Viral

రాజకీయాల్లో ప్రత్యర్థులకు ఏ చిన్న అవకాశం దొరికిన అధికార పార్టీపై దుమ్మెత్తి పోయడం తరచుగా కనిపిస్తున్న అంశం.. ఈ క్రమంలో తాజాగా డిప్యూటీ సీఎం భట్టి విక్రమార్క (Bhatti Vikramarka)కు సంబంధించిన ఒక విషయం సోషల్ మీడియాలో తెగ వైరల్ అవుతోంది. బీఆర్ఎస్ (BRS) నేతలు అయితే ఈ విషయంలో కోతికి కొబ్బరి చిప్ప దొరికితే ఊరంతా చూపించినట్లు ప్రవర్తిస్తున్నారనే విమర్శలు ఎదుర్కొంటున్నారు.

కాంగ్రెస్ (Congress) నేతలు సైతం బీఆర్ఎస్ కు గట్టి కౌంటర్ ఇస్తున్నారు.. మీరైతే దళితులను దగ్గరికి రానివ్వలేదన్న విషయాన్ని మరిచారా? కొప్పుల ఈశ్వర్ ను పది మందిలో అవమానించడం రాష్ట్రం మొత్తం చూసిందని చురకలు అంటించారు. దేవుని సన్నిధిలో జరిగిన విషయానికి రాజకీయ రంగులు అద్ది.. కులం అనే కుంపటిని పెట్టడం మానుకొండని సూచిస్తున్నారు. ఇక అసలు విషయం ఏంటంటే..

యాదాద్రిలో సీఎం రేవంత్ రెడ్డి (Revanth Reddy) పర్యటన సందర్భంగా సీఎం దంపతులు, ఉత్తమ్, కోమటిరెడ్డి బెంచ్‌పై కూర్చోగా డిప్యూటీ సీఎం భట్టి స్టూల్‌పై కూర్చున్నారు. దీంతో బీఆర్ఎస్ నేతలు సహా ఇతర పార్టీ ముఖ్య లీడర్లు భట్టిని అవమానించారని కాంగ్రెస్ పై ఫైర్ అవుతూ.. విమర్శలు ఎక్కుపెట్టారు.. అయితే తాజాగా యాదాద్రి వివాదంపై భట్టి విక్రమార్క స్పందించారు. తాను కావాలనే చిన్న స్టూల్ మీద కూర్చున్నానని క్లారిటీ ఇచ్చారు.

దేవునిపై భక్తి భావంతోనే అలా చేశానని వెల్లడించారు. ప్రజలకు ఇచ్చిన హామీలను నెరవేరుస్తున్నందుకు మొక్కు చెల్లించా అని తెలిపారు.. ఆ సంఘటనను చూసిన కొందరు తనకు అవమానం జరిగిందని భావించారని.. తనను ఎవరూ అవమానించలేదని భట్టి విక్రమార్కపేర్కొన్నారు.. ఏదో ఆశించి కొందరు కావాలనే ఆ ఫోటోతో ట్రోల్స్ చేస్తున్నారని ప్రతిపక్షాలపై ఫైర్ అయ్యారు.

తాను డిప్యూటీ సీఎంగా రాష్ట్రాన్ని శాసిస్తున్నా అని తెలిపిన భట్టి విక్రమార్క.. మూడు శాఖలతో ప్రభుత్వంలో కీలక పాత్ర పోషిస్తున్నానని అన్నారు. తాను ఎవరికీ తలవంచనని ఎవరో పక్కన కూర్చోబెడితే కూర్చునే వాడిని కాదన్నారు. ఆత్మగౌరవాన్ని చంపుకునే మనస్తత్వం తనది కాదని తేల్చి చెప్పారు.

తెలంగాణలో కాంగ్రెస్ అధికారం చేపట్టిన తర్వాత.. ప్రజలకు అనుకూలంగా పాలన చేస్తుందనే టాక్ వినిపిస్తోంది. అసెంబ్లీ ఎన్నికల్లో ఇచ్చిన హామీలను రేవంత్ సర్కార్ ఒక్కొక్కటిగా అమలు చేస్తుంది. ఆరు గ్యారంటీలలో భాగంగా మొదట మహాలక్ష్మీ పథకం పేరుతో.. మహిళలకు ఉచిత బస్సు ప్రయాణం తీసుకొచ్చారు. ఈ పథకం కింద తెలంగాణ రాష్ట్రం మొత్తం.. మహిళలు, ట్రాన్స్ జెండర్స్, అమ్మాయిలు ఉచితంగా ప్రయాణం చేసే సౌకర్యాన్ని కల్పించారు.

అయితే ఈ పథకం మీద ఎన్ని విమర్శలు వస్తున్న ప్రభుత్వం ఐ డోంట్ కేర్ అంటూ ముందుకు వెళ్తుంది. అదీగాక ఇప్పటికే ఆర్టీసీకి మహాలక్ష్మీ పథకం కింద భారీగా ఆదాయం వస్తుందని సమాచారం.. ఇదిలా ఉండగా తెలంగాణ సర్కార్ తీసుకొచ్చిన ఉచిత బస్సు ప్రయాణానికి సంబంధించి ఇటీవల జరిగిన ఓ పోటీ పరీక్షల్లో ప్రశ్న వచ్చింది. ఈ ప్రశ్నను టీఎస్‌ఆర్టీసీ ఎండీ సజ్జనార్ (TSRTC MD Sajjanar) తన ట్విట్టర్ ఖాతాలో పోస్ట్‌ చేశారు.

అలాగే ప్రశ్నా పత్రంను కూడా షేర్ చేశాడు. దీంతో నెటిజన్లు ఆన్సర్ చెప్తూనే ఇంకా వేరే ప్రశ్నలు కూడా అడగొచ్చు కదా సార్ అంటూ స్పందిస్తున్నారు.. ఇదిలా ఉండగా కాంగ్రెస్ (Congress) ఎన్నికల్లో ఇచ్చిన హామీలను ఒక్కొక్కటిగా నెరవేరుస్తూ వస్తోంది. అందులో మొదట అమలు అయ్యింది మాత్రం మహిళలకు ఉచిత బస్సు ప్రయాణం.

తెలంగాణ (Telangana) సీఎంగా రేవంత్ రెడ్డి (CM Revanth Reddy) బాధ్యతలు స్వీకరించిన తర్వాతి రోజే ఈ ఉచిత బస్సు ప్రయాణ పథకాన్ని ప్రారంభించారు. కాగా గడిచిన మూడు నెలలుగా పెద్ద సంఖ్యలో మహిళలు ఉచిత బస్సు ప్రయాణాన్ని వినియోగించుకుంటున్నారు. మహిళలతో బస్సులు కిక్కిరిసి పోతున్నాయి.

అసెంబ్లీ ఎన్నికల్లో ప్రతిపక్షాలకు రీ సౌండ్ వచ్చేలా విజయాన్ని అందుకొంటామని భావించిన బీఆర్ఎస్ (BRS).. ఓటమి తర్వాత ఏ సౌండ్ లేకుండా అయిపోయింది. దీంతో గత కొద్దికాలంగా పార్టీలో సందిగ్దత నెలకొంది.. నాయకులు, కార్యకర్తలు ఎక్కడికక్కడ స్తబ్దుగా ఉండిపోయారు. పార్టీ పిలుపిచ్చిన కార్యక్రమంలో కేడర్ జోష్‌గా పాల్గొనే పరిస్థితి కూడా లేకుండా పోయింది.

మరోవైపు పార్టీ అధికారం కోల్పోయిన తర్వాత కార్యకర్తలు, నాయకుల్లో నైరాశ్యం నెలకొన్నట్లు ప్రచారం జరుగుతోంది.. అదీగాక ఒక్కొక్కరిగా పార్టీని వీడుతున్నారు. కారు దిగి హస్తం గూటికి చేరుతున్నారు. దాంతో పార్టీలో ఎవరు ఉంటున్నారో.. ఎవరు కారు దిగి చేయిస్తారో తెలియని పరిస్థితి నెలకొంది. ఇదే సమయంలో ప్రభుత్వాన్ని ఇరుకున పెట్టె ప్రయత్నాలు బీఆర్ఎస్ చేస్తున్నట్లు ఆరోపణలు తీవ్రంగా ప్రచారం జరుగుతున్నాయి.

అయితే కాంగ్రెస్ (Congress) కూడా ప్రతిగా స్పందించడం కనిపిస్తోంది. ఈ క్రమంలో ట్విట్టర్ వేదికగా కాంగ్రెస్, బీఆర్ఎస్ వార్ పీక్స్‌కు చేరింది. ఎప్పటికప్పుడు రెండు పార్టీలు ఒకరిపై ఒకరు కౌంటర్లు వేసుకొంటున్నారు. తాజాగా ఆదివారం టీ కాంగ్రెస్ కేసీఆర్ (KCR) ఫ్యామిలీపై సెటైరికల్ ట్వీట్ చేసింది. కారు చౌక మాటలు మాట్లాడి.. కాస్ట్లిగా దోచిన ఈ కల్వకుంట్ల గ్యాంగ్ కథ ఎలా ఉంటదంటే.. చేసింది ఏమి లేకున్నా.. మంచి పనులు చేస్తే అవి మేము చేసినవే అనుడు..

వాళ్ళ చెడ్డ పనుల్లన్ని మంది నెత్తులకు రుద్దుడు…! మీరు మంచి పనులు చేసుంటే ప్రజలే మిమ్ముల నెత్తిన పెట్టుకుందురు.. ఇలా నెత్తి గొరిగి పంపకుందురు..!! ఇకనైనా గా చౌకబారు మాటలు, చౌకబారు వేషాలు మాని ఒక చక్కని ప్రతిపక్షంగా ఉండనికే ప్రయత్నించండి… లేదంటే ఆ హోదా కూడా గల్లంతై… గల్లికీ పరిమితం కాగల్లరు..!! జర భద్రం…!!’ అని ట్వీట్ చేసింది

ఈ ట్వీట్‌కు కారు పక్కన కేసీఆర్, హరీష్ రావు (Harish Rao), కేటీఆర్ (KTR), సంతోష్ రావుతో పాటు కారుపై కూర్చున్న కవిత (Kavitha) ఫోటోను జత చేసింది. దీనికి కారు చౌక గ్యాంగ్.. దోపిడీ చాలా కాస్ట్లీ గురు..!! అని క్యాప్షన్ పెట్టింది.