Crime

అమెరికా (America)లో కాల్పులు ఆగడం లేదు.. గతంలో ఎన్నో సార్లు గర్జించిన గన్.. పొట్టన పెట్టుకొన్న ప్రాణాలు ఎన్నో.. తాజాగా ఇక్కడ మరోసారి కాల్పులు చోటు చేసుకొన్నాయి. నిందితుడు తన కుటుంబంలోని ముగ్గురు సభ్యులను కాల్చి చంపాడు. పెన్సిల్వేనియా (Pennsylvania)లోని, ఫిలడెల్ఫియా (Filadelphiyaa)లో ఈ ఘటన జరిగింది..

కాగా కాల్పుల అనంతరం నిందితుడు దొంగిలించిన కారులో న్యూ జెర్సీ (New Jersey)కి పారిపోయాడని తెలుస్తోంది. మరోవైపు విషయం తెలుసుకొన్న పోలీసులు నిందితుని కోసం రంగంలోకి దిగారు.. వెంటనే గాలింపు చర్యలు చేపట్టి హంతకున్ని అదుపులోకి తీసుకొన్నారు. అయితే ఈ ఘాతుకానికి పాల్పడిన వ్యక్తి 26ఏళ్ల ఆండ్రీ గోర్డాన్ జూనియర్‌గా గుర్తించినట్లు వెల్లడించారు.

మృతి చెందిన వారు.. గోర్డాన్ సవతి తల్లి కరెన్ గోర్డాన్, సోదరి కేరా గోర్డాన్, మరో వ్యక్తిని టేలర్ డేనియల్‌గా తెలిపారు. నిందితుడు పెన్సిల్వేనియాలోని రెండు వేర్వేరు ప్రదేశాలలో తన కుటుంబ సభ్యులను హత్య చేశాడని తెలిపిన పోలీసులు.. గోర్డాన్ ఆధునిక రైఫిల్‌తో కాల్పులకు పాల్పడినట్టు వెల్లడించారు. దాడి సమయంలో నిందితుడు తమ ఇంటి దగ్గరి నుంచే వెళ్లే వారిని కూడా లక్ష్యంగా చేసుకొన్నట్టు తెలిపారు. అయితే ఘటనకు గల కారణాలను వెల్లడించలేదు.

ఇక అమెరికా వ్యాప్తంగా ఏదో ఒక చోట తరచూ గన్ ఫైర్ ఘటనలు ఆందోళన కలిగిస్తున్నాయి.. అదేవిధంగా అగ్రరాజ్యంలో సామాన్యుల భద్రత గాల్లో దీపంలా మారిందనే విమర్శలు వినిపిస్తున్నాయి.. మరోవైపు గత ఆరు రోజుల క్రితం అర్కాన్సాస్‌ రాష్ట్రంలోని జోన్స్‌బోరోలో జరిగిన కాల్పుల్లో ముగ్గురు మృతి చెందిన ఘటన మరవక ముందే.. మరో ముగ్గురు తుపాకి గుండుకు బలి అవడం విషాదకరం..

అగ్రరాజ్యం అమెరికా(USA)లో మరో సారి కాల్పులు కలకలం రేపాయి. ఫిలడెల్ఫియా (Philadelphia)లో ఓ వ్యక్తి విచక్షణారహితంగా కాల్పులు జరిపాడు. ఈ కాల్పుల్లో ముగ్గురు వ్యక్తులు మృతిచెందారు. అనేకమంది గాయాలపాలయ్యారు. తూర్పు పెన్సిల్వేనియా(Eastern Pennsylvania)లోని ఫాల్స్ టౌన్‌షిప్‌(Falls Township)లో ఈ కాల్పుల ఘటన చోటుచేసుకుంది.

ఈ ఘటన శనివారం జరిగినట్లు ఫిలడెల్ఫియాలోని మిడిల్టన్ టౌన్‌షిప్‌ పోలీసులు వెల్లడించారు. 26ఏళ్ల యువకుడు పలువురిపై విచక్షణారహితంగా కాల్పులు జరిపడంతో ముగ్గురు మృతి చెందినట్లు చెప్పారు. మృతులకు తెలిసిన వ్యక్తే ఈ పని చేసినట్లు విచారణలో వెల్లడైందన్నారు. టౌన్ షిప్‌లోని రెండు చోట్ల కాల్పులు జరిగినట్లు ఫాల్స్ టౌన్ షిప్ పోలీసులు తెలిపారు.

ఈ ఘటన అనంతరం నిందితుడు న్యూజెర్సీలోని ఒక ఇంటికి తాళం వేసి ప్రజలను బందీలుగా ఉంచాడని, అనుమానితుడు ఒక వాహనాన్ని దొంగిలించి న్యూజెర్సీలోని ట్రెంటన్‌కు వెళ్లినట్లు గుర్తించామని తెలిపారు. నిందితుడికి బక్స్, ట్రెంటన్‌లోని కొన్ని ఇళ్లతో సంబంధాలు ఉన్నాయని, ప్రధానంగా ట్రెంటన్‌లో నివసిస్తున్నారని మిడిల్టన్ టౌన్ షిప్ పోలీసులు చెబుతున్నారు.

అమెరికాలోని అర్కాన్సాస్‌లో కొద్ది రోజుల కిందట కాల్పుల ఘటన వెలుగు చూసింది. ఈ కాల్పుల ఘటనలో ముగ్గురు మృతి చెందగా పలువురు గాయపడ్డారు. ఈ ఘటనలో దాడి చేసిన వ్యక్తి కూడా మృతి చెందాడు. ఈ కాల్పుల ఘటన ఓ ప్రైవేట్ పార్టీలో చోటు చేసుకుంది. ఈ ఏడాది ఇప్పటివరకు అమెరికాలో 70కి పైగా కాల్పుల ఘటనలు నమోదయ్యాయి.

మద్యం కుంభకోణం కేసులో (Delhi Liquor scam case) ఢిల్లీ సీఎం అరవింద్ కేజ్రీవాల్ (Arvind Kejriwal)కు ఊరట లభించింది. ఎట్టకేలకు ఢిల్లీలోని రౌస్ అవెన్యూ కోర్టుకు ఆయన హాజరయ్యారు. విచారణ చేపట్టిన రౌస్ అవెన్యూ కోర్టు బెయిల్ మంజూరు చేస్తున్నట్లు ప్రకటించింది. రూ.15వేల వ్యక్తిగత బాండ్‌తో పాటు రూ.లక్ష సెక్యూరిటీ డిపాజిట్ చేయాలని ఆదేశించింది.

దీంతో కోర్టు నుంచి అరవింద్ కేజ్రీవాల్ వెళ్లిపోయారు. అయితే, కేజ్రీవాల్‌కు దర్యాప్తు సంస్థ (ఈడీ) జారీ చేసిన సమన్లను పాటించలేదన్న ఫిర్యాదులపై ఇవాళ(శనివారం) హాజరు కావాలని రోస్ అవెన్యూ కోర్టు (మేజిస్ట్రేట్ కోర్టు) కోరింది. అరవింద్ కేజీవాల్ తరఫున ఇద్దరు న్యాయవాదులు రమేష్ గుప్తా, రాజీవ్ మోహన్ వాదనలు వినిపించారు.

ఇక, అరవింద్ కేజ్రీవాల్ కోర్టుకు వెళ్లే క్రమంలో అక్కడ భారీ భద్రతను ఏర్పాటు చేశారు. ఢిల్లీ ట్రాఫిక్ పోలీసులు కోర్టు చుట్టూ ఉన్న పలు మార్గాలను దారి మళ్లించారు. దీంతో పాటు ఆయా మార్గాల్లో వచ్చే ప్రజలు సకాలంలో రావాలని ట్రాఫిక్ పోలీసులు సూచించారు. అయితే, ఇప్పటికే ఈడీ అధికారులు ఢిల్లీ సీఎంకు ఎనిమిది సార్లు సమన్లు జారీ చేసిన కేజీవాల్ వెళ్లలేదు.

ఇక, తాము జారీ చేసిన సమన్లకు అరవింద్ కేజ్రివాల్ స్పందించలేదని ఈడీ అధికారులు రౌస్ అవెన్యూ కోర్టులో మరోసారి పిటిషన్ వేశారు. దీంతో తాజాగా ఆయన రోస్ అవెన్యూ కోర్టులో విచారణకు హాజరయ్యారు. ఢిల్లీ ఎక్సెజ్ పాలసీ కేసులో అనేక సార్లు సమన్లు జారీ చేసినప్పటికీ దర్యాప్తు సంస్థ ముందు హాజరుకావడం లేదని ఈడీ ఆరోపించింది. కేజ్రీవాల్ తరపు న్యాయవాది వాదనలకు కోర్టు ఏకీభవించడంతో ఆయనకు బెయిల్ మంజూరు చేసింది.

కర్ణాటక మాజీ ముఖ్యమంత్రి, బీజేపీ సీనియర్‌ నేత బీఎస్‌ యడియూరప్ప(BS Yediyurappa)పై లైంగిక వేధింపుల కేసు నమోదైంది. ఓ మైనర్‌పై లైంగిక వేధింపులకు పాల్పడినట్లు అభియోగాలు ఎదుర్కొంటున్నారు. 17ఏళ్ల ఆ బాలిక తల్లి ఫిర్యాదుతో బెంగళూరులోని సదాశివనగర్ పోలీసులు పోక్సో చట్టం (POCSO Act) కింద కేసు నమోదు చేశారు.

ఫిబ్రవరి 2న ఓ చీటింగ్ కేసులో సహాయం కోరేందుకు తన 17 ఏండ్ల కుమార్తెతో కలిసి యడియూరప్ప దగ్గరకు వెళ్లామని, ఆ సమయంలో లైంగిక దాడి జరిగినట్లు బాలిక తల్లి ఫిర్యాదులో పేర్కొంది. అయితే ఈ విషయమై కర్ణాటక మాజీ ముఖ్యమంత్రి ఇప్పటివరకు స్పందించలేదు.

లోక్‌సభ ఎన్నికలకు ముందు ఆయనపై ఈ ఆరోపణలు రావడం సర్వత్రా చర్చనీయాంశమైంది. 2008-2011 మధ్య కర్ణాటక ముఖ్యమంత్రిగా పనిచేశారు. 2018లో కొద్ది రోజుల పాటు, ఆ తర్వాత జూలై 2019-2021 మధ్య మరోసారి సీఎంగా పనిచేశారు.

2021, జులైలో బీజేపీ అధిష్టానం యడియూరప్పను సీఎం పదవి నుంచి తప్పించింది. తర్వాత బీజేపీ అధిష్టానం యడియూరప్పను తప్పించి జూలై 2021లో బస్వరాజ్ బొమ్మైను సీఎంగా చేసింది. గతేడాది జరిగిన అసెంబ్లీ ఎన్నికల్లో కాంగ్రెస్ గెలవడంతో బీజేపీ ప్రభుత్వం దిగిపోయింది.

తాజాగా, పోక్సో కేసుపై కర్ణాటక మాజీ సీఎం యడియూరప్ప స్పందించారు. రెండు నెలల కిందట తల్లి, కూతురు ఓ కేసు విషయంతో తన ఇంటికి వచ్చిన విషయం వాస్తవమేనన్నారు. అయితే, కష్టాల్లో ఉన్నందున వారికి డబ్బు ఇచ్చానని, ఆ తర్వాత పోలీస్ కమిషనర్‌కు ఫోన్ చేసి ఈ విషయంపై మాట్లాడినట్లు చెప్పారు. అనూహ్యంగా తనకు వ్యతిరేకంగా ఫిర్యాదు చేయడంతో ఆశ్చర్యపోయానన్నారు.

ఇలాంటివి తాను ఊహించలేదని, వీటిని ఎదుర్కొంటానని పేర్కొన్నారు. కేసులు పెట్టిన బాలిక మానసిక స్థితి బాగా లేదన్నారు. ఆమె ఇప్పటికి ఇలాంటివి 32 సార్లు ఫిర్యాదులు చేసిందని వెల్లడించారు. ఈ కేసు వెనుక రాజకీయ కారణాలు ఉన్నాయా? లేదా? అనేది చెప్పలేనన్నారు. ఏం జరుగుతుందో చూద్దామని తెలిపారు.