Crime

హైదరాబాద్‌(Hyderabad)లో రోజురోజుకు మోసాలు, దోపిడీలు విపరీతంగా పెరిగిపోతున్నాయి. ఇటీవల చైన్ స్నాచింగ్ కేసులు(Chin Snatching Cases) ఎక్కువయ్యాయి. దుండగులు ఒంటరిగా వెళ్లేవారిపై మూకుమ్మడిగా దాడిచేసి నిలువు దోపిడి చేస్తున్నారు. ముఖ్యంగా దొంగలు ఒంటరి మహిళలను టార్గెట్‌ చేస్తున్నారు. ఇలాంటి ఘటనలు తరచూ చోటుచేసుకుంటుండటంతో పోలీసులకు సవాల్‌గా మారింది. తాజాగా రంగారెడ్డి జిల్లా కోకాపేటలో ఇలాంటి ఘటనే కలకలం రేపింది.

కోకాపేటలో ఓవ్యక్తి ఆటో కోసం ఎదురు చూస్తుండగా ఓ దుండగుడు అతడి వద్దకు వెళ్లాడు. మెళ్లిగా మాటలు కలుపుతూ అతడిపై దాడి చేశాడు. దొంగలు ఆ వ్యక్తిని ఆటోలో ఎక్కించుకుని అరిస్తే చంపేస్తామంటూ బెదిరించారు. బాధితుడి వద్ద నుంచి నగదు ఇవ్వాలని డిమాండ్ చేశారు. తన దగ్గర డబ్బులేదని ఎంత వారించినా దుండగులు వినిపించుకోలేదు. మూకుమ్మడి దాడి చేసి అతడి జేబులో ఉన్న రూ.4,500 తీసుకుని ఆటోవదిలి పారిపోయారు. దీంతో బాధితుడు నార్సింగి పోలీసులకు ఫిర్యాదు చేశాడు.

పోలీసులు కేసు నమోదు చేసి దర్యాప్తు చేస్తున్నారు. ముగ్గురు వ్యక్తులు ఆటోలో వచ్చినట్లు గుర్తించారు. పోలీసులు సీసీటీవీ ఫుటేజీని పరిశీలిస్తున్నారు. కోకాపేట సర్వీస్ రోడ్డులో వరుసగా ఇలాంటి ఘటనలు జరుగుతున్నాయి. ఇది వరుసగా ఐదో ఘటన కావడం గమనార్హం. దోపిడీ ముఠాలు ఒంటరి వారినే టార్గెట్ చేస్తున్నారని పోలీసులు తెలిపారు. కోకాపేట వైపు వెళ్లే ప్రయాణికులు, వ్యక్తులు అప్రమత్తంగా ఉండాలని కోరారు. అపరచిత వ్యక్తులు కనిపిస్తే వెంటనే పోలీసులకు తెలపాలని సూచించారు. మరోవైపు యాదాద్రి జిల్లాలో రాత్రిపూట వరుస చోరీలు జరుగుతున్నాయి.

భువనగిరి మున్సిపాలిటీ రాయగిరిలో ఇద్దరు మహిళల మెడలో నుంచి పుస్తెలతాడులు చోరీచేశారు. డాబాలపై, ఆరుబయట నిద్రిస్తున్న మహిళలను లక్ష్యంగా చేసుకున్నట్లు తెలుస్తోంది. చోరీ తర్వాత పుస్తెలను వదిలి గొలుసును మాత్రమే దొంగలు తీసుకెళ్తున్నారు. బాధితులు లబోదిబోమంటూ పోలీసులకు ఫిర్యాదు చేస్తున్నారు. యాదాద్రిలో ఇలా దొంగతనాలు జరుగుతున్నా పోలీసులు చర్యలు తీసుకోవడం లేదని బాధితులు ఆగ్రహం వ్యక్తం చేస్తున్నారు. ఇప్పటికైనా చర్యలు తీసుకుని దొంగలను పట్టుకోవాలని కోరుతున్నారు.

ఫోన్ ట్యాపింగ్ కేసు(Phone Tappin case)లో మొన్నటివరకు దూకుడుగా వ్యహరించిన విచారణ బృందం(Investigative team) ఒక్కసారిగా నెమ్మదించినట్లు తెలుస్తోంది. సాక్ష్యాలు లేకపోవడమే దీనికి ప్రధాన కారణంగా తెలుస్తోంది. ఫోన్ ట్యాపింగ్ జరిగింది. డబ్బులు చేతులు మారాయి. ఎస్‌ఐబీ పోలీసుల బృందం ఎన్నో అక్రమాలకు పాల్పడింది. కానీ, వీటన్నింటికీ సాలిడ్ ఆధారాలు ఎక్కడా? అని అడిగితే ప్రత్యేక విచారణ బృందం అధికారులు నోరెళ్ల బెడుతున్నారు.

ట్యాపింగ్ ద్వారా తప్పుడు పనులు చేశారు. అందుకు సాక్ష్యాలున్నాయి. బాధితులు కోర్టు ముందుకు వచ్చి సమాధానం చెప్పగలరు. కానీ, ఆ అక్రమాలు ఫోన్ ట్యాపింగ్ వల్లే చేశాము అనడానికి ఇప్పుడు పోలీసుల వద్ద ఆధారాలు కరువయ్యాయి.

ఎందుకంటే, ఎస్ఐబీ సస్పెండెడ్ డీఎస్పీ ప్రణీత్ రావు అటు రాష్ట్రంలో కొత్త ప్రభుత్వం అధికారంలోకి వస్తుందని తెలియగానే చాలా తెలివిగా సాక్ష్యాలన్నింటినీ (Proofs demolished) నాశనం చేశాడు. రికవరీకి పనిరాకుండా ఎలా ధ్వంసం చేయాలో అలా చేశాడు. హార్డ్ డిస్కులు, పెన్ డ్రైవ్స్, సీసీ కెమెరాల ఫుటేజీ అన్నింటిని మార్చేశాడు. పాత హార్డు డిస్కుల్లోని డేటాను తన సొంత స్టోరేజ్ డివైజుల్లో స్టోర్ చేసుకున్నాడు. వాటిని ఎక్కడో దాచేసి విచారణ అధికారులకు ఏమీ చెప్పడం లేదు.

ధ్వంసమైన డివైజెస్ గురించి మాత్రమే నోరు విప్పిన ప్రణీత్ రావు, తన వద్దనున్న సీక్రెట్ స్టోరింగ్ డివైజులను ఎక్కడ పెట్టాడనే విషయం గురించి నోరు విప్పలేదని తెలిసింది. అయితే, కేవలం వాంగ్మూలం ఆధారంగా కేసును నడపడం సాధ్యమా? అనే డౌట్ పోలీసులు కూడా వస్తోంది. ట్యాపింగ్ పరికరాలు సమకూర్చిన వ్యక్తి, ట్యాపింగ్ ద్వారా ఎవరెవరి నుంచి ఎంత డేటా సేకరించారు అనేది లేకుండా కోర్టులో నేరాన్ని ఎలా ప్రూవ్ చేయాలని పోలీసులు తలలు పట్టుకుంటున్నారు.

ట్యాపింగ్ అనేది చట్టవిరుద్ధం. కానీ రికార్డింగ్ సమాచారం సోర్స్ ఫైల్ నుంచి కాపీ చేసి పెన్‌డ్రైవ్‌లో వేసి బడా నేతలకు రాధాకిషన్ రావు టీం అధికారులు పంపేవారు.కనీసం ఆ పెన్ డ్రైవ్ దొరికినా ఈ కేసు కీలక మలుపు తిరుగుతుంది. కానీ, సరైన ఆధారాలు లేని కారణంగా ఈ కేసు లీగల్‌‌గా నిలబడుతుందా? లేదా అనే ప్రశ్నలు అందరిలో మెదులు తున్నాయి. కాగా, దేశంలో నేటికి టెలిగ్రాఫ్ చట్టం కింద ఒక్క కేసు కూడా నమోదుకాలేదు. అందుకు సాక్ష్యాలు లేకపోవడమే కారణంగా తెలుస్తోంది.