Author

sai krishna

అది ఓ డబుల్ ఇస్మార్ట్ స్కూల్ …!

by sai krishna August 3, 2023

written by sai krishna

ప్రపంచంలోరక రకాల స్కూల్స్ ఉన్నాయి.కానీ కొన్ని స్కూల్స్ చాలా ప్రత్యేకమైనవి. అంటే మా ఉద్దేశం.. ప్రత్యేక అవసరాలు గల పిల్లలకు సంబంధించిన స్కూల్స్ కాదు..! ప్రత్యేకమైన పిల్లలు చదివే స్కూల్. ఏవిటా ప్రత్యేకత..ఎందుకంత ప్రత్యేకత అనుకుంటున్నారా.!?

అది ఒక ట్విన్స్ స్కూల్. అంటే..ఆ స్కూల్లో చదివే పిల్లలంతా కవలలే అన్నమాట.!ఆశ్చర్యంగా ఉంది కదా..! ఇంకో వండర్ విషయం ఏంటంటే.. ట్రిపుల్స్ కూడా ఉన్నారు.ఈ కాన్సెప్ట్యువల్ స్కూల్.. ఇండియాలో ఉంది. పంజాబ్ జలంధర్ లోమూడు ట్రిపుల్స్..ఆరు ట్విన్స్ లా నడిచిపోతోంది.

సాధారణంగానే ఒకింట్లో ట్విన్స్ పుడితేనే స్పెషల్. అలాంటిది..ఒక స్కూల్ లో 42 మంది ట్విన్స్ అంటే ఇంకెలా ఉంటుందో ఇంకెంతలా ఉంటుందో ఇమాజిన్ చేసుకోండి.జలంధర్ లోని పోలీస్ డీఏవీ స్కూల్లో ఈ ప్రత్యేకతకు వేదికైంది.ఇక్కడ ఎలిమెంట్రీ నుంచి పన్నెండో తరగతి దాకా చదివే కవలలు ఉన్నారు.

క్లాస్ లో ఒక జత కవలు ఉంటేనే..ఎవరికి ఏ వర్క్ ఇచ్చారో..అనేది టీచర్సే కన్ఫ్యూజ్ అయిపోతారు. అలాంటిది అంత మంది ట్విన్స్ తో అంటే అయ్యేపనేనా అనే డౌట్ వస్తోంది కదా..!?

అలాంటి ఇబ్బందులేవీ తాము పడటం లేదంటున్నారు టీచర్స్..ఎంత కవలలైనా కూడా వారి రూపాలు ఒకేలా ఉండొచ్చు గాక, వాళ్ల భావోద్వేగ పరిమితులు, పరిస్థితులు వేరేగా ఉంటాయి.అందువల్ల వారికి చదువు చెప్పడం పెద్ద కష్టం కాదంటున్నారు టీచర్లు.వాళ్లు ఆనందంగా చెప్పే మాటేంటంటే అంత మంది కవలలకు పాఠాలు చెప్పడం మా అదృష్టం అంటూ మురిసిపోతూ చెబుతున్నారు ఆ స్కూల్ టీచర్స్..!

August 3, 2023 0 comment

మాకూ మద్యం కావాలి…ధర్నాకు దిగిన గ్రామం..! ఎక్కడంటే..?

by sai krishna August 3, 2023

written by sai krishna

తాగుడుకు బానిసై సంపాదించిన డబ్బులు సరిపోక అందినకాడికి అప్పులు చేసే మందు బాబులు ఉన్నారు. మందు షాపులు బందైతే చాలు తప్ప తమ కుటుంబాలు బాగుపడవని ఓ స్థాయి నమ్మకానికి వచ్చేశారు మందుబాధిత కుటుంబాల మహిళలూ ఉన్నారు.

ధర్నాలు చేసైనా మద్యం షాపులు తెరవకుండా చెయ్యాలనే ఆవేశం ఆ ఆడవాళ్లది. కానీ ఒక ఊరిలో వీటికి భిన్నంగా.. మద్యం షాపులు కావాలంటూ పురుషులతో పాటూ మహిళా మణులు కూడా ధర్నా చేసిన ఘటన సంచలనంగా మారింది.

తమ గ్రామంలో కూడా మద్యం దుకాణం ఏర్పాటు చేయాలంటూ గ్రామస్థులు ఏకంగా తీర్మానమే చేశారు. ఈ వింత డిమాండ్ మరెవరిదో కాదు..వర్షాలతో అతలాకుతలం అయిన ములుగు జిల్లాలోని మంగపేట మండలంలోని మల్లూరు, వాగొడ్డుగూడెం గ్రామాల ప్రజలది..!

మంగళవారం నిర్వహించిన గ్రామ సభలో ఆయా గ్రామస్థులు పాల్గొన్నారు. ఈ సభలో.. ఆయా గ్రామాల్లో మద్యం షాపులు ఏర్పాటు అనే అంశానికి ఆమోదం తెలుపుతున్నట్లు చేతులు పైకెత్తి వారి నిర్ణయాన్ని తెలియజేశారు.

అయితే హైకోర్టు స్టే విధించడంతో గత ఐదేళ్లుగా మండలంలో మద్యం దుకాణాలు లేవు. ఈ విషయాన్ని ఉన్నతాధికారులకు కూడా విన్నవించనున్నారు. ఇక.. తెలంగాణలో మద్యంపై ప్రభుత్వానికి మంచి ఆదాయం వస్తోంది.

మద్యం ప్రియులను నిరాశపరచకుండా ప్రభుత్వం కూడా వారికి తగ్గట్టుగా కీలక నిర్ణయాలు తీసుకుని ఖజానా నింపుకుంటోంది. ఇప్పటికే అన్ని గ్రామాల్లో మద్యం షాపుల ఏర్పాటుకు టెండర్లు పిలిచారు.

గౌడ కులస్తులతో పాటు ఎస్సీ, ఎస్సీలకు కూడా రిజర్వేషన్లు కల్పించిన సంగతి తెలిసిందే. ఈ క్రమంలోనే.. ఇప్పటి వరకు మద్య నిషేధం.. మద్యం షాపుల ఎత్తివేతపై తీర్మానాలు చేస్తే.. ఇప్పుడు వైన్ షాపు ఏర్పాటుకు తీర్మానాలు చేయడం ఆసక్తికరంగా మారింది.

August 3, 2023 0 comment

Entertainment

అదా శర్మకు సుస్తి చేసిందట…! ప్రస్తుతం ఎలా ఉందంటే..!?

by sai krishna August 3, 2023

written by sai krishna

హార్ట్ ఎటాక్ బ్యూట్ ఆదా శర్మ…చాలా కాలం తర్వాత కేరళ స్టోరితో అందరి అటెన్షన్నీ గ్రాబ్ చేసింది. నిజానికి అదాశర్మకి సరైన హిట్ పడి ఏళ్లు గడిచిపోయింది. నితిన్ సరసన హార్ట్ అటాక్ సినిమాలో నటించి తెలుగు తెరకు పరిచయం అయ్యింది.

ఈ సినిమా సక్సెస్ సాధించినా కూడా ఈ ముద్దుగుమ్మ మాత్రం టాలీవుడ్‌లో క్లిక్ కాలేకపోయింది. ఆ తరువాత సన్ ఆఫ్ సత్యమూర్తి మూవీ సహా పలు సినిమాల్లో నటించినప్పటికీ పెద్దగా ఆమె కెరీర్‌కు అయితే ఉపయోగపడలేదు.

ఇన్నాళ్లకు అదాశర్మ కెరీర్‌కు మాంచి టర్నింగ్ పాయింట్ వచ్చింది.‘ది కేరళ స్టోరీ’ మూవీ రూపంలో అదృష్టం తలుపు పట్టింది.ఈ సినిమా తర్వాత వరుస అవకాశాలు ఆదా శర్మ తలుపు తడుతున్నాయి.

ప్రస్తుతం ‘కమాండో’ సిరీస్‌ విడుదలకు సిద్ధమైంది. ప్రస్తుతం ఆదా దీనికి సంబంధించిన ప్రమోషన్స్‌లో చాలా బిజీగా ఉంది.అయితే బుధవారం ఈ చిత్ర ప్రమోషన్‌లో పాల్గొనేందుకు సిద్ధమవుతూ అస్వస్థతకు గురైంది.

కుటుంబ సభ్యులు ఆమెను చికిత్స నిమిత్తం ఆసుపత్రికి తరలించారు. డ‌యేరియాతో పాటు ఫుడ్ అల‌ర్జీతో అదా బాధపడుతోందని వైద్యులు తెలిపారు. ప్రస్తుతం అదా శ‌ర్మ వైద్యుల ప‌ర్యవేక్షణలో ఉందని.. ఆమె ఆరోగ్య ప‌రిస్ధితి నిల‌క‌డ‌గా ఉంద‌ని స‌మాచారం.

August 3, 2023 0 comment

Viral

అందం కోసం బ్యూటీ పార్లర్ కి వెళితే…పాపం..!

by sai krishna August 3, 2023

written by sai krishna

కొండనాలుకకి మందేస్తే ఉన్న నాలుక ఊడిపోయిందని..సామెత.! అందం కోసం పార్లర్ కి పోతే ఓ మహిళకి ఉన్నజుట్టు ఊడిపోయిందట. ఇకపై వస్తుందన్న నమ్మకం కూడా లేదట.

అందిన సమాచారం ప్రకారం…తనని మోడల్‌గా చూడాలనుకున్న భర్త కోరికను తీర్చడానికి ఓ మహిళ చేసిన ప్రయత్నం తల్లకిందులైంది. ఓల్డ్ సిటీకి చెందిన ఓ మహిళ అందంగా.. స్టైల్‌గా కనిపించడం కోసమని పొడుగ్గా ఉన్న జుట్టుని కట్ చేయించుకోవడానికి హైదరాబాద్ అబిడ్స్ లో ఒక బ్యూటీ పార్లర్‌కు వెళ్లింది.

అక్కడి బ్యూటీషియన్ అద్భుతమైన ఆయిల్ అంటూ జుట్టుగా ఏదో రాసింది.జుట్టు కట్ చేసింది. కట్ చేస్తే.. ఆయిల్ పెట్టిన కాసేపటికే జుట్టు ఊడిపోవడం స్టార్ట్ అయ్యింది. కాసేపటికే ఆమె నెత్తిమీదున్న జుట్టు మొత్తం ఊడిపోయి..కీమో థెరఫీ పేషెంట్ లా అయిపోయింది.

నెత్తిపై ఉన్న జుట్టు మొత్తం రాలిపోవడంతో భయపడి ఇంటికి పరుగులు తీసింది. పార్లర్ కి వెళ్లి తన భార్య బ్యూటీ క్వీన్ లా తిరుగొస్తుందనుకున్న భర్త కలలన్నీ మురిక్కాలువలో పడ్డ ఐస్ క్రీమ్ లా అయిపోయాయి.

భార్య నెత్తిన అందానికైన వెంట్రుక కూడా లేకపోవడం చూసిన ఆ భర్త షాక్‌ అయ్యాడు. నీ వల్లే ఇలా నా జుట్టుకీ గతిపట్టిందని భార్య భర్తను నిలదీసింది. నిన్నెవడు ఆ పార్లర్ కి వెళ్లమన్నాడని అతనన్నాడు..అప్పటి దాకా హాయిగా కలిసి కాపురం చేసుకున్న భార్యా భర్తలిద్దరు బద్ధ శత్రువుల్లా తగవులాడుకున్నారు.

చివరిగా భర్త నీ జుట్టున్న కాడ చెప్పుకో అని తెగేసి చెప్పాడు. పాపం కదా..! మనలో మన మాట..బట్టతల ఉన్న మగాణ్ణి ఒక కోణంలో మేధావిగా చూస్తుంది కానీ…జుట్టులేని ఆడదాన్ని ఎగతాళి చేస్తుందీ సమాజం.

భర్తపై అరిచినా జుట్టు రాదని తెలుసుకున్న బాధితురాలు నేలరాలిన జుట్టుతో పోలీస్ స్టేషన్ కి వెళ్లింది.బ్యూటీ పార్లర్‌పై ఫిర్యాదు చేసింది. పోలీసులు కేసు నమోదు చేసుకుని దర్యాప్తు చేస్తున్నారు. జుట్టు లేక చాలా మంది రకరకాలు నూనెలు వాడుతున్నారు.

ఈ మహిళ ఉన్న జుట్టుని కట్ చేయించు కోడానికి పార్లర్ కి వెళ్లింది. ఏదైనా ఉన్నప్పుడు కాదు, లేనప్పుడే ఆ బాధ తెలుస్తుంది.ఇప్పుడు ఆమె కంప్లైంట్ తో పోలీసులు తలలు పట్టుకున్నారు. థాంక్ గాడ్ వాళ్లకి జుట్టుంది.!

August 3, 2023 0 comment

Entertainment

‘బేబి’ ఫంక్షన్ కి చిరు పెట్టిన వాచ్ చాలా రిచ్ గురు..!

by sai krishna August 3, 2023

written by sai krishna

అభిమాన నటీనటులు ధరించే బట్టలు,షూలు,వాచ్ వగైరాలు..సోషల్ మీడియాలో ఆయా నటీనటుల కన్నా ఎక్కువ పాపులర్ అవుతున్నాయి. అవకాశం కుదిరిన వాళ్లు వీటిని కొనుగోలు చేస్తున్నారు కూడా…! ఉన్నపాటుగా సెలబ్రిటీ అయ్యే వీలుపడదు కాబట్టి.

వాళ్లు వేసుకున్న బట్టలో, వాచ్ లో వేసుకున్న తమలో తామే మురిసిపోతున్నారు. వాటితో ఫోటోలు దిగి సోషల్ మీడియాలో పోస్ట్ చేసుకుని..అయినంత మేరకు ఫ్రెండ్స్ లోనూ,తెలిసిన వాళ్లల్లోనూ సెలబ్రిటీ అయిపోతున్నారు.ఇటీవల చాలా మంది సెలెబ్రటీలు వేసుకున్న వస్తువుల ప్రత్యేకతలు, వాటి ధరలు ట్రెండ్ అవుతున్నాయి..

తాజాగా చిరంజీవి ధరించిన వాచ్ ధర వైరల్ గా మారుతుంది. బేబీ సినిమా జులై 14 రిలీజ్ అయి బిగ్గెస్ట్ బ్లాక్ బస్టర్ గా నిలిచింది. ఈ సినిమా సక్సెస్ సెలబ్రేషన్స్ లో భాగంగా చీఫ్ గెస్ట్ గా అటెండ్ అయిన చిరంజీవి తన మాటలతో అభిమానులను ఉల్లాస పరిచారు, బేబీటీమ్ కి మరింత హుషారు ఇచ్చారు. టీమ్ కూడా తక్కువేం హడావుడి చెయ్యలేదు..మెగాస్టార్ ని కుదిరినోళ్లు కుదిరినట్టుగా పొగడ్తలతో ఇచ్చిపడేశారు.

అది పక్కనబెడితే ఈ ఫంక్షన్ కి వచ్చిన చిరంజీవి..ధరించిన వాచ్ డీటెయిల్స్ వైరల్ గా మారాయి. మరీ ముఖ్యంగా చిరంజీవి పెట్టుకున్న వాచ్ అభిమానులకి తెగ నచ్చేసిందిట.ఈ క్రమంలోనే ఆ వాచ్ డీటెయిల్స్ వైరల్ చేస్తున్నారు అభిమానులు.

వాచ్ వివరాల ప్రకారం.. చిరంజీవి వాచ్ ఖరీదు దాదాపు 1.89 కోట్లుగా తెలుస్తోంది. అంటే ఓ లోబడ్జెట్ సినిమా తీసి ఓటీటీకి అమ్ముకోవచ్చు. స్థలం ఉంటే ఓ పది పదిహేను మంది పక్కాఇళ్లు కట్టుకోవచ్చు.

అయితే వాచ్ అంత ఖరీదు ఎందుకు వాచ్ గారి స్పెషల్ ఏంటని ఆరా తీస్తే.. ఇది ఎవరికి బడితే వాళ్లకి దొరకదట.దొరక్కపోవడం కూడా ఓ ప్రత్యేకతేమరి..! కోటీలో కొనుక్కునే దానికి ఎందుకు అంత విలువేం ఉంటుంది. ఎప్పుడో ఒకసారి మాత్రమే మార్కెట్ లో దొరుకుతుందట.

వాచ్ పేరు రోలెక్స్ కాస్మోగ్రాఫ్ డేటోనా ఐ ఆఫ్ ది టైగర్ వాచ్..చూశారా నోరు కూడా తిరగటం లేదు.! రేటు లాగే దీని పేరు కూడా అంత పొడవు . చాలా తక్కువ మంది సెలబ్రిటీస్ వద్ద ఉంటుంది.

ఈ వాచ్ ను చిరంజీవి ఇష్టంగా కొనుకున్నట్లు తెలుస్తుంది. ఈ వాచ్ ధర విన్న ఆయన ఫ్యాన్స్ షాక్ అవుతున్నారు.. అంతేకాదు చిరంజీవి రేంజ్ అది అంటూ సంబరపడుతున్నారు..! మెగాస్టారా మజాకా..! ప్రస్తుతం చిరు భోళా శంకర్ సినిమాలో నటిస్తున్నారు..

August 3, 2023 0 comment

Entertainment

ప్యాన్ వరల్డ్ ..వైపు ‘సలార్’ పరుగులు…రిలీజ్ డేట్ ఫిక్స్! ఎప్పుడంటే..!?

by sai krishna August 3, 2023

written by sai krishna

చాలా సిగ్గుపడే భీమవరం కుర్రాడతను..పెదనాన్న ప్రోత్సాహంతో సినిమాల్లోకి ఎంట్రీ ఇచ్చాడు. వచ్చిన కొత్తల్లో తన ఏజ్ గ్రూప్ హీరోల నటన, క్రేజ్ చూసి తనకు ఆ రేంజ్ గుర్పింపు వస్తుందా..!? ఆ ఫ్యాలోయింగ్ వచ్చే చాన్స్ తనుకుందా..?! ఇంతకీ నేను నటుణ్నేనా..?! అనే ఫీలింగ్ తో ఉండేవాడట.

అయితే రోజులు గడుస్తున్నాయ్…ఏవో సినిమాలు పడుతున్నాయ్.పెద్దగా గుర్తింపు రాలేదు. కొన్నాళ్లకు అతపై ‘వర్షం’ పడింది ప్రభాస్ అయ్యాడు. ప్రభాస్ కాస్తా మూవీ లవ్వర్స్ కి డార్లింగ్ అయ్యాడు. ఆ తర్వాత సినిమాల్లో మిస్టర్ పెర్ఫెక్ట్ అయ్యాడు.

ఇంకొన్నాళ్లకు బాహుబలి అయ్యాడు…ప్యాన్ ఇండియన్ హీరో అయ్యాడు. ఇప్పుడు ప్యాన్ వరల్డ్ స్టార్ హీరో అయిపోయాడు. ప్రస్తుతం డార్లింగ్ అభిమానులు..సిల్వర్ స్క్రీన్ పై సలార్ ఎంట్రీకోసం చూస్తున్నారు.ఇప్పడు ఈ మూవీ స‌లార్‌ సినిమాను భార‌తీయ భాష‌ల‌తో పాటు ఇంగ్లీష్‌లోనూ రిలీజ్ చేసేందుకు మేక‌ర్స్ స‌న్నాహాలు చేస్తున్నారు.

ప్రపంచ సినీ అభిమానులను దృష్టిలో పెట్టుకొని సలార్ ఇంగ్లీష్ వెర్ష‌న్‌ను మేకర్స్.. హాలీవుడ్ సినిమాల‌కు ధీటుగా సిద్ధం చేస్తున్న‌ట్లు ప్ర‌చారం జ‌రుగుతోంది. సౌండ్ మేకింగ్‌, డ‌బ్బింగ్ విష‌యంలో కూడా స్పెష‌ల్ కేర్ తీసుకుంటున్నాోరట.

అంతేకాకుండా ఇంగ్లీష్ వెర్ష‌న్‌ కోసం కొత్త రిలీజ్ డేట్‌ను కూడా అనౌన్స్‌చేసే ఆలోచ‌న‌లో సినిమా యూనిట్ ఉన్న‌ట్లు స‌మాచారం.భారతీయ భాషల్లో విడుదల అయిన రెండు వారాల త‌ర్వాత ఇంగ్లీష్ వెర్ష‌న్ విడుద‌ల‌కాబోతున్న‌ట్లు సినీ వర్గాల్లో టాక్ నడుస్తోంది.

పాన్ ఇండియా లెవెల్‌లో సలార్ మూవీ సెప్టెంబ‌ర్ 28న రిలీజ్ కాబోతుండ‌గా.. ఇంగ్లీష్ భాష‌లో మాత్రం అక్టోబ‌ర్ 13న ఈ మూవీ విడుద‌ల‌య్యే అవ‌కాశం ఉన్న‌ట్లు ప్ర‌చారం జ‌రుగుతోంది. ఇంగ్లీష్ వెర్ష‌న్ రిలీజ్ డేట్‌ను కూడా ప్ర‌త్యేకంగా సినిమా యూనిట్ రివీల్ చేసే అవ‌కాశం ఉంద‌ని సమాచారం.

కన్నడ స్టార్ యశ్ నటించిన కేజీఎఫ్ -2 బ్లాక్‌బ‌స్ట‌ర్ త‌ర్వాత డైరెక్టర్ ప్ర‌శాంత్ నీల్ ద‌ర్శ‌క‌త్వంలో ఈ సినిమా రూపొందుతోంది. ఈ మూవీపై టాలీవుడ్‌, బాలీవుడ్‌తోపాటు అన్ని భాష‌ల్లో భారీగా అంచ‌నాలు నెల‌కొన్నాయి.

గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా ఈ సినిమాను ప్రశాంత్ నీల్ తెరకెక్కిస్తున్నారు. దాంతోపాటు ఈ మూవీలో మ‌ద‌ర్ సెంటిమెంట్‌తో పాటు ఫ్రెండ్‌షిప్ అంశాల‌ను ప్ర‌శాంత్ నీల్ ట‌చ్ చేయ‌బోతున్న‌ట్లు తెలిసింది.

మరోవైపు, ఈ సినిమా ట్రైలర్ ఆగ‌స్ట్ నెల‌లోనే రిలీజ్ చేయ‌బోతున్నారు. స‌లార్ చిత్రంలో మ‌ల‌యాళ అగ్ర హీరో పృథ్వీరాజ్ సుకుమార‌న్ విల‌న్‌గా న‌టిస్తున్నారు. జ‌గ‌ప‌తిబాబు, శృతిహాస‌న్‌, టీనూ ఆనంద్ కీల‌క పాత్ర‌ల‌ను పోషిస్తున్నారు.

స‌లార్ మూవీ రెండు పార్ట్‌లుగా రూపొందుతోన్నట్లు స‌మాచారం. ఈ సినిమాను హోంబ‌లే ఫిల్మ్స్ ప‌తాకంపై విజ‌య్ కిర‌గందూర్ నిర్మిస్తున్నారు.

August 3, 2023 0 comment

Crime National Viral

ఫోన్ లో లేడీ..! జస్ట్ విని.. లక్షలు కొట్టేసిన కిలాడీ!!

by sai krishna August 3, 2023

written by sai krishna

తన క్యాబ్ ఎక్కిన మహిళా ప్యాసింజర్ మాటల్లోని మేటర్ని బట్టి రూ.లక్షలకు కుచ్చుటోపీ పెట్టిన సంఘటన బెంగుళూరులో వెలుగుచూసింది. చిన్న నాటి స్నేహితుడినని నమ్మబలికి రూ.22 లక్షలతోబాటు ముప్పావుకిలో బంగారాన్ని మింగేశాడు క్యాబ్ డ్రైవర్. ఈ సంఘటనతో సదరు మహిళ కాపురంలో కూడా కలతలు రేగాయి.

అవసరం కొద్దీ.. యాప్ లో క్యాబ్ కోసం వెతుకుతాం. అదృష్టం కొద్దీ లాటరీ తగిలినట్టు తగులుతుంది.మన రిక్వెస్ట్ కి ఎవరో ఒక క్యాబ్ డ్రైవర్ కనెక్ట్ అవుతాడు. వాడు ఎలాంటి వాడో మనకు తెలియదు..!సరే క్యాబ్ రాగానే రాజుగారికి రథం వచ్చినట్టు ఫీలై..ఎక్కి కూర్చాంటాం.

కార్లో ఉన్న ఆ పదినిమిషాలు కూడా కుదురుగా కూర్చోకుండా ఫ్రెండ్ కో, బంధువుకో,ప్రియుడికో, అటుడికో, ఇటుడికో,ఎవడో ఒకడికి ఫోన్ చేసి కెలుకుతాం. క్యాబ్ డ్రైవర్ కి చెవులుంటాయి..వాడు కూడా మనిషే అన్న స్ఫృహలేకుండా వాణ్ని కూడా కారులో ఒక భాగమనుకుని మాట్లాడ కూడని రహస్యాలు కూడా మాట్లాడేస్తుంటాం.

పక్కోడి పురాణం విని మర్చిపోయే రోజులు కాదివి..! మన పురాణంతో వాడు ప్రయోగాలు చేస్తాడు. పనికొస్తే ఫైల్ చేస్తాడు. కట్ చేస్తే మనం ఇరుక్కుంటాం. ముఖ్యంగా మహిళలు..తస్మాత్ జాగ్రత్త..ఏమో డ్రైవర్ లో ఏడేంజర్ దాగుందో ఎవరికి తెలుసు..!? లేదంటే బెంగుళూరులో ఓ మహిళకు వచ్చిన ప్రమాదమే మనకూ రావొచ్చు..!

వివరాల్లోకి వెళితే బాధితురాలు బెంగళూరులోని ఓ ప్రైవేటు కంపెనీలో పనిచేస్తోంది. 2022 డిసెంబర్లో ఇందిరానగర్ నుంచి బాణసవాడి వరకు క్యాబ్ను బుక్ చేసుకుంది. అనంతరం కారెక్కి తన చిన్ననాటి స్నేహితుడితో ఫోన్లో మాట్లాడింది. ఆమె మాటలు మొత్తం విన్న క్యాబ్ డ్రైవర్ కిరణ్.. కొద్ది రోజుల తరువాత బాధితురాలికి మెసేజ్ చేశాడు.

తాను బాధితురాలి చిన్నప్పటి క్లాస్మేట్ని అంటూ పరిచయం పెంచుకున్నాడు. అనంతరం మరికొన్ని రోజులకు ఫోన్ చేసి తాను ఆర్థిక ఇబ్బందుల్లో ఉన్నానని.. రూ.22 లక్షల సాయం కావాలని కోరాడు. దీంతో నిందితుడు కిరణ్ మాటలు నమ్మిన బాధితురాలు.. వెంటనే ఆ సొమ్మును అతడి బ్యాంక్ ఖాతాకు బదిలీ చేసింది.

కొద్ది రోజుల తరువాత కిరణ్ మోసాన్ని తెలుసుకున్న బాధితురాలు విషయం ఎవ్వరికి చెప్పకుండా..క్యాబ్ డ్రైవర్ను దూరం పెట్టింది. ఏప్రిల్లో బాధితురాలికి మళ్లీ ఫోన్ చేసిన కిరణ్..బంగారాన్ని ఇవ్వమని డిమాండ్ చేశాడు.

లేకపోతే ఆ రోజు క్యాబ్లో తన స్నేహితుడితో మాట్లాడిన విషయాన్ని ఆమె భర్తకు చెబుతానని బెదిరించం మొదలుపెట్టాడు. దీంతో ఆందోళనకు గురైన బాధితురాలు.. 750 గ్రాముల బంగారాన్ని నిందితుడికి ఇచ్చింది. కొంత కాలంగా ఇంట్లో అభరణాలు కనిపించకపోవడం వల్ల బాధితురాలిని నిలదీశాడు ఆమె భర్త.

దీంతో జరిగిన విషయాన్ని మొత్తం భర్తకు వివరించింది. దీంతో ఇంట్లో కలతలు కూడా రేగాయి. అనంతరం భార్యాభర్తలిద్దరూ కలిసి..రామమూర్తినగర్ పోలీసులను ఆశ్రయించారు. ఘటనపై కేసు నమోదు చేసుకున్న పోలీసులు.. హర్సఘట్టలో నివాసం ఉండే కిరణ్ను అదుపులోకి తీసుకున్నారు.

August 3, 2023 0 comment

Viral

లండన్ వీధుల్లో తళుక్కుమంటున్న…సితార.!

by sai krishna August 2, 2023

written by sai krishna

ప్రిన్స్ మహేశ్ విదేశాలు చుట్టేస్తున్నారు. షూటింగ్ గ్యాప్పో..ఫ్యామిలీ ట్రిప్పో తెలియదు కానీ.. భార్య నమ్రత,కొడుకు గౌతమ్,కూతురు సితారలతో కలిసి ఫారన్ లొకేషన్స్ మినిట్ టూ మినిట్..స్పాట్ టూ స్పాట్ ఫుల్ గా కవర్ చేస్తున్నారు.

కూతురు సితారైతే లండన్ వీధుల్లో నడిచే నక్షత్రంలా మెరిసిపోతోంది.చిరు నవ్వులొలికిస్తూ చక్కగా చక్కర్లు కొడుతోంది. ప్రస్తుతం ఆమె స్మైలీ స్టైలిష్ ఫోటోలు సోషల్ మీడియాలో వైరల్ అవుతున్నాయి.

ట్రెండీ వేర్ లో కలర్ ఫుల్ లుక్ లో సితార ఆకట్టుకుంటోంది. మరోవైపు చిన్న వయసులో సితార సెలెబ్రిటీ స్టేటస్ ను అందుకుంది. ఓ ఇంటర్నేషనల్ జువెలరీ బ్రాండ్ కు ఆమె బ్రాండ్ అంబాసడర్ గా ఉంది.

న్యూయార్క్ లోని టైమ్స్ స్వ్కేర్ లో కూడా ఆమె హోర్డింగ్స్ ను ప్రదర్శించారు. ఈ యాడ్ కు ఆమె కోటి రూపాయల రెమ్యునరేషన్ తీసుకున్నట్టు సమాచారం. తన తొలి సంపాదనను సితార ఒక ఛారిటీకి డొనేట్ చేసింది.

August 2, 2023 0 comment

Andhra Pradesh Crime Viral

ఉండేది బెంగుళూరు..ప్రతినెలా ప్రకాశంలో శాలరీ…!?

by sai krishna August 2, 2023

written by sai krishna

పరిపాలనా సౌలభ్యానికి, ప్రభుత్వ పథకాలను క్షేత్ర స్థాయికి చేర్చేందుకు ఏపీ ఏర్పాటు చేసిన సరికొత్త సేవాదళం వాలంటీర్ వ్యవస్థ. ప్రజలకు రైట్ లో రావాల్సిన బెనిఫిట్స్ నేరుగా తెచ్చి డోర్ కొట్టి అందించడం ప్రధానోద్దేశం.ప్రభుత్వ ఉద్దేశం మంచిదే.! కొత్తలో బాగానే నడిచింది.

కానీ కొంతకాలంగా ఈ వ్యవస్థ ప్రజలకు పాత అవస్థలే తెరపైకి తెచ్చినట్టు విమర్శులు వస్తున్నాయ్. వైజాగ్ లో ఓ వాలంటీర్ అదును చూసి ఒంటరి వృద్ధులరాలిని హత్యచేశాడు, ఇంకో వాలంటీర్ జనానికి పంచాల్సిన పింఛన్ డబ్బులతో గర్ల్ ఫ్రెండ్ ని తీసుకుని గోవా చెక్కేశాడు.

మరో వాలంటీర్ వ్యక్తిగత కక్షతో అర్హులకు అందాల్సిన పథకాలకు రాజకీయం అడ్డంపెట్టాడు. తాజాగా ఇంకో వాలంటీరు బెంగుళూరులో ఉంటూ ఇక్కడ బయోమెట్రిక్ వేస్తున్నట్టుగా కథనడిపిస్తున్నాడు.

వివరాల్లోకి వెళితే ..ప్రకాశం జిల్లా పామూరు మండలం కట్టకిందపల్లి గ్రామ సచివాలయ పరిధిలోని కందులవారిపల్లిలో గురుప్రసాద్ అనే వ్యక్తి వాలంటీర్‌గా పని చేస్తున్నాడు.

నిజానికి అతను ఉండేది బెంగుళూరులో.. కానీ ఇక్కడ గ్రామంలో వృద్ధాప్య పింఛన్, వితంతు పింఛన్ పంపిణీ వంటి కార్యకలాపాలు మాత్రం యథావిధిగా సాగుతూనే ఉంటాయి. మరి పింఛన్ ఇవ్వడానికి వేలిముద్రలు ఎక్కడి నుంచి వస్తాయని మీకు డౌట్ వచ్చిందా.. !అదే మనోడి మేజిక్కు.!!

గురుప్రసాద్కు టెక్నాలజీ మీద పట్టుంది.దీంతో వేలిముద్రలతో కూడిన ఓ కృత్రిమ రబ్బరు వేలును తయారు చేశాడు.దానిని తన కుటుంబ సభ్యులకు అప్పజెప్పి బెంగుళూరులో దర్జాగా ఉంటున్నాడు.

వాళ్లు ఆ రబ్బరు వేలిముద్ర సాయంతో.. పింఛన్లు ఇస్తున్నారు. గుట్టుచప్పుడు కాకుండా గత కొంతకాలంగా ఈ తంతు కొనసాగుతోంది. ఇదేమిటని ప్రశ్నించిన అవ్వ తాతలకు ఆ నెలలో పింఛన్ నిలిపివేస్తున్నారు.

ఈ నెలలో కూడా కొందరికి అలా పింఛన్‌ నిలిపివేయగా..ఈ రబ్బర్ వేలు తతంగం వెలుగులోకి వచ్చింది. పింఛన్‌దారులు స్థానిక సచివాలయం వద్దకు చేరుకొని ఆందోళన చేశారు. స్పందించిన సచివాలయ అడ్మిన్.. వాలంటీర్‌ లేకుండా పింఛన్ల పంపిణీ జరగడం నిజమేనని తేలిందన్నారు.

August 2, 2023 0 comment

Entertainment

నరేష్ ‘మళ్లీపెళ్లి’కి క్లీన్ చిట్

by sai krishna August 2, 2023

written by sai krishna

సీనియర్ నటుడు నరేష్ మాజీ భార్య ‘మళ్లీ పెళ్లి’ చిత్ర విడుదలపై వేసిన పిటిషన్ ను సివిల్ కోర్ట్ కొట్టేసింది. అంతే కాదు నరేష్ ఇంట్లోకి ఆమె వెళ్లడాన్ని కూడా నిషేధం విధించింది. దీంతో సీనియర్ నరేష్ కి నెత్తిమీదున్న మాజీ భార్యా భారం దించినట్టైంది.

ప్రముఖ నటుడు నరేశ్, ఎక్స్ వైఫ్ – రమ్య రఘుపతిల మధ్య వివాదం తెలిసిందే..ఈ నేపథ్యంలో రిలీజ్ అయిన మళ్లీపెళ్లి చిత్రం మరింత రచ్చకు, చర్చకు తెరతీసింది. దీంతో నరేష్ మాజీ భార్య మళ్ళీ పెళ్లి( తెలుగు),మట్టే మదువే ( కన్నడ) చిత్రాన్ని థియేటర్లు, OTT ప్లాట్‌ఫారమ్‌లలో విడుదల చేయడాన్ని నిలిపివేయాలని కోరుతూ బెంగుళూరులోని సిటీ సివిల్ కోర్టులో ఇంజక్షన్ దావా వేశారు.

అయితే ఇరుపక్షాల వాదనలను విన్న న్యాయస్థానం, రమ్య రఘుపతి దాఖలు చేసిన వ్యాజ్యాన్ని మెరిట్‌లు లేవని తేల్చింది.ఈ కారణంగా కేసు కొట్టివేస్తూ 2023 ఆగస్టు 1న తీర్పును వెలువరించింది.

సినిమాల విడుదలకు వ్యతిరేకంగా రమ్యరఘుపతి కేసు దాఖలు చేసిన కారణాలను కోర్టు సమర్థించ లేనిదని, వాదనలు నిలబడేలా లేవని కోర్టు పేర్కొంది. బోర్డ్ ఆఫ్ ఫిల్మ్ సర్టిఫికేషన్ ఆఫ్ ఇండియా సర్టిఫికేట్ ఇచ్చినట్లుగా ఈ సినిమా కంటెంట్ పూర్తిగా కల్పితమని కోర్టు నిర్ధారించింది.

సెన్సార్ బోర్డ్ సినిమా కల్పితమని సర్టిఫై చేసిన తర్వాత సినిమా విడుదలను ప్రైవేట్ వ్యక్తి అడ్డుకునే ప్రసక్తే లేదని కోర్టు గుర్తుచేసింది. మళ్లీ పెళ్లి చిత్రం తెలుగు, కన్నడ భాషలలో సినిమా సక్సెస్ ఫుల్ గా థియేటర్లలో విడుదలైయింది.

ఈ తీర్పు ప్రకారం అన్ని OTT ప్లాట్‌ఫారమ్‌లు, శాటిలైట్‌ల ద్వారా ఈ సినిమాని నిర్మాతలు స్వేఛ్చగా ప్రసారం చేయవచ్చని తెలిపింది.మరో కేసులో నరేష్, కుటుంబ సభ్యులు, రమ్య రఘుపతిని నరేష్ నానక్‌రామ్‌గూడ ఇంట్లోకి ప్రవేశాన్ని నిషేధిస్తూ వేసిన ఇంజక్షన్ దావాను కోర్టు స్వీకరించింది.

రమ్య రఘుపతి, నరేష్ పై గృహ హింస కేసు, నరేష్, పవిత్ర లోకేష్ పై ఇతర కేసు వేసిన విషయం తెలిసిందే. దీని తర్వాత నరేష్, ఆయన కుటుంబ సభ్యులు ..రమ్య రఘుపతి పై గృహ నిషేదం కేసు పెట్టడం జరిగింది.

కేసును క్షుణ్ణంగా పరిశీలించిన కోర్టు నరేష్ ఇంట్లోకి చొరబడేందుకు అభ్యంతరం వ్యక్తం చేస్తూ నిషేధం విధించింది. ఈ మేరకు రమ్య రఘుపతికి ఆదేశాలు జారీ చేసింది.నరేష్, అతని కుటుంబం అందించిన సాక్ష్యాల ప్రకారం, రమ్య రఘుపతి అక్కడ నివాసం లేదు.

ప్రాపర్టీని వ్యాపార ప్రయోజనాల కోసం ఉపయోగిస్తుంది. రమ్య కోసం వస్తున్న గుర్తు తెలియని వ్యక్తుల వలన అక్కడ నివసించే సీనియర్ సిటిజన్స్, నరేష్ అసౌకర్యంతో పాటు అందోళనకు గురి అవుతున్నారని కూడా కోర్టు పేర్కొంది.

ఇటీవలే పవర్ టీవీ అనే కన్నడ ఛానల్ చేత ఇల్లీగల్ గా నరేష్ ఇంటి మీద, పవిత్ర మీద స్టింగ్ ఆపరేషన్ లు జరిపిన విషయం తెలిసిందే.నరేష్, రమ్య రఘుపతి 6 సంవత్సరాలు కలిసి జీవించడం లేదని కోర్టు నిర్ధారించింది. కోర్టు ఇచ్చిన తీర్పు నరేష్, రమ్యల విడాకులకు మార్గం సుగమం చేసింది.

సుప్రీంకోర్టు నిబంధన ప్రకారం భార్య భర్తలు 2 లేదా అంతకంటే ఎక్కువ సంవత్సరాలు కలిసి ఉండకపోతే వివాహం రద్దు చేయబడుతుంది. రమ్య రఘుపతి పై సైబర్ మాల్వేర్, సైబర్ ఎటాక్ కు సంబంధించి సైబర్ కోర్టు, సైబర్ సెల్‌లో సైబర్ క్రైమ్ కేసు పెండింగ్‌లో ఉంది.

August 2, 2023 0 comment

Newer Posts

Older Posts