News

పార్లమెంట్ ఎన్నికలు పొలిటికల్ హిట్ పుట్టిస్తున్నాయి.. విమర్శలతో నేతలు ఒకరి మీద ఒకరు తీవ్రంగా ఆరోపణలు చేసుకోవడం కనిపిస్తోంది. ఈ నేపథ్యంలో తెలంగాణ పర్యటనలో ఉన్న కేంద్ర మంత్రి అనురాగ్ సింగ్ ఠాకూర్ (Anurag Singh Thakur).. బీఆర్ఎస్ (BRS), కాంగ్రెస్, ఎంఐఎంలపై ధ్వజమెత్తారు.. రాహుల్, ఓవైసి (Asaduddin Owaisi) ఔరంగజేబు స్కూల్ బ్యాచ్ అని ఎద్దేవా చేశారు.

సనాతన ధర్మాన్ని కాంగ్రెస్ ఖతం చేయాలని చూస్తుందని కీలక వ్యాఖ్యలు చేశారు.. 15 నిమిషాలు టైం ఇచ్చి చూడండని అక్బరుద్దీన్ ఓవైసీ అనడం దేనికి సంకేతమని ప్రశ్నించారు.. మరోవైపు గోవులను కొస్తూ తింటూ ఉండండని అసదుద్దీన్ ఒవైసీ మానవత్వం లేకుండా మాట్లాడుతున్నారని మండిపడ్డారు.. వీరి వ్యాఖ్యలపై రాహుల్, సోనియా ఎందుకు స్పందించరని ఠాకూర్ నిలదీశారు.

బీజేపీ అధికారంలోకి రావడానికి కంటే ముందు పదేళ్లు కాంగ్రెస్ (Congress) పాలించింది.. అప్పుడు మహిళ బిల్లు ఎందుకు పెట్టలేదని ప్రశ్నించారు. ఆ సమయంలో రాహుల్, ఒవైసీ ఎక్కడ ఉన్నారని అన్నారు.. రాహుల్ ను మా మహిళ నేత ఓడించిందని గుర్తు చేసిన కేంద్ర మంత్రి.. ఓవైసీ ఓటమి సైతం.. మహిళ చేతిలో ఖాయమని జోస్యం చెప్పారు. ఇది మంచికి చెడుకి మధ్య యుద్ధమని పేర్కొన్నారు..

మరోవైపు బీఆర్ఎస్ పై విమర్శలు గుప్పించారు.. కవిత నిర్దోషి అయితే బెయిల్ ఎందుకు రాలేదని ప్రశ్నించారు.. ఇక్కడ దోచుకుంది చాలక ఢిల్లీ వెళ్లి దోచుకోవాలని చూసిందని కానీ కాలం ఎప్పుడు ఒకేలా ఉండదని తెలిపారు. అందుకే ప్రస్తుతం స్కామ్ లు చేసిన వారు జైల్ లో ఊచలు లెక్క పెడుతున్నట్లు పేర్కొన్నారు.. అదేవిధంగా అంబేద్కర్ కి కాంగ్రెస్ భారత రత్న కూడా ఇవ్వలేదు, సర్దార్ పటేల్ కు ఏం చేశారని నిలదీశారు.

రిమోట్ కంట్రోల్ ప్రభుత్వాన్ని నడిపించిన సోనియా గాంధీ ఇప్పుడు కూడా అదే పని చేస్తుందని ఆరోపించిన అనురాగ్ సింగ్ ఠాకూర్.. దేశ వ్యాప్తంగా 40 సీట్లలో గెలవడానికే కాంగ్రెస్ తిప్పలు పడుతుందని ఎద్దేవా చేశారు..

అధికార కాంగ్రెస్‌ (Congress) పార్టీ రాష్ట్రంలో అత్యధిక ఎంపీ స్థానాలను కైవసం చేసుకునే దిశగా పావులు కదుపుతోంది. మిషన్‌-15 పేరుతో ప్రత్యేక వ్యూహంతో ముందుకెళ్తోంది. ఇందులో భాగంగా సీఎం రేవంత్‌రెడ్డి (CM Revanth Reddy) రాష్ట్రంలో సుడిగాలి పర్యటన చేస్తున్నారు. తాజాగా సికింద్రాబాద్‌ (Secunderabad)లో ఏర్పాటు చేసిన కార్నర్‌ మీటింగ్‌లో పాల్గొన్నారు. ఈ సందర్భంగా మాట్లాడుతూ విపక్షాలపై ఫైర్ అయ్యారు.

ఆనాడు దత్తాత్రేయని ఓడించి.. అంజన్ కుమార్ యాదవ్ సికింద్రాబాద్ లో మూడు రంగుల జెండా ఎగరేశారు.. అప్పుడు కేంద్రంలో కాంగ్రెస్ అధికారంలోకి వచ్చింది.. మళ్లీ 20ఏళ్ల తరువాత ఆనాటి రోజులను పునరావృతం చేయడానికి దానం నాగేందర్ మూడు రంగుల జెండా ఎగిరేయబోతున్నారు.. అలాగే సికింద్రాబాద్ లో ఏ పార్టీ గెలుస్తుందో ఆ పార్టీ కేంద్రంలో అధికారంలోకి వస్తుందని ధీమా వ్యక్తం చేశారు..

బీజేపీ నాయకులు గెలిచి కేంద్ర మంత్రులయినా హైదరాబాద్ కు చేసిందేంటని ప్రశ్నించిన రేవంత్.. వరదలు వచ్చి హైదరాబాద్ అతలాకుతలమయితే కేంద్రమంత్రిగా ఉన్న కిషన్ రెడ్డి నగరానికి చిల్లి గవ్వ తేలేదని ఆరోపించారు.. జంట నగరాల్లో మెట్రో రైలు రావడానికి కారణం కాంగ్రెస్ అని పేర్కొన్నారు.. మరోవైపు పద్మారావు పరువు తీసేందుకే కేసీఆర్ పోటీకి దింపారని తెలిపిన రేవంత్.. ఆయన నామినేషన్ కు కేసీఆర్, కేటీఆర్ ఎందుకు రాలేదని ప్రశ్నించారు.

సికింద్రాబాద్ సీటును కేసీఆర్ బీజేపీ కి తాకట్టు పెట్టారని దీన్నిబట్టి అర్ధం చేసుకోవచ్చన్నారు.. బస్తీల్లో ప్రజల కష్టాలు తీరాలంటే సికింద్రాబాద్ ఎంపీగా దానం నాగేందర్ ను గెలిపించాలని కోరారు.. ప్రభుత్వం మనది.. సంక్షేమం మనది…ఇందిరమ్మ రాజ్యంలో పేదలకు న్యాయం చేసే బాధ్యత మాదని సీఎం హామీ ఇచ్చారు. బీఆర్ఎస్ కు ఓటు వేస్తే మూసీలో వేసినట్లేనని విమర్శించారు.

పదేళ్ల పాలనలో బీఆర్ఎస్ (BRS) కమీషన్లకు కక్కుర్తి పడి కృష్ణా జలాల్లో తెలంగాణ (Telanagana) వాటాను అక్రమంగా ఏపీకి దోచిపెట్టిన నేతలు కూడా నీటి జలాల పంపిణీపై మాట్లాడటం దెయ్యాలు వేదాలు వల్లించినట్లు ఉందనే ఆరోపణలు వినిపిస్తున్నాయి.. కృష్ణా రివర్ మేనేజ్‌మెంట్ బోర్డు (KRMB)కి సాగునీటి ప్రాజెక్టులు అప్పగించడంతోపాటు కృష్ణా జలాల్లో తెలంగాణ వాటాపై బీఆర్‌ఎస్ నిమ్మకు నీరెత్తినట్లు వ్యవహరించదని అంటున్నారు.

ఏపీ పునర్వ్యవస్థీకరణ చట్టం, 2014లో పొందుపరిచిన తెలంగాణకు 299 టీఎంసీలు, ఆంధ్రప్రదేశ్‌కు 512 టీఎంసీల నీటిని మాజీ సీఎం కేసీఆర్ (KCR) అంగీకరించారనే ఆరోపణలు వినిపిస్తున్నాయి.. 2014 నుంచి జరిగిన వివిధ సమావేశాల్లో ఏపీకి 512 టీఎంసీలు, తెలంగాణకు 299 టీఎంసీలు అంగీకరిస్తూ గత బీఆర్‌ఎస్ ప్రభుత్వం సంతకం చేసిందని కేంద్రం సైతం ఆరోపణలు గుప్పించిన విషయం తెలిసిందే..

ఏపీ ప్రభుత్వం రాయలసీమ లిఫ్ట్ ఇరిగేషన్ స్కీమ్ (RLIS) 8 టీఎంసీలు, పోతిరెడ్డిపాడు హెడ్ రెగ్యులేటర్‌ను నిర్మించడం ప్రారంభించినప్పుడు గత బీఆర్‌ఎస్ ప్రభుత్వం కన్నెత్తి చూడలేదనే వాదనలు వినిపిస్తున్నాయి.. ప్రతిరోజు 12 టీఎంసీల నీటిని తీసుకునేందుకు ఏపీ ప్రణాళికలు సిద్ధం చేస్తే, తెలంగాణలోని మన ప్రాజెక్టులు 2 టీఎంసీలు కూడా డ్రా చేయలేవని అంటున్నారు..

గతంలో కేసీఆర్‌, వైఎస్‌ జగన్‌ (YS Jagan) మధ్య హైదరాబాద్‌ (Hyderabad)లో జరిగిన భేటీ సందర్భంగా ఆర్‌ఎల్‌ఐఎస్‌పై ఒప్పందం కుదిరిందని కాంగ్రెస్ ఆరోపణలు చేస్తుంది. తెలంగాణ భూభాగంలో నాగార్జున సాగర్ ప్రాజెక్టులోకి ఏపీ పోలీసులు ప్రవేశించినప్పటికీ, గత బీఆర్‌ఎస్ ప్రభుత్వం ఏమీ చేయలేదని, చివరకు ప్రాజెక్టుకు సీఆర్‌పీఎఫ్ రక్షణ కల్పిస్తోందని విమర్శలు ఎదురవుతున్నాయి.

మొత్తానికి ఎన్నికల వేళ కేసీఆర్ మరోసారి జగన్ కు సపోర్ట్ గా మాట్లాడటం సంచలనంగా మారింది.. ఇద్దరు కలిసి నీటి దోపిడి చేశారనే ప్రచారం తెరమీదికి రావడం ఆసక్తి కలిగిస్తుంది. అసెంబ్లీ ఎన్నికల్లో జగన్ కొత్త డ్రామాకు తెరతీస్తే.. ఇప్పుడు మిత్రుడు జగన్ కోసం గులాబీ బాస్ కొత్త రాగం అందుకోవడం ఊసరవెల్లి రంగులు మార్చినట్లు ఉందనే విమర్శలు వినిపిస్తున్నాయి..