National

జైలులో ఉన్న ఆప్ నేత సంజయ్ సింగ్‌ (Sanjay Singh)కు భారీ షాక్ తగిలింది. రాజ్యసభ ఎంపీగా సోమవారం ఆయన ప్రమాణ స్వీకారం చేయలేదు. సంజయ్ సింగ్ ప్రమాణానికి రాజ్యసభ చైర్మన్ జగదీప్ ధన్‌ఖర్ ( Jagdeep Dhankhar)అనుమతించకపోవడంతో సంజయ్ సింగ్ ప్రమాణం చేయలేకపోయారు.

తాజాగా దీనిపై రాజ్యసభ చైర్మన్ జగదీప్ ధన్ ఖర్ వివరణ ఇచ్చారు. ఈ విషయం ప్రస్తుతం ప్రివిలేజ్ కమిటీ పరిశీలనలో ఉందని చెప్పారు. సంజయ్ సింగ్ పై నమోదైన సభా హక్కుల ఉల్లంఘనల కేసును ప్రివిలేజ్ కమిటీ దర్యాప్తు జరుపుతోందని వివరించారు. గతేడాది జూలై 24న సభా నియమాలను ఉల్లంఘించినందుకు ఆయనపై సస్పెన్షన్ వేటు వేశారు.

మనీలాండరింగ్ కేసులో ఆయన శిక్ష అనుభవిస్తున్నారు. ఈ ఏడాది జనవరిలో ఆయన్ని మరోసారి రాజ్యసభకు నామినెట్ చేస్తూ ఆప్ నిర్ణయం తీసుకుంది. ఆయనతో పాటు ఢిల్లీ మహిళా కమిషన్ చైర్ పర్సన్ స్వాతీ మాలీవాల్‌తో పాటు చార్చెట్ అకౌంటెంట్ నరైన్ దాస్ గుప్తాను రాజ్యసభకు నామినెట్ చేసింది. ఈ క్రమంలో రాజ్య సభ ఎంపీగా ప్రమాణం చేసేందుకు మధ్యంతర బెయిల్ మంజూరు చేయాలని న్యాయస్థానాన్ని కోరారు.

ఈ మేరకు ఫిబ్రవరి 1న ఢిల్లీ రౌస్ అవెన్యూ కోర్టులో ఆయన పిటిషన్ వేశారు. పార్లమెంట్ సమావేశాలకు హాజరయ్యేందకు తనకు ఫిబ్రవరి 5 నుంచి 9 వరకు బెయిల్ మంజూరు చేయాలని కోరారు. కానీ ఆ తర్వాత కేవలం ప్రమాణ స్వీకారానికి మాత్రమే బెయిల్ కావాలని దరఖాస్తులో మార్పులు చేశారు. ఈ క్రమంలో సోమవారం ఆయనకు మధ్యంతర బెయిల్ మంజూరు చేయగా రాజ్యసభ చైర్మన్ నిర్ణయం నేపథ్యంలో ఆయన ప్రమాణనం చేయలేకపోయారు.

బీబీసీ (BBC)పై బ్రిటీష్ కన్జర్వేటివ్ పార్టీ ఎంపీ బ్లాక్ మెన్ (Blackman) నిప్పులు చెరిగారు. ఇటీవల అయోధ్య రామ మందిరం (Ram Mandhir)పై బీబీసీ పక్షపాత కవరేజిపై ఆయన మండిపడ్డారు. ఈ ఏడాది జనవరి 22న రామ మందిర ప్రాణ ప్రతిష్ట కార్యక్రమానికి సంబంధించి బీబీసీ తీరు సరిగా లేదని తీవ్ర స్థాయిలో మండిపడ్డారు.

‘గత వారం యూపీలోని అయోధ్యలో రామ మందిర ప్రాణ ప్రతిష్ట జరిగింది. ఈ కార్యక్రమాన్ని చూసి ప్రపంచ దేశాల్లోని హిందువులంతా చాలా సంతోషించారు. కానీ అయోధ్యకు వెళ్లిన బీబీసీ మాత్రం మసీదు ధ్వంసం అయిన స్థలంలో ఉన్నామని రిపోర్టు చేసింది. అంతకు రెండు వేల ఏండ్లకు ముందే అక్కడ ఆలయం ఉందనే విషయాన్ని బీబీసీ మర్చి పోయింది’అని తెలిపారు.

అయోధ్య నగరానికి పక్కనే మసీదు నిర్మాణానికి ఐదు ఎకరాల స్థలాన్ని కేటాయించిన విషయాన్ని బీబీసీ మర్చిపోయినట్టుందన్నారు. ఆ స్థలంలో మసీదును నిర్మించనున్నారని పేర్కొన్నారు. బీబీసీ నిష్పాక్షిత, ప్రపంచ వ్యాప్తంగా ఏం జరుగుతుందో సరైన రికార్డును అందించడంలో బీబీసీ వైఫల్యంపై యూకే పార్లమెంట్2లో చర్చించాలని కోరారు.

బీబీసీ కవరేజీపై ఇప్పటికే చాలా ఫిర్యాదులు అందాయి. ఇదిలా ఉంటే ‘మన్ కీ బాత్’ 109వ ఎడిషన్‌లో అయోధ్యలో రామమందిరం ప్రాముఖ్యతను తెలిపారు. రామ మందిరం దేశాన్ని ఎలా ఏకం చేసిందో అనే విషయాన్ని దేశ ప్రజలు వివరించారు. రాముడి పరిపాలన రాజ్యాంగ నిర్మాతలకు స్ఫూర్తిదాయకమని ప్రధాని మోదీ పేర్కొన్నారు.

స్వతంత్య్ర అనంతరం సుదీర్ఘకాలం అధికారంలో ఉన్న పార్టీ దేశంలోని పుణ్యక్షేత్రాల ప్రాముఖ్యతను అర్థం చేసుకోలేకపోయిందని ప్రధాని మోడీ (PM Modi) అన్నారు. ఒక దేశం దాని సాంస్కృతిక మూలాలను కాపాడుకోకుండా ఎప్పటికీ అభివృద్ధి చెందదని అన్నారు. మన తీర్థయాత్రలు, మన దేవాలయాలు (Temples), మన ప్రార్థనా స్థలాలు ఇవి కేవలం సందర్శించవలసిన ప్రదేశాలు మాత్రమే కాదన్నారు. ఇవి మన నాగరికత వేల సంవత్సరాల ప్రయాణానికి చెరగని చిహ్నాలని వెల్లడించారు.

అసోంలో మొత్తం రూ.11,600 కోట్లతో చేపట్టిన పలు అభివృద్ధి పనులకు ప్రధాని నరేంద్ర మోడీ ఆదివారం శంకుస్థాపన చేశారు. అనంతరం గౌహతి ఖానాపరాలోని వెటర్నరీ కళాశాల మైదానంలో నిర్వహించిన బహిరంగ సభలో ప్రధాని మోడీ పాల్గొన్నారు. ఈ సందర్బంగా ప్రధాని మోడీ మాట్లాడుతూ…. ఈ ప్రాజెక్టులన్నీ అసోం, మిగిలిన ఈశాన్య ప్రాంతాలను ఆగ్నేయాసియా దేశాలతో కనెక్టివిటీని పెంచుతాయని తెలిపారు. అవి పర్యాటక రంగంలో ఉపాధి అవకాశాలను సృష్టిస్తాయన్నారు.

అసోంలో బీజేపీ ప్రభుత్వం రాక ముందు కేవలం ఆరు మెడికల్ కాలేజీలు మాత్రమే ఉండేవని చెప్పారు. కానీ నేడు ఇప్పుడు ఆ సంఖ్య 12కు చేరుకుందన్నారు. అస్సాం నేడు ఈశాన్య ప్రాంతంలో క్యాన్సర్ చికిత్సకు ప్రధాన కేంద్రంగా మారుతోందని చెప్పారు. స్వాతంత్య్రానంతరం అధికారంలో ఉన్నవారు ప్రార్థనా స్థలాల ప్రాముఖ్యతను అర్థం చేసుకోలేకపోయారని మండిపడ్డారు. రాజకీయ కారణాలతో తమ సొంత సంస్కృతిని చూసి సిగ్గుపడే ధోరణిని తీసుకు వచ్చారని ఫైర్ అయ్యారు.

దేశంలో గృహాల విద్యుత్ బిల్లును జీరోకు తీసుకు వచ్చే దిశగా తమ ప్రభుత్వం అడుగులు వేస్తోందని అన్నారు. బీజేపీ ప్రభుత్వం ఈశాన్య రాష్ట్రాల అభివృద్ధిపై ప్రత్యేక దృష్టి సారించిందన్నారు. అసోంతో పాటు ఈశాన్య రాష్ట్రాల్లో పర్యాటకుల సంఖ్య పెరుగుతోందన్నారు. గతంలో సౌకర్యాలు సరిగా లేకపోవడంతో ఈశాన్యాన రాష్ట్రాలకు పర్యాటకులు వచ్చేవారు కాదని చెప్పారు. బీజేపీ డబుల్ ఇంజన్ ప్రభుత్వం ఆ పరిస్థితిని మార్చివేసిందని వెల్లడించారు.

గత పదేళ్లలో అభివృద్ధి వ్యయాన్ని నాలుగు రెట్లు పెంచామన్నారు. 2014 తర్వాత 1,900 కిలోమీటర్ల కొత్త రైల్వే ట్రాక్‌లు, పదేళ్లలో 6,000 కిలోమీటర్ల కొత్త జాతీయ రహదారులు నిర్మించామని వివరించారు. ‘మోదీ హామీ’ ఎప్పటికీ వృథా కాదన్నారు. “వికసిత్ భారత్ సంకల్ప్ యాత్ర’ ద్వారా దేశంలోని 200 మిలియన్ల మంది ప్రజలు లబ్ది పొందారని పేర్కొన్నారు. ప్రతి భారతీయుడి జీవితాన్ని సంతోషమయం చేయాలన్నదే తమ ప్రభుత్వం లక్ష్యమన్నారు. ఈ ఏడాది బడ్జెట్‌లో మౌలిక సదుపాయాల కోసం రూ. 1.11 లక్షల కోట్లు వెచ్చించాలని నిర్ణయించామన్నారు.