Politics

తెలంగాణ అసెంబ్లీ ఎన్నికలు(Telangana Assembly Elections) నవంబర్ 30న జరగనున్న నేపథ్యంలో వివిధ పార్టీల నాయకులు ఓటర్లను ప్రసన్నం చేసుకునేందుకు సర్వ ప్రయత్నాలు చేస్తున్నారు. ఇందులో భాగంగా భారీగా నగదు, మద్యాన్ని సరఫరా చేస్తున్నారు. రాష్ట్రంలో ఇప్పటి వరకు పోలీసులు భారీగా నగదు, మద్యంతో పాటు బంగారం, డ్రగ్స్‌, ఇతర విలువైన వస్తువులను స్వాధీనం చేసుకున్నారు. ఇవన్నీ ఎలాంటి ఆధారాలు లేకపోవడంతో స్వాధీనం చేసుకున్నట్లు తెలుస్తోంది.

తెలంగాణ సర్కార్ ఎన్నికల కోడ్ అమలు చేసినప్పటి నుంచి పోలీసు శాఖను అప్రమత్తమైంది. దీంతో ఎక్కడికక్కడ పోలీసులు తనిఖీలు ముమ్మరం చేశారు. అక్టోబర్ 9న ఎన్నికల కోడ్‌ను అమలు చేయగా అక్టోబర్ 31నాటికి స్వాధీనం చేసుకున్న సొత్తు సుమారు రూ.400 కోట్ల మార్కును దాటిందని అధికారులు చెబుతున్నారు. 24 గంటల వ్యవధిలోనే రూ.16.16 కోట్ల విలువైన నగదు, బంగారం, మద్యాన్ని ఎన్ఫోర్స్మెంట్ అధికారులు స్వాధీనం చేసుకోవడం విశేషం.

అక్టోబరు 9 నుంచి మొత్తం జప్తు రూ.412.46 కోట్లకు చేరిందని, ఇంత తక్కువ వ్యవధిలో దేశంలో ఇదే అత్యధికమని అధికారులు వెల్లడించారు. తెలంగాణలో 2018 ఎన్నికల్లో మొత్తం ఎన్నికల ప్రక్రియలో మొత్తం నగదు, బంగారం స్వాధీనం కేవలం రూ.103 కోట్లు మాత్రమే పట్టుబడింది. ఆ రికార్డు కొద్దిరోజుల్లోనే చెరిగిపోయింది.

చీఫ్ ఎలక్టోరల్ ఆఫీసర్ కార్యాలయం విడుదల చేసిన డేటా ప్రకారం.. అక్టోబర్ 30 ఉదయం 9 నుంచి అక్టోబర్ 31 ఉదయం 9 గంటల మధ్య రూ.2.76 కోట్ల విలువైన లోహాలను స్వాధీనం చేసుకున్నారు. ఎన్ఫోర్స్మెంట్ ఏజెన్సీలు ఇప్పటివరకు 251 కిలోల బంగారం, 1,080 కిలోల వెండి, వజ్రాలు, ప్లాటినం మొత్తం రూ.165 కోట్లకు పైగా స్వాధీనం చేసుకున్నాయి. మద్యం సరఫరాపై కూడా అధికారులు గాలింపు చర్యలు కొనసాగిస్తున్నారు. 24 గంటల వ్యవధిలో రూ.4.17 కోట్ల విలువైన మద్యం పట్టుబడగా, మొత్తం రూ.39.82 కోట్లకు చేరింది.

సీపీఐ (CPI)జాతీయ కార్యదర్శి నారాయణ బీజేపీ (BJP) బీఆర్ఎస్ (BRS) వైఎస్సార్సీపీ (YSRCP)పై కీలక వ్యాఖ్యలు చేశారు.. లిక్కర్ స్కామ్‌లో ఢిల్లీ ఉప ముఖ్యమంత్రి సిసోడియాను అరెస్టు చేసి, కవితను ఎందుకు అరెస్ట్ చేయలేదని నారాయణ (Narayana) ప్రశ్నించారు. బీ‌ఆర్‌ఎస్, ఎంఐ‌ఎం, బీజేపీ, వైఎస్సార్సీపీ ఒకే గూటి పక్షులని విమర్శించారు. బీఆర్‌ఎస్, బీజేపీతో తెరవెనక రాజకీయం చేస్తుందని నారాయణ అన్నారు..

ఏపీలో బీజేపీ తొత్తుగా వైసీపీ ఉన్నందునే జగన్, అవినాశ్ బయట తిరుగుతున్నారని ఆరోపించారు. రాజకీయ ప్రత్యర్థులపై కేసులు పెట్టడం అధికారంలో ఉన్న పార్టీలకు అలవాటుగా మారిపోయిందంటూ మండిపడ్డారు.. తెలుగుదేశం అధినేత చంద్రబాబు నాయుడు (Chandrababu Naidu)కు ఆంధ్రప్రదేశ్ హైకోర్టు మధ్యంతర బెయిల్ ఇవ్వడం సంతోషమని తెలిపారు.

జగన్ (Jagan) ప్రభుత్వం పై మండిపడ్డ నారాయణ.. జైల్లో ఉండాల్సిన వాళ్లు బయట ఉన్నారని.. బయట ఉండాల్సిన వారు జైల్లో ఉన్నారని ఎద్దేవా చేశారు. కేజ్రీవాల్‌ (Kejriwal)ను టార్గెట్‌ చేసి ఇబ్బందులు పెట్టడం సరికాదని పేర్కొన్నారు. మరోవైపు తెలంగాణ ఎన్నికల్లో సీట్ల సర్దుబాటుపై మాట్లాడిన నారాయణ.. తాము అడిగిన బెల్లంపల్లి స్థానానికి బదులు చెన్నూరు ఇస్తామన్నారని తెలిపారు. మరోవైపు మల్లికార్జున ఖర్గే (Mallikarjuna Kharge) ఆఫీస్ నుంచి ఫోన్ చేసి కొత్తగూడెం చెన్నూర్ ఇస్తాం అని తెలిపినట్టు వెల్లడించారు.

తెలంగాణ (Telangana) అసెంబ్లీ ఎన్నికల (Assembly-Elections) ప్రచారంలో ప్రతిపక్ష కాంగ్రెస్‌ (Congress)పార్టీ ఒక అడుగు ముందుకు వేసింది. బీఆర్ఎస్ (BRS)అవినీతి పై వినూత్న రీతిలో ప్రచారానికి శ్రీకారం చుట్టింది. కాళేశ్వరం (kaleshwaram)లిఫ్ట్‌ ఇరిగేషన్‌ ప్రాజెక్టులో మొదటి నుంచి అవినీతి జరిగిందంటూ ఆరోపిస్తున్న హస్తం.. ఇప్పుడు ఆ ఆరోపణలనూ కాంగ్రెస్ కి హార్లిక్స్ లా వాడుకుంటోంది.

తాజాగా.. కాళేశ్వరం ఏటీఎంను ఆవిష్కరించి ప్రచారంలోకి దిగింది కాంగ్రెస్‌ పార్టీ. అధికార బీఆర్‌ఎస్‌పై విమర్శలు గుప్పించే క్రమంలో ఈ వెరైటీ కాన్సెప్ట్‌తో ముందుకు వచ్చింది. ముఖ్యమంత్రి కల్వకుంట్ల చం‍ద్రశేఖర్‌రావు ఫొటోతో కూడిన కాళేశ్వరం ఏటీఎంను పలు ప్రాంతాల్లో ఏర్పాటు చేసిన కాంగ్రెస్.. ఆ ఏటీఎంల పై కాళేశ్వరం కరప్షన్ రావు( KCR)అని పేర్కొంటూ కేసీఆర్ ఫొటోను ముద్రించింది.

అలాగే కేసీఆర్‌ పేరుతో లక్ష కోట్ల నోటును రిలీజ్‌ చేసింది. ఈ శతాబ్దపు అతిపెద్ద స్కామ్‌ కాళేశ్వరం అంటూ ఆ ఏటీఎంపై కాంగ్రెస్ పేర్కొంది. కాళేశ్వరం ప్రాజెక్ట్ నుండి బీఆర్ఎస్ ప్రభుత్వం లక్ష కోట్ల రూపాయలను ఎలా దుర్వినియోగం చేసిందో ఎన్నికల ప్రచారంలో కాంగ్రెస్ కార్యకర్తలు ప్రజలకు తెలియజేస్తున్నారు. మరోవైపు ఈ ఏటీఎంలను హైదరాబాద్‌లోని పలు ప్రాంతాల్లో కూడా కాంగ్రెస్ ఏర్పాటు చేసింది.

బీఆర్ఎస్ ఎమ్మెల్యే(BRS mla) అభ్యర్థి, మెదక్ ఎంపీ కొత్త ప్రభాకర్ రెడ్డి(Kotha Prabhakar Reddy)పై జరిగిన దాడికి నిరసనగా ప్రభుత్వం బంద్ ‌ప్రకటించడాన్ని సీఎల్పీ నేత మల్లు భట్టి విక్రమార్క(Bhatti Vikramarka) తప్పుబట్టారు. పార్లమెంటు సభ్యుడు కొత్త ప్రభాకర్ రెడ్డి లాంటి వ్యక్తికి సరైన భద్రత ఇవ్వలేని దుస్థితిలో ఈ ప్రభుత్వం ఉంటే రాష్ట్రంలో శాంతి భద్రతలు అస్సలు ఉన్నాయా? అని ఆయన ప్రశ్నించారు.

మీడియాతో భట్టి మాట్లాడుతూ.. బీఆర్ఎస్ పాలనల్లో ఎంపీకే రక్షణ లేకుంటే సామాన్యుల పరిస్థితి ఏంటి? అని ప్రశ్నించారు. ఎంపీ ప్రభాకర్ రెడ్డిపై దాడి చేసిన నిందితుడిని పట్టుకున్న ప్రభుత్వం దాడి ఎందుకు చేశాడని విచారణ చేసి నిజా నిజాలను రాష్ట్ర ప్రజలకు తెలియజేయాల్సిన ప్రభుత్వం ఆ బాధ్యతను విస్మరించి విపక్షాలపై దుష్ప్రచారం చేయడాన్ని తీవ్రంగా ఖండించారు.

దర్యాప్తు సంస్థలు, పోలీసులను మీ దగ్గర పెట్టుకుని దాడికి నిరసనగా బంద్ కాల్ ఇస్తామని ప్రకటన చేయడం విడ్డూరంగా ఉందని భట్టి అన్నారు. బంద్ కాల్ పిలుపు ఎవరిపైన ఇస్తున్నారు? బంద్ దేని కోసం? మీ పాలనపైన మీరే ఇచ్చుకుంటారా? బంద్ పేరుతో బాధ్యతల నుంచి తప్పుకుంటున్నారా? అంటూ ఆయన విమర్శలు గుప్పించారు.

కొత్త ప్రభాకర్ రెడ్డిపై జరిగిన దాడిపై సమగ్ర విచారణ చేసి నిజా నిజాలను బయట పెట్టండి.. అటూ భట్టి పట్టుబట్టారు. ‘కాంగ్రెస్ పార్టీ ఎప్పుడు దాడులను ప్రోత్సహించదు.. కాంగ్రెస్ అంటేనే అహింస పార్టీ ఇలాంటి దాడులను కాంగ్రెస్ పార్టీ పూర్తిగా ఖండిస్తోంది..’ అని భట్టి విక్రమార్క చెప్పుకొచ్చారు.