Politics

అధికారంలోకి వచ్చిన నాలుగు నెలల్లోనే కాంగ్రెస్ సర్కార్(Congress Government) చేతగాని తనం నిరూపితమైందని మాజీ మంత్రి పువ్వాడ అజయ్(Puvvada Ajay Kumar) విమర్శించారు. ఖమ్మం జిల్లా బీఆర్ఎస్ పార్టీ కార్యాలయంలో ఆయన మాట్లాడారు. ప్రభుత్వ చేతగాని తనం వల్ల రాష్ట్రంలో కరువు పరిస్థితులు నెలకొన్నాయని ఆందోళన వ్యక్తం చేశారు. కేవలం సాగునీటి సమస్యే కాదు.. ప్రజలు కరెంటు కోతలతో సతమతమవుతున్నారని తెలిపారు.

కేసీఆర్ పాలనలో రాష్ట్రంలో చెరువులు, కాల్వలు సాగునీటితో కలకలలాడేవని గుర్తుచేశారు. 24గంటల నిరంతరాయంగా విద్యుత్ సరఫరా అయ్యేదన్నారు. నాలుగు నెలలుగా కాంగ్రెస్ సర్కార్ అటు రైతులను, ప్రజలను ముప్పుతిప్పలు పెడుతోందని దుయ్యబట్టారు. చేతుల్లో ఉన్న వ్యవస్థను పదేళ్లు కాపాడుకున్నామని వ్యాఖ్యానించారు. ఇప్పుడు నాగార్జున సాగర్ లో ఉన్న నీళ్లను తాగునీటిగా తీసుకోలేని పరిస్థితి అన్నారు. మార్చిలోనే తాగునీటి ఎద్దడితో పంటలు ఎండిపోతున్నాయని, ఇక ఏప్రిల్, మే మాసాల్లో పరిస్థితి ఎలా ఉంటుందో అర్థం చేసుకోవచ్చన్నారు.

మరోవైపు నాలుగు నెలలుగా రైతుబంధు పడక రైతులు పంట పెట్టుబడికి ఇబ్బందులు పడుతున్నారని అన్నారు. పంటలు నష్టపోయిన రైతులకు రూ.30వేలు ఇవ్వాలని డిమాండ్ చేశారు. బీఆర్ఎస్ అభ్యర్థి నామ నాగేశ్వర రావు ఎన్నికల ప్రచారానికి సిద్ధమయ్యారు. ఈ క్రమంలో ఆదివారం ఖమ్మం జిల్లా కూసుమంచి మండలం జిల్లా సరిహద్దు వద్ద ఎంపీ నామ నాగేశ్వరరావు వాహనాన్ని అధికారులు తనిఖీ చేశారు. అనంతరం ఆయన మాట్లాడుతూ కీలక వ్యాఖ్యలు చేశారు.

రైతు బిడ్డగా నాలుగు నెలలుగా ప్రజలు పడుతున్న కష్టాలు తనకు తెలుసని, ప్రజలు కాంగ్రెస్‌కు ఎందుకు ఓటేశామా? అని ఇప్పుడు తలలు పట్టుకుంటున్నారని అన్నారు. అందుకే తాను రాజకీయాల్లోకి వస్తున్నట్లు తెలిపారు. కేసీఆర్ హయాంలో వ్యవసాయం ఒక పండుగలా జరిగిందని వ్యాఖ్యనించారు. బియ్యం ఎగుమతుల్లో రాష్ట్రం నెంబర్ వన్ స్థానంలో నిలిచిందన్నారు. తాము రెండు సార్లు హెలికాప్టర్ లో వస్తే నీళ్లు, పచ్చని పొలాలు కనిపించేవని, ఇప్పుడు ఆ పరిస్థితి లేదన్నారు.

రాష్ట్రంలో నీటి కటకటలు అప్పుడే ప్రారంభం అయ్యాయి.. దంచి కొడుతున్న ఎండలకు అడుగంటుతున్న భూగర్భ ‌జలాల వల్ల రైతులు తీవ్రంగా ఇబ్బందులు పడుతున్నట్లు వార్తలు వినిపిస్తున్నాయి.. మరోవైపు‌, డెడ్ స్టోరేజికి చేరుకొన్న ప్రధాన‌ ప్రాజెక్టులు, చేతికి ‌వచ్చిన పంటలన్ని కళ్ళముందు ఎండిపోతుండడంతో రైతులు విలవిలలాడుతున్నారు.. చివరకు అన్నదాతలు వాటర్ ట్యాంకర్ల ద్వారా‌ నీటిని తరలించి పంటని కాపాడుకునే ప్రయత్నం చేస్తున్నారు..

ఇదిలా ఉండగా తెలంగాణ (Telangana)కు వరప్రదాయినైన ఎల్లంపల్లి (Yellampalli) జలాశయం భానుడి భగభగలకు ఆవిరవుతోందన్న దృశ్యం కనిపిస్తోంది. అదేవిధంగా ఎత్తిపోతలు లేక కాళేశ్వరం (Kaleshwaram) జలాలు తిరిగొచ్చే దారిలేక.. దిగువ ప్రాంతాలకు‌ తాగునీళ్లు ఇవ్వలేనంటూ చేతులెత్తేస్తోంది. మరో వైపు ప్రాజెక్ట్ లో నీటి నిల్వలు భారీగా పడిపోతుండటం వల్ల పరిస్థితులు సాగునీటి గండాన్ని మోసుకొస్తోందని తెలుస్తోంది.

ఇప్పటికే కడెం డెడ్ స్టోరేజీకి చేరువైందంటున్నారు.. అదేవిధంగా ఎండి ఎడారిగా మారుతున్న ఎల్లంపల్లి‌.. రాబోయే తాగునీటి కటకటకు ప్రమాద ఘంటికలు మోగిస్తోందని తెలుస్తోంది. ఈ క్రమంలో రాష్ట్ర వ్యాప్తంగా 6 జిల్లాలకు తాగు నీటి ఇబ్బందులు తప్పవని హెచ్చరిస్తున్నారు.. మరోవైపు ఉమ్మడి ‌కరీంనగర్ (Karimnagar) జిల్లాలో రోజురోజుకి సాగునీటి‌ కష్టాలు పెరుగుతున్నాయనే వార్తలు గుప్పుమంటున్నాయి.. ‌వరిపంట చేతికి వచ్చే సమయంలో నీరులేక పంటలు ఎండిపోతున్న దృశ్యాలు కనిపిస్తున్నాయి..

ఈ క్రమంలో పదిహేను రోజుల నుంచి రైతులు‌ నానా తంటాలు‌ పడుతున్నట్లు వెల్లడిస్తున్నారు. ముఖ్యంగా మొగ్దుంపూర్, దుర్శేడ్ గ్రామాలైతే ట్యాంకర్ల ద్వారా‌ నీటిని తీసుకువచ్చి పంటలను కాపాడే ప్రయత్నం చేస్తున్నారు. కేవలం‌ రెండు తడులు అయితే ‌పంటలు చేతికి‌ వస్తాయని తెలుపుచున్న రైతులు.. నీటిని విడుదల చేయాలని విజ్ఞప్తి చేస్తున్నారు.. ఇదిలా ఉండగా ఉమ్మడి ‌కరీంనగర్ జిల్లాలో‌ ఎల్ఎండి, మిడ్ మానేరు, ఎల్లంపల్లి ప్రాజెక్టుల్లో నీటి మట్టం కనిష్ట స్థాయికి‌ చేరుకొంది.

ఎల్ఎండిలో అయితే మరో పది రోజులలో‌ డెడ్ స్టోరేజికి చేరుకునే అవకాశం ‌ఉందని అంటున్నారు.. దీంతో చేతికి వచ్చిన ‌పంట కళ్ల ముందే ఎండి పోతుందని రైతులు ఆందోళన చెందుతున్నారు. బావులు, బోరుల్లో నీరు లేకపోవడంతో వాటర్ ట్యాంకర్ల ‌ద్వారా పంటని కాపాడుకునే ‌ప్రయత్నం చేస్తున్నట్లు పేర్కొంటున్నారు.. మరోవైపు రెండు తెలుగు రాష్ట్రాలకు సాగు, తాగు నీరు అందించే శ్రీశైలం ప్రాజెక్టు కూడా చేతులెత్తేసిందంటున్నారు. హద్దు లేకుండా విద్యుత్‌ ఉత్పత్తి చేయడంతో 215 టీఎంసీలు ఉండాల్సిన నీటి నిల్వ తాజాగా 34 టీఎంసీలకు చేరుకోవడం ఆందోళన కలిగిస్తుంది. ఇక రాబోయే రోజుల్లో సాగు నీరు సంగతి దేవుడెరుగు, తాగునీటికి కూడా కటకటలాడాల్సిందేనని నిపుణులు హెచ్చరిస్తున్నారు..