Politics

ఏపీ సీఎం(AP CM) జగన్‌(Jagan)పై దాడిని వైసీపీ ప్రధాన కార్యదర్శి సజ్జల రామకృష్ణారెడ్డి(Sajjala Ramakrishna Reddy) ఖండించారు. ఆయన తాడేపల్లి(Thadepally)లోని వైఎస్సార్‌సీపీ(YSRCP) కేంద్ర కార్యాలయంలో ఆదివారం మీడియా సమావేశంలో మాట్లాడారు. జగన్‌పై దాడి పూర్తిగా పిరికిపంద చర్యగా అభివర్ణించారు. జగన్‌కు ప్రజల నుంచి వస్తున్న ఆదరణను చూసి తట్టుకోలేకే ఇలాంటి చర్యలకు పాల్పడుతున్నారంటూ మండిపడ్డారు.

ఇది పక్కా హత్యాయత్నమేనని సంచలన వ్యాఖ్యలు చేశారు. దేవుడు, ప్రజలు ఆశీస్సులతో జగన్‌ క్షేమంగా ఉన్నారని, వైద్యుల సలహా మేరకు ఇవాళ విరామం తీసుకున్నారని తెలిపారు. కొంచెం కిందకు తగిలిఉంటే కన్ను పోయేదని, పక్కకు గానీ తగిలి ఉంటే ఆయన ప్రాణానికే ప్రమాదం జరిగేదన్నారు. ఈ ఘటనలో వెల్లంపల్లి శ్రీనివాస్‌ కూడా తీవ్రంగా గాయపడ్డారని తెలిపారు. ఇది ఆకతాయిల పని కాదని పక్కా ప్రణాళికతోనే జరిగినట్లు అనిపిస్తోందని అనుమానం వ్యక్తం చేశారు.

చేతితో విసిరి ఉంటే ఇంత బలంగా తగలదని, ఇది ఎయిర్‌గన్‌ దాడిలా ఉందని స్పష్టం చేశారు. ప్రధానితో సహా రాజకీయాలకు అతీతంగా ముక్తకంఠంతో ఖండించారని, టీడీపీ భద్రతా వైఫల్యం అంటూ మాట్లాడుతోందన్నారు. చంద్రబాబుపై అలిపిరి దాడి జరిగినప్పుడు అధికార వైఫల్యమని ఎందుకు అనలేదని ప్రశ్నించారు. టీడీపీ నేతలు దీనిని నటన అంటూ ముర్ఖంగా మాట్లాడుతున్నారని ఆగ్రహం వ్యక్తం చేశారు. కడుపునకు అన్నం తినేవారు ఎవరూ ఇలా మాట్లాడరంటూ సజ్జల మండిపడ్డారు. ఓటమి ఖాయమైపోవడంతోనే చంద్రబాబు కుట్రలు చేస్తున్నారని ఆరోపించారు.

నటించాల్సిన అవసరం జగన్‌కు లేదని, సింపతీతో ఓట్లు తెచ్చుకోవాల్సిన అవసరం అంతకన్నా లేదన్నారు. చంద్రబాబుకే నటన అలవాటు అని విమర్శించారు. వైఎస్సార్‌సీపీ శ్రేణులు సంయమనం పాటించాయని సజ్జల చెప్పుకొచ్చారు. సీఎం జగన్ బస్సు యాత్ర వల్ల టీడీపీకి నష్టం జరిగిందని చంద్రబాబు రెచ్చగొట్టేలా మాట్లాడుతున్నాడని ఆగ్రహం వ్యక్తం చేశారు. జగన్ యాత్ర సూపర్ సక్సెస్ కావడం వల్లే చంద్రబాబు సహించలేకపోయారని ఆరోపించారు. రాజకీయ సిద్దాంతంలోనే ద్వేషం, రెచ్చగొట్టడం, అలజడి సృష్టించడం ఉన్నాయని వ్యాఖ్యానించారు.

తెలంగాణ(Telangana) లో బీజేపీకి ఓటు అడిగే హక్కు లేదని శాఖ మంత్రి పొన్నం ప్రభాకర్‌(Minister Ponnam Prabhakar) ఆరోపించారు. కరీంనగర్‌లోని ఇందిరా భవన్‌లో పదేళ్లుగా కేంద్రంలోని బీజేపీ తెలంగాణకు చేసిన అన్యాయంపై నిరసన వ్యక్తం చేస్తూ కాంగ్రెస్ పార్టీ ఆధ్వర్యంలో శనివారం నిరసన దీక్ష చేపట్టారు. ఈ దీక్షలో ఎమ్మెల్యేలు ఆది శ్రీనివాస్‌, సత్యనారాయణ పాల్గొన్నారు.

మధ్యాహ్నం రెండు గంటల వరకు ఈ నిరసన దీక్ష కొనసాగనుంది. ఈ సందర్భంగా ఆయన మాట్లాడుతూ.. బీజేపీ, బీఆర్ఎస్ కలిసి కాంగ్రెస్‌ను దెబ్బతీసేందుకు ప్రయత్నిస్తున్నాయన్నారు.తెలంగాణకు బీజేపీ, బీఆర్ఎస్ ఏం చేశాయని ప్రశ్నించారు. కేంద్ర ప్రభుత్వం రాష్ట్రానికి ఒక్క జాతీయ ప్రాజెక్టు అయినా ఇచ్చిందా? అని నిలదీశారు. పదేళ్లలో ఎవరి అకౌంట్లలో పది లక్షలు వేశారో చెప్పాలన్నారు.

బీజేపీని వ్యతిరేకిస్తే ఈడీ, సీబీఐ ద్వారా దాడులు చేయిస్తున్నారని ఆగ్రహం వ్యక్తం చేశారు. చేనేతలకు బీజేపీ ప్రభుత్వం అన్యాయం చేసిందని దుయ్యబట్టారు. తెలంగాణ అమరవీరులను అవమానించిందని మంత్రి పొన్నం మండిపడ్డారు. కాంగ్రెస్‌ ఇచ్చిన అన్ని హామీలను అమలుచేస్తామని ఆయన డిమాండ్ చేశారు. ప్రజలకు న్యాయం జరగాలంటే లోక్‌సభ ఎన్నికల్లో కాంగ్రెస్‌ పార్టీని గెలిపించాలని ప్రజలను కోరారు.

నల్లచట్టాలు తీసుకొచ్చింది, ఢిల్లీలో నిరసన తెలుపిన రైతులపై అమానుషంగా ప్రవర్తించిందన్నారు. మతపరంగా రెచ్చగొట్టడం తప్ప బీజేపీ చేసిందేమీలేదని మంత్రి పొన్నం ఆరోపించారు. రాముడి పేరుపై బీజేపీ ఓట్లు అడుగుతోందన్నారు. విద్వేషాలను రెచ్చగొట్టే వారికి చరమగీతం పాడాలన్నారు. పార్లమెంటు సాక్షిగా విభజన హామీలను తుంగలో తొక్కారని మండిపడ్డారు.

వరిధాన్యం కొనాలంటే కేంద్రం, బీఆర్ఎస్‌లు దోబూచులాడాయని గుర్తుచేశారు. తల్లి గురించి మాట్లాడిన వ్యక్తి సమాధి కావల్సిందేని, గత ఎన్నికల్లో హిందూగాళ్ళు బొందుగాళ్ళు అన్న బీఆర్ఎస్‌ను ప్రజలు బొందపెట్టారని విమర్శించారు. తల్లి గురించి మాట్లాడే వ్యక్తి ఒక అమ్మకి పుట్టలేదా? అని ఆగ్రహం వ్యక్తం చేశారు.

తాను ఎంపీగా ఉన్న సమయంలో జరిగిన అభివృద్ధికి, ఇప్పుడు జరిగిన అభివృద్ధికి చర్చకు సిద్ధమా? అని సవాల్ విసిరారు. అసెంబ్లీ ఎన్నికల్లో బీజేపీకి డిపాజిట్లు రాలేదని గుర్తుచేశారు. బండిసంజయ్ అవినీతిపరుడు కాబట్టే అధ్యక్ష పదవినుండి తొలగించారని స్పష్టం చేశారు. రాజ్యాంగ స్ఫూర్తిని కాపాడేది కాంగ్రెస్ పార్టీనే అని మంత్రి పొన్నం చెప్పుకొచ్చారు.

జనసేన అధినేత పవన్‌కల్యాణ్‌(Pawan Kalyan)పై కాపు ఉద్యమ నేత ముద్రగడ పద్మనాభం(Mudragada Padmanabham) కీలక వ్యాఖ్యలు చేశారు. పిఠాపురం(Pithapuram)లో హీరోని తన్ని తరిమేయాలని.. అలా చేస్తే సినిమా నటులు ఇక రాజకీయాల్లోకి రారు అని సంచలన ఆరోపణలు చేశారు.

పిఠాపురం ప్రజలకు కష్టం వస్తే షూటింగ్‌లకు వెళ్లి చెప్పుకోవాలా? అంటూ ప్రశ్నించారు. షూటింగ్‌లు చేసుకోవడానికి ఎమ్మెల్యే(MLA) పదవి కావాలా? అంటూ మండిపడ్డారు. ముఖానికి రంగు వేసుకుని తైతక్కలాడుతూ ప్రజలను పిచ్చోళ్లను చేస్తున్నారంటూ ఆగ్రహం వ్యక్తం చేశారు. సీఎం దృష్టిలో 175 నియోజకవర్గాలలో పిఠాపురం నెంబర్1 గా ఉండాలని తాను కోరుకుంటున్నట్లు తెలిపారు.

సీఎంకు పిఠాపురం నెంబర్ వన్ అయితే పులివెందుల నెంబర్ 2 అని వ్యాఖ్యానించారు. పెద్దలు పిల్లలను అదుపులో పెట్టాలని సూచించారు. పిఠాపురంలో 2,30,000 ఓట్లు ఉంటే పవన్ 3లక్షలు మెజారిటీతో గెలుస్తానంటున్నాడని ముద్రగడ పద్మనాభం ఎద్దేవా చేశారు. అదేవిధంగా సీఎం జగన్‌పై శనివారం జరిగిన దాడిపై స్పందిస్తూ హత్యా రాజకీయాలను ప్రోత్సహించే వారిని ఖండించాలన్నారు.

అధికారం కోసం ఒక పార్టీ అధినేతపై దాడి చేయడం సిగ్గుచేట్టన్నారు. హత్యా ప్రయత్నాలు ఎంతవరకు న్యాయమని.. మన రాజకీయ ఆకలి తీర్చుకోవడం కోసం ఈ విధంగా చేయడం సంప్రదాయమంటూ ప్రశ్నించారు. సాంప్రదాయమా అంటూ ప్రశ్నించారు. దాడి చేసిన వారిన కఠినంగా శిక్షించాలని డిమాండ్ చేశారు.