Telangana

పార్టీలు మారిన ప్రభుత్వాలు మారిన రాజకీయ విమర్శలు మాత్రం ఆగవని ప్రస్తుతం నేతలు నిరూపిస్తున్నారు.. కాగా నేడు భోగి వేడుకల్లో పాల్గొన్న బండి సంజయ్.. కాంగ్రెస్ ప్రభుత్వాన్ని కూల్చాలనే కుట్ర జరుగుతోన్నట్టు ఆరోపణలు చేసిన విషయం తెలిసిందే.. అయితే ఈ అంశంపై రవాణా, బీసీ సంక్షేమ శాఖా మంత్రి పొన్నం ప్రభాకర్ (Ponnam Prabhakar) ఫైర్ అయ్యారు.

బండి‌ సంజయ్ (Bandi Sanjay) మాట్లాడిన‌ మాటలు జ్యోతిషం చెప్పినట్లుగా ఉందని ఎద్దేవా చేశారు.. బీఆర్ఎస్ (BRS)కు ప్రభుత్వాన్ని కూలగొట్టే ధైర్యం లేదని మండిపడ్డ పొన్నం ప్రభాకర్.. కాంగ్రెస్ (Congress) ఎమ్మెల్యేలని ముట్టుకునే ధైర్యం ఎవరూ చేయరన్నారు. మతం పేరుతో రాజకీయాలు చేసే బీజేపీ.. అవినీతి చేయందే బ్రతకలేమన్నట్టు వ్యవహరిస్తున్న బీఆర్ఎస్ రెండు ఒక్కటే అని ఎన్నో సార్లు నిరూపించబడినట్టు పేర్కొన్నారు.

అయోధ్య రామాలయం ప్రారంభం ముహూర్తంపై జగద్గురువులు అభ్యంతరం వ్యక్తం చేస్తున్న ముందుకు వెళ్ళడం అరిష్టం కాదా? అని ఆగ్రహం వ్యక్తం చేశారు. వైఫల్యం చెందిన ఎంపీలలో బండి‌సంజయ్ నంబర్ వన్ అని విమర్శించారు.. కరీంనగర్ కి కేసీఆర్, వినోద్ కుమార్, బండి సంజయ్ ఎంపీగా ఏం అభివృద్ధి చేసారో, నేను ఎంపీగా ఏం చేసానో చర్చకి వస్తారా? అని సవాల్ విసిరారు.

కేటీఆర్ అధికారం కోల్పోయిన అసహనంతో ఇష్టం ఉన్నట్టు ప్రవర్తిస్తున్నారని, సీఎం పదవి కన్నా కేసీఆర్ పవర్ పుల్ అనే భ్రమలో బీఆర్ఎస్ నేతలు ఉన్నట్టు ఆరోపణలు చేశారు. సీఎం పదవి ఎడమ కాలు చెప్పుతో సమానం అని తండ్రి అంటే కొడుకు సీఎం పదం కంటే కేసీఆర్ పదం పవర్ బ్యాంక్ అనడం ఆశ్చర్యంగా ఉందని పొన్నం విమర్శించారు. జీవితంలో ఎప్పుడూ కూడ బీజేపీ (BJP).. కాంగ్రెస్ కలిసి పని చేయవని స్పష్టం చేశారు.

మరోవైపు రాష్ట్రంలో జిల్లాల పునర్విభజన అశాస్త్రీయంగా జరిగిందన్నారు. ప్రజల అభిప్రాయాల మేరకు మరోసారి జిల్లాల, నియోజకవర్గాల మండలాల పునర్విభజనపై ప్రభుత్వం ఆలోచన చేస్తుందని తెలిపారు. దేశ సంపద కాంగ్రెస్ సృష్టిస్తే, సంస్థలు ఏర్పాటు చేస్తే బీజేపీ అమ్ముతోందని ఆరోపణలు చేశారు. త్వరలోనే ఆర్టీసి ప్రయాణీకుల సమస్యలు పరిష్కారం అవుతాయని తెలిపిన పొన్నం ప్రభాకర్.. భూ కబ్జాదారులపై ఉక్కుపాదం మోపుతామని హెచ్చరించారు. అన్యాయానికి గురైన వారు ఫిర్యాదు చేస్తే చర్యలు తీసుకొంటామని వెల్లడించారు.

రాష్ట్రంలో కాంగ్రెస్‌ (Congress) సర్కార్‌ను కూల్చేందుకు కుట్రలు జరుగుతున్నాయనే ఆరోపణలు ఊపందుకొన్నాయి.. ఈ విషయంలో రేవంత్ రెడ్డి (Revanth Reddy) సైతం కీలక వ్యాఖ్యలు చేయడం హాట్ టాపిక్ గా మారింది. అయితే బీఆర్ఎస్ వ్యవహరిస్తున్న తీరు.. ఆ పార్టీ నేతల మాటలు రాష్ట్ర రాజకీయాలను షేక్ చేస్తున్నట్టు అనుకొంటున్నారు.. ఈ క్రమంలో కరీంనగర్ ఎంపీ బండి సంజయ్ కీలక వ్యాఖ్యలు చేశారు..

నేడు భోగి వేడుకల్లో పాల్గొన్న అనంతరం మీడియాతో మాట్లాడిన బండి సంజయ్ (Bandi Sanjay).. బీఆర్ఎస్ (BRS) రాజకీయ కుట్రలకు ప్లాన్ చేస్తోందని ఆరోపించారు.. కేసీఆర్‌ (KCR)తో కొంతమంది కాంగ్రెస్ ఎమ్మెల్యేలు టచ్‌లో ఉన్నారని బాంబ్ పేల్చారు. అధికారం కోల్పోయి తీవ్ర అసహనంలో ఉన్న కేసీఆర్.. కాంగ్రెస్ ఎమ్మెల్యేలను కొనుగోలు చేసేందుకు తీవ్రంగా ప్రయత్నిస్తున్నారని షాకిచ్చారు..

తెలంగాణ (Telangana)లో పార్లమెంట్ ఎన్నికల తర్వాత ఏవైనా జరుగొచ్చని బండి జోష్యం చెప్పారు.. ప్రజాస్వామ్యంపై నమ్మకం, గౌరవం లేవని కేసీఆర్‌.. కుట్రలకు, కుతంత్రాలకు కేరాఫ్ అడ్రస్ అని అభిప్రాయపడ్డారు. కాంగ్రెస్ ప్రభుత్వం కేసీఆర్ కదలికలపై నిఘా పెట్టాలని సూచించారు. వెంటనే ముఖ్యమంత్రి రేవంత్ రెడ్డి ఇంటెలిజెన్స్‌ను అప్రమత్తం చేయాలని హెచ్చరించారు. బీఆర్ఎస్, బీజేపీ (BJP) ఒక్కటే అని వస్తున్న ఆరోపణలు ఖండించారు..

అయోధ్య రామమందిర ప్రారంభోత్సవ కార్యక్రమానికి బీజేపీతో ఎలాంటి సంబంధం లేదని ఈ అంశాన్ని రాజకీయం చేయడం సరికాదని సూచించారు.. యాదాద్రి పున:నిర్మాణం ముసుగులో భారీ రియల్ ఏస్టేట్ వ్యాపారం జరిగిందని ఆరోపించిన బండి సంజయ్.. కేసీఆర్‌ చేసినట్టు అయోధ్యలో ప్రధాని మోడీ భూములు కొనుగోలు చేయలేదని ఎద్దేవా చేశారు. అవినీతి మరక లేని మోడీ.. నిండా అవినీతిలో మునిగిన కేసీఆర్ వీరిద్దరికి అసలు పోలిక లేదని పేర్కొన్నారు..

కాంగ్రెస్ ప్రభుత్వంపై బీఆర్ఎస్ (BRS) నేతలు అక్కసు వెళ్లగక్కుతున్నారనే ఆరోపణలు వినిపిస్తున్న విషయం తెలిసిందే.. ఈ క్రమంలో కేటీఆర్ (KTR).. హరీష్ రావు వరుసగా రేవంత్ (Revanth) సర్కార్ టార్గెట్ గా విమర్శలు చేయడం రాష్ట్రంలో చర్చాంశనీయంగా మారింది. ఇప్పటికే మాజీ మంత్రి హరీష్ రావు సమయం చిక్కినప్పుడల్లా తన పంచులతో కాంగ్రెస్ ప్రభుత్వాన్ని ఇరుకున పడేసే ప్రయత్నాలు చేస్తున్నట్టు టాక్ వినిపిస్తోంది.

ఈ నేపథ్యంలో మరోసారి రేవంత్ సర్కార్ పై కీలక వ్యాఖ్యలు చేశారు.. భోగి పండుగ సందర్భంగా సిద్దిపేట మున్సిపల్ కార్మికులను సన్మానించిన హరీష్ రావు.. మీడియాతో ముచ్చటించారు. ప్రజలు ఎక్కడినుంచో సిద్దిపేట అభివృద్ధిని చూడటానికి వస్తున్నారని అన్నారు. ఇప్పటి వరకు సిద్దిపేట జిల్లాకు 22 అవార్డులు వచ్చాయని గుర్తు చేశారు. ప్రస్తుతం రాష్ట్ర ప్రజల్లో అద్భుతమైన గుణాత్మక మార్పు కనిపిస్తోందని తెలిపిన ఆయన.. ఇంకా పదిశాతం జనాల్లో మార్పు రావాల్సి ఉందని అభిప్రాయపడ్డారు.

మరోవైపు రాష్ట్రానికి అవార్డు వస్తే కనీసం ముఖ్యమంత్రి, మంత్రులు శుభాకాంక్షలు కూడా చెప్పలేదని హరీష్ రావు (Harish Rao) అసహనం వ్యక్తం చేశారు. ప్రజలు వీరి తీరును గమనిస్తున్నారన్నారు. పల్లెలన్నీ బీఆర్ఎస్ ప్రభుత్వంలో అభివృద్ధి చెందాయని, కేసీఆర్ (KCR) ముందు చూపుతో గ్రామాలన్నీ కళకళలాడుతున్నాయని వివరించారు. నెలరోజుల్లోనే కాంగ్రెస్ (Congress) ప్రభుత్వంపై ప్రజలకు అసహనం కలుగుతోందని ఆరోపించారు.

కేసీఆర్ లాంటి గొప్ప నాయకుడ్ని చేజేతులా ఓడించుకున్నామన్న బాధ ప్రజల్లో కనిపిస్తోందని కీలక వ్యాఖ్యలు చేసిన హరీష్ రావు మాటలకు.. ప్రజల నాయకుడిని ఎవరు ఓడించలేరని.. ఒక వేళ ఓడి పోయారంటే.. అతడు ప్రజల గుండెల్లో లేరనే నిజాన్ని గమనిస్తే మంచిదని కాంగ్రెస్ నేతలు కౌంటర్ వేస్తున్నారు.. ప్రజల మనిషి ప్రజల్లో ఉంటారు తప్పితే.. ప్రగతి భవన్ లో.. ఫామ్ హౌస్ లో ఉండరని సెటైర్లు విసిరారు..

తెలంగాణ (Telangana) అసెంబ్లీ ఎన్నికల్లో ఊహించని ఫలితాలతో బీఆర్ఎస్ (BRS) కాస్త డీలా పడ్డా, లోక్ సభ ఎన్నికల్లో సత్తా చూపించాలని పార్టీ శ్రేణులు పట్టుబట్టినట్టు తెలుస్తోంది. నాయకులు, కార్యకర్తల్లో నూతనోత్సాహం, ఆత్మస్థైర్యం నింపేలా ఇప్పటికే పలు కార్యక్రమాలు జరుగుతున్నాయి. లోక్ సభ నియోజకవర్గాల వారీగా సన్నాహక సమావేశాలతో కేటీఆర్ (KTR) పార్టీ కేడర్ ని ఉత్సాహపరిచే పనిలో ఉన్నట్టు మాట్లాడుకొంటున్నారు..

ఇంతవరకి బాగానే ఉన్న ఓటమిని అంగీకరించే స్థితిలో కేటీఆర్ లేనట్టు ఆయన మాటలు వింటున్న వారు అనుకొంటున్నారు. ఓటమికి కారణాలు విశ్లేషించుకోవడానికీ, వాస్తవాలు అంగీకరించడానికి ఆయన సిద్ధంగా లేరని పరిశీలకులు సైతం విశ్లేషిస్తున్నారు. ఓటమికి ఇతర కారణాలు వెతుకుతోన్నారు తప్పితే.. అసలు నిజాన్ని బయటకి వెల్లడించలేక పోతున్నారనే అపవాదు మూట గట్టుకొంటున్నారు.. బీఆర్ఎస్ అంటే కల్వకుంట్ల ఫ్యామిలీ అనేలా పాలన చేసి ప్రజల్లో చులకన అయిన విషయాన్ని మరచిపోతున్నట్టు విమర్శిస్తున్నారు..

కేసీఆర్ (KCR) ఇచ్చిన మాట తప్పితే మెడ కోసుకొంటారని పలు సందర్భాలలో వెల్లడించిన బిగ్ బాస్.. ప్రజలకు ఇచ్చిన హామీలు ఎన్ని తప్పలేదు.. అలాగైతే ఎన్ని సార్లు మెడకోసుకొంటారని ప్రశ్నలు వినిపిస్తున్నాయి.. ఇతర పాలనపై తీవ్ర స్థాయిలో విమర్శలు చేసే బీఆర్ఎస్ నేతలు.. తమ పాలనపై ఒక్క సారి ఆలోచన చేసుకొంటే.. రాష్ట్ర ప్రజలకు ఎంత దూరంలో ఉన్నారో అర్థం అవుతోందనే ఆరోపణలు వినిపిస్తున్నాయి.. నిజాం క్రూర పాలనను మరిపించేలా దొరల పాలన సాగిందనేలా ప్రజల్లో వ్యతిరేకత మొదలైందన్న విషయాన్ని అంగీకరిస్తే.. నాలుక ఇన్ని మాటలు మాట్లాడదని అనుకొంటున్నారు..

దీనికి తోడు.. మిగులులో ఉన్న రాష్ట్రాన్ని పూర్తిగా అప్పులపాలు చేసి.. అవినీతి మచ్చను అంటించుకొన్న బీఆర్ఎస్ తీరు..తెలివి ఉన్న ప్రతి తెలంగాణ బిడ్డను ఆలోచించేలా చేసిందని అనుకొంటున్నారు.. ప్రశ్నిస్తే కేసులు.. బాధలు చెప్పుకొందామని అనుకొంటే.. చిక్కరు దొరకరు.. ఎన్నికల్లో కనిపించే ముఖాలు.. మళ్ళీ ఎలక్షన్స్ వరకు కనిపించవు.. మొత్తానికి రాష్ట్ర ప్రజల స్వేచ్ఛను హరించి కల్వకుంట్ల కుటుంబం మాత్రం స్వేచ్ఛగా దోపిడి చేసిందనే ఆరోపణలు ఉదరగొడుతోన్న ఈ నిజాన్ని ఒప్పుకునే ధైర్యం చిన్న బాస్ చేయకపోవడం ఆశ్చర్యాన్ని కలిగిస్తోందని అనుకొంటున్నారు..

మరోవైపు కాంగ్రెస్ (Congress) ఆరు గ్యారంటీల అమలుకు వంద రోజుల వ్యవధి తీసుకుంటామని ఎన్నికల సమయంలోనే స్పష్టంగా చెప్పింది. ఆ గడువు ముగియకుండానే వాగ్దానాల అమలులో విఫలం అంటూ నిందలు వేస్తే.. తొమ్మిదేళ్లు అధికారంలో ఉండి బీఆర్ఎస్ అమలు చేయని చాంతాడంత వాగ్దానాల జాబితాను ప్రజలు చదువుతోన్నారు. ఇలా అహంకార పూరితంగా.. నియంతృత్వ ధోరణిలో.. బీఆర్ఎస్ వైఫ్యల్యాల పాలన రాష్ట్ర ప్రజలకు గుణపాఠం నేర్పిందని అనుకొంటున్నారు..