Politics

తెలంగాణలో ఎంపీ ఎన్నికలు సమీపిస్తున్న వేళ ప్రధాన ప్రతిపక్ష పార్టీలైన బీఆర్ఎస్(BRS), బీజేపీ(BJP) కొత్త పంథాతో ముందుకు వెళ్లేందుకు సిద్ధమయ్యాయి. కానీ, కాంగ్రెస్ మాత్రం ఎందుకో సైలంట్ అయ్యింది. దీంతో ప్రతిపక్షాలు ఇదే అదునుగా భావించి ఎంపీ ఎన్నికల్లో కాంగ్రెస్‌‌ను ఎలాగైనా దెబ్బకొట్టాలని చూస్తున్నాయి.అధికార కాంగ్రెస్ పార్టీ నిర్వహించిన అంతర్గత సర్వేలో ఆ పార్టీకి 12 ఎంపీ స్థానాలు వస్తాయని సమాచారం. కానీ, సీఎం రేవంత్ రెడ్డి మాత్రం 14 స్థానాలు సాధించాలని పార్టీ నేతలకు టార్గెట్ పెట్టినట్లు తెలుస్తోంది.

ప్రస్తుతం రాష్ట్రంలో అన్నదాతల(FORMERS STRUGGLES) రోడ్డెక్కుతున్నారు. భూగర్భజలాలు ఎండిపోవడం, సాగుకు నీరు లేకపోవడంతో పంటలు ఎండిపోతున్నాయి.దీంతో రాబోయే ఎన్నికల్లో అన్నదాతల సమస్యలను ప్రధాన అస్త్రంగా చేసుకుని బీఆర్ఎస్,బీజేపీ అధికార పక్షాన్ని ఇరుకున పెట్టాలని చూస్తున్నాయి.

ఇప్పటికే కేసీఆర్(KCR) ఉమ్మడి నల్గొండ జిల్లాలో ఆదివారం పర్యటించి అన్నదాతల సమస్యలపై ఫోకస్ చేశారు. అధికార కాంగ్రెస్ పార్టీపై కేసీఆర్ ఘాటు వ్యాఖ్యలు చేశారు. మా హయాంలో పరిస్థితి ఎలా ఉండేది.. ఇప్పుడు ఎలాంటి స్థితికి తెలంగాణ వచ్చిందని సెంటిమెంట్ రగిలించే ప్రయత్నంచేశారు.దీనికి తోడు ఈనెల 5న ఉమ్మడి కరీంనగర్ జిల్లాలోని రైతుల సమస్యలపై కేసీఆర్ ప్రధానంగా ఫోకస్ చేసి కాంగ్రెస్ సర్కారు వైఫల్యాన్ని ప్రజలకు వివరించే ప్రయత్నం చేయబోతున్నట్లు సమాచారం.

వచ్చే ఎన్నికల్లో కనీసం రెండు ఎంపీ స్థానాల్లో అయినా కారు పార్టీ గెలవకపోతే ఆ పార్టీకి జనంలో మైలేజ్ మరింత తగ్గే అవకాశం ఉంటుంది. ఇప్పటికే పార్టీని సీనియర్లు వీడుతుండటంతో గులాబీ కేడర్ తీవ్ర నైరాశ్యంలో ఉన్నది. పార్టీ శ్రేణులను ఉత్తేజపరచడానికి, కారు పార్టీకి జనాల్లో ఆదరణ తగ్గలేదని ప్రూవ్ చేయడానికి కేసీఆర్ పావులు కదుపుతున్నట్లు తెలుస్తోంది.

ఇక బీజేపీ జాతీయ కార్యదర్శి బండి సంజయ్ (BANDI SANJAY) కూడా రైతు సమస్యలపై ప్రధానంగా దృష్టిసారించారు. రైతు దీక్ష పేరిట కలెక్టరేట్ ఎదుట నిరసన దీక్ష చేయనున్నట్లు ప్రకటించారు. కేసీఆర్ జిల్లాలో అడుగుపెట్టే కంటే ముందే దీక్ష చేయాలని బండి భావించారు. ఎప్పటికైనా రైతుల తరఫున కోట్లాడేది బీజేపీ మాత్రమే అని.. కాంగ్రెస్, బీఆర్ఎస్ కాదని అన్నదాతలకు భరోసా కల్పించేందుకు బండి సిద్ధమయ్యారు.

గత ప్రభుత్వం చేసిన తప్పుల వెలికితీత,ఎంపీ టికెట్ల కేటాయింపు అంశంపై కాంగ్రెస్ బిజీగా ఉన్న టైంలోనే ప్రజల ఫోకస్‌ను తమవైపు తిప్పుకోవాలని బీఆర్ఎస్, బీజేపీ భావిస్తున్నట్లు తెలుస్తోంది.నిజంగా అదే జరిగితే వచ్చే ఎన్నికల్లో కాంగ్రెస్ పార్టీ కథ కంచికి చేరాల్సిందే అని పలువురు అభిప్రాయం వ్యక్తంచేస్తున్నారు.

పార్లమెంట్ ఎన్నికలు సమీపిస్తున్న వేళ తెలంగాణ రాజకీయాలు(Telangana politics) హాట్ టాపిక్‌గా మారాయి. బీఆర్ఎస్(BRS) పార్టీకి చెందిన కీలక నేతలు ఆ పార్టీకి గుడ్ బై చెప్పి కాంగ్రెస్(CONGRESS) పార్టీలో చేరుతున్నారు. కొందరు తమ రాజకీయ భవిష్యత్ కోసం అని చెబుతుండగా.. మరికొందరు తమ పిల్లల భవిష్యత్ కోసం అని కామెంట్స్ చేస్తున్నారు. ఇటీవల బీఆర్ఎస్‌లో కీలక పదవులు అనుభవించిన కేకే(KK), కడియం శ్రీహరి(Kadium srihari)లు కాంగ్రెస్ పార్టీలో చేరేందుకు సిద్దమయ్యారు. ఇప్పటికే కడియం చేరగా.. కేకే త్వరలోన చేరనున్నట్లు సమాచారం.

ఇక కే కేశవరావు కూతురు హైదరాబాద్ మేయర్ గద్వాల విజయలక్ష్మి, కడియం కావ్యా కాంగ్రెస్‌లో చేరారు. ఈ క్రమంలోనే కడియం శ్రీహరిపై వరంగల్ జిల్లా నేతలు ఘాటు వ్యాఖ్యలు చేస్తున్నారు. తాజాగా మాజీ మంత్రి ఎర్రబెల్లి దయాకర్(Errabelli Dayakar) కడియంపై ఫైర్ అయ్యారు.‘కడియంకు ఎమ్మెల్యే, మంత్రి పదవి ఇప్పించింది నేనే. ఇప్పుడు ఆయన బిడ్డను ఓడగొట్టడంలో ముందు ఉండేది కూడా నేనే.ల్యాండ్ దందాలు, ఫైరవీలు చేసే బ్రోకర్లు పార్టీలు మారుతారు. మనం ఐక్యతగా ఉండాలి. పోయినొడు పోని..మనం ధైర్యంతో ఉండాలి.

కడియం శ్రీహరి బిడ్డ 3వ స్థానంలో ఉంటుంది.ఆమెకు కాంగ్రెస్ టిక్కెట్ ఇస్తున్నారని ప్రజలు, పార్టీ శ్రేణులు కసితో ఉన్నారు.ఆమెను ఓడగొట్టాలనే పట్టుదల అందరిలో పెరిగింది.మొన్నటివరకూ ఎవరూ ముందుకు రాలేదు. ఇప్పుడు కసి మీద 25మంది టిక్కెట్ అడుగుతున్నారు’ అంటూ ఎర్రబెల్లి వ్యాఖ్యానించారు. ఎమ్మెల్సీ పోచంపల్లి శ్రీనివాస్ రెడ్డి కూడా కడియం శ్రీహరిపై మండిపడ్డారు. ఆయన మాట్లాడుతూ..‘కడియం శ్రీహరి చస్తే ముగ్గురు కూతుర్లే మొయ్యాలి. కడియం శ్రీహరి లాంటి రాజకీయ దుర్మార్గుడిని నా జీవితంలో చూడలేదు.కూతురు కోసం కడియం ఎంతో మాయ చేశాడు.

కూతురు కోసం కడియం విలువలు తాకట్టుపెట్టిండు.నీతి నిజాయితీ ఉంటే ఎమ్మెల్యే పదవికి శ్రీహరి రాజీనామా చెయ్యాలి.నువ్వు మళ్ళీ గెలిస్తే నేను రాజకీయాల నుండి తప్పుకుంటా. కడియం కావ్యకు డిపాజిట్ రాకుండా చేస్తాం’ అని ఎమ్మెల్సీ స్పష్టంచేశారు.

పార్లమెంట్ ఎన్నికలు సమీపిస్తున్న వేళ తెలంగాణలో రాజకీయం ఒక్కసారిగా వేడెక్కింది. అధికార, ప్రతిపక్షాల మధ్య మాటలు తూటాలు పేలుతున్నాయి. ప్రభుత్వానికి వ్యతిరేకంగా ఏ చిన్నఅంశం దొరికిన దానిని క్యాష్ చేసుకోవాలని ప్రతిపక్షాలు చూస్తున్నాయి. ఈ క్రమంలోనే బీజేపీ వచ్చే ఎన్నికల్లో 12 ఎంపీ స్థానాలు గెలవాలని లక్ష్యంగా పెట్టుకుంది.

అందుకు తగ్గట్టుగానే పావులు కదుపుతోంది. ప్రస్తుతం రాష్ట్రంలో సాగు నీటి కటకట కారణంగా పంటలు ఎండిపోతున్నాయి.ఈ క్రమంలోనే అన్నదాతలు రోడ్డెక్కి ఆందోళనలు చేపడుతున్న క్రమంలో బీజేపీ జాతీయ కార్యదర్శి, కరీంనగర్ ఎంపీ బండి సంజయ్ (Mp bandi sanjay) రైతు దీక్ష(Raithu Deeksha) చేపట్టాలని నిర్ణయించారు. కాగా, బండి ప్రకటనపై కాంగ్రెస్(Congress), బీఆర్ఎస్(BRS) నేతలు ఆరోపణలు చేస్తున్నారు.

పార్లమెంట్ ఎన్నికోసమే బండి రైతు దీక్ష చేస్తున్నారని విమర్శించడంతో ఆయన సోమవారం మీడియాతో మాట్లాడుతూ దానిపై క్లారిటీ ఇచ్చారు. తాను ఎన్నికల కోసం రైతు దీక్ష చేయడం లేదని, రైతులకు భరోసా కల్పించేందుకే రైతు దీక్ష చేపడుతున్నట్లు స్పష్టంచేశారు.

ఆదివారం ఉమ్మడి నల్లగొండ జిల్లాలో పర్యటించిన కేసీఆర్ రైతుల కష్టాలను అడిగి తెలుసుకున్నారు. ఎండిన పంటలను పరిశీలించారు. ఈనెల 5న ఉమ్మడి కరీంనగర్ జిల్లాలో పర్యటించనున్నట్లు ప్రకటించారు.దీనిపై బండి మాట్లాడుతూ.. గత ప్రభుత్వంలో కేసీఆర్ రైతులకు పంట నష్టపరిహారం ఇస్తామని చెప్పి ఇవ్వలేదని ఫైర్ అయ్యారు.

రైతులకు క్షమాపణ చెప్పిన తర్వాతే కేసీఆర్ కరీంనగర్(Karim Nagar)లో అడుగుపెట్టాలని డిమాండ్ చేశారు. ఇక కాంగ్రెస్ ప్రభుత్వం ఎన్నికల్లో ఇచ్చిన హామీలను నేరవేర్చాలని డిమాండ్ చేశారు. రైతులకు ఇచ్చిన హామీలు నేరవేర్చకుండా రేవంత్ సర్కార్ కుంటి సాకులు చెబుతోందని ఫైర్ అయ్యారు.మొదటి నుంచి రైతులకు బీజేపీనే అండగా ఉందని తెలిపారు.