National

ఇజ్రాయిల్ -హమాస్ (Israel-Hamaas) నేతృత్వంలోని పాలస్తీనియన్ తీవ్రవాదుల(Terroists)కు మధ్య జరుగుతున్న యుద్ధం (War) తారాస్థాయికి చేరింది. ఇజ్రాయిల్ పౌరులను తమ వద్ద బంధీలుగా చేసుకుని హమాస్ ఉగ్రవాదులు ఇజ్రాయిల్‌తో కయ్యానికి కాలు దువ్విన విషయం తెలిసిందే. 07 అక్టోబర్ 2023న గాజా స్ట్రిప్ నుంచి వందల సంఖ్యలో రాకెట్స్ ఇజ్రాయిల్ పైకి దూసుకొచ్చాయి.

ఈ ఘటనతో సీరియస్ అయిన ఇజ్రాయిల్ ప్రధాని బెంజిమిన్ నేతన్యాహూ (Benjimin nethanyahu) హమాస్‌ను తుడిచి పెట్టేంతవరకు యుద్ధాన్ని విరమించేది లేదని ప్రకటించారు. నాటి నుంచి నేటివరకు యుద్ధం నిరాటంకంగా కొనసాగుతోంది. తాజాగా ఇజ్రాయిల్ గత వారం జరిపిన వైమానిక దాడిలో హమాస్ అగ్ర కమాండర్ మార్వాన్ ఇస్సా హతమయ్యారు. ఈ విషయాన్ని అమెరికా జాతీయ భద్రతా సలహాదారు జేక్ సల్లివన్ ధృవీకరించారు.

మార్చి 11న సెంట్రల్ గాజాపై ఇజ్రాయిల్ డిఫెన్స్ ఫోర్సెస్ (ఐడీఎఫ్) జరిపిన దాడుల్లో ఇస్సా మరణించారని వెల్లడించారు.ఇంకా మిగిలిన అగ్రనేతలు సైతం సొరంగాల్లో దాక్కున్నట్లు తెలుస్తోంది. అక్టోబర్ 7న ఇజ్రాయిల్‌పై హమాస్ దాడి చేయడానికి ఇస్సానే ప్లాన్ చేసినట్లు భావిస్తున్నారు.

అయితే, అమెరికా ప్రకటనపై హమాస్ ఇప్పటివరకు అధికారికంగా స్పందించలేదు. మరోవైపు గాజాలోని ఆల్ షిఫా ఆస్పత్రిపై ఇజ్రాయిల్ చేసిన దాడిలో 20 మంది మరణించగా.. 200 మందిని ఐడీఎఫ్ దళాలు అదుపులోకి తీసుకున్నట్లు స్థానిక మీడియా కథనాలు పేర్కొన్నాయి.

కాగా, అమెరికా అధ్యక్షుడు జో బైడెన్ (Joe biden), ఇజ్రాయిల్ ప్రధాని బెంజిమిన్ నెతన్యాహులు సోమవారం ఫోన్ లో సంభాషించినట్లు తెలుస్తోంది. గాజాలో నెలకొన్న పరిస్థితులపై ఇరు దేశాల నేతలు చర్చించినట్లు సమాచారం.ఈ మేరకు వైట్‌హౌస్ (White house) ఒక ప్రకటన విడుదల చేసింది. ‘గాజాకు వెళ్లే మానవతా సాయం, బంధీలను స్వదేశానికి తీసుకురావడానికి చేసిన ప్రయత్నాల గురించి ప్రధాని నెతన్యాహుని బైడెన్ వివరాలు అడిగి తెలుసుకున్నారు. దీర్ఘకాలిక భద్రతను నిర్దారించడం వంటి అంశాలను ప్రస్తావించారు’ అని ప్రకటనలో పేర్కొంది.

ఎలక్టోరల్ బాండ్ల(Electoral Bonds) వ్యవహారంలో సుప్రీకోర్టు  స్టేట్‌ బ్యాంకు ఆఫ్ ఇండియా (SBI)పై సుప్రీంకోర్టు(Supreme Court)  మరోసారి అసంతృప్తి వ్యక్తం చేసింది. ఎలక్టోరల్ బాండ్లకు సంబంధించి ఎస్​బీఏ సెలెక్టివ్​గా ఉండకూడదని, మొత్తం సమాచారాన్ని బహిర్గతం చేయాలని ఆదేశించింది. బాండ్ల నంబర్‌లతో సహా ఎలక్టోరల్ బాండ్లపై సమాచారన్నంతా అడిగినట్లు గుర్తుచేసింది.

గడువులోగా వివరాలు ఇవ్వలేదని ఇప్పటికే సుప్రీకోర్టు ఎస్‌బీఐపై ఆగ్రహం వ్యక్తం చేసిన సంగతి తెలిసిందే. దీంతో ఎస్‌బీఐ అప్రమత్తమై ఎలక్టోరల్ బాండ్స్ వివరాలు ఎన్నికల సంఘానికి సమర్పించింది. అయినప్పటికీ సుప్రీంకోర్టు సంతృప్తి చెందలేదు. ఎలక్టోరల్ బాండ్స్‌ సంఖ్యని కూడా వెల్లడించాలని తేల్చి చెప్పింది. దీంతో రెండో విడత ఎలక్టోరల్​ బాండ్లపై మరింత డేటాను ఎన్నికల సంఘం ఆదివారం విడుదల చేసింది. ఈ డేటాను తమ వెబ్​సైట్​లో అందుబాటులో ఉంచింది.

అయినప్పటికీ ఎలక్టోరల్ బాండ్లకు సంబంధించిన మొత్తం సమాచారాన్ని బహిర్గతం చేయాలని మరోసారి సర్వోన్నత న్యాయస్థానం ఆదేశించింది. వివరాలను బహిర్గతం చేయడంలో ఎస్‌బీఐ సెలెక్టివ్​గా ఉండకూడదంటూ వ్యాఖ్యలు చేసింది. మార్చి 21 సాయంత్రం 5 గంటలలోపు అన్ని వివరాలను వెల్లడించాలని ఆదేశాలు జారీ చేసింది. ఎలక్టోరల్​ బాండ్ల పూర్తి వివరాలను వెల్లడించాల్సిన అవసరం ఉందని పేర్కొంది.

అయితే ఎంపిక ధోరణి వద్దని జస్టిస్ డీవై చంద్రచూడ్ నేతృత్వంలోని ఐదుగురు న్యాయమూర్తుల రాజ్యాంగ ధర్మాసనం తెలిపింది. ఈ అంశంపై తదుపరి ఉత్తర్వుల కోసం వేచి ఉండాల్సిన అవసరం లేదని పేర్కొంది. మార్చి 21 సాయంత్రం 5 గంటలలోపు అన్ని వివరాలను వెల్లడించిందని చెబుతూ అఫిడవిట్ దాఖలు చేయాలని ఎస్‌బీఐ చైర్మన్‌ను ఆదేశించింది. అయితే కోర్టు ఆదేశాల మేరకు ఎలక్టోరల్ బాండ్ల నంబర్లు ఇవ్వాల్సి ఉంటే, అవి కూడా ఇస్తామని ఎస్‌బీఐ తరఫున సీనియర్ న్యాయవాది హరీశ్ సాల్వే తెలిపారు.

రష్యా అధ్యక్షుడి(President of Russia)గా దాదాపు 25 ఏళ్లు అధికారంలో ఉన్న వ్లాదిమిర్ పుతిన్(Vladimir Putin) మరోసారి తిరుగులేని విజయాన్ని అందుకున్నారు. ఈ సారి జరిగిన అధ్యక్ష ఎన్నికల్లో పుతిన్ 88శాతం ఓట్లతో ఏకపక్షంగా గెలుపొందారు. ఆయన అధ్యక్షుడిగా ఎన్నికవడం ఇది ఐదోసారి. 2030వరకు పుతిన్ రష్యా అధ్యక్షుడిగా కొనసాగుతారు.

రష్యా సెంట్రల్ ఎలక్షన్ కమిషన్(RCEC) ప్రకారం.. పోల్స్ ముగిసిన తర్వాత 24 శాతం ఓట్ల లెక్కింపులో పుతిన్‌కు మద్దతుగా 88 శాతం ఓట్లు పోలయ్యాయని తేలింది. ఉక్రెయిన్ యుద్ధ సమయంలో పుతిన్ కీలకంగా వ్యవహరించడం కారణంగా రష్యా ఓటర్లు ఆయన పట్టం కట్టారని తెలుస్తోంది. తన రికార్డు విజయం పుతిన్ ఉక్రెయిన్ సైనికులకు కృతజ్ఞతలు తెలిపారు. రష్యాను బెదిరించడం గానీ, అణచివేయడం గానీ సాధ్యం కాదని ఆయన ఓ ఇంటర్వ్యూలో చెప్పుకొచ్చారు.

చైనాతో సంబంధాలపై మాట్లాడుతూ రష్యా, చైనా రెండూ ప్రపంచ స్థాయిలో ఉమ్మడి ప్రయోజనాలను కలిగి ఉన్నాయన్నారు. దీంతో పాటు పుతిన్ విజయం తర్వాత ఓ కీలక ప్రకటన చేశారు. రష్యా ప్రజలు తమ బాధ్యతను గురించి తెలుసుకున్నారని, ఓట్ల శాతం స్పష్టంగా చూపిస్తోందన్నారు. దేశ పౌరుల ప్రయోజనాలను సంరక్షించడానికి కట్టుబడి ఉన్నాయని అభివర్ణించారు. సైన్యాన్ని బలోపేతం చేయాల్సిన అవసరాన్ని నొక్కి చెప్పారు.

మాస్కో బీజింగ్ తో మాత్రమే సంబంధాలను అభివృద్ధి చేసుకుంటుందని, ఇరు దేశాల మధ్య బంధం మరింత బలోపేతం చేస్తుందని వ్యాఖ్యానించారు. అయితే, అప్పటికే ఉక్రెయిన్ లో నాటో సైనిక సిబ్బంది ఉన్నారని, యుద్ధభూమిలో ఇంగ్లిష్, ఫ్రెంచ్ రెండింటినీ రష్యా తీసుకుందని పుతిన్ అన్నారు. ఇందులో తమకు ఒరిగేదేమీ లేదని ఆయన అభిప్రాయాన్ని వ్యక్తం చేశారు.

మరోవైపు అమెరికాలో అధ్యక్ష ఎన్నికలు సమీపిస్తుండటంతో ప్రపంచవ్యాప్తంగా ఆసక్తిని రేపుతోంది. ఇప్పటికే ప్రచారంలో దూసుకుపోతున్న ట్రంప్ సంచలన వ్యాఖ్యలు చేసి అందరి దృష్టిని ఆకర్షించారు. ఈ ఎన్నికల్లో తనను ఎన్నుకోకపోతే రక్తపాతమే జరుగుతుందంటూ వ్యతిరేక వ్యర్గానికి హెచ్చరికలు జారీ చేసిన సంగతి తెలిసిందే.