National

పతాంజలి ఆయుర్వేద(Patanjali ayurveda sales) ఉత్పత్తుల సేల్స్ పెంచడం కోసం వినియోగ దారులను తప్పు దోవ పట్టించేలా పత్రికా ప్రకటనలు ఇవ్వడంపై సుప్రీంకోర్టు ఆగ్రహం వ్యక్తం చేసిన విషయం తెలిసిందే. ఈ కేసులో పతాంజలి ఓనర్ రాందేవ్ బాబా, సీఈవో బాలకృష్ణకు సుప్రీంకోర్టు(supream Court) రెండు సార్లు నోటీసులు జారీ చేయగా.. వారి నుంచి ఆలస్యంగా స్పందన రావడంపై సర్వోన్నత న్యాయస్థానం ఆగ్రహం వ్యక్తం చేసింది.

వినియోగదారులను తప్పుదోవ పట్టించేలా తప్పుడు ప్రకటనలు ఇచ్చినందుకు గాను బేషరతుగా క్షమాపణలు(Sorry) చెప్పాలని రాందేవ్ బాబా, బాలకృష్ణలను కోర్టు ఆదేశించింది. అయితే, ఇటీవల సుప్రీం ఆదేశాల మేరకు రాందేవ్ బాబా బహిరంగ క్షమాపణలు కోరుతూ పత్రికా ప్రకటనను జారీచేశారు.

అది కూడా సుప్రీంకోర్టు మెట్లెకింది. ప్రకటనలు మాత్రం భారీ సైజులో ఇచ్చి క్షమాపణలు మాత్రం చాలా తక్కువ సైజులో ఇవ్వడంపై సుప్రీంకోర్టు న్యాయమూర్తి తీవ్ర ఆగ్రహం వ్యక్తం చేశారు.సాధారణ వీక్షకులకు కనిపించేలా పెద్ద సైజులో క్షమాపణలు కోరుతూ యాడ్ వేయించాలని ఆదేశించడంతో రాందేవ్ బాబా, బాలకృష్ణ మరోసారి క్షమాపణలు కోరుతూ పేపర్ యాడ్స్ ఇచ్చారు.

యాడ్ సైజులోనే క్షమాపణలు కోరుతూ పేపర్లలో ప్రకటన ఇచ్చారు.బేషరతుగా ప్రజలను క్షమాపణలు కోరుతున్నట్లు పతాంజలి సంస్థ యాడ్స్ ఇవ్వడంతో ఈ వివాదం కాస్త ముగింపు దశకు చేరకుంది.కాగా, సేల్స్ పెంచుకోవడానికి తప్పుడు యాడ్స్ ఇవ్వడం మంచిది కాదని సుప్రీంకోర్టు అభిప్రాయపడింది.

పతంజలి(Pathanjali) తప్పుదోవ పట్టించే ప్రకటనల కేసులో(PTI)పై సుప్రీంకోర్టు(Supreme Court) మంగళవారం విచారణ చేపట్టింది. ఈ సందర్భంగా యోగాగురు రాందేవ్(Yoga guru Ram dev) పతంజలి ఆయుర్వేద్, 67 వార్తాపత్రికల్లో క్షమాపణలు ప్రచురించామని, కోర్టు పట్ల తమకు అత్యంత గౌరవం ఉందని, తమ తప్పులు పునరావృతం కాబోవని పేర్కొన్నారు. అయితే యోగాగురు సంజీయిషీని సుప్రీంకోర్టు తోసిపుచ్చింది.

పతంజలి వార్తాపత్రికల్లో పెట్టిన క్షమాపణ పరిమాణం దాని ఉత్పత్తులకు సంబంధించిన పూర్తి పేజీ ప్రకటనలను పోలి ఉందా? అని ప్రశ్నించింది. అల్లోపతిని, వైద్యులను చులకన చేసే ప్రకటనలు చేస్తోందని పతంజలిపై 2022, ఆగస్టులో ఇండియన్ మెడికల్ అసోసియేషన్ (ఐఎంఎ) సుప్రీంకోర్టును ఆశ్రయించిన సంగతి తెలిసిందే. దీనిపై విచారణ చేపట్టిన సర్వోన్నత న్యాయస్థానం గతేడాది నవంబర్ 21న పతంజలిని హెచ్చరించింది.

అయినప్పటికీ తీరు మార్చుకోకపోవడంతో ఫిబ్రవరి 27న పతంజలి ప్రకటనలపై నిషేధం విధించింది. అయితే ఈ కేసు విచారణలో భాగంగా సుప్రీంకోర్టు విచారణకు ముందు వారం రోజుల తర్వాత ఎందుకు క్షమాపణలు చెప్పారని జస్టిస్ హిమా కోహ్లి, జస్టిస్ అహ్సానుద్దీన్ అమానుల్లాతో కూడిన ధర్మాసనం ప్రశ్నించింది. ఇతర ఎఫ్ఎంసీజీలు కూడా తప్పుదోవ పట్టించే ప్రకటనలను ప్రచురిస్తున్నాయని చురకలంటించింది. ఇది ముఖ్యంగా పిల్లలు, వృద్ధుల ఆరోగ్యంపై ప్రభావం చూపుతోందని అని జస్టిస్ హిమా కోహ్లి అన్నారు.

డ్రగ్స్ అండ్ మ్యాజిక్ రెమెడీస్ యాక్ట్ దుర్వినియోగం కాకుండా ప్రభుత్వం తీసుకున్న చర్యలను పరిశీలించాలని ఈ కేసులో వినియోగదారుల వ్యవహారాల మంత్రిత్వ శాఖను అభ్యర్థించాల్సిన అవసరం ఉందని కోర్టు ఆదేశించింది. కాగా, గతంలో రామవ్ బాబా, ఎండీ బాలకృష్ణ క్షమాపణలు పరిశీలిస్తామని వారం రోజుల్లోగా బహిరంగ క్షమాపణలు చెబుతూ ప్రకటనలు ఇవ్వాలని సుప్రీంకోర్టు ఆదేశించింది. ఈ క్రమంలోనే మంగళవారం ఆ కేసుపై విచారణ జరిపింది.