Politics

బీజేపీ (BJP) సీనియర్ నేత బాబు మోహన్ (Babu Mohan) బిగ్ ట్విస్ట్ ఇచ్చారు. అసెంబ్లీ ఎన్నికల్లో (Assembly Elections) పోటీ చేయటం లేదని తెలిపారు.. ఫస్ట్ లిస్టులో తన పేరు లేకపోవడంతో అలిగిన బాబు మోహన్ ఈ నిర్ణయం తీసుకున్నట్టు వార్తలు వినిపిస్తున్నాయి. మరోవైపు మొదటి లిస్టులో తన పేరు ఎందుకు లేదని తెలుసుకోవడానికి పార్టీ అధ్యక్షునికి ఫోన్ చేసినా స్పందన లేదని బాబు మోహన్ తెలిపారు.

తన విషయంలో పార్టీ నాయకత్వం ప్రవర్తించే విధానాన్ని బట్టి బీజేపీలో కొనసాగాల వద్దా అనే నిర్ణయానికి వస్తానని బాబు మోహన్ వెల్లడించారు. టిక్కెట్ వస్తుందని ఆశించన తనకు నిరాశ ఎదురవటంతో తీవ్ర అసంతృప్తికి లోనైనట్టు ఆయన చెప్పుకొచ్చారు. సోషల్ మీడియా (Social Media) తన కుటుంబంలో చిచ్చు పెడుతుందని, తన కుమారునికి తనకు మధ్య టికెట్ కోసం పోటీ నెలకొందని తప్పుడు ప్రచారం చేస్తూ మనోవేదనకు గురి చేస్తుందని బాబు మోహన్ ఆగ్రహం వ్యక్తం చేశారు.

కాగా నరేంద్ర మోదీ మంచి నాయకుడన్న బాబుమోహన్ రాష్ట్రంలో ఉన్న నేతల తీరు మాత్రం సరిగ్గా లేదని విమర్శించారు.. ఇక రెండో లిస్టులో తన పేరు వచ్చినా తాను మాత్రం పోటీ చేయనని బాబు మోహన్ తెలిపారు. మరోవైపు టీడీపీ తరపున రాజకీయారంగేట్రం చేసిన బాబుమోహన్ 1999లో మెదక్ జిల్లా ఆందోల్ శాసనసభ నియోజకవర్గం నుంచి శాసన సభ్యులుగా ఎన్నికై య్యారు. సాంఘిక సంక్షేమ శాఖా మంత్రిగా పనిచేశాడు.

2004, 2014 లో జరిగిన ఎన్నికల్లో టీఆర్ఎస్ అభ్యర్థిగా బరిలోకి దిగిన బాబుమోహన్ విజయాన్ని సొంతం చేసుకున్నారు. 2018 లో బీజేపీలో చేరిన బాబు మోహన్ ఆందోల్ నియోజక వర్గం నుంచి ఎమ్మెల్యే గా పోటి చేసి ఓడిపోయాడు. అప్పటి నుంచి రాజకీయాల్లో అడపాదడపా కనిపిస్తూ తన ఉనికిని చాటుతూ వస్తున్న బాబుమోహన్ బీజేపీ ఇచ్చిన ట్విస్ట్ కి రాజకీయాలకు దూరం అవుతారా? అనే అనుమానాన్ని లేవనెత్తారని రాజకీయ వర్గాలలో అనుకుంటున్నారు..

– బీసీలపై చిత్తశుద్ధే ఉంటే..
– బీసీ అధ్యక్షుడ్ని ఎందుకు మార్చారు?
– కీలకమైన ఎన్నికల సమయంలో..
– బండి తొలగింపు సంకేతం ఏంటి?
– బీసీ సీఎం ప్రకటన ఎన్నికల డ్రామానా?
– వారిపై ఓటమి నెపం నెట్టే ప్రయత్నమా?
– బీజేపీ తీరుపై ఇతర పార్టీల విమర్శలు

బీఆర్ఎస్ (BRS), కాంగ్రెస్ (Congress) బీసీ ద్రోహులు.. తాము మాత్రమే బీసీ బంధు అని అంటోంది బీజేపీ (BJP). అమిత్ షా (Amit Shah) బీసీ సీఎం ప్రకటన తర్వాత ఈ అంశంలో దూకుడుగా ముందుకు వెళ్తున్నారు కమలనాథులు. డబుల్‌ ఇంజన్‌ సర్కారుకు ప్రజలు అవకాశం ఇవ్వాలని కోరుతున్నారు. తెలంగాణ (Telangana) లో బీజేపీ అధికారంలోకి వస్తే బీసీని ముఖ్యమంత్రి చేస్తామని అధినాయకత్వం ప్రకటించడంతో నేతలు, కార్యకర్తలు పార్టీ రాష్ట్ర కార్యాలయంలో సంబురాలు చేసుకున్నారు. లక్ష్మణ్, ఈటల రాజేందర్, బూర నర్సయ్య గౌడ్ సహా తదితర ఓబీసీ మోర్చా నేతలు ఇందులో పాల్గొన్నారు. అయితే.. ఒక్క బీసీ సీఎం ప్రకటనతో ఒక్కసారిగా బీజేపీ బీసీ బంధు ఎలా అవుతుందనే ప్రశ్నలు తెరపైకి వస్తోంది.

బీజేపీ బీసీ అధ్యక్షుడ్ని మార్చిన తీరును ఈ సందర్భంగా ప్రశ్నిస్తున్నారు కొందరు నేతలు. తాజాగా మంత్రి కేటీఆర్ (KTR) మాట్లాడుతూ.. ఈసారి 110 స్థానాల్లో బీజేపీ డిపాజిట్ కోల్పోతుందని ఎద్దేవ చేశారు. బీసీ ప్రెసిడెంట్ ను తొలగించి.. బీసీ సీఎం అంటే ప్రజలు నమ్మరని విమర్శించారు. బీసీల మీద ఓటమి నెపం నెట్టడానికి బీజేపీ సీఎం అభ్యర్థిని తెరపైకి తెచ్చినట్టు కనిపిస్తోందని సెటైర్లు వేశారు. అయినా, ఒక వ్యక్తి సీఎం, పీఎం అయితే.. ఆ సామాజికవర్గానికి లాభం జరుగుతుంది అనుకోవడం ప్రజాస్వామ్యంలో కరెక్ట్ కాదన్నారు. తెలంగాణ ప్రజల మీద తమకు అచంచల విశ్వాసం ఉందని వివరించారు.

కేటీఆర్ వ్యాఖ్యల నేపథ్యంలో బీజేపీ బీసీ సీఎం అంశం, బీసీ అధ్యక్షుడ్ని మార్చి తీరు చర్చనీయాంశంగా మారాయి. బీజేపీకి నిజంగా బీసీలపై చిత్తుశుద్ధి ఉంటే బీసీ అయిన బండి సంజయ్ (Bandi Sanjay) ను అధ్యక్షుడిగా తొలగించి రెడ్డి సామాజిక వర్గానికి చెందిన కిషన్ రెడ్డికి బాధ్యతలు ఎందుకు అప్పగించారని ప్రశ్నిస్తున్నారు. బీజేపీ ముందుగానే ఓటమిని గ్రహించిందని అందుకే బీసీ డ్రామాకు తెర తీసిందని ఇతర పార్టీల నుంచి విమర్శలు ఎదురవుతున్నాయి. ఎన్ని కుట్రలు, డ్రామాలు చేసినా తెలంగాణ ప్రజలు ఆ పార్టీని నమ్మరని అంటున్నాయి.

నిజానికి, బండి సంజయ్ ను అధ్యక్షుడిగా తొలగించడంపై సొంత పార్టీ నేతల నుంచే వ్యతిరేకత వ్యక్తం అయింది. కొందరు నాయకులు బహిరంగంగానే ఈ నిర్ణయాన్ని వ్యతిరేకించారు. ఎన్నికల సమయంలో పార్టీ బీసీ అధ్యక్షుడ్ని మార్చడం కరెక్ట్ కాదనే చర్చ జోరుగా సాగింది. ఈ నేపథ్యంలో జరిగిన డ్యామేజ్ ను పూడ్చుకునేందుకు, ఓడినా బీసీలపై ఓటమి నెపం నెట్టేయొచ్చనే ప్లాన్ తోనే బీజేపీ అధిష్టానం బీసీ సీఎం మంత్రం అందుకుందనే విమర్శలు ఇతర పార్టీల నుంచి వినిపిస్తున్నాయి.

ఎన్నికలు వచ్చాయంటే ప్రచారాల హోరుతో రోడ్లు, గల్లీలు నిండిపోతాయి. ప్రస్తుత సీజన్ అదే కాబట్టి ఎక్కడ చూడు నేతల సందడి కనిపిస్తుంది. విరుపులతో, విమర్శలతో జోరుగా ఎన్నికల ప్రచారం నిర్వహిస్తున్నారు బరిలో ఉన్న నేతలు.. ఈ క్రమంలో దుబ్బాక (Dubbaka) బీజేపీ (BJP) అభ్యర్థి, ఎమ్మెల్యే (MLA)రఘునందన్ రావు (Raghunandan Rao) అధికార పార్టీ పై తీవ్రస్థాయిలో విమర్శలు చేశారు.

దుబ్బాక నియోజకవర్గంలో ప్రచారంలో పాల్గొన్న రఘునందన్ రావు.. కేసీఆర్ (KCR)కి బీసీలను సీఎం చేసే దమ్ముందా? అని ప్రశ్నించారు. ముదిరాజ్ లకు ఒక్క ఎమ్మెల్యే సీటు కూడా కేటాయించని కేసీఆర్.. ప్రతిపక్షాలను మాత్రం విమర్శించడం బాగా తెలుసని ఎద్దేవా చేశారు. దళిత బంధు పేరుతో డబ్బులు పోగేసుకుంటున్నది ఎవరో తెలిసి కూడా కేసీఆర్ నిమ్మకు నీరెత్తినట్టు ఉన్నాడని ఆగ్రహం వ్యక్తం చేశారు.

లింగపూర్ గ్రామంలో ఒక్క దళితునికి కూడా దళిత బంధు అందలేదని రఘునందన్ విమర్శించారు. మెదక్ ఎంపీ, దుబ్బాక బీఆర్ఎస్ అభ్యర్థి, కొత్త ప్రభాకర్ రెడ్డిపై రఘునందన్ రావు తీవ్ర స్థాయిలో విరుచుకు పడ్డారు.. రియల్ ఎస్టేట్ వ్యాపారం చేసి బాగా డబ్బులు కూడబెట్టిన ప్రభాకర్ రెడ్డి ఓటుకు రూ. 5000 పంచి గెలుస్తా అనే ధీమాతో ఉన్నాడని రఘనందన్ ఆరోపించారు..

ఈ ఎన్నికల్లో ఎవరు డబ్బులిచ్చిన కాదనకండని ఓటు మాత్రం తనకే వేయాలని రఘనందన్ ప్రజలను కోరారు. ప్రశ్నించే గొంతును అసెంబ్లీకి పంపితే సమస్యలపై పోరాటం జరుగుతుందని.. దొరల పాలనలో మన్నుతిన్న పాముల్లా తయారు అయిన నేతలని ఎన్నుకుంటే మిగిలేది బానిస బతుకులు అని వివరించారు.. తాను చేసిన అభివృద్థి గుర్తించి గెలిపించాలని రఘనందన్ ఓటర్లను కోరారు..

అప్పు పేరు వినబడగానే ఆమడ దూరం పరిగెత్తే గరీబు బతుకులు రాష్ట్ర ప్రభుత్వం తెగిన ఆనకట్టలా చేస్తున్న అప్పులను చూస్తుంటే జీర్ణించుకో లేక పోతున్నాడని టాక్ వినిపిస్తుంది. అసలు నేతల మాటలకు అర్థాలు తెలియవు కానీ రాష్ట్రాన్ని అప్పుల కుప్పగా అధికార పార్టీ మార్చిందని నిరసనలు కూడా చేస్తున్నారు కొందరు.. ఈ నేపథ్యంలో అసెంబ్లీ ఎన్నికల (Assembly elections) ప్రచారాల్లో ఓటర్ల మైండ్ లోకి నెగెటివ్ ఆలోచనలు వెళ్ళకుండా బాగానే కవర్ చేస్తున్నారు నేతలని, పొద్దుగడవని పెద్దయ్యలు రచ్చబండ దగ్గర ముచ్చట్లు పెట్టుకుంటున్నారట.

అయితే రాష్ట్ర అప్పుల విషయంలో క్లారిటీ ఇచ్చారు ఐటీ (IT)శాఖ మంత్రి కేటీఆర్ (KTR)​.. హైదరాబాద్​ (Hyderabad)లో జరిగిన మీట్ ది ప్రెస్​లో మాట్లాడిన కేటీఆర్ కీలక వ్యాఖ్యలు చేశారు.. తెలంగాణ (Telangana)రాష్ట్ర వృద్ధిరేటు ఐదో స్థానంలో ఉందని అన్నారు.. ప్రభుత్వం సంక్షేమానికి, అభివృద్ధికి పెద్దపీట వేస్తున్నదన్న కేటీఆర్ సంపద సృష్టించడం కోసమే రుణాలు తీసుకువచ్చామని పేర్కొన్నారు.

తీసుకున్న అప్పులను సాగునీటి రంగం, మిషన్‌ భగీరథకు ఉపయోగించామని కేటీఆర్ వెల్లడించారు. ఇది తెలియని కొంత మంది నాయకులు రాష్ట్రాన్ని అప్పుల పాలు చేశారని ఆరోపణలు చేయడం సరికాదని బదులిచ్చారు. మరోవైపు బీజేపీ (BJP) కాంగ్రెస్ (Congress) పార్టీలపై కేటీఆర్ విరుచుకుపడ్డారు..ఒక సందర్భంలో రేవంత్‌రెడ్డి, సోనియాగాంధీ బలిదేవత అన్నారని గుర్తు చేశారు.. ఆ బలిదేవత తన రాజకీయ స్వార్థం కోసం తెలంగాణ ఇచ్చిందని విమర్శించారు.

ఎలాగూ ఏపీలో కాంగ్రెస్‌ కుప్పకూలింది. కనీసం తెలంగాణలో అయిన నాలుగు సీట్లు రాబట్టుకుని పరువు కాపాడుకునే ప్రయత్నం కాంగ్రెస్‌ చేస్తుందని ఎద్దేవా చేశారు.. మరోవైపు రైతుల ఆదాయం రెట్టింపు చేస్తామన్న బీజేపీ హామీ ఏమైంది?. ఐదు ట్రిలియన్ల ఆర్థిక వ్యవస్థగా మారుస్తామన్న హామీ ఏమైంది? అంటూ ప్రశ్నల వర్షం కురిపించారు కేటీఆర్​.. ఇక మంత్రి మాటలు విన్న సామాన్యుడు.. నిజమే మరి అధికార పార్టీ చేసిన అప్పులతో ఎవరు బాగుపడ్డారో రాష్ట్రం అంతా కోడై కూస్తుందని.. జనం గుసగుసలు పెట్టుకుంటున్నారని అంటున్నాడు..