శివాత్మిక…తల్లిదండ్రుల నటవారసత్వాన్ని పుణికిపుచ్చుకున్న తెలుగమ్మాయి.దొరసాని సినిమాతో హీరోయిన్ గా ఎంట్రీ ఇచ్చి సెల్ఫ్ ఇమేజ్ ని క్రియేట్ చేసుకుంది. తనది హీరోయిన్ ఫేస్ కాదంటూ ట్రోల్ చేసిన వాళ్లకి అంతే హుందాగా బదులిచ్చింది.
విశాల్ వెంకట్(Vishal Venkat)దర్శకత్వంలో ఓ సరికొత్త సినిమాకి సైన్ చేసింది. గ్రేంబ్రియో పిక్చర్స్(Grambrio Pictures)పతాకంపై సుధాకుమార్ నిర్మిస్తున్న చిత్రంలో అర్జున్ దాస్(Arjun Das)సరసన హీరోయిన్ గా నటిస్తోంది. అర్జున్ దాస్ కమల్ హీరోగా వచ్చిన “విక్రమ్” సినిమాలోని విలన్ రోల్ ప్లే చేశాడు.
ఈ నెల21న చెన్నైలోని ప్రసాద్ ల్యాబ్స్ లో పూజా కార్యక్రమాలతో ప్రారంభమయ్యింది. ఇందులో నాజర్‌(Nazar), కాళీ వెంకట్ తదితరులు ముఖ్యపాత్రలు పోషిస్తున్నారు.చక్కని వినోదంతో కూడిన కమర్షియల్‌ ఎంటర్‌టైన్‌మెంట్‌(Commercial entertainment)డ్రామా అని దర్శకుడు విశాల్ వెంకట్ తెలిపారు.
హీరో అర్జున్ దాస్ మాట్లాడుతూ ఈ చిత్రంలో మంచి విషయం ఉందని, నాజర్‌ లాంటి సీనియర్స్‌తో కలిసి పనిచేయటం సంతోషంగా ఉందని, అలాగే సంగీత దర్శకుడు డి.ఇమాన్‌కు తాను పెద్ద అభిమానినని,ఈ చిత్రానికి ఆయన సంగీతాన్ని అందిస్తున్న ఈ చిత్రంలో తాను నటించడం చాలా ఆనందంగా ఉందని చెప్పుకొచ్చాడు. కాగా తమిళంలో ఇప్పటికే రెండు మూవీస్ చేసిన శివాత్మిక..తెలుగులో కంటే తమిళంలోనే బిజీ అవుతుందా అనిపిస్తుంది.
