Breaking News

తెలంగాణ (Telangana) ప్రజలకు గత ప్రభుత్వం అన్యాయం చేసిందనే ఆరోపణలున్న నేపథ్యంలో ఆ గాయాలను మాన్పడానికి రేవంత్ సర్కార్ తీవ్రంగా కృషి చేస్తుందని ఇప్పటికే కాంగ్రెస్ (Congress) మంత్రులు వెల్లడిస్తున్న విషయం తెలిసిందే.. అయితే బీఆర్ఎస్ (BRS) నేతలు తీవ్రమైన విమర్శలు చేస్తున్న చలించకుండా ప్రభుత్వ పాలనలో తనదైనా ముద్ర కనిపించేలా రేవంత్ రెడ్డి (Revanth Reddy) చర్యలు తీసుకొంటున్నట్టు తెలుస్తోంది.

ఇందులో భాగంగా రాజీవ్ ఆరోగ్య శ్రీ పథకంపై కీలక నిర్ణయం తీసుకొన్నట్టు సమాచారం.. తెలంగాణలో పెట్టుబడులే లక్ష్యంగా దావోస్‌లో జరుగుతున్న ప్రపంచ ఆర్థిక వేదిక సదస్సుకు హాజరైన తెలంగాణ సీఎం.. అక్కడ నిర్వహించిన సదస్సులో హెల్త్‌ కేర్‌ డిజిటలీకరణ అంశంపై ప్రసంగించారు. తెలంగాణలోని నాలుగు కోట్ల మంది ప్రజానీకానికి డిజిటల్‌ హెల్త్‌ కార్డులు రూపొందిస్తున్నామని ప్రకటించారు.

అయితే అత్యుత్తమ వైద్యసేవలకు, సాఫ్ట్‌వేర్‌ సేవలకు నిలయంగా హైదరాబాద్‌ మారిందని.. కానీ ఇక్కడ నాణ్యమైన వైద్య సేవలు పొందడం చాలా ఖర్చుతో కూడుకున్నది కావడంతో, ప్రజలందరికీ ఉత్తమ వైద్య సేవలు అందించాలనేదే తమ ప్రభుత్వ లక్ష్యమని వెల్లడించారు. ప్రపంచ వ్యాక్సిన్లు, ఔషధాల్లో 33 శాతం హైదరాబాద్‌లోనే ఉత్పత్తి అవుతున్నాయని స్పష్టం చేసిన సీఎం.. డిజిటల్‌ ఆరోగ్య కార్డుల డేటా భద్రత, ప్రైవసీని కాపాడుతామని తెలిపారు.

ఇప్పటికే రాజీవ్‌ ఆరోగ్యశ్రీ కింద పేదలకు రూ.10 లక్షల వరకూ ఉచిత వైద్య సేవలు అందిస్తున్నామని, ప్రభుత్వ, ప్రైవేటు భాగస్వామ్యంతో అత్యుత్తమ సాంకేతికత సాయంతో నాణ్యమైన వైద్య సేవలు అందించేందుకు కృషి చేస్తామని వెల్లడించారు.. తాజాగా పేదలందరికీ ఉచిత హెల్త్ కార్డులు ఇవ్వనున్నట్లు రేవంత్ రెడ్డి ప్రకటించారు.

తెదేపా వ్యవస్థాపకుడు ఎన్టీఆర్‌ వర్ధంతి (NTR Death Anniversary) సందర్భంగా నేడు హైదరాబాద్‌ (Hyderabad) ఎన్టీఆర్‌ ఘాట్‌ వద్ద ఆయన కుటుంబ సభ్యులు ఘనంగా నివాళులర్పిస్తున్నారు.. దివంగత మాజీ ముఖ్యమంత్రి నందమూరి తారకరామారావు 28వ వర్ధంతి సందర్భంగా.. ఎన్టీఆర్​ ఘాట్​ను పూలతో అలంకరించారు ఈ సందర్భంగా ఆయన మనవళ్లు, సినీనటులు జూనియర్‌ ఎన్టీఆర్‌ (JR NTR), కల్యాణ్‌రామ్‌ నివాళులర్పించారు.

గురువారం వేకువజామునే అక్కడికి చేరుకుని అంజలి ఘటించారు. పెద్ద ఎత్తున అభిమానులు చేరుకోవడంతో సందడి వాతావరణం నెలకొంది. మరోవైపు అభిమానులు, తెలుగుదేశం పార్టీ నేతలు, కార్యకర్తలు నివాళులు అర్పించారు. ఎన్టీఆర్ ఘాట్‌ వద్దకు పెద్ద సంఖ్యలో అభిమానులు తరలి వచ్చారు. ఎన్టీఆర్​ జోహార్, ఎన్టీఆర్​ అమర్​ రహై​ అంటూ నినాదాలు చేశారు.

మరోవైపు నటుడు, ఎమ్మెల్యే బాలకృష్ణ (Hero Balakrishna) సైతం కుటుంబ సభ్యులతో కలిసి నివాళులర్పించారు. బాలకృష్ణతో పాటు రామకృష్ణ, వారి కుటుంబ సభ్యులు సుహాసిని, పలువురు పూలమాల ఉంచి శ్రద్ధాంజలి ఘటించారు. అనంతరం మీడియాతో మాట్లాడిన బాలయ్య.. ఎన్టీఆర్‌ అంటే నవరసాలకు అలంకారమని, నవ యువతకు మార్గదర్శనమని తెలిపారు..

తెలుగు రాష్ట్రాల్లో పేద వర్గాల ప్రజల అభ్యున్నతికి ఎన్టీఆర్ చేసిన కృషి ఎప్పటికీ మరవలేమని పేర్కొన్నారు. తన పాలనతో ఎన్టీఆర్ అన్ని వర్గాల ప్రజలకు బాసటగా నిలిచారని, పేదల సంక్షేమానికి అనేక పథకాలు తీసుకొచ్చారని తెలిపారు.. అయితే ఎన్టీఆర్‌ ఘాట్‌ వద్దకు పెద్ద ఎత్తున అభిమానులు, టీడీపీ శ్రేణులు తరలిరావడంతో కొద్దిగా తోపులాట చోటుచేసుకొంది.

మరోవైపు ఎన్టీఆర్ వర్ధంతి సందర్భంగా పలు సేవా కార్యక్రమాలను నిర్వహించేందుకు ఆయన అభిమానులు, టీడీపీ శ్రేణులు సన్నాహాలు చేసుకొంటున్నారు. ఇకపోతే Sr NTR.. రాముడు, కృష్ణుడు, ఏడుకొండల వెంకన్నా, పోతులూరి వీరబ్రహ్మన్న.. ఇలా ఏ పాత్ర చేస్తే ఆ పాత్రకు నిండుదనం ఉండేది.. అంతేకాదు రాజకీయాల్లో తనదైన ముద్రవేసిన ముఖ్యమంత్రిగా అనితర సాధ్యుడు అనిపించుకున్న మహానటుడు ఎన్టీఆర్..

అసెంబ్లీ ఎన్నికల (Assembly Elections) ప్రచారంలో కాంగ్రెస్ (Congress) ప్రభుత్వం ఇచ్చిన ఆరు హామీలలో భాగంగా మహిళలకు రాష్ట్ర వ్యాప్తంగా ఉచిత బస్సు పథకం (Free Bus Scheme) తీవ్ర విమర్శలు ఎదుర్కొంటుంది. ఈ ఆఫర్ ప్రకటించినప్పటి నుంచి తెలంగాణ రాష్ట్ర వ్యాప్తంగా ప్రయాణికులతో పాటు బస్సు కండక్టర్, డ్రైవర్లు పలు ఇబ్బందులు పడుతోన్న ఘటనలు నిత్యం ఎక్కడో ఒకచోట చోటు చేసుకోవడం కనిపిస్తుంది.

ఇప్పటికే టికెట్ కొని ప్రయాణించే వారికి మహిళామణులు చుక్కలు చూపిస్తున్నట్టు ఆరోపణలు వస్తున్నాయి. అయితే తాజాగా తెలంగాణ (Telangana) ప్రభుత్వం ప్రవేశపెట్టిన ఆర్టీసీ బస్సుల్లో మహిళలకు ఫ్రీ బస్సు పథకంపై సవాలు చేస్తూ హైకోర్టులో పిటిషన్‌ దాఖలైంది. కాంగ్రెస్ ప్రభుత్వం ఏర్పాటైన తర్వాత జారీ చేసిన జీవో 47ను సవాలు చేస్తూ ఎ.హరేందర్‌కుమార్‌ అనే ప్రైవేటు ఉద్యోగి ప్రజా ప్రయోజన వ్యాజ్యం దాఖలు చేశారు.

కేంద్ర చట్టాల ద్వారా ఏర్పాటైన ఆర్టీసీలో మహిళలకు ఉచిత ప్రయాణ సౌకర్యాన్ని కల్పిస్తూ జీవో జారీ చేసే అధికారం రాష్ట్ర ప్రభుత్వానికి లేదని, ఇది వివక్షతో కూడిన నిర్ణయమని పేర్కొన్నారు.. బస్సుల్లో ఉచితంతో ప్రయాణికుల సంఖ్య పెరగడంతో, అవసరాల కోసం వెళ్లే ప్రయాణికులకు ఇబ్బందులు ఎదురవుతున్నాయని దాఖలు చేసిన వ్యాజ్యంలో వివరించారు..

ఇందులో ప్రతివాదులుగా రవాణా శాఖ ముఖ్య కార్యదర్శి, ఆర్టీసీ ఛైర్మన్‌తోపాటు కేంద్ర ప్రభుత్వాన్ని చేర్చారు. కాగా తెలంగాణలో కాంగ్రెస్ అధికారంలోకి వచ్చాక ఎన్నికల ప్రచార సమయం లో ఇచ్చిన ఆరు గ్యారెంటీల అమలులో భాగంగా మహిళలకు ఆర్టీసీ బస్సుల్లో ఉచిత ప్రయాణం కల్పించిన విషయం తెలిసిందే. ఇప్పటికే సీట్ల కోసం జుట్లుపట్టి కొట్టుకొంటున్న సంఘటనలు రాష్ట్రంలో చర్చాంశనీయంగా మారాయి.. ఆటోలకు గిరాకీ తగ్గడంతో వారుసైతం వ్యతిరేకతను తెలియచేస్తున్నారు..