National

– ఎన్నో కలలతో భారత్ జోడో న్యాయ్ యాత్ర ప్రారంభం
– అల్లర్లు చెలరేగిన మణిపూర్ నుంచే షురూ
– ధరల పెరుగుదల, నిరుద్యోగాన్ని ఎత్తిచూపే ప్రయత్నం
– సామాజిక న్యాయంతో ముందుకెళ్తామన్న రాహుల్
– పార్లమెంట్ ఎన్నికలే లక్ష్యంగా సాగనున్న టూర్
– జోడో యాత్రతో కాంగ్రెస్‌కు పెరగని మైలేజ్
– మూడు ప్రధాన రాష్ట్రాల్లో ఘోరంగా ఫెయిల్
– ఇప్పుడు న్యాయ్ యాత్ర ఏ మేరకు ప్లస్ అవుతుంది..?
– పార్లమెంట్ ఎన్నికల వరకు సాగనున్న న్యాయ్ యాత్ర

పార్లమెంట్ ఎన్నికలు సమీపిస్తున్న వేళ కాంగ్రెస్‌ (Congress)కు బూస్టప్ ఇచ్చేందుకు భారత్ జోడో న్యాయ్ యాత్రకు శ్రీకారం చుట్టారు ఆపార్టీ అగ్రనేత రాహుల్ గాంధీ (Rahul Gandhi). అల్లర్లకు కేంద్ర బిందువుగా మారిన మణిపూర్ నుంచే ఈ యాత్రను స్టార్ట్ చేశారు. తౌబాల్ జిల్లాలోని ఓ ప్రైవేట్ మైదానంలో కాంగ్రెస్ అధ్యక్షుడు మల్లికార్జున్ ఖర్గే, పార్టీ అగ్రనేతలు జెండా ఊపి యాత్రను ప్రారంభించారు. ఈ యాత్ర హైబ్రిడ్ పద్ధతిలో చాలా వరకు బస్సులో, కొంతమేర పాదయాత్ర ద్వారా కొనసాగనుందని తెలుస్తోంది.

ధరల పెరుగుదల, నిరుద్యోగం, సామాజిక న్యాయం వంటి అనేక అంశాలను ఈ యాత్ర ద్వారా ప్రజల్లోకి తీసుకు వెళ్ళే ఆలోచనలో ఉంది కాంగ్రెస్. మొత్తం 15 రాష్ట్రాల్లోని 100 లోక్ సభ నియోజకవర్గాల్లో సాగే భారత్ జోడో న్యాయ్ యాత్ర.. 67 రోజుల్లో 110 జిల్లాలు, 337 శాసనసభ నియోజకవర్గాల్లో 6 వేల 713 కిలోమీటర్లు సాగనుంది. మార్చి 20 లేదా 21 తేదీల్లో ముంబైలో ముగుస్తుంది. దేశ ప్రజలను ఏకం చేయడానికే భారత్ జోడో న్యాయ్ యాత్ర చేపట్టినట్టు రాహుల్ గాంధీ తెలిపారు. గత కొన్ని రోజులుగా మణిపూర్ రగులుతోందని.. ప్రధాని ఎందుకు రాలేదని ప్రశ్నించారు. భారత్ న్యాయ్ యాత్రను ముంబై నుంచి ప్రారంభించాలని చాలా మంది చెప్పారు కానీ.. తాను మణిపూర్‌నే ఎంచుకున్నానని తెలిపారు.

ఎంతో మంది అన్నాదమ్ముళ్లు మణిపూర్‌లో చనిపోయారన్నారు. తాము మణిపూర్ ప్రజల బాధను అర్థం చేసుకున్నామని చెప్పారు. మళ్లీ ప్రశాంతత మణిపూర్‌ను తిరిగిచ్చేస్తానని రాహుల్ అక్కడి ప్రజలకు మాటిచ్చారు. హింస, అన్యాయం లేని దేశం కావాలన్నారు. దేశంలో బీజేపీ, ఆర్ఎస్ఎస్ విద్వేషాలను రెచ్చగొడుతున్నాయని మండిపడ్డారు రాహుల్ గాంధీ. గతేడాది కన్యాకుమారి నుంచి కశ్మీర్ వరకు భారత్ జోడో పేరుతో సుమారు 4వేల కిలోమీటర్లు నడిచిన రాహుల్, ఈసారి న్యాయ్ యాత్ర చేపట్టారు.

అయితే.. ఇది ఎంత మేరకు వర్కవుట్ అవుతుందనేది పెద్ద ప్రశ్నగా మారింది. జోడో యాత్ర వల్ల రాహుల్‌కు మైలేజ్ వచ్చిందే గానీ, పార్టీకి పెద్దగా ఉపయోగం జరగలేదు. తర్వాత వచ్చిన పలు రాష్ట్రాల అసెంబ్లీ ఎన్నికల్లో కర్ణాటక, తెలంగాణ మినహా మిగిలిన ఏ రాష్ట్రాల్లోనూ సత్తా చాటలేదు. ఆఖరికి అధికారంలో ఉన్న ఛత్తీస్ గఢ్, రాజస్థాన్ రాష్ట్రాల్లో పవర్ కోల్పోయింది. పార్లమెంట్ ఎన్నికల సమయంలో రాహుల్ చేపట్టిన న్యాయ్ యాత్ర ఎంత మేరకు లాభం చేకూర్చుతుందో చూడాలి.
పూర్తి కథనం…

కాంగ్రెస్ (Congress) నేత, కేంద్ర మాజీ మంత్రి మిలింద్ దియోరా (Milind Deora) శివసేన (ఏక్ నాథ్ షిండే వర్గం)లో చేరారు. సీఎం ఏక్ నాథ్ షిండే సమక్షంలో మిలింద్ దియోర శివసేన కండువా కప్పుకున్నారు. మిలింద్ దియోరకు కాషాయ జెండా అందించి శివసేనలోకి ఏక్ నాథ్ షిండే ఆహ్వానించారు. ఇది తనకు చాలా భావోద్వేగకరమైన క్షణాలని దియోర వెల్లడించారు.

‌ఈ సందర్బంగా మిలింద్ దియోర మాట్లాడుతూ…. తాను కాంగ్రెస్ ను వీడతానని ఎప్పుడూ అనుకోలేదని చెప్పారు. కానీ ఈ రోజు ఏక్ నాథ్ షిండే నేతృత్వంలోని శివసేన పార్టీలో చేరేందుకు కాంగ్రెస్‌తో తనకు ఉన్న 55 ఏండ్ల సంబంధాన్ని వదులుకున్నానని భావోద్వేగానికి గురయ్యారు. మహారాష్ట్ర సీఎం ఏక్ నాథ్ షిండే అందరికీ అందుబాటులో ఉండే నేత అని కొనియాడారు.

దేశ అభివృద్ధి పట్ల ప్రధాని మోడీ, కేంద్ర హోం మంత్రి అమిత్ షాలు గొప్ప ఆలోచనలు కలిగి వున్నారని అన్నారు. అందుకే వారితో కలిసి ముందుకు వెళ్లాలని అనుకుంటున్నట్టు చెప్పారు. అంతకు ముందు కాంగ్రెస్ పార్టీకి రాజీనామా చేస్తున్నట్టు మిలింద్ దియోరా ట్వీట్ చేశారు. పార్టీతో తనకు ఉన్న 55 ఏండ్ల బంధం నేటితో ముగిసిపోయిందని ట్వీట్ లో పేర్కొన్నారు.

2014 నుంచి ముంబై దక్షిణ పార్లమెంట్ నియోజకవర్గం నుంచి మిలింద్ దియోర ఎంపీగా ఉన్నారు. రాబోయే లోక్ సభ ఎన్నికల్లో ముంబై దక్షిణ స్థానాన్ని పొత్తుల్లో భాగంగా శివసేనకు కేటాయించే అవకాశం ఉన్నట్టు వార్తలు వస్తున్నాయి. ఈ నేపథ్యంలో దక్షిణ ముంబై నియోజకవర్గం నుంచి తనకు అవకాశం లభించదని భావించిన మిలింద్ పార్టీకి రాజీనామా చేశారు.

కెనడా(Canada)లో పెరుగుతున్న నిరుద్యోగం, గృహ సంక్షోభంతో ప్రభుత్వం ఉక్కిరిబిక్కిరి అవుతోంది. అక్కడ గృహ సంక్షోభం(Housing Crisis) తారాస్థాయికి చేరుకుంది. అక్కడ ప్రజలు ఇళ్లు దొరక్క అనేక ఇబ్బందులు పడాల్సివస్తోంది. ఈ నేపథ్యంలో అక్కడి జస్టిన్ ట్రూడో ప్రభుత్వంపై ప్రజలు ఆగ్రహం వ్యక్తం చేస్తున్నారు.

కెనడాకు చదువుకునేందుకు వెళ్తున్న విద్యార్థుల్లో ఇండియా నుంచి వెళ్లే వారి సంఖ్య అధికంగా ఉంది. అయితే గృహ సంక్షోభం నేపథ్యంలో కెనడా విదేశీ విద్యార్థులపై పరిమితి విధిస్తే ముఖ్యంగా భారతీయ విద్యార్థులకు ఇబ్బందులు తప్పకపోవచ్చు. ఈ ఏడాది 4లక్షల 85వేల మంది వలసదారులను, 2025, 2026లో 5లక్షల మంది వలసదారుల్ని కెనడాకు ఆహ్వానించాలని లక్ష్యంగా పెట్టుకుంది.

కెనడాలో తలెత్తిన పరిణామాల నేపథ్యంలో అక్కడి ఇమ్మిగ్రేషన్ మంత్రి మార్క్ మిల్లర్ శనివారం ఓ టీవీకి ఇచ్చిన ఇంటర్వ్యూలో కీలక వ్యాఖ్యలు చేశారు. విదేశీ విద్యార్థులపై పరిమితి విధించే అవకాశాన్ని పరిశీలిస్తున్నట్లు వెల్లడించారు. అయితే ఎంతమేర పరిమితి విధిస్తారనే వివరాలను మంత్రి పేర్కొనలేదు. ఫెడరల్ ప్రభుత్వం, ప్రాంతీయ ప్రభుత్వాలతో చర్చించాల్సి ఉందని ఆయన అభిప్రాయపడ్డారు.

కెనడాలో అంతర్జాతీయ విద్యార్థుల సంఖ్యను కలవరపరిచేలా ఉందన్నారు. ఈ ఏడాది ప్రారంభంలో మొదటి,  రెండవ త్రైమాసికాల్లో గృహాల డిమాండ్‌ను తగ్గించడంలో సహాయపడటానికి అంతర్జాతీయ విద్యార్థులపై పరిమితిని నిర్ణయించే అవకాశాన్ని పరిశీలిస్తున్నట్లు మిల్లర్ తెలిపారు. అయితే ఇదే హౌసింగ్ సంక్షోభానికి ఏకైక పరిష్కారం కాదని వెల్లడించారు.

అయోధ్య (Ayodhya)లో జనవరి 22న రామ మందిర (Ram Temple) ప్రారంభోత్సవాన్ని నిర్వహించనున్నారు. ఈ కార్యక్రమానికి 55 దేశాలకు చెందిన రాయబారులు (ambassadors), ఎం)పీ (MPలు కలిపి మొత్తం 100 మందికి పైగా అతిథులను ఆహ్వానిస్తున్నట్టు వరల్డ్ హిందూ ఫౌండేషన్ గ్లోబల్ చైర్మన్ స్వామి విజ్ఞాననంద్ తెలిపారు.

భగవాన్ శ్రీరాముడి వంశస్తురాలు అని భావిస్తున్న కొరియన్ రాణిని కూడా రామ్ లల్లా ప్రాణ ప్రతిష్ట కార్యక్రమానికి ఆహ్వానించామని వెల్లడించారు. అర్జెంటీనా, ఆస్ట్రేలియా, బెలారస్, బోట్సవానా, కెనడా, కొలంబియా, డెన్మార్క్,డొమానికా, రిపబ్లిక్ కాంగో, ఈజిఫ్టు, ఇథియోపియా, ఫిజి, ఫిన్ లాండ్, ఫ్రాన్స్ , జర్మని, ఘనా, గయానా, హంకాంగ్, హంగేరీ, ఇతర దేశాల నుంచి అతిథులను ఆహ్వానించామని పేర్కొన్నారు.

రామ మందిర కార్యక్రమానికి పలు దేశాల నేతలు హాజరవుతారని చెప్పారు. వీవీఐపీ విదేశీ ప్రతినిధులందరూ జనవరి 20న యూపీ రాజధాని లక్నోకు చేరుకుంటారని పేర్కొన్నారు. ఆ తర్వాత జనవరి 21న సాయంత్రానికి అయోధ్యకు చేరుకుంటారని విజ్ఞాననంద్ వివరించారు. అతిథుల కోసం తగిన ఏర్పాట్లు చేశామన్నారు.

పొగమంచు, వాతావరణ పరిస్థితుల కారణంగా, ప్రతినిధులను ఈవెంట్‌కు ముందు భారతదేశానికి రావాలని అభ్యర్థించామని అన్నారు. ఈ కార్యక్రమానికి చాలా మంది విదేశీ ప్రతినిధులను ఆహ్వానించాలని అనుకున్నట్టు తెలిపారు. కానీ ఆలయంలో స్థలం తక్కువగా ఉండటంతో తక్కువ మందిని ఆహ్వానించామని చెప్పారు.

కాంగ్రెస్‌ (Congress) పార్టీని వీడిన మాజీ కేంద్ర మంత్రి మిలింద్ దియోర (Milind Deora)పై శివసేన (ఉద్దవ్ ఠాక్రే) వర్గం ఎంపీ సంజయ్ రౌత్ (Sanjay Raut) తీవ్ర స్థాయిలో విరుచుకు పడ్డారు. ప్రస్తుతం రాజకీయాలన్నీ అధికారం చుట్టే తిరుగుతున్నాయని తెలిపారు. ప్రస్తుతం రాజకీయాల్లో సిద్దాంతాలు, విలువలు, విశ్వాసం అనేవి లేనే లేవని మండిపడ్డారు.

మిళింద్ దియోర తండ్రి మురళి దియోర చాలా గొప్ప నాయకుడని కొనియాడారు. దశాబ్దాల పాటు కాంగ్రెస్ కు మురళి దియోర సేవలు అందించారని గుర్తు చేశారు. పార్టీ కోసం ఏం చేయాలనే విషయం మురళి దియోరకు తెలుసన్నారు. మిళింద్ దియోర తనకు తెలుసన్నారు. ఆయనకు పార్టీతో మంచి సంబంధం ఉందన్నారు.

కాంగ్రెస్‌కు బిగ్ షాక్ తగిలింది. మహారాష్ట్ర సీనియర్ నేత, కేంద్ర మాజీ మంత్రి మిళింద్ దియోర కాంగ్రెస్ కు రాజీనామా చేశారు. ఆయన శివసేన (ఏక్ నాథ్ షిండే) వర్గంలో చేరతారని వార్తలు వినిపిస్తున్నాయి. ఈ క్రమంలో మహారాష్ట్ర ముఖ్యమంత్రి ఏక్ నాథ్ షిండే స్పందించారు. మిలింద్ దియోరకు తమ పార్టీ స్వాగతం పలుకుతోందని చెప్పారు.

మిలింద్ దియోర రాజీనామా గురించి తనకు తెలిసిందని పేర్కొన్నారు. మిలింద్ ఒక వేళ తమ పార్టీలో చేరతానంటే తాము స్వాగతం పలుకుతామని వెల్లడించారు. అంతకు ముందు మిలింద్ దియోర తన రాజీనామా గురించి ట్విట్టర్ లో వివరించారు. కాంగ్రెస్‌తో తన బంధం ముగిసిపోయిందని పేర్కొన్నారు.