National

భారత్- మాల్దీవుల మధ్య వివాదం నేపథ్యంలో ఇటీవల ఇచ్చిన ‘బాయ్ కాట్ మాల్దీవ్స్’ (Boycott Maldives )నినాదం ఆ దేశంపై తీవ్ర ప్రభావం చూపుతోంది. ఈ వివాదం నేపథ్యంలో మాల్దీవులను సందర్శించే భారతీయు (Indians)ల సంఖ్య గణనీయంగా తగ్గిపోయింది. గత మూడు వారాల్లో మాల్దీవుల టూరిజం ర్యాంకింగ్స్‌లో భారత్ మూడవ స్థానం నుంచి ఐదవ స్థానానికి పడి పోయింది.

గతేడాది డిసెంబర్ 31 నాటికి మాల్దీవుల టూరిజం జాబితాలో ఇండియ మొదటి స్థానంలో ఉంది. ఆ ఏడాది 2,09,198 మంది భారతీయులు మాల్దీవులను సందర్శించారు. మాల్దీవుల టూరిజం మార్కెట్‌లో భారత్ 11 శాతం వాటాను కలిగి ఉంది. జనవరి 2న ప్రధాని మోడీ లక్షద్వీప్ వెళ్లడం, మాల్దీవుల మంత్రులు భారత్, మోడీపై అనుచిత వ్యాఖ్యలు చేయడంతో భారత పౌరులు, సినీ, ఇతర రంగాల ప్రముఖులు బాయ్ కాట్ మాల్దీవ్స్ నినాదం ఇచ్చారు.

ఈ నేపథ్యంలో మాల్దీవులను సందర్శించే మాల్దీవుల సంఖ్య గణనీయంగా పడి పోయింది. 2024 జనవరి 28 నాటికి మాల్దీవుల టూరిజంలో భారత్ వాటా కేవలం 8 శాతం మాత్రమే ఉంది. మొత్తం 13 వేల 989 మంది భారతీయులు మాల్దీవులను సందర్శించారు. ఇక చైనా 9.5శాతం, యూకే 8.1శాతం వాటాను కలిగి ఉన్నాయి.

ఈ ఏడాది జనవరిలో మాల్దీవులను సందర్శించిన పర్యాటకుల జాబితాలో రష్యా రష్యా (18,561) మొదటి స్థానంలో ఉంది. ఆ తర్వాతి స్థానంలో ఇటలీ (18,111), చైనా (16,529) , యూకే (14,588) ఉన్నాయి. ఆరవ స్థానంలో జర్మనీ (10,652), యూఎస్ఏ (6,299), ఫ్రాన్స్ (6,168), పోలాండ్ (5,109), స్విట్జర్లాండ్ (3,330)పదవ స్థానంలో ఉంది.

ఢిల్లీతో పాటు జార్ఖండ్ రాజధాని రాంచీలో నాటకీయ పరిణామాలు చోటు చేసుకుంటున్నాయి. మనీలాండరింగ్ కేసు (Money Laundering Case)లో జార్ఖండ్ సీఎం హేమంత్ సోరెన్‌ (Hemant Soren)ను ప్రశ్నించాలని ఈడీ అధికారులు ప్రయత్నిస్తున్నారు. మరోవైపు సోమవారం నుంచి సీఎం హేమంత్ సోరెన్ కనిపించడం లేదంటూ అధికారులు చెబుతున్నారు.

కానీ సీఎం సురక్షితంగా ఉన్నారంటూ జార్ఖండ్ ముక్తి మోర్చా పార్టీ వర్గాలు చెబుతున్నాయి. సీఎం తమతో టచ్‌లోనే ఉన్నారంటూ పేర్కొంటున్నాయి. మరోవైపు ఢిల్లీలో సీఎం హేమంత్ సోరెన్ ను ప్రశ్నించేందుకు ఆయన నివాసానికి ఈడీ అధికారులు వెళ్లారు. కానీ అక్కడ సోరెన్ లేకపోవడంతో అధికారులు ఆయన నివాసంలో తనిఖీలు నిర్వహించారు.

అనంతరం సీఎం హేమంత్ సోరెన్‌కు చెందిన బీఎండబ్ల్యూ కారుతో పాటు కొన్ని పత్రాలను ఈడీ అధికారులు సీజ్ చేశారు. సీఎం సోరెన్ ఎక్కడ ఉన్నారనే విషయం తమకు తెలియదన్నారు. రాంచీ నుంచి ఢిల్లీకి చార్టెడ్ ఫ్లైట్ ఆయన ప్రయాణించారని తెలుస్తోందని పేర్కొన్నారు. ఆ ఫ్లైట్ విమానాశ్రయంలో పార్క్ చేసి ఉందని వివరించారు.

సీఎంతో పాటు ఆయన సిబ్బంది ఫోన్లు కూడా స్విచ్ ఆఫ్ వస్తున్నాయని తెలిపారు. ఆయన కారు డ్రైవర్ ను కూడా ప్రశ్నించామని, కానీ తనకు కూడా తెలియదని డ్రైవర్ సమాధానం ఇచ్చారన్నారు. ఇదిలా ఉండగా, రేపు మధ్యాహ్నం 1 గంటలకు ఆయన విచారణకు అందుబాటులో ఉంటారని సీఎం కార్యాలయం నుంచి ఈడీకి లేఖ అందింది. ఈ పరిణామాలను జాగ్రత్తగా పరిశీలిస్తున్నామని గవర్నర్ కార్యాలయ వర్గాలు చెబుతున్నాయి.

ఇది ఇలా వుంటే హేమంత్ సోరెన్ స్థానంలో ఆయన సతీమణి కల్పనా సోరెన్ సీఎం పదవి చేపడుతారని వార్తలు వినిపిస్తున్నాయి. జేఎంఎం ఎమ్మెల్యేలంతా రాంచీకి చేరుకోవాలని ఆ పార్టీ ఆదేశాలు జారీ చేసిందని, ఈ పరిస్థితులు చూస్తుంటే కల్పనా సోరెన్‌ను సీఎంగా నియమించే అవకాశం ఉన్నట్టు బీజేపీ ఎంపీ నిషికాంత్ దూబే ట్వీట్ చేశారు.

ఇండియ‌న్ నేవీ(Indian Navy) మ‌రో భారీ రెస్క్యూ ఆప‌రేష‌న్ చేప‌ట్టింది. రెండు రోజుల వ్య‌వ‌ధిలోనే కొచ్చి స‌ముద్ర తీరంలో సొమాలీ పైరేట్స్ హైజాక్ చేసిన అల్ న‌హీమ్ బోటును కాపాడింది. భార‌తీయ యుద్ధ నౌక ఐఎన్ఎస్ సుమిత్ర ఈ ఆప‌రేష‌న్‌లో బోటులో ఉన్న 19 మంది పాకిస్థానీలు  ఉన్నారు. వారంద‌ర్నీ ర‌క్షించిన‌ట్లు ఇండియ‌న్ నేవీ ప్ర‌క‌టించింది.

ఇప్పుడు వారు సురక్షితంగా ఉన్నారని తెలిపింది.  11 మంది సొమాలీ పైరేట్స్‌ను ఆధీనంలోకి తీసుకున్నారు. సొమాలియా తూర్పు తీరంతో పాటు గ‌ల్ఫ్ ఆఫ్ ఎడ‌న్‌లో యాంటీ పైర‌సీ, మారిటైం సెక్యూర్టీ ఆప‌రేష‌న్స్, పెట్రోలింగ్‌ కోసం యుద్ధ నౌక ఐఎన్ఎస్ సుమిత్ర‌ను భార‌తీయ నౌకాద‌ళం మోహ‌రించింది.

కొన్ని రోజుల క్రిత‌మే ఇఆర్‌కు చెందిన ఫిషింగ్ నౌక ఇమాన్‌ను పైరేట్స్ ప‌ట్టుకున్నారు. ఆ స‌మ‌యంలో కూడా ఐఎన్ఎస్ సుమిత్ర రెస్క్యూ ఆప‌రేష‌న్ చేప‌ట్టింది. ఇక ఇరాన్ జెండా ఉన్న అల్ న‌హీమ్ నౌక‌ను కూడా పైరేట్స్ ఆధీనంలోకి తీసుకున్నారు. ఆ బోటులో 19 మంది పాకిస్థాన్ సెయిల‌ర్లు ఉన్నారు.

అయితే ఇండియ‌న్ నేవీకి చెందిన సుమిత్ర యుద్ధ నౌక త‌న రెస్క్యూ ఆప‌రేష‌న్ ద్వారా ఆ పాక్ నావికుల‌ను ర‌క్షించింది. ఈ రెస్క్యూ ఆప‌రేష‌న్‌లో ఇండియ‌న్ నేవీకి చెందిన మెరైన్ క‌మాండోలు పాల్గొన్నారు. హిందూ మ‌హాస‌ముద్రం ప్రాంతంలో భార‌తీయ యుద్ధ నౌక‌లు ఎప్పుడూ అల‌ర్ట్‌గా ఉంటున్నాయ‌ని ర‌క్ష‌ణ అధికారులు తెలిపారు.