Politics

బీఆర్ఎస్ నేత, మాజీ మంత్రి ఎర్రబెల్లి దయాకర్ రావు‌(Errabelli dayakar rao)పై హైదరాబాద్‌కు చెందిన ఓ వ్యాపారి సంచలన ఆరోపణలు చేశారు. గత బీఆర్ఎస్ సర్కార్ హయాంలో మంత్రిగా ఉన్న ఎర్రబెల్లి దయాకర్ తనను బంధించి ఆయన సమీప బంధువు విజయ్ పేరిట బలవంతంగా భూమి రిజిస్ట్రేషన్ (Land Illegal Reg చేయించారన్నారు.

అంతేకాకుండా రెండ్రోజుల పాటు తనను నిర్భంధించి రూ.50లక్షలు ఇవ్వాలని తన కుటుంబ సభ్యులను సైతం బెదిరించినట్టు ఆరోపించారు. ఇదే విషయంపై బాధిత వ్యాపారి శరణ్ చౌదరి సోమవారం సీఎం రేవంత్ రెడ్డిని సైతం ఫిర్యాదు చేసినట్లు పేర్కొన్నారు.

అయితే, ఈ ఆరోపణలపై మాజీ మంత్రి ఎర్రబెల్లి దయాకర్ మంగళవారం తెలంగాణ భవన్‌లో మీడియాతో మాట్లాడారు. తనపై రాజకీయంగా కుట్ర జరుగుతోందని, అసలు ఆ విజయ్ కూడా ఎవరో తనకు తెలియదన్నారు. పత్రికల్లో తన అవాస్తవాలు ప్రచురించే ముందు ఒక్కసారి ఆలోచించుకోవాలని ఎర్రబెల్లి హితవు పలికారు. విజయ్ అనే వ్యక్తి తన బంధువు కాదని, ఆయనది విజయవాడ అని తెలిపారు.

ఈ ఆరోపణల నేపథ్యంలో విజయ్ అమెరికా నుంచి తనకు ఓ వీడియో పంపారని ఎర్రబెల్లి పేర్కొన్నారు.వాస్తవానికి శరణ్ చౌదరి అనే వ్యక్తి దొంగ పత్రాలు క్రియేట్ చేసి తన వద్దనున్న రూ.5 ట్లు తీసుకున్నారని విజయ్ ఆరోపించారు. ఇదే విషయమై అప్పట్లో మంత్రిగా ఉన్న ఎర్రబెల్లిని రిక్వెస్ట్ చేస్తే పోలీసులకు ఫిర్యాదు చేయాలని సూచించినట్లు తెలిపారు.తనకు ఎర్రబెల్లికి ఎలాంటి సంబంధం లేదని, బంధుత్వం, వ్యాపార లావాదేవీలు కూడా లేవన్నారు.తనకు ఇంకా ఎర్రబెల్లినే సాయం చేశారని విజయ్ చెప్పుకొచ్చారు.కాగా, తనను పార్టీ మారాలని ఇతర పార్టీల నేతల నుంచి పిలుపులు వస్తున్నాయని, అయినా తాను పార్టీ మారబోనని ఎర్రబెల్లి తెలిపారు.

పార్లమెంట్ ఎన్నికలు సమీపిస్తున్న తరుణంలో ప్రస్తుతం తెలంగాణ(Telangana)లోని ప్రధాన పార్టీలు సికింద్రాబాద్(Secunderabad) సెగ్మెంట్ మీద ఫోకస్ చేశాయి. ఈ సీటు అన్ని పార్టీలకు కీలకంగా మారనున్నది. 2019 సార్వత్రిక ఎన్నికల్లో ఈ స్థానం నుంచి బీజేపీ ఎంపీ అభ్యర్థిగా ప్రస్తుత కేంద్రమంత్రి కిషన్ రెడ్డి(G.kishan reddy) పోటీ చేసి గెలుపొందారు. అప్పుడు కిషన్ రెడ్డికి ప్రత్యర్థిగా నాటి అధికార బీఆర్ఎస్ పార్టీ మంత్రి తలసాని శ్రీనివాస్ యాదవ్ తనయుడు సాయికిరణ్ యాదవ్ నిలబడ్డారు.

ఆ ఎన్నికల్లో బీజేపీ పార్టీ ఘన విజయం సాధించింది. రాష్ట్రంలో అధికారంలో గులాబీ పార్టీ ఉన్నా సికింద్రాబాద్ ప్రజలు మాత్రం మోడీ నాయకత్వంలోని బీజేపీకి జై కొట్టారు. ప్రస్తుతం కూడా సికింద్రాబాద్ నుంచి బీజేపీ పార్లమెంట్ అభ్యర్థిగా జి కిషన్ రెడ్డి మరోసారి పోటీకి సిద్ధమయ్యారు. అయితే, ఈసారి కూడా ప్రధాని మోడీ నాయకత్వంలో బీజేపీ కేంద్రంలో హ్యాట్రిక్ కోసం ట్రై చేస్తోంది.

దానికి తోడు ‘అబ్ కి బార్ 400 పార్’, ‘ఫిర్ ఏక్ బార్ మోడీ సర్కార్’ నినాదంతో బీజేపీ ప్రచారంలో ముందుకు దూసుకుపోతోంది. ఇటీవల ప్రధాని మోడీ మూడు సార్లు తెలంగాణలో పర్యటించారు.మల్కాజిగిరిలో రోడ్ షో, నాగర్ కర్నూల్ సభ, జగిత్యాల నిర్వహించిన సభలో మాట్లాడుతూ.. ఈసారి బీజేపీకి ఓటేసి నన్ను గెలిస్తే తెలంగాణను అభివృద్ధి పథంలో తీసుకెళ్తానని మాటిచ్చారు. ఇది మాములు గ్యారెంటీ కాదని, మోడీ గ్యారెంటీ అని గుర్తుపెట్టుకోవాలని ప్రజలకు సూచించారు.

ఇక బీఆర్ఎస్ పార్టీ నుంచి సికింద్రాబాద్ ఎంపీ అభ్యర్థిగా స్థానిక ఎమ్మెల్యే పద్మారావు గౌడ్(PadmaRao Goud) పోటీకి సిద్ధమయ్యారు. గులాబీ బాస్ కేసీఆర్ ఆయన పేరును అధికారికంగా ప్రకటించారు. పద్మారావుకు ఉద్యమనేతగా మంచి గుర్తింపు ఉంది. మంత్రి, డిప్యూటీ స్పీకర్‌గాను పనిచేసిన అనుభవం ఉంది. దీనికి తోడు తన సామాజిక వర్గం సపోర్టు గట్టిగా ఉంది.ఇక ఈయనకు తలసాని సపోర్టుగా కూడా గట్టిగానే ఉంటుందని తెలుస్తోంది. సికింద్రాబాద్ పరిధిలో యాదవ్ వర్గం ప్రజలు అధికంగా ఉన్నారు. ఇది పద్మారావుకు ఎన్నికల్లో ప్లస్ అయ్యే చాన్స్ ఉంది. బీజేపీకి కూడా గౌడ, యాదవ సామాజిక వర్గం ప్రజల మద్దతు మెండుగానే ఉంది.

ఇటీవల బీఆర్ఎస్ నుంచి కాంగ్రెస్‌లో చేరిన MlA దానం నాగేందర్(Danam Nagender) పోటీచేస్తున్నారు. ఈయనకు మాజీ మంత్రిగా, ఎమ్మెల్యేగా చేసిన అనుభవం ఉంది. పైగా రాష్ట్రంలో కాంగ్రెస్ ప్రభుత్వం అధికారంలో ఉంది. వాస్తవానికి రాష్ట్రంలో ఏ పార్టీ పవర్ లో ఉంటే వారికే అధికంగా ఎంపీ దక్కే చాన్స్ ఉంటుంది. కానీ దానంపై చాలా వరకు భూకబ్జా, బెదిరింపులకు గురిచేసిన ఆరోపణలు ఉన్నాయి. ఈసారి దానంకు ప్రజలు మొండిచూపే అవకాశాలే ఎక్కువగా ఉన్నాయి. మొత్తం మీద చూసుకుంటే ఇక్కడ ఫస్ట్ ప్లేస్‌లో బీజేపీ, సెకండ్ ప్లేస్‌లో బీఆర్ఎస్ నిలిచే అవకాశం ఉన్నట్లు సమాచారం. ఇటీవల పలు సర్వేలు కూడా ఇదే విషయాన్ని స్పష్టంచేశాయి.

పార్లమెంట్ ఎన్నికల కోసం రాష్ట్రంలోని ప్రధాన పార్టీలు తమ తమ అభ్యర్థులను ప్రకటిస్తున్నాయి. ఇప్పటికే బీజేపీ(BJP) ఈ జాబితాలో ముందు వరుసలో ఉండగా.. కాంగ్రెస్ (CONGRESS) సెకండ్ ప్లేస్‌లో ఉంది. ఇక సర్వేల ప్రకారం మూడో స్థానానికే పరిమితమైన బీఆర్ఎస్ అభ్యర్థల ప్రకటన విషయంలోనూ మూడో స్థానానికే పరిమితమైంది. అందుకు అనేక కారణాలు ఉన్నాయని చెప్పుకోవచ్చు.

కాసేపు బీఆర్ఎస్ (BRS) సంగతి పక్కన బెడితే అధికార కాంగ్రెస్ పార్టీ అభ్యర్థుల(Candidates Announcement) ప్రకటన విషయంలో ఎందుకు జాప్యం(LATE) చేస్తున్నది అనేది ప్రస్తుతం రాష్ట్ర రాజకీయాల్లో చర్చనీయాంశంగా మారింది. అధికారంలో ఉన్నపార్టీకి అభ్యర్థులు కరువయ్యారని ఓవైపు బీజేపీ, బీఆర్ఎస్ నేతలు ఆరోపిస్తున్నారు. అయితే, కాంగ్రెస్ మాత్రం ఎంతో కాలంగా పార్టీలో ఉన్నవారికి పార్లమెంట్ సీటు ఇచ్చేందుకు సుముఖత వ్యక్తం చేయడంలేదు.

బీజేపీ నుంచి లేదా బీఆర్ఎస్ నుంచి వచ్చిన వారికి వెంటనే ఎంపీ టికెట్లు ఇస్తోంది. దీంతో ఎంతో కాలంగా పార్టీలో కొనసాగుతూ పార్టీకి సేవ చేస్తున్న సీనియర్ లీడర్లు సీఎం రేవంత్ తీరుపై అసహనం వ్యక్తం చేస్తున్నారు. ప్రస్తుతం కేబినెట్‌లో మంత్రులుగా ఉన్న వారు తమ అనుచరులు, బంధువులకు టికెట్లు ఇప్పించుకుంటున్నారని మండిపడుతున్నారు. కాంగ్రెస్ ఇప్పటివరకు కేవలం 9 సెగ్మంట్లకు మాత్రమే అభ్యర్థులను ప్రకటించింది.

ఇక భువనగిరి, నిజామాబాద్, మెదక్, ఆదిలాబాద్, వరంగల్, హైదరాబాద్, కరీంనగర్, ఖమ్మం స్థానాలకు అభ్యర్థులను ప్రకటించాల్సి ఉంది. అయితే, టికెట్ ప్రకటించి న స్థానాల్లో బీఆర్ఎస్ నుంచి వచ్చిన వలసనేతలే అధికంగా ఉన్నారు. అందులోనూ రెడ్డి కులస్తులు ఎక్కువగా ఉండటంతో కాంగ్రెస్ శ్రేణులు అసహనం వ్యక్తం చేస్తున్నారు.

ప్రస్తుతం పీసీసీ చీఫ్‌గా కూడా రేవంత్ ఉండటంతో స్క్రీనింగ్ కమిటీ ప్రతిపాదించిన వారు కాకుండా వలస నేతలకు ప్రయారిటీ ఇవ్వడంపై పార్టీలోని సీనియర్లు రేవంత్ పై గుర్రుగా ఉన్నారు. ఇంకా ఎవరైన కొత్త లీడర్లు బీఆర్ఎస్ నుంచి వస్తారా? అని హస్తం పార్టీ ఎదురుచూస్తున్నట్లు కనిపిస్తోంది. మరోవైపు సొంతపార్టీ నేతలు ఎంపీ టికెట్ కోసం గాంధీ భవన్ చుట్టూ కాళ్లు అరిగేలా తిరుగుతున్నా వారిని ఎవరూ పట్టించుకోవడం లేదని వాపోతున్నారు. కాంగ్రెస్ పార్టీ అంటే అలానే ఉంటది.. చివరి నిమిషంలో కూడా అభ్యర్థులు మారిపోతుంటారు అని ప్రతిపక్షాలు విమర్శిస్తున్నారు.

తెలంగాణ రాష్ట్ర రాజకీయాల్లో (Telangana politics) ప్రస్తుతం జంప్ జిలానీల హవా నడుస్తోంది. ప్రస్తుతం దేశవ్యాప్తంగా ఎన్నికల ఫీవర్ నడుస్తోంది. త్వరలోనే పార్లమెంట్ ఎన్నికల(Parliament elections)తో పాటు నాలుగు రాష్ట్రాలకు అసెంబ్లీ ఎన్నికలు జరగనున్నాయి. ఇక తెలంగాణలో ఇటీవలే అసెంబ్లీ ఎన్నికలు ముగిసిపోయి రాష్ట్రంలో కొత్త ప్రభుత్వం కొలువుదీరింది. తాజాగా అధికార కాంగ్రెస్, ప్రతిపక్ష బీఆర్ఎస్, బీజేపీ ఎంపీ ఎన్నికలకు సన్నద్ధం అవుతున్నాయి.

ఈ క్రమంలోనే జంప్ జిలానీలు అన్ని పార్టీల్లోనూ కీలకంగా వ్యవహరిస్తున్నారు.ముఖ్యంగా ప్రతిపక్ష బీఆర్ఎస్ నుంచి బీజేపీ, కాంగ్రెస్‌లోకి నేతలు క్యూ కడుతున్నారు. ఇక రీసెంట్‌గా గులాబీ గుర్తుపై గెలిచిన ఖైరతాబాద్ ఎమ్మెల్యే దానం నాగేందర్ (Khairatabad Mla Danam Nagender) ఇటీవల కాంగ్రెస్ కండువా కప్పుకోగా ఆయనకు ఏఐసీసీ సికింద్రాబాద్ ఎంపీ టికెట్ ఇచ్చింది.

అయితే, ఎమ్మెల్యే పదవికి రాజీనామా చేయించి ఎంపీగా బరిలోకి దింపాలని కాంగ్రెస్ ఆలోచిస్తుండగా.. దానం మాత్రం ఎంపీగా గెలిచాకే ఎమ్మెల్యే పదవికి రాజీనామా చేస్తానని మొండిపట్టు పట్టినట్లు తెలుస్తోంది. ఒకవేళ తాను ఎంపీగా ఓడిపోతే మంత్రి పదవి ఇవ్వాలని కూడా కాంగ్రెస్ అధిష్టానం వద్ద షరతు పెట్టారని కూటా టాక్ వినిపిస్తోంది.

కారు గుర్తుపై గెలిచి కాంగ్రెస్‌లో చేరిన దానంపై పార్టీ ఫిరాయింపుల చట్టం కింద అయన్ను అనర్హుడిగా ప్రకటించాలని గులాబీ నేతలు తెలంగాణ అసెంబ్లీ స్పీకర్ గడ్డం ప్రసాద్ కుమార్ కు ఫిర్యాదు చేసిన విషయం తెలిసిందే. దానం రాజీనామా కోరుతూ ప్రతిపక్షాలు డిమాండ్ చేస్తున్న తరుణంలో ఆయనతో రాజీనామా చేయిస్తే ఎంపీ ఎన్నికల్లో మైలేజ్ వస్తుందా? అని కాంగ్రెస్ ఆలోచిస్తున్నది.ఏదైనా ప్రస్తుతం దానం చేరిక ఆ పార్టీకి కొత్త తలనొప్పిగా మారిందనేది ఆ పార్టీలోనే జోరుగా ప్రచారం జరుగుతున్నది.