తెలంగాణ (Telanganaa) రాజకీయాల్లో బీఆర్ఎస్ నేతలు వ్యవహరిస్తున్న తీరు వివాదాస్పదం అవుతోందని తెలుస్తోంది. అయిన తమ కంట్లో ఉన్న నలుసు చూడలేని వారు పక్క వారి కళ్ళలో ఉన్న నలుసు ఏం చూస్తారని కేటీఆర్ తీరు చూస్తున్న వారు అనుకొంటున్నారు. బీఆర్ఎస్ ప్రభుత్వ హయాంలో లక్షల కోట్ల అవినీతి జరిగిందనే ఆరోపణలు రాష్ట్రం అంతా ప్రచారం చేస్తున్న కాంగ్రెస్ నేతల ఆరోపణలు అబద్ధం అని నిరూపించుకోవాలసింది పోయి.. అనుభవం లేని వారీగా మాట్లాడటం హస్తం నేతల ఒళ్ళు మండిపోయేలా చేస్తుందని అనుకొంటున్నారు..
మరోవైపు కేసీఆర్ (KCR) కాలు గోటికి కూడా సీఎం రేవంత్ రెడ్డి.. సరిపోడంటూ ఎమ్మెల్యే కేటీఆర్ (KTR) చేసిన కామెంట్స్ సంచలనంగా మారాయి.. ఈ వ్యాఖ్యలపై మంత్రి కోమటిరెడ్డి వెంకట్ రెడ్డి (Komati Reddy Venkat Reddy) విరుచుకుపడ్డారు.. కాలి గోటికి సరిపోనివాడే మిమ్మల్ని ఫామ్ హౌస్ కు పంపించాడని.. ఆ విషయాన్ని గుర్తించక మీరేదో రాష్ట్రంలో ప్రత్యేకమైన వ్యక్తులుగా భావించుకోవడం అవివేకం అని విమర్శించారు..
వాస్తవానికి దూరంగా రాజకీయాలు చేస్తున్న మీరు.. మీ ప్రభుత్వ హయాంలో ప్రవర్తించిన విధానాన్ని గుర్తుకు తెచ్చుకోవాలని సూచించారు.. యాదాద్రి భువనగిరి జిల్లా బీబీ నగర్ మండలంలోని మహాదేవపూర్ లో వేణుగోపాలస్వామిని దర్శించుకుని ప్రత్యేక పూజలు నిర్వహించిన వెంకట్ రెడ్డి.. అనంతరం మీడియాతో మాట్లాడారు.. రేవంత్ రెడ్డి ప్రమాణ స్వీకారం చేసిన మూడవరోజే మూసి ప్రక్షాళన గురించి మాట్లాడారని.. మీరెప్పుడైనా దాని గురించి ఆలోచించారా అని ప్రశ్నించారు.
కేటీఆర్ మీ బాషా మార్చుకోవాలని, ముఖ్యమంత్రిని గౌరవించడం నేర్చుకోవాలని మంత్రి హితవు పలికారు. రేవంత్ రెడ్డి ఇండిపెండెంట్ జెడ్పీటీసీ నుంచి సీఎం అయిన వ్యక్తి అని.. నువ్వు కేసీఆర్ పేరుతో దొంగ మాటలు చెప్పి ఎమ్మెల్యే అయ్యావని వెంకట్ రెడ్డి విమర్శించారు. రేవంత్ రెడ్డి చిటికెన వేలుకు కూడా సరిపోవంటూ కేటీఆర్ పై ధ్వజమెత్తారు. నీ అహంకారంతోనే బీఆర్ఎస్ ప్రజల్లో చులకనగా మారిందని ఎద్దేవా చేశారు..
సిరిసిల్లను అభివృద్ధి చేయడానికి సిద్ధంగా ఉన్నామని తెలిపారు. బతుకమ్మ చీరలకు ఆర్డర్ ఇవ్వాలని మంత్రి తుమ్మల ఆదేశాలిచ్చారని గుర్తుచేశారు. పదేళ్లు అధికారంలో ఉన్న బీఆర్ఎస్.. జ్యోతి రావు ఫూలేను ఎప్పుడైనా గుర్తు చేసిందా? అని ప్రశ్నించారు. వెయ్యి ఎలుకలు తిని కూడా తీర్థ యాత్ర చేసిన చందంగా కేటీఆర్ మాట్లాడిన మాటలు ఉన్నాయంటూ విమర్శించారు.
కరీంనగర్, ప్రభుత్వ మహిళా డిగ్రీ కాలేజీలో ఎంపీ లాడ్స్ నిధుల నుంచి రూ.10 లక్షల వ్యయంతో నిర్మించిన సోలార్ పవర్ ప్లాంట్ ను పరిశీలించిన బండి సంజయ్.. అనంతరం బీఆర్ఎస్ పై మండిపడ్డారు. కేటీఆర్ ని, బీఆర్ఎస్ ని పట్టించుకునే పరిస్థితి రాష్ట్రంలో లేదని ఆరోపించారు సర్పంచ్ లు చేసిన అభివృద్ధి పనుల కొరకు ఒక్క రూపాయి కూడా . గత ప్రభుత్వం ఇవ్వలేదని.. అప్పుల బాధ తట్టుకోలేక సర్పంచ్ లు ఆత్మహత్య చేసుకొనే పరిస్థితి వచ్చిందని మండిపడ్డారు.
నర్సారెడ్డి మృతి పట్ల పలువురు రాజకీయ నాయకులు సంతాపం వ్యక్తం చేశారు. తెలంగాణ సీఎం రేవంత్ రెడ్డి సైతం ఆయన మృతిపట్ల సంతాపం తెలియచేసారు. కుటుంబ సభ్యులకు ప్రగాఢ సానుభూతిని తెలియజేశారు. నిర్మల్ (Nirmal) జిల్లా, మలక్ చించోలి గ్రామానికి చెందిన నర్సారెడ్డి కాంగ్రెస్లో అంచెలచెంలుగా ఎదిగి.. ఉమ్మడి ఆంధ్రప్రదేశ్ పీసీసీ చీఫ్గా పని చేశారు. జలగం వెంగళరావు కేబినెట్లో రెవెన్యూ మంత్రిగా ఉన్నారు.. ఎంపీగా, ఎమ్మెల్యేగా, ఎమ్మెల్సీగా వివిధ హోదాల్లో సేవలు అందించారు.