Politics

ఇటీవల జరిగిన అసెంబ్లీ ఎన్నికల్లో బీఆర్ఎస్(BRS) ఓటమి పాలవడంతో ఆ పార్టీలోని సిట్టింగ్ ఎంపీ(MP)లు, ఎమ్మెల్యే(MLA)లు ఒక్కొక్కరుగా పార్టీని వీడుతున్న విషయం తెలిసిందే. ఇప్పటికే ఇద్దరు బీఆర్ఎస్ సిట్టింగ్ ఎంపీలు బీజేపీలో చేరిన సంగతి తెలిసిందే. అదేవిధంగా మరో ముగ్గురు గులాబీ ఎంపీలు, ఒక ఎమ్మెల్యే అధికార కాంగ్రెస్ పార్టీలో చేరారు.

ఈ క్రమంలో బీఆర్ఎస్ పార్టీని వీడుతున్న నేతలపై జనగాం ఎమ్మెల్యే పల్లా రాజేశ్వర్ రెడ్డి తీవ్రస్థాయిలో ఆగ్రహం వ్యక్తం చేశారు. ఆయన శుక్రవారం తెలంగాణ భవన్‌లో మీడియాతో మాట్లాడారు. పార్టీ మారిన వారెవర్నీ వదిలిపెట్టబోమని హెచ్చరించారు.

బీఆర్ఎస్ పార్టీ ఎమ్మెల్యేలు, ఎంపీలను కొందరు బెదిరించి పార్టీలో చేర్చుకుంటున్నారని ఆరోపించారు. ఒక పార్టీ గుర్తుపై గెలిచి రాజీనామా చేయకుండా ఎలా పార్టీ మారుతున్నారని ప్రశ్నించారు. అక్రమాన్ని సక్రమం చేసుకోవడానికి మరికొందరు స్వార్థపరులు పార్టీ మారుతున్నారని మండిపడ్డారు.

వారి అక్రమాల చిట్టాను బయటపెడతామన్నారు. పార్టీ మారుతున్న స్వార్థపరుల అక్రమాలను ప్రతిపక్షంలో ఉండి కూడా చీల్చి చెండాడుతామని హెచ్చరించారు. అధికార పార్టీలోకి వెళ్లి ఇలాగే అక్రమాలు చేస్తే ప్రజలతో చెప్పులతో కొట్టిస్తామంటూ స్ట్రాంగ్ వార్నింగ్ ఇచ్చారు.

అధికారం ఏ పార్టీ చేతులో ఉంటే నేతల చూపులు కూడా అటువైపే అని రాజకీయాల్లో ఎన్నో సార్లు నిరూపించబడింది. తాజాగా బీఆర్ఎస్ (BRS) ఓటమి.. కాంగ్రెస్ (Congress) విజయం సైతం ఈ విషయాన్ని బిగ్ స్క్రీన్ లో చూపిస్తోంది. ఒకప్పుడు బీఆర్ఎస్ ఖాళీ లేకుండా ఎలా నిండిపోయిందో.. ప్రస్తుతం కాంగ్రెస్ కూడా వలస నేతలతో కిటకిటలాడుతోందని తెలుస్తోంది.

ఈ క్రమంలో కారు దిగి హస్తాన్ని అందుకొన్న నేతల్లో ఖైరతాబాద్ (Khairatabad) ఎమ్మెల్యే (MLA) దానం నాగేందర్ ఒకరు.. తాజాగా కాంగ్రెస్ ఆయనను సికింద్రాబాద్ పారమెంట్ నుంచి ఎంపీ ఎన్నికల్లో బరిలో నిలిపింది. అయితే దానం నాగేందర్ ఎన్నికను సవాలు చేస్తూ గతంలో దాఖలైన పిటిషన్ పై హైకోర్టు శుక్రవారం నోటీసులు జారీ చేసింది. ఇదివరకు ఎమ్మెల్యే దానం నాగేందర్ ఎన్నికను రద్దు చేయాలని కోరుతూ కాంగ్రెస్ అభ్యర్థి విజయ రెడ్డి హైకోర్టులో పిటిషన్ దాఖలు చేశారు.

దీనిపై జస్టిస్ బి.విజయ్ సేన్ రెడ్డి విచారణ చేపట్టారు. మరోవైపు దానం నాగేందర్ (Danam Nagender)ఓటర్లను ప్రలోభాలకు గురిచేస్తూ ఎన్నికల సమయంలో డబ్బులు పంచిపెట్టి అనైతికంగా గెలిచారని ఆరోపించారు. ఇందుకు సంబంధించి పోలీస్ స్టేషన్ లో కేసులు కూడా నమోదు అయ్యాయని విజయ రెడ్డి (Vijaya Reddy) పిటిషన్ లో పేర్కొన్నారు. ప్రజా ప్రాతినిధ్య చట్టానికి ఇది పూర్తిగా వ్యతిరేకం అని ఆమె వాదించారు. కాగా

అదేవిధంగా దానం నాగేందర్ తన భార్యకు సంబంధించిన ఆస్తి వివరాలను నామినేషన్ పత్రాల్లో పేర్కొన లేదన్నారు. వాదనలు విన్న న్యాయమూర్తి ఎన్నికపై వివరణ ఇవ్వాలంటూ దానం నాగేందర్ కు నోటీసులు జారీ చేసింది. విచారణను వచ్చే నెల 18 వాయిదా వేస్తున్నట్లు ప్రకటించింది. మరోవైపు గత అసెంబ్లీ ఎన్నికల్లో దానం నాగేందర్ ఖైరతాబాద్ నుంచి బీఆర్ఎస్ అభ్యర్థిగా పోటీ చేశారు. కాంగ్రెస్ పార్టీ అభ్యర్ధిగా విజయారెడ్డి బరిలో ఉన్నారు..

రాష్ట్ర రాజకీయాల్లో ప్రకంపనాలు సృష్టించిన ఢిల్లీ (Delhi) లిక్కర్ స్కామ్ (Liquor Scam) కేసు.. చివరకు ఎమ్మెల్సీ కవిత అరెస్ట్‌తో కొత్త రాగం అందుకొందని అంటున్నారు.. నీతులు చెప్పడానికే రాజకీయాలు.. ఆచరించడానికి కావని కవిత నిరూపించినట్లు ఆరోపణలు వస్తున్న నేపథ్యంలో.. బీఆర్ఎస్ నేతలు కొందరు మాత్రం ఈమె అరెస్ట్ ఖండిస్తున్నారు.. కానీ కేసీఆర్ (KCR) మాత్రం ఇప్పటి వరకు పెదవి విప్పకపోవడం చర్చాంశనీయంగా మారింది.

మరోవైపు కవిత అరెస్ట్‌ పై, బీఆర్ఎస్ (BRS) రాజ్యసభ ఎంపీ వద్దిరాజు రవిచంద్ర (Vaddiraju Ravichandra) స్పందించారు.. గత రెండేళ్లు సీరియల్స్ సాగదీసినట్లు ఈ కేస్‌ను కూడా అలాగే చేసి.. ఎన్నికల వేళ మళ్లీ తెరపైకి తెచ్చారని మండిపడ్డారు. నేడు ఢిల్లీలో మీడియాతో మాట్లాడుతూ కీలక వ్యాఖ్యలు చేశారు. ఈ కేసులో కవిత బాధితురాలే కానీ నిందితురాలు కాదని పేర్కొన్నారు..

లిక్కర్ స్కామ్ కేసులో ఎలాంటి సాక్ష్యాలు లేకున్నా ఈడీ (ED) కవితను అరెస్టు చేసిందని ఆరోపించారు. అదేవిధంగా 2004 నుంచి 2014 వరకు 200 ఈడీ కేస్‌లు ఉంటే.. బీజేపీ కేంద్రంలో అధికారంలోకి వచ్చిన 2014 నుంచి 2024 వరకు.. 2954 పై చిలుకు కేసులు నమోదయ్యాయని, ఇదంతా కేవలం పది సంవత్సరాలలో జరిగిందని తెలిపారు. ఎన్నికల టైంలో ప్రత్యర్థులను వేధించడానికి బీజేపీ దర్యాప్తు సంస్థలను ప్రయోగిస్తోందని ఆగ్రహం వ్యక్తం చేశారు.

అన్యాయంగా నిందలు మోస్తున్న కవిత.. ఈ కేసు నుంచి కడిగిన ముత్యంలా బయటకు వస్తారని వద్దిరాజు రవిచంద్ర ఆశాభావం వ్యక్తం చేశారు. బీజేపీకి ఈ ఎన్నికల్లో ప్రజలు బుద్ది చెబుతారని విమర్శించిన ఆయన.. పార్లమెంటు ఎన్నికల్లో బీఆర్ఎస్ ఘన విజయం సాధిస్తుందని ధీమా వ్యక్తం చేశారు. త్వరలోనే బీఆర్ఎస్ పునర్వైభవం పొందుతుందని జోస్యం చెప్పారు..