Breaking News

ఐస్‌ల్యాండ్‌ (Iceland)లోని రేక్‌జానెస్‌ ద్వీపకల్పం (Reykjanes Peninsula)లో ప్రజలు ప్రాణాలు అరచేతిలో పెట్టుకొని పరుగులు తీశారు.. ఈ ద్వీపకల్పంలో ఉన్న భారీ అగ్ని పర్వతం (Agni Parvatam) బద్దలైంది. దీని నుంచి వెలువడిన లావా జనావాసాలపైకి ప్రవహిస్తోంది. దీంతో సమీపంలోని పలు ఇళ్లు ధ్వంసమయ్యాయి. లావా ముప్పులో ఈ ప్రాంతం ఉన్న నేపథ్యంలో అధికారులు ఇప్పటికే రక్షణ చర్యలు చేపట్టారు..

అగ్నిపర్వతం నుంచి వెలువడిన లావా ఆ ప్రాంతంపైకి ప్రవహించే ప్రమాదం ఉన్న నేపథ్యంలో అడ్డుగా పెద్ద బండరాళ్లను పెట్టారు. కానీ ప్రయోజనం లేకపోయింది. లావా ప్రవాహాన్ని పెద్ద బండరాళ్ళు అడ్డుకోలేక పోయాయి. ఈ నేపథ్యంలో స్థానికులు ఇళ్లను ఖాళీ చేసి, సురక్షిత ప్రాంతాలకు తరలిపోతున్నారు. వారితోపాటు పెంపుడు జంతువులు, పశువులను కూడా తీసుకెళ్తూన్నారు. అయితే ఇప్పటివరకు ఎలాంటి ప్రాణనష్టం జరగలేదని అధికారులు తెలిపారు.

మరోవైపు ఐస్‌ల్యాండ్‌లో నెలరోజుల వ్యవధిలో రెండు సార్లు అగ్నిపర్వతం బద్దలైంది. దీంతో పర్యాటక ప్రాంతమైన బ్లూలాగూన్‌ (Blue Lagoon)ను, జనవరి 16 వరకు మూసివేస్తున్నట్లు ఇక్కడి ప్రభుత్వం ప్రకటించింది. ప్రస్తుతం లావా ఈ ప్రదేశానికి దూరంగా ఉన్నప్పటికీ ముందు జాగ్రత్తగా ఈ నిర్ణయం తీసుకొన్నట్లు అధికారులు తెలిపారు. కాగా ఈ ప్రమాదంతో ఇక్కడ నివసించే ప్రజలు పలు ఇబ్బందులు ఎదుర్కొంటున్నట్టు తెలుస్తోంది.

కాంగ్రెస్‌ (Congress) అగ్రనేత, వయనాడ్‌ ఎంపీ రాహుల్‌ గాంధీ (Rahul Gandhi) చేపట్టిన ‘భారత్‌ జోడో న్యాయ్‌ యాత్ర’ మణిపూర్‌లోని తౌబాల్‌ జిల్లా నుంచి ప్రారంభమైన సంగతి తెలిసిందే.. న్యాయం కోసం పోరాటం నినాదంతో సాగుతోన్న ఈ యాత్ర మొదటి రోజు సక్సెస్ గా సాగినట్టు పార్టీ వర్గాలు వెల్లడించాయి. ఈమేరకు రెండో రోజు కూడా రాహుల్‌ గాంధీ ప్రజా సమస్యలపై ఫోకస్ పెట్టి యాత్ర కొనసాగిస్తున్నట్టు తెలిపారు..

ఈ భారత్‌ జోడో న్యాయ్‌ యాత్ర (Bharat Jodo Nyay Yatra) 15 రాష్ట్రాల్లో 100 లోక్‌సభ నియోజవర్గాల మీదుగా సాగనుంది. దాదాపు 67 రోజులపాటు 6, 713 కిలోమీటర్లు రాహుల్‌ పర్యటించనున్నారు. మొత్తం 110 జిల్లాల మీదుగా సాగే ఈ యాత్రను.. మార్చి 20 లేదా 21న ముంబైలో ముగించనున్నట్లు సమాచారం.. మరోవైపు రాహుల్ గాంధీ ఇటీవల రాష్ట్రంలో జరిగిన కుల ఘర్షణలపై బీజేపీ టార్గెట్ గా విరుచుకుపడుతోన్నారు..

అదీగాక పార్లమెంట్ ఎన్నికల్లో విక్టరీ సాధించాలనే తపనతో అధిష్టానం ఉన్నట్టు తెలుస్తోంది. ఇందులో భాగంగా ప్రజల్లో ఒకరిగా ఉంటూనే.. ప్రచారం నిర్వహించుకొనేలా వ్యూహం రచించినట్టు సమాచారం.. బీజేపీపై ఉన్న వ్యతిరేకతను అనుకూలంగా మార్చుకునే పనిలో హస్తం నేతలు ముదుకు వెళ్తున్నట్టు తెలుస్తోంది. అందుకే ముందుగా భారత్‌ జోడో న్యాయ్‌ యాత్ర మణిపూర్‌ నుంచి మొదలుపెట్టినట్టు అనుకొంటున్నారు..

ఈ నేపథ్యంలో రాహుల్ బీజేపీ (BJP) తీరుపై మండిపడ్డారు.. మణిపూర్ (Manipur)లో ఇంత హింస జరుగుతోన్న.. ఇప్పటివరకు భారత ప్రధాని ఇక్కడకు రాక పోవడం సిగ్గుచేటని విమర్శించారు.. ఇక్కడ ఎన్నో కుటుంబాలు అన్యాయం అయినట్టు పేర్కొన్నారు.. మరోవైపు ఆదివారం రాత్రి మణిపూర్‌, ఇంఫాల్‌లోని కౌజెంగ్లిమా స్పోర్ట్స్ అసోసియేషన్, ఫుట్‌బాల్ గ్రౌండ్‌లో విశ్రాంతి తీసుకొన్న రాహుల్.. నేటి ఉదయం 8 గంటల నుంచి యాత్రను ప్రారంభించారు..

భారత దేశానికి ఇప్పటి వరకి చైనా, పాకిస్థాన్ దేశాలతో తలనొప్పి ఉందని అనుకొంటే.. తాజాగా మాల్దీవులు (Maldives) సైతం వీటి స్థానంలో చేరాయి.. కొన్ని రోజుల క్రితం ప్రధాని మోడీ (Modi)పై మాల్దీవుల మంత్రుల అనుచిత వ్యాఖ్యలతో మొదలైన ఇరు దేశాల దౌత్య వివాదం, ఎన్నో మలుపులు తిరుగుతోంది. ఈ క్రమంలో మాల్దీవుల్లో ఉన్న భారత సైన్యాన్ని (Indian Army) మార్చి 15 లోపు ఉపసంహరించుకోవాలని డెడ్‌లైన్ విధించినట్టు తెలుస్తోంది.

భారత్‌తో సంబంధాలను తగ్గించుకుంటామని హామీ ఇచ్చి మాల్దీవుల అధ్యక్షుడు ముహమ్మద్ ముయిజ్జు (Mohamed Muizzu) అధికారాన్ని చేజిక్కించుకొన్న విషయం తెలిసిందే. ఇటీవలే ఆయన చైనా పర్యటనను పూర్తి చేసుకొన్న అనంతరం భారత సైన్యాన్ని ఉపసంహరించుకోవాలని డెడ్‌లైన్ విధించడం చర్చాంశనీయంగా మారింది. ఈమేరకు సైన్యం ఉపసంహరణపై చర్చల కోసం ఇరు దేశాలు హైలెవెల్ కోర్ గ్రూప్ కూడా ఏర్పాటు చేశాయి.

ఆదివారం మాలేలో తొలిసారిగా ఈ బృందం సమావేశమై పలు అంశాలపై చర్చించింది. ప్రస్తుతం మాల్దీవుల్లో 88 మంది భారత సైనిక సిబ్బంది ఉన్నారు. సముద్రయాన భద్రత, విపత్తు నిర్వహణలో మాల్దీవుల ప్రభుత్వానికి వారు సహాయసహకారాలు అందిస్తున్నారు. అయితే ఇదివరకు అధికారంలో ఉన్న మాల్దీవుల ప్రభుత్వ అభ్యర్ధన మేరకు భారత్ సైనిక సిబ్బందిని అక్కడకు పంపించింది.

అయితే, గతేడాది జరిగిన ఎన్నికల్లో భారత్ అనుకూల ప్రభుత్వం ఓడిపోయింది. చైనాకు అనుకూలంగా వ్యవహరించే ముహమ్మద్ ముయిజ్జు అధికార పగ్గాలు చేపట్టారు. తాజాగా ఆయన భారత్‌.. తన సైన్యాన్ని ఉపసంహరించుకోవాలని ప్రతిపాదించడం సంచలనంగా మారింది. మొత్తానికి విమర్శలతో మొదలైన ఈ వివాదం చివరికి ఏ పరిస్థితులకు దారి తీస్తుందోనని అనుకొంటున్నారు..

మరిన్ని తెలంగాణ వార్తలు మరియు తెలుగు న్యూస్ కోసమై ఇవి చదవండి…!