Politics

లోక్ సభ ఎన్నికల్లో విజయమే లక్ష్యంగా బీజేపీ (BJP) బహిరంగ సభలు నిర్వహిస్తుంది. ఇందులో భాగంగా ప్రధానమంత్రి నరేంద్ర మోడీ (PM Narendra Modi) రెండు రోజులు తెలంగాణ (Telangana)లో పర్యటిస్తున్నారు.. నేడు సంగారెడ్డి (Sangareddy) జిల్లా పర్యటనలో ఉన్న ప్రధాని, పటేల్ గూడాలోని ఎస్ఆర్ ఇన్ ఫినిటిలో ఏర్పాటు చేసిన బహిరంగ సభలో పాల్గొని, పలు అభివృద్ధి కార్యక్రమాలకు శంకుస్థాపన చేశారు.

ఈ సందర్భంగా మాట్లాడిన మోడీ.. కేంద్రం రాష్ట్ర అభివృద్దికి కట్టుబడి ఉందన్నారు. తెలంగాణ దక్షిణ భారతదేశానికి గేట్ వే అని తెలిపారు. దేశవ్యాప్తంగా రూ.56వేల కోట్లతో అభివృద్ధి పనులను చేపట్టామన్నారు. సంగారెడ్డిలో రూ.9వేల కోట్లతో అభివృద్ధి పనులను ప్రారంభిస్తున్నామని తెలిపారు. బేగంపేటలో తొలి సివిల్ ఏవియేషన్ రీసెర్చ్ సెంటర్ ను ప్రారంభించినట్లు వెల్లడించారు.. దేశంలో ఎయిర్ పోర్టుల సంఖ్య పదేళ్లలో రెట్టింపు చేశామని వివరించారు.

వికసిత్ భారత్ దిశగా మా ప్రభుత్వం ప్రయత్నిస్తోందన్న ప్రధాని.. ఘట్ కేసర్-లింగంపల్లి మధ్య ఎంఎంటిఎస్ రైళ్లను ప్రారంభించామని… ఈ ఎంఎంటీఎస్ తో అనేక ప్రాంతాలకు కనెక్టివిటీ పెరుగుతోందని పేర్కొన్నారు. మౌళిక సదుపాయాల కోసం బడ్జెట్ లో రూ.11 లక్షల కోట్లు కేటాయించామని తెలిపారు. రాష్ట్రాల అభివృద్ధితోనే దేశాభివృద్ధి సాధ్యమవుతుందని ప్రధాని అన్నారు.

తాను ఇచ్చిన మాట ప్రకారం ఆర్టికల్‌ 370 రద్దు హామీ అమలు చేశామన్న ప్రధాని.. ప్రపంచం గర్వించే రీతిలో అయోధ్యలో రాముడి ప్రతిష్ఠాపన జరిగిందని తెలిపారు. ఇప్పటికే ప్రపంచానికి భారత్‌ ఆశాకిరణంలా మారిందని అభివర్ణించారు. ప్రపంచ దేశాల్లో తెలుగు ప్రజలు కీలకభూమిక పోషిస్తున్నారని కితాబు ఇచ్చారు. వారసత్వ రాజకీయాలను వ్యతిరేకిస్తున్నట్లు, కుటుంబ పార్టీల వల్ల ప్రతిభ ఉన్నవారికి అన్యాయం జరుగుతోందని పేర్కొన్నారు. అంతేకాకుండా యువతకు అవకాశాలు దొరకట్లేదని ప్రధాని వివరించారు.

అంతకుముందు ఉదయం సికింద్రాబాద్ ఉజ్జయినీ మహంకాళి ఆలయాన్ని ప్రధాని సందర్శించారు. ఆలయంలో ప్రత్యేక పూజలు చేశారు. ఈ సందర్భంగా ఆలయం దగ్గర అర్చకులు, అధికారులు ఆయనకు ఘన స్వాగతం పలికారు. దర్శనం అనంతరం మోడీకి ఆశీర్వచనం చేసిన పూజారులు… అమ్మవారి వస్త్రంతో తో పాటు మహంకాళి ఫొటో ఫ్రేమ్ ను బహుకరించారు.

అసెంబ్లీ ఎన్నికల్లో ఇచ్చిన హామీలను నెరవేర్చేందుకు కాంగ్రెస్ (Congress) ప్రభుత్వం శరవేగంగా అడుగులు వేస్తుంది. త్వరలో పార్లమెంట్ ఎన్నికలు (Parliament Elections) జరగనున్న నేపథ్యంలో వీలైనంత త్వరగా కార్యక్రమాలను పూర్తి చేసేందుకు కసరత్తులు మొదలుపెట్టింది. ఇందులో భాగంగానే 6 గ్యారంటీల్లో కీలక మైన ఇందిరమ్మ ఇండ్ల స్కీం (Indiramma Indlu Scheme) అమలుకు సిద్దం అయ్యింది.

అయితే ఈ పథకానికి లక్షల సంఖ్యలో అప్లికేషన్లు రావటంతో ప్రతిష్టాత్మకంగా తీసుకోన్న ప్రభుత్వం.. ఇందిరమ్మ ఇండ్లకు సంబంధించిన గైడ్ లైన్స్ ఖరారు చేసినట్లు తెలుస్తోంది. ఇందుకు సంబంధించిన జీవోను త్వరలో అధికారికంగా విడుదల చేయనున్నట్లు సమాచారం. ఇదిలా ఉండగా భద్రాచలం నియోజకవర్గం, బూర్గంపాడ్​లో మార్చి 11న నిర్వహించే బహిరంగ సభలో సీఎం రేవంత్ రెడ్డి (CM Revanth Reddy) ఈ పథకానికి సంబధించిన గైడ్ లైన్స్ ప్రారంభించనున్నారు.

ఈ సభలో ఇందిరమ్మ ఇండ్లకు సంబంధించిన స్కీం అమలు, లబ్ధిదారుడి ఎంపిక, దశల వారీగా ఫండ్స్ రిలీజ్, స్కీం అర్హత వంటి తదితర అంశాలపై క్లారిటీ ఇవ్వనున్నట్లు తెలుస్తోంది. ఇందుకు సంబంధించిన పూర్తి గైడ్ లైన్స్ ను హౌసింగ్ అధికారులు ప్రభుత్వానికి అందచేసినట్లు తెలుస్తోంది. కాగా సీఎం రేవంత్ రెడ్డి, హౌసింగ్ మంత్రి పొంగులేటి శ్రీనివాస్ రెడ్డి ఫైనల్ చేసినట్లు అధికార వర్గాలు వెల్లడించాయి.

ప్రధానంగా ఇందిరమ్మ ఇళ్లను తొలి దశలో సొంత జాగాలు, బిలో పావర్టీ లైన్ లో ఉన్న వాళ్లకు అందించననున్నారని తెలుస్తోంది. అదే విధంగా గ్రామీణ ప్రాంతాల్లో కనీసం 70 గజాల జాగాలో 400 SFT లో, బెడ్ రూమ్, హాల్, కిచెన్ ఉండేలా ఇందిరమ్మ ఇంటి ప్లాన్ డిజైన్ చేసి ప్రభుత్వానికి అందచేశారు. అలాగే గతంలో ఇందిరమ్మ ఇల్లు, డబుల్ బెడ్రూం తీసుకొన్న వాళ్లు దీనికి అనర్హులని అధికారులు పేర్కొన్నారు.

అదేవిధంగా సొంత జాగా ఉన్న వాళ్ల కు రూ.5 లక్షలను అందించనున్నారు. కానీ ఒక్కో దశలో రూ.1.25 లక్షల చొప్పున నేరుగా లబ్ధిదారుని బ్యాంక్ ఖాతాకు జమ చేయనున్నట్లు తెలిపారు. మరోవైపు ప్రజావాణిలో ఇందిరమ్మ ఇండ్ల స్కీం​కు మొత్తం 82 లక్షల అప్లికేషన్లు రాగా.. గతంలో ఇందిరమ్మ ఇండ్లు, డబుల్ బెడ్రూమ్ లు లబ్ది పొందినవారు 18 లక్షలు ఉన్నట్లు అధికారులు వెల్లడించారు.

సామాజిక ఆర్థిక కులసర్వే అసెంబ్లీలో ఏక తీర్మానం పొందినప్పటికీ ఇంతవరకు ప్రభుత్వం నిర్దిష్టమైన ఉత్తర్వులను జారీ చేయకపోవడం పట్ల బీసీ సంఘాలు, నిరాశకు గురి అవుతున్నాయని జాతీయ బీసీ దళ్ అధ్యక్షుడు దుండ్ర కుమారస్వామి తెలిపారు. ప్రభుత్వం చిత్తశుద్ధి పై ఎలాంటి అప నమ్మకం లేదని.. కానీ ఆలస్యం అవుతుండడం వల్ల కులసర్వే ప్రక్రియ ఆరంభానికి బ్రేక్ పడే ప్రమాదం ఉందని అన్నారు.

త్వరలో లోక్ సభ ఎన్నికలకు (Lok Sabha elections) నోటిఫికేషన్ వచ్చే వీలున్నందున కుల సర్వేకు సంబంధించి ప్రభుత్వ నిర్ణయాన్ని ఉత్తర్వుల రూపంలో వెంటనే జారీ చేయాలని కుమార స్వామి కోరారు.. తెలంగాణ (Telangana) రాష్ట్ర ప్రభుత్వం త్వరలోనే విధివిధానాలు ఖరారు చేసి, ప్రభుత్వ ఉత్తర్వులు జారీ చేయడం వలన ఎన్నికల నోటిఫికేషన్ వచ్చినప్పటికీ వివిధ ప్రభుత్వ విభాగాలు, కుల సర్వేకు సంబంధించిన పనిని పూర్తి చేయడంలో నిమగ్నం అవుతాయని సూచించారు.

‌కుల సర్వే ఆరంభంలో, క్షేత్రస్థాయిలో పర్యటనలు, ఇంటింట సమాచార సేకరణ లాంటి ప్రధానమైన కార్యక్రమాలు వెంటనే ఆరంభించడం వలన లోక్ సభ ఎన్నికల నోటిఫికేషన్ కూడా ఈ ప్రక్రియకు ఏమాత్రం అడ్డంకిగా నిలువబోదని దుండ్ర కుమారస్వామి (Dundra Kumaraswamy) పేర్కొన్నారు.. కాబట్టి తెలంగాణ సీఎం రేవంత్ రెడ్డి (CM Revanth Reddy) ఈ విషయంలో చొరవ చూపాలని.. కులగణన సర్వే విజయవంతంగా ముందుకు సాగేలా చూడాలని బీసీ సంఘాలు విజ్ఞప్తి చేస్తున్నాయి..

కేంద్ర బడ్జెట్‌లో రాష్ట్రానికి ఒక్క రూపాయి కూడా ఇవ్వని ప్రధాని మోడీ(PM Modi) పెద్దన్న ఎలా అవుతారని బీఆర్ఎస్(BRS) ఎమ్మెల్సీ కవిత (MLC kavitha) ప్రశ్నించారు. సోమవారం ఆమె మీడియాతో మాట్లాడారు. ఆదిలాబాద్‌లో ప్రధాని మోడీని సీఎం రేవంత్ రెడ్డి(CM Revanth Reddy) పెద్దన్న అని సంభోదించారు.

ఈ నేపథ్యంలో కవిత ప్రధానిని పెద్దన్న అని రేవంత్ రెడ్డి అనడం మంచిదే.. అయితే ఆ పెద్దన్న తెలంగాణకు ఏమీ చేయలేదంటూ కవిత ఎద్దేవా చేశారు. సీఎం రేవంత్ రెడ్డి వ్యాఖ్యలతో బీజేపీ, కాంగ్రెస్ ఒక్కటే అని అర్ధం అవుతోందన్నారు కవిత. ప్రభుత్వం కొత్తగా తీసుకొచ్చిన జీవో నెంబర్ 3తో ప్రభుత్వ ఉద్యోగాల భర్తీలో మహిళలకు తీవ్ర అన్యాయం జరుగుతోందని విమర్శించారు.

జీవో నెంబర్ 3ను తక్షణమే రద్దు చేయాలని ఆమె డిమాండ్ చేశారు. 33 శాతానికిపైగా ఆడబిడ్డలకు ఉద్యోగాలు రావాల్సిందిపోయి కేవలం 12 శాతం మాత్రమే వస్తున్నాయని విమర్శించారు. రోస్టర్ విధానంతో ఎక్కువ మంది మహిళలకు ఉద్యోగాలు రాకుండా పోయే ప్రమాదం ఉందని ఆమె ఆందోళన వ్యక్తం చేశారు. జీవో నెం 3తో కాంగ్రెస్ ప్రభుత్వం ఆడబిడ్డల నోట్లో మట్టి కొడుతోందని కవిత ఫైర్ అయ్యారు.

మరోవైపు జీవో నెం 3కి వ్యతిరేకంగా ఈనెల 8న మహిళాదినోత్సవం రోజు ధర్నా చౌక్‌లో నల్ల రిబ్బన్‌లతో నిరసన కార్యక్రమాలు చేపట్టనున్నట్లు కవిత తెలిపారు. కాంగ్రెస్ ప్రభుత్వం మహిళా అభ్యర్థులకు తీరని అన్యాయం చేస్తోందని విమర్శించారు. 626 ఉద్యోగాల్లో మహిళలకు ఇచ్చింది కేవలం 77మాత్రమేనని పేర్కొన్నారు.

పాడి ఉత్పత్తి తెలంగాణ ప్రజలకు ఒక సంపద లాంటిదని డిప్యూటీ సీఎం భట్టి విక్రమార్క(Deputy CM Bhatti Vikramarka) అన్నారు. మాదాపూర్ హైటెక్స్ ప్రాంగణంలో ఇవాళ(సోమవారం) జ‌రిగిన 50వ పాడిపరిశ్రమ సదస్సు-2024(Dairy Conference-2024)ను జ్యోతి ప్రజ్వలన చేసి వ్యవసాయ శాఖ మంత్రి తుమ్మల నాగేశ్వరరావు(Minister Tummala Nageswara Rao)తో క‌ల‌సి ప్రారంభించారు.

ఈ సందర్భంగా డిప్యూటీ సీఎం భట్టి మాట్లాడుతూ రాష్ట్రంలో డెయిరీ రంగాన్ని ఉన్నతంగా తీర్చిదిద్దుతామన్నారు. తెలంగాణ సంస్కృతి సంప్రదాయంలో పాడి ఉత్పత్తి ఒక భాగమన్నారు. పాలు పొంగించి శుభాలు పొందాలన్నారు. పాలు ఉన్న చోట సంపద ఉంటుందని తెలిపారు.  తెలంగాణలో పాడి ఉత్పత్తికి ఇందిరమ్మ రాజ్యంలో కాంగ్రెస్ ప్రభుత్వం అన్ని విధాలుగా ప్రోత్సహిస్తున్నదని తెలిపారు.

దివంగత ప్రధాని ఇందిరాగాంధీ, లాల్ బహుదూర్ శాస్త్రి నేతృత్వంలో దేశంలో హరిత, శ్వేత విప్లవానికి పునాదులు వేశారని గుర్తు చేశారు. దేశంలో పాడి పరిశ్రమ్ బాటలు వేశారని తెలిపారు. పశుసంవర్ధక, పాడి పరిశ్రమ అభివృద్ధికి రాష్ట్ర ప్రభుత్వ ఈ వార్షిక బడ్జెట్‌లో పెద్దపీట వేశామన్నారు.

రీజినల్ రింగ్ రోడ్ – ఔటర్ రింగ్ రోడ్డు మధ్యన డెయిరీ ఇండస్ట్రీ క్లస్టర్స్‌ను ఏర్పాటు చేయబోతున్నామన్నారు. ఇందిరా క్రాంతి పథకం ద్వారా రాష్ట్ర ప్రభుత్వం డెయిరీ పరిశ్రమ అభివృద్ధికి దోహద పడుతుందన్నారు. స్వయం సహాయక సంఘంలో ఉన్నమహిళలకు పాడి ఉత్పత్తిలో భాగస్వామ్యం చేయడానికి ఆర్థికంగా ప్రోత్సాహిస్తున్నామన్నారు.