేషన్లలో విక్రయిస్తున్న ఘటనలు ఇప్పటికే పలుమార్లు వెలుగుచూశాయి.

గతంలో సినిమా పరిశ్రమలో కూడా మత్తు పదార్థాలు తీసుకుని అనేక మంది సెలబ్రిటీలు పోలీసులకు చిక్కిన విషయం తెలిసిందే. గత బీఆర్ఎస్(BRS) సర్కారు హయాంలో మాదక ద్రవ్యాల ముఠా విచ్చలవిడిగా నగరంలోనికి పెద్దమొత్తంలో మత్తుపదార్థాలను తీసుకొచ్చి విక్రయించినట్లు ఇన్వెస్టిగేషన్ అధికారులు పేర్కొన్నారు.

కాలేజీ స్టూడెంట్స్, సాఫ్ట్‌వేర్ ఉద్యోగులు, సినిమా పరిశ్రమకు చెందిన పెద్దలు, యువత పెద్ద ఎత్తున మత్తుకు బానిస అయినట్లు అధికారుల వద్ద సమాచారం ఉన్నది. కానీ, ప్రభుత్వంలోని కొందరు పెద్దల ఆదేశాలతో వారంతా సైలెంట్‌గా ఉండిపోయారని అప్పట్లో కథనాలొచ్చాయి.

ఇక్కడ షాకింగ్ విశేషం ఏమిటంటే ప్రభుత్వం ఆధ్వర్యంలో నడిచే జైళ్లలోనూ మత్తు పదార్థాల వాడకం జరుగుతున్నట్లు తాజాగా వెల్లడైంది. తాజాగా హైదరాబాద్ లోని చర్లపల్లి జైలు(charlapalli jail)లో సంచలన నిజాలు బయటపడ్డాయి. మాదకద్రవ్యాలకు అలవాటు పడిన కొందరు ఖైదీలు శనివారం ఉదయం జైలు సిబ్బందిపై దాడికి పాల్పడినట్లు సమాచారం. దీంతో జైలు ఉన్నతాధికారులు నలుగురు ఖైదీలను బంధించి ప్రత్యేక బ్యారాక్‌లోని తరలించినట్లు తెలిసింది.

హైదరాబాద్‌లో ఘోరరోడ్డు (Road Accident) ప్రమాదం చోటుచేసుకుంది.ఈ ఘటనలో ఇద్దరు యువ సాఫ్ట్‌వేర్ ఇంజినీర్లు(Software Engineers) అక్కడికక్కడే దుర్మణం చెందారు. మీర్‌పేట పోలీసుల కథనం ప్రకారం..శనివారం తెల్లవారుజామున గుర్రంగూడ చౌరస్తాలో రెండు కార్లు ఎదురెదురుగా ఢీకొనడంతో అందులో ప్రయాణిస్తున్న ఇద్దరు సాఫ్ట్‌వేర్ ఇంజినీర్లు స్పాట్ డెడ్ అయ్యారు.

ఈ ప్రమాదంలో మరో ముగ్గురికి తీవ్రగాయాలయ్యాయి. స్థానికుల సమాచారం మేరకు మీర్‌పేట పోలీసులు వెంటనే ఘటనా స్థలికి చేరుకున్నారు. క్షతగాత్రులను స్థానిక ఆస్పత్రికి తరలించి వైద్యం అందిస్తున్నారు. మృతులు హైదరాబాద్‌లోని ఓ ప్రముఖ కంపెనీలో పనిచేసే రవి, ప్రణయ్‌గా గుర్తించారు.

ఈ మేరకు కేసు నమోదు చేసుకుని దర్యాప్తు చేస్తున్నట్లు మీర్‌పేట పోలీసులు తెలిపారు. ప్రమాదానికి అతివేగమే కారణమని పోలీసులు నిర్దారణకు వచ్చారు. రోడ్డు మీద వెళ్లేటప్పుడు వేగాన్ని సూచించే సైన్ బోర్డులను ఏర్పాటు చేసిన కొందరు యువత నిర్లక్ష్యంగా వ్యవహరిస్తున్నారు.

రోడ్డు ప్రమాదాల గురించి ఎన్నిమార్లు అవగాహన కల్పించినా కొందరు అతివేగంగా వాహనాలను నడిపి వారు ప్రమాదానికి గురవ్వకుండా కాకుండా అమాయకుల ప్రాణాలను బలిగొంటున్నారు. ఇటీవల హైదరాబాద్ మహానగరం పరిధిలోని ఔటర్ రింగ్ రోడ్డులో ప్రమాదాల నివారణకు కొత్తగా చర్యలు తీసుకోబుతున్నట్లు పోలీసులు వెల్లడించారు.

సార్వత్రిక ఎన్నికలు దగ్గర పడుతున్న నేపథ్యంలో పోలీసు యంత్రాంగం డబ్బు, మద్యం రవాణాకు అడ్డుకట్ట వేయడంతో పాటు మాదకద్రవ్యాల నివారణకు కట్టుదిట్టమైన చర్యలు తీసుకుంటోంది. ఈ మేరకు విస్తృత తనిఖీలు చేస్తున్నారు. తాజాగా రాచకొండ కమిషనరేట్‌ (Rachakonda Commissionerate)పరిధిలో భారీగా మత్తు పదార్థాలు పట్టుబడ్డాయి.

ఎస్‌వోటీ పోలీసులు భారీగా మత్తు పదార్థాలను గుర్తించి వాటిని స్వాధీనం చేసుకున్నారు. 5 కిలోల ఓపియం, 24 గ్రాముల హెరాయిన్‌ స్వాధీనం చేసుకొని ఏడుగురు నిందితులను ఎల్‌బీ నగర్‌(LB Nagar) ఎస్‌వోటీ పోలీసులు అరెస్ట్‌ చేశారు. నిందితుల వద్ద నుంచి కంటైనర్‌, 8 బైకులు, సెల్‌ఫోన్‌లు స్వాధీనం చేసుకున్నారు. కేసు నమోదు చేసి దర్యాప్తు చేపట్టారు.

మత్తు పదార్థాలకు బానిసలై జీవితాల్ని నాశనం చేసుకొద్దని పోలీసులు యువతకు సూచించారు. ఎవరైనా మాదకద్రవ్యాలు అమ్మినా, కొన్నా కఠిన చర్యలు తీసుకుంటామని హెచ్చరించారు. ఇదిలా ఉండగా ఇటీవల ఏపీలోని విశాఖలో కంటైనర్ నిండా టన్నుల కొద్దీ మత్తు పదార్థాలు పట్టుపడిన సంగతి తెలిసిందే. అప్పటి నుంచి పోలీసులు మత్తు పదార్థాలపై నిఘాను మరింత పెంచారు.

ఈ నేపథ్యంలో అలర్ట్ అయిన హైదరాబాద్ పోలీసులు మరింత దూకుడు పెంచారు. మరోవైపు రంజాన్ పండుగల నేపథ్యంలో ఎలాంటి అవాంఛనీయ సంఘటనలు జరగకుండా పకడ్బందీగా బందోబస్తు నిర్వహిస్తున్నారు. అదేవిధంగా రహదారుల వెంబడి విస్తృతంగా తనిఖీలు కొనసాగుతున్నాయి.