News

ధాన్యం కొనుగోలు అంశంపై మంత్రి ఉత్తమ్ కుమార్ రెడ్డి (Uttam Kumar Reddy) కీలక వ్యాఖ్యలు చేశారు.. తెలంగాణ ఆవిర్భావం నుంచి ఇప్పటి వరకు మేము ధాన్యం కొనుగొలు చేసినంత నిజాయితీగా ఎవరు చేయలేదని తెలిపారు. ధాన్యం కొనుగోలు విషయంలో మాట్లాడే వారికి అవగాహన లేదని మండిపడ్డారు.. ప్రతిపక్ష పార్టీలు బురద జల్లే మాటలు మాట్లాడుతున్నారని ధ్వజమెత్తారు..

ఇండియా కూటమి అధికారంలోకి వస్తుంది అని ధీమా వ్యక్తం చేసిన ఉత్తమ్.. 270 స్థానాలకు పైగా మెజారిటీ సీట్లు గెలుస్తాం.. జూన్ 9వ తేదీన రాహుల్ గాంధీ (Rahul Gandhi) ప్రధానిగా ప్రమాణ స్వీకారం చేస్తారని జోస్యం చెప్పారు.. కాగా, ఏప్రిల్ 1వ తేదీ కంటే ముందే కొనుగోలు కేంద్రాలు ఏర్పాటు చేశామని తెలిపిన మంత్రి 6, 919 కేంద్రాలు ఇప్పటికే ప్రారంభం అయ్యాయని పేర్కొన్నారు.. అలాగే గత సంవత్సరం 335 కేంద్రాలు మాత్రమే ఓపెన్ అయినట్లు తెలిపారు..

ఇప్పటి వరకు కొనుగోలు చేసిన ధాన్యం 2.7 లక్షల మెట్రిక్ టన్నులు.. లాస్ట్ ఇయర్ 230 మెట్రిక్ టన్నుల ధాన్యం మాత్రమే కొన్నారని ఉత్తమ్ కుమార్ వివరించారు.. కేసీఆర్ (KCR) నిసిగ్గుగా మట్లాడుతున్నారని విమర్శించారు.. కేంద్ర ప్రభుత్వం అనుమతి తీసుకుని ఈ సారి ముందే కొనుగోలు కేంద్రాలు తెరిచినట్లు పేర్కొన్నారు.. కానీ ప్రతిపక్ష పార్టీల నేతలు కాంగ్రెస్ (Congress)పై బురద జల్లె ప్రయత్నం చేస్తున్నారని తెలిపారు..

జీవన్ రెడ్డి నోటికి ఏది వస్తే అది మాట్లాడటం కాదు.. కాస్త గమనించి మాట్లాడాలని హితవుపలికారు.. అలాగే గత ఏడాది ఈ సమాయానికి సిద్దిపేటలో ఒక్క కొనుగోలు కేంద్రం కూడా ప్రారంభం కాలేదని తెలిపిన మంత్రి.. ఈ ఏడాది సిద్దిపేటలో 412 కొనుగోలు కేంద్రాలు ఏర్పాటు చేసి, 824 మెట్రిక్ టన్నుల ధాన్యాన్ని కొనుగోలు చేసినట్లు వివరించారు.. ధాన్యం కొనుగోలులో రైతులకు అన్యాయం జరగకుండా అన్ని చర్యలు తీసుకొంటున్నట్లు తెలిపారు..

ఇందుకు కలెక్టర్లకు స్పష్టమైన ఆదేశాలు జారీ చేసినట్లు పేర్కొన్నారు.. అలాగే ధాన్యం కొనుగోలు తరువాత నేరుగా డబ్బులు రైతుల అకౌంట్లలో పడుతాయన్నారు.. మరోవైపు గత ప్రభుత్వంలో సన్న బియ్యానికి దొడ్డు బియ్యానికి తేడా లేకుండా టెండర్లు వేశారని.. కానీ కాంగ్రెస్ ప్రభుత్వంలో వేరు వేరు టెండర్ల ను పిలిచాం, దీని ద్వారా 11 వందల కోట్ల ఆదాయం ప్రభుత్వానికి అదనంగా వచ్చిందని మంత్రి వెల్లడించారు.

చేవెళ్ల (Chevella) కాంగ్రెస్ (Congress) ఎంపీ అభ్య‌ర్థి రంజిత్ రెడ్డి (Ranjith Reddy)పై బీఆర్ఎస్ మాజీ ఎమ్మెల్యే జీవ‌న్ రెడ్డి తీవ్ర విమర్శలు గుప్పించారు.. రాష్ట్రంలో దొంగే దొంగా అన్నట్లుగా, దెయ్యాలు వేదాలు వల్లించినట్లుగా అవినీతి పరులైన వాళ్ళే నేడు సత్య హరిచంద్రులుగా మాట్లాడుతున్నారని ఎద్దేవా చేశారు.. నీడనిచ్చిన చెట్టునే నరుక్కొన్నట్లుగా బీఆర్ఎస్ పట్ల రంజిత్ వ్యవహరించిన తీరు ఉందని మండిపడ్డారు..

అదేవిధంగా సీఎం రేవంత్ రెడ్డి, రంజిత్ రెడ్డి మధ్య ఒప్పందం ఏంటో బయటపెట్టాలని డిమాండ్ చేశారు.. గతంలో కోడిగుడ్లు అమ్ముకొనే ఆయన చేవెళ్ల నియోజకవర్గంలో 3 వేల ఎకరాలు ఎలా సంపాదించాడని ప్రశ్నించారు.. బీఆర్ఎస్ నుంచి బయటికి పోయిన సోకాల్డ్ నాయకులు ఏవేవో విమర్శలు చేస్తున్నారు.. ఒక్క సారి ఆలోచించుకోండి.. పార్టీలోకి రాకముందు మీరు ఎలా ఉండేవారు అని మాజీ ఎమ్మెల్యే సూచించారు..

మరోవైపు రంజిత్ రెడ్డి పెద్ద ఆవినీతిపరుడని ఆరోపించిన జీవ‌న్ రెడ్డి (Jeevan Reddy).. సిద్దిపేటలో సర్వే నంబర్ 591లో 9 ఎకరాలు 27 గంటల అసైన్ మెంట్ ల్యాండ్ పై చట్ట విరుద్ధంగా బ్యాంక్ లోన్ తీసుకొన్నారని.. అలాగే గతంలో బండ్ల గణేశ్ ల్యాండ్ కూడా గుంజుకున్నారని ఆరోపణలు చేశారు.. మోసాలు చేయడానికి అలవాటు పడిన రంజిత్ రెడ్డి, చేవెళ్ల ప్రజలకు ఏం మేలు చేస్తాడో అర్థంకావడం లేదన్నారు..

పుప్పాలగూడ సర్వే నంబర్ 341 లో ఒక కోటి నలభై నాలుగు లక్షల స్కైర్ ఫీట్ లో అక్రమ కట్టడాలకు తెరలేపిన రంజిత్.. వాటికి ఇబ్బందులు రాకుండా ఉండేందుకు కాంగ్రెస్ పార్టీలో జయిన్ అయ్యాడని విమర్శించారు.. ఆయనతో కలసి, సునీతా మహేందర్ రెడ్డి కూడా భూ కబ్జాలు చెయ్యడంలో దిట్టా అని జీవ‌న్ రెడ్డి వ్యాఖ్యానించారు..

కరీంనగర్ లో పుట్టిన రంజిత్, చేవెళ్ల వ్యక్తి కాదని తెలిపిన జీవన్ రెడ్డి.. వలస వచ్చి ఇక్కడ బిజినెస్ పెట్టుకున్నారన్నారు.. కాబట్టి చేవెళ్ల ప్రజలు ఆయనకు తగిన బుద్ధి చెప్పాలని సూచించారు.. లాగే ఫాదర్ ఆఫ్ చీటర్ అయిన రంజిత్ రెడ్డి గురించి రోజుకోక ఎపిసోడ్ తో మీడియా ముందుకు వస్తా.. ఆయన అవినీతి బయట పెడుతానని హెచ్చరించారు..

తెలంగాణ (Telangana)లో పార్లమెంట్ ఎన్నికల వార్ ఇప్పటికే మొదలైంది. ప్రధాన పార్టీ నేతలు ఒకరిపై ఒకరు విమర్శలు చేసుకొంటున్న దృశ్యాలు కనిపిస్తున్నాయి.. ఈ క్రమంలో బీజేపీపై రవాణా, బీసీ సంక్షేమ శాఖ మంత్రి పొన్నం ప్రభాకర్ కీలక వ్యాఖ్యలు చేశారు.. బలహీన వర్గాల కోసం ఆలోచించే ప్రధాని అని చెప్పుకునే మోడీ (Modi), 14 అంశాల్లో ఒక్కటి కూడా బలహీన వర్గాలకు సంబంధించిన అంశం పెట్టకపోవడం ఆశ్చర్యంగా ఉందన్నారు..

ఈ విషయాన్ని దేశంలో ఉన్నా బలహీన వర్గాలంతా గమనించాలని కోరారు.. కాంగ్రెస్ కి ఎన్నికల్లో అండగా నిలబడాలని పిలుపునిచ్చారు. అలాగే కాంగ్రెస్ పార్టీ పాంచ్ న్యాయ్ లో బలహీన వర్గాలకు సంబంధించిన అంశాలు చేర్చామని పేర్కొన్న పొన్నం ప్రభాకర్ (Ponnam Prabhakar).. బలహీన వర్గాలు ఆలోచించండని సూచించారు.. 10 సంవత్సరాలుగా అధికారంలో ఉన్న వారు మిగతా వర్గాలకు రిజర్వేషన్లు ఇవ్వడానికి వ్యతిరేకం కాదన్నారు.

మరోవైపు కాంగ్రెస్ కుల గణన సర్వే చేయడానికి సిద్ధంగా ఉందని తెలిపిన మంత్రి.. బీజేపీ (BJP) మాత్రం సుప్రీం కోర్టులో అఫిడవిట్ ఇచ్చి కుల గణనకి వ్యతిరేకంగా నిర్ణయం తీసుకుందని ఆరోపించారు.. పూర్తిగా వ్యాపార వర్గాల పార్టీగా బీజేపీ ప్రభుత్వం వ్యవహరిస్తుందని విమర్శించారు.. బీజేపీ మేనిఫెస్టో ని.. కాంగ్రెస్ (Congress) మేనిఫెస్టో ని చదివి బీసీ లు నిర్ణయం తీసుకోవాలని రాష్ట్ర ప్రజలకు సూచించారు..

అలాగే కాంగ్రెస్ అనేక కులాలకు కార్పొరేషన్లు ఇచ్చి ఆర్థిక పరిపుష్టి కలిగే విధంగా చర్యలు తీసుకుంటుందని.. భవిష్యత్ లో బలహీన వర్గాలకు న్యాయం చేసే విధంగా మీ బిడ్డ మీ పక్షానా నిల్చుంటాడని పొన్నం తెలిపారు.. ఎన్నికల్లో బలహీన వర్గాలు కాంగ్రెస్ వైపు ఉండాలని కోరిన పొన్నం.. బలహీన వర్గాల పట్ల బీజేపీకి ఉన్న వ్యతిరేకతని దృష్టిలో పెట్టుకొని ఓటు ఉపయోగించుకోవాలని సూచించారు..