Featured

– కాంగ్రెస్ రెండో లిస్ట్ ఎప్పుడు?
– పార్టీ సెంట్రల్ ఎన్నికల కమిటీ..
– సమావేశంలో ఏం జరగనుంది?
– లెఫ్ట్ పార్టీలు తగ్గుతాయా?
– కొన్ని నియోజకవర్గాల్లో పోటీకి సై అంటున్న..
– ఇద్దరు, ముగ్గురు నేతలు

తెలంగాణ (Telangana) లో గెలుపే లక్ష్యంగా ముందుకెళ్తోంది కాంగ్రెస్ (Congress). కర్ణాటక (Karnataka) లో వర్కువట్ అయిన స్ట్రాటజీలను ఇక్కడ అమలు చేస్తూ ఓటర్లు రాబట్టే పనిలో ఉంది. ఇంకోవైపు గెలుపు గుర్రాలను బరిలోకి దింపాలని తెగ కసరత్తులు చేస్తోంది. ఇప్పటికే 55 స్థానాలకు అభ్యర్థులను ప్రకటించగా.. రెండో లిస్ట్ ప్రిపరేషన్ లో ఉంది. బుధవారం పార్టీ సెంట్రల్ ఎన్నికల కమిటీ సమావేశం ఢిల్లీలో జరగనుంది. ఈ భేటీలో తెలంగాణలో పోటీ చేసే అభ్యర్థుల రెండో జాబితాకు కాంగ్రెస్ నాయకత్వం ఆమోదం తెలిపే అవకాశం ఉంది.

నిజానికి సెకెండ్ లిస్ట్ ఎప్పుడో బయటకు రావాల్సి ఉంది. కానీ, లెఫ్ట్ పార్టీలతో సీట్ల సర్దుబాటు కొలిక్కి రాకపోవడంతోనే ఆలస్యం అయింది. మొదటి జాబితాలో 55 స్థానాలకు అభ్యర్థులను ప్రకటించిన కాంగ్రెస్‌.. మిగిలిన 64 నియోజకవర్గాలకు అభ్యర్థుల ఎంపికను వేగవంతం చేసింది. ఇప్పటివరకూ 35 నుంచి 40 నియోజకవర్గాలపై ఏకాభిప్రాయం కుదిరినట్లు సమాచారం. పార్టీ కేంద్ర ఎన్నికల కమిటీ సమావేశం తర్వాత రెండో లిస్టు రిలీజ్ చేసే అవకాశాలు కనిపిస్తున్నాయి. ఈ లిస్ట్ బయటకొచ్చాకే లెఫ్ట్ పార్టీలతో జరిగిన సీట్ల సర్దుబాటు అంశం బయటకు రానుంది.

పొత్తులో భాగంగా సీపీఐకి కొత్తగూడెం, చెన్నూరు.. సీపీఎంకు మిర్యాలగూడ, వైరా సీట్లు ఇవ్వాలని కాంగ్రెస్ అనుకుంటోంది. కానీ, పాలేరు సీటు కోసం సీపీఎం పట్టుబడుతున్నట్లు సమాచారం. అయితే.. ఆ స్థానం నుంచి పొంగులేటి శ్రీనివాస్ రెడ్డి పోటీకి సిద్ధం అయ్యారు. దీంతో పాలేరు ఇచ్చేందుకు హస్తం పార్టీ ఒప్పుకోవడం లేదు. వైరాతో సరిపెట్టుకోవాలని సీపీఎం నేతలను ఒప్పించే ప్రయత్నాలు జరుగుతున్నాయి. సీట్ల సర్దుబాటులో వామపక్ష నాయకులతో స్థానిక కాంగ్రెస్ నాయకులు సంప్రదింపులు జరిపి సమస్యను పరిష్కరించుకోవాలని ఏఐసీసీ ఆదేశించినట్టు సమాచారం.

మరోవైపు, కొన్ని నియోజకవర్గాల్లో ఒకరిద్దరు నేతలు పోటీకి సై అంటున్నారు. స్క్రీనింగ్ కమిటీలో నియోజకవర్గాల వారీగా అభ్యర్థుల ఎంపికపై చర్చ వచ్చినప్పుడు ఇరు వర్గాలు గట్టిగా తమ వాదనలను వినిపించి వారికి అనుకూలమైన నాయకులను ఎంపిక చేసుకునేందుకు ప్రయత్నాలు చేశాయి. ప్రధానంగా సూర్యాపేట, ఖైరతాబాద్, జూబ్లీహిల్స్, అంబర్‌ పేట, ఎల్బీ నగర్‌, నర్సాపూర్‌ తదితర పదికి పైగా నియోజకవర్గాలకు ఇద్దరు, ముగ్గురు కీలక నేతలు ఉండడంతో.. ఏకాభిప్రాయం కుదరడం లేదు. దీంతో స్క్రీనింగ్ కమిటీ అందరి పేర్లను కేంద్ర ఎన్నికల కమిటీకి ప్రతిపాదించినట్లు సమాచారం. బుధవారం జరిగే సమావేశం తర్వాత ఏం జరుగుతుందో అనే ఉత్కంఠ నెలకొంది.

తెలంగాణ (Telangana) బీజేపీ (BJP) లో అయోమయం నెలకొంది.. ఏం జరుగుతుందో ఎవరికీ తెలియడం లేదు.. అభ్యర్థులు లేక జాబితా ప్రకటన ఆలస్యం.. ఇలా అనేక ప్రశ్నలు, అనుమానాల నేపథ్యంలో ఎట్టకేలకు ఫస్ట్ లిస్ట్ ను రిలీజ్ చేసింది కమలం పార్టీ. 52 మంది అభ్యర్థులతో కూడిన జాబితాను ఆదివారం మధ్యాహ్నం విడుదల చేసింది. రాష్ట్రంలో ఉన్న నలుగురు బీజేపీ ఎంపీల్లో ముగ్గురు అసెంబ్లీ బరిలో ఉండగా కిషన్ రెడ్డి పేరు మాత్రం ఈ లిస్టులో లేదు.

కిషన్ రెడ్డితోపాటు సీనియర్ నేతలైన కోమటిరెడ్డి రాజగోపాల్ రెడ్డి, డాక్టర్ లక్ష్మణ్, విజయశాంతి, డీకే అరుణ పేర్లు కూడా ఇందులో లేవు. అయితే.. తాజా లిస్టులో మహిళలకు పెద్దపీట వేసింది బీజేపీ. ఇటీవల మహిళా బిల్లుకు ఆమోద ముద్ర పడిన నేపథ్యంలో ఈ అంశానికి ప్రాధాన్యత ఏర్పడింది. ఫస్ట్ లిస్టులో 12 మంది మహిళా నేతలకు ఛాన్స్ ఇచ్చింది కమలం పార్టీ.

ఇటీవల కేంద్ర ప్రభుత్వం ప్రతిష్టాత్మకంగా తీసుకొచ్చింది మహిళా రిజర్వేషన్ బిల్లు చట్టంగా మారింది. లోక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సభ, రాజ్యసభ ఆమోదం పొందిన బిల్లుకు రాష్ట్రపతి ద్రౌపది ముర్ము ఆమోదించారు. దీంతో బిల్లు చట్ట రూపం దాల్చింది. చట్టసభల్లో మహిళలకు 33 శాతం రిజర్వేషన్లు కల్పించేందుకు ఉద్దేశించిన మహిళా రిజర్వేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ బిల్లును ‘నారీ శక్తి వందన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ అధినియమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌’ పేరుతో కేంద్ర న్యాయశాఖ మంత్రి అర్జున్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ రామ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ మేఘ్వాల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ సెప్టెంబర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ 19న లోక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ సభలో, 21న రాజ్యసభలో ప్రవేశపెట్టారు.

ఫస్ట్ లిస్టులో టికెట్లు దక్కిన బీజేపీ మహిళా నేతలు

బెల్లంపల్లి- అమురాజుల శ్రీదేవి
జుక్కల్ – టీ అరుణ తార
బాల్కొండ – ఏలేటి అన్నపూర్ణమ్మ
జగిత్యాల- భోగా శ్రావణి
రామగుండం- కందుల సంధ్యారాణి
చొప్పదండి- బొడిగె శోభ
సిరిసిల్ల- రాణి రుద్రమ రెడ్డి
చార్మినార్- మేగా రాణి
నాగార్జునసాగర్- కంకనాల నివేదిత రెడ్డి
డోర్నకల్-బుక్య సంగీత
వరంగల్ ఈస్ట్- రావు పద్మ
భూపాలపల్లి- చందుపట్ల కీర్తి రెడ్డి

– డబ్బు, మద్యమే కేసీఆర్ బలం
– అవి లేకుండా ఎన్నికలకు వెళ్లేలా..
– ప్రమాణం చేసేందుకు పిలిస్తే రాలేదు
– పోలీసులను పంపి హడావుడి చేయించారు
– కేసీఆర్, కేటీఆర్ ఉద్యోగం ఊడగొట్టేస్తే..
– ఇందిరమ్మ రాజ్యం సాధించుకుందాం
– నిరుద్యోగులకు రేవంత్ రెడ్డి పిలుపు

కేసీఆర్ (KCR) ఎన్నికల్లో డబ్బు, మద్యాన్ని నమ్ముకున్నారని క్లారిటీ వచ్చిందన్నారు టీపీసీసీ చీఫ్ రేవంత్ రెడ్డి (Revanth Reddy). గాంధీ భవన్ లో మీడియాతో మాట్లాడిన ఆయన.. తన సవాల్ ను స్వీకరించకపోవడంతో కేసీఆర్ బుద్ధి అందరికీ అర్థం అయిందన్నారు. డబ్బు, మద్యం పంపిణీ చేసి ఎన్నికల్లో గెలవాలని చూస్తున్నారని ఆరోపించారు. బీఆర్​ఎస్​ నేతలు నిజంగా ఉద్యమకారులైతే అమరవీరుల స్థూపం వద్ద ప్రమాణం చేద్దామన్న తమ సవాల్​ ను ఎందుకు స్వీకరించలేదని ప్రశ్నించారు.

బీఆర్‌ఎస్ (BRS) ఎప్పుడూ దిగజారుడు రాజకీయాలే చేస్తుందని మండిపడ్డారు రేవంత్. హుజూరాబాద్, మునుగోడు ఉప ఎన్నికల్లో ఏమైందో ప్రజలు చూశారని.. డబ్బు, మద్యం పంచి ఎన్నికలు గెలవాలని తాము ఎప్పుడూ అనుకోలేదన్నారు. రేపటి ఎన్నికల్లో సిద్ధాంతాలు ప్రచారం చేసి ఓట్లు అడుగుతామని, మేనిఫెస్టో చూపించి ఓట్లు అడిగేందుకు బీఆర్‌ఎస్ సిద్ధమా? అని సవాల్ విసిరారు. గత ఎన్నికల సమయంలో ఇచ్చిన హామీలను అమలు చేశామని నమ్మితే కేసీఆర్ ప్రమాణం చేయాలన్నారు.

సీఎం చెప్పిన నిధులు, నియామకాలు ఆయన ఇంటికే వెళ్తున్నాయని ఆరోపించారు రేవంత్. ఎక్కడ పైసలు దొరికినా.. కాంగ్రెస్‌ వే అంటూ బురద జల్లుతున్నారని మండిపడ్డారు. అమరవీరుల స్థూపంపై ప్రమాణం చేద్దామని రమ్మంటే.. ముందస్తు అనుమతి పేరుతో పోలీసులు తనను అడ్డుకున్నారని దుయ్యబట్టారు. కాంగ్రెస్ 6 గ్యారెంటీలు ప్రచారం చేసే ఓట్లు అడుగుతుందని, తెలంగాణ ప్రజలను మరోసారి మోసం చేసేందుకు సీఎం ప్రయత్నం చేస్తున్నారని విమర్శించారు.

తెలంగాణలో ఉన్న 30 లక్షల మంది నిరుద్యోగులు తలుచుకుంటే ఇందిరమ్మ రాజ్యం వస్తుందని అన్నారు. కేసీఆర్ కుటుంబంలో అందరికీ ఉద్యోగాలు వచ్చాయని, కానీ యువత పరిస్థితి ఏమిటి? అని ప్రశ్నించారు. బీఆర్ఎస్ మేనిఫెస్టోలో నియామకాల ప్రస్తావన లేదన్నారు. తాను 30 లక్షల మంది నిరుద్యోగులకు విజ్ఞప్తి చేస్తున్నానని.. మీ ఓటు, మీ కన్నతల్లిదండ్రుల ఓటు కలుపుకుంటే దాదాపు 90 లక్షల ఓట్లు అవుతాయని, అవి పడితే చాలు 90 సీట్లు వస్తాయని వివరించారు. అది చేసి కేసీఆర్, కేటీఆర్ ఉద్యోగం ఊడగొడితే చాలన్నారు. కాబట్టి నిరుద్యోగులే కథానాయకులై, కదనరంగంలోకి దిగి, ఇందిరమ్మ రాజ్యం తీసుకు రావాలని చెప్పారు రేవంత్. ఆ తర్వాత ఏడాదిలో 2 లక్షల ఉద్యోగాలను భర్తీ చేసే బాధ్యత కాంగ్రెస్ తీసుకుంటుందన్నారు.

– ప్రవల్లిక గ్రూప్స్ కి అప్లై చేయలేదన్న కేటీఆర్
– ప్రూఫ్స్ తో సహా చూపిస్తున్న నిరుద్యోగులు
– సోషల్ మీడియాలో ప్రశ్నల దాడి
– ఎన్నికల సమయం కావడంతో..
– ఇష్యూని డైవర్ట్ చేశారని ఆగ్రహం
– కేటీఆర్ పై ప్రతిపక్షాల ఎటాక్
– అబద్ధాల నటరత్న అంటూ ఆకునూరి ఫైర్

ఇటీవల గ్రూప్-2 (Group-2) అభ్యర్థి ప్రవల్లిక (Pravallika) ఆత్మహత్య తెలంగాణ (Telangana) లో సంచలనం రేపింది. గ్రూప్-2 పరీక్ష వాయిదా పడిన సమయంలోనే ఈమె ఆత్మహత్య చేసుకోవడంతో.. విద్యార్థి సంఘాలు, విపక్షాలు ప్రభుత్వాన్ని టార్గెట్ చేశాయి. ఇది ముమ్మాటికీ ప్రభుత్వ హత్యేనని విమర్శలు గుప్పించాయి. అయితే.. ఈ చావుకు కారణం లవ్ ఫెయిల్యూర్ అని పోలీసులు తేల్చడంపైనా.. కుట్ర దాగి ఉందనే ఆరోపణలు చేశాయి. ఇదే క్రమంలో మంత్రి కేటీఆర్ (KTR) చేసిన వ్యాఖ్యలు వివాదాస్పదమవుతున్నాయి.

తాజాగా ఓ టీవీ ఛానల్ కు ఇంటర్వ్యూ ఇచ్చారు కేటీఆర్. ఈ సందర్భంగా ప్రవల్లిక ఘటనపై స్పందించారు. ‘‘ప్రవల్లిక అసలు గ్రూప్స్ కే అప్లై చేయలేదట.. అది తెలుసుకోకుండా ప్రతిపక్షాలు హడావుడి చేశాయి’’ అని అన్నారు. అమ్మాయి మరణంతో దిగజారుడు రాకీయం కరెక్టా..? అంటూ ప్రశ్నించారు. దీంతో కేటీఆర్ పై ఫైరవుతున్నారు నిరుద్యోగులు. ఇవిగో ప్రూఫ్స్ అంటూ ప్రవల్లిక గ్రూప్-1,2,3,4 ఉద్యోగాల కోసం దరఖాస్తు చేసుకున్న పేపర్లు, హాల్ టికెట్లను సోషల్ మీడియాలో పోస్ట్ చేస్తూ ప్రభుత్వంపై మండిపడుతున్నారు.

ఇటు, రిటైర్డ్ ఐఏఎస్ ఆకునూరి మురళి కూడా స్పందించారు. ‘‘అబద్ధాల నటరత్న కేటీఆర్ మాటలు చూడండి. వచ్చే ఎన్నికల్లో ఎలాగైనా గెలవాలని ఏం అబద్ధం చెప్పడానికైనా వెనకాడడం లేదు. ప్రవళ్లికను అవమానపరచడం ద్వారా 35 లక్షల నిరుద్యోగులను అవమానపరుస్తున్నారు వీళ్ళు. ఎన్నికల్లో వీళ్ళను బొంద పెట్టడానికి యువత ముందుకు రావాలి. ప్రవల్లిక టీఎస్పీఎస్సీ డాక్యుమెంట్ చూడండి’ అంటూ ట్విట్టర్ (ఎక్స్)లో పోస్ట్ పెట్టారు ఆకునూరి మురళి.

ఎన్నికల సమయం.. ఇష్యూ మరింత హైలైట్ అయితే డ్యామేజ్ ఖాయమనే ప్రభుత్వం ప్రవల్లిక ఇష్యూని డైవర్ట్ చేసిందనే ఆరోపణలు నిరుద్యోగుల నుంచి వినిపిస్తున్నాయి. ఇలాంటి సమయంలో కేటీఆర్ ఇలా మాట్లాడడంతో మరింతగా రగిలిపోతున్నారు నిరుద్యోగులు. ఇది ముమ్మాటికీ ఎన్నికల్లో తమకు నష్టం కలగకుండా బీఆర్ఎస్ పెద్దలు ఆడించిన డ్రామాగా చెబుతున్నారు. ఇటు ప్రతిపక్షాలు కూడా సర్కార్ తీరును తప్పుబడుతున్నాయి.