Politics

అసెంబ్లీ ఎన్నికల ప్రచారంలో ఇచ్చిన అభయహస్తం గ్యారంటీలను అధికారంలోకి రాగానే కాంగ్రెస్ ఒక్కొక్కటిగా అమలు చేస్తోంది. ఇప్పటికే రెండు పథకాలు అమల్లోకి తీసుకొచ్చిన రాష్ట్ర ప్రభుత్వం తాజాగా మరో రెండు గ్యారంటీలకు శ్రీకారం చుట్టింది. సచివాలయం వేదికగా గృహజ్యోతి పథకంలో భాగంగా 200 యూనిట్ల వరకు ఉచిత విద్యుత్‌, మహాలక్ష్మి స్కీమ్‌లో భాగంగా రూ.500కు సబ్సిడీ వంట గ్యాస్ సిలిండర్ పథకాలను రాష్ట్ర ముఖ్యమంత్రి ప్రారంభించారు.

ఈ సందర్భంగా మాట్లాడిన రేవంత్ రెడ్డి (Revanth Reddy)..పేదల ఇంట్లో వెలుగులు నింపేందుకు సోనియా గాంధీ (Soniya Gandhi) ఆరు గ్యారంటీలను తెలంగాణ (Telangana) ప్రజలకు అంకితమిచ్చారని అన్నారు. సోనియాగాంధీపై విశ్వాసంతో రాష్ట్రంలో కాంగ్రెస్ కి ప్రజలు అధికారం కట్టబెట్టారన్నారు. నిజమైన లబ్ధిదారులకు, అర్హులకు పథకాలను అందించడమే ప్రజా పాలన ఉద్దేశమని వెల్లడించారు.

మరోవైపు ఎమ్మెల్సీ ఎన్నికల కోడ్ కారణంగా సచివాలయంలో ఈ పథకాలను లాంఛనంగా ప్రారంభిస్తున్నామని తెలిపారు. పేదలకు పథకాలు చేరేలా అధికారులు విధి విధానాలు రూపొందించారని తెలిపిన సీఎం.. ఆర్ధిక నియంత్రణ పాటిస్తూ పేదలకు ఇబ్బంది కలగకుండా పథకాలు అమలు చేస్తున్నామని వెల్లడించారు. తండ్రీ కొడుకులు, మామా అల్లుళ్లు తప్పుడు ప్రచారం చేసేందుకు ప్రయత్నిస్తున్నారని మండిపడ్డారు. సోనియమ్మ మాట ఇచ్చారంటే అది శిలాశాసనమని, ప్రజలకు ఇచ్చిన ప్రతీ హామీని నెరవేరుస్తామని పేర్కొన్నారు.

ఇప్పటికే మహాలక్ష్మి పథకం కింద మహిళలకు ఉచిత బస్సు ప్రయాణం, ఆరోగ్య శ్రీ రూ.10 లక్షలకు పెంపు పథకాన్ని అమలు చేస్తున్న విషయం తెలిసిందే. అయితే ఈ రెండు పథకాలను రంగారెడ్డి చేవెళ్లలో కాంగ్రెస్ నిర్వహిస్తున్న భారీ బహిరంగ సభా వేదికగా ప్రారంభించాలని మొదట నిర్ణయించారు. కానీ ఇక్కడ ఎమ్మెల్సీ ఎన్నికల కోడ్ అమల్లోకి రావడంతో వేదిక మార్చాల్సి వచ్చింది. అంతకు ముందు మంత్రి ఉత్తమ్ కుమార్ రెడ్డి (Uttam Kumar Reddy) మాట్లాడారు.

కొన్నేళ్లుగా దేశంలో గ్యాస్‌ సిలిండర్ ధర భారీగా పెరిగిందని.. ప్రస్తుతం పెరిగిన ధరల నుంచి మహిళలకు ఊరట కల్పించాలని భావించి రూ.500కే గ్యాస్‌ సిలిండర్‌ పథకాన్ని ప్రారంభించామని తెలిపారు. కాగా ఈ స్కీమ్‌తో 40 లక్షల కుటుంబాలకు లబ్ధి కలుగుతుందని పేర్కొన్నారు. కాంగ్రెస్‌ అమలు చేస్తున్న పథకాల వైపు దేశమంతా చూస్తోందని అన్నారు.

ప్రతిష్టాత్మక 21వ బయో ఆసియా సదస్సు నేటి నుంచి ప్రారంభమైంది. HICCలో మూడు రోజుల పాటు జరిగే సదస్సులో భాగంగా తొలిరోజు జీనోమ్ వ్యాలీ (Genome Valley)లోని భారత్ బయోటెక్ తదితర కంపెనీలను విదేశీ ప్రతినిధులు సందర్శించారు. ఈ కార్యక్రమానికి తెలంగాణ (Telangana) సీఎం రేవంత్ రెడ్డి హాజరయ్యారు. ఈ సందర్భంగా పలు కీలక వ్యాఖ్యలు చేశారు. హైదరాబాద్ ఫార్మా రంగానికి ప్రపంచ వేదికగా ఉందని తెలిపారు.

నగరంలో పెట్టుబడులు పెడుతున్న ఫార్మా రంగ ప్రతినిధులకు అభినందనలు తెలిపిన సీఎం.. వారికి ప్రభుత్వం తరపున పూర్తి సహాయ సహకారాలు అందిస్తామని హామీ ఇచ్చారు. నగరాభివృద్ధి కోసం ఫార్మావిలేజ్ లకు రూపకల్పన చేశామని తెలిపారు.. ఎన్నో ఇబ్బందులను సృష్టించిన కరోనా సమయంలో హైదరాబాద్ (Hyderabad)లో ఉత్పత్తి అయిన టీకాలు ప్రపంచ వ్యాప్తంగా సరాఫరా అయ్యాయని గుర్తు చేశారు.

రాష్ట్రంలో మూడు చోట్ల ఫార్మా విలేజెస్ ఏర్పాటు చేయబోతున్నామని తెలిపారు. దావోస్ వేదికగా 40 వేల కోట్ల పెట్టుబడులు తెలంగాణకు తీసుకొచ్చినట్లు వెల్లడించారు.. త్వరలో జినోమ్ వ్యాలీ ఫేజ్-2ను ప్రారంభిస్తామని, హైదరాబాద్ ను లైఫ్ సైన్సెస్ కు రాజధానిగా మారుస్తామని సీఎం తెలిపారు.. ఫార్మా ఉత్పత్తుల్లో 1/3 హైదరాబాద్ నుంచే వస్తున్నాయని తెలిపిన రేవంత్ రెడ్డి (Revanth Reddy).. ఫార్మా రంగం అభివృద్ధికి ప్రభుత్వ సహకారాం ఎప్పుడు ఉంటుందన్నారు..

ఇటీవల ఈ రంగానికి చెందిన ప్రతినిధులతో సమావేశమయ్యామని అన్నారు. మరోవైపు 21వ బయో ఆసియా సదస్సులో 100 మందికి పైగా ప్రముఖ శాస్త్రవేత్తలు, ప్రపంచ దేశాల విదేశీ ప్రతినిధులు పాల్గొన్నారు. ఈ సందర్భంగా బయోమెడికల్ టెక్నాలజీ రంగంలో విప్లవాత్మక మార్పులు, వైద్యరంగంలో ఆవిష్కరణలు, వైద్య పరికరాలకు ప్రోత్సాహకాలపై చర్చలు మొదలైయ్యాయి.

ఈ సమస్యలపై పరిశోధనలు చేస్తున్న విత్తన కంపెనీలకు ప్రోత్సాహకాలు, మద్దతుపై అనేక కీలక నిర్ణయాలు తీసుకోవడానికి ఈ వేదిక ఉపయోగపడనుందని తెలుస్తోంది. ఇక ఈ ప్రతిష్టాత్మక ప్లాట్‌ఫామ్‌లో ప్రదర్శించడానికి 700 కంటే ఎక్కువ వినూత్న స్టార్టప్‌లు పోటీ పడగా, నిపుణులు షోకేస్ కోసం 70 స్టార్టప్‌లను ఎంపిక చేశారు. వీరిలో ఐదుగురిని షార్ట్‌లిస్ట్ చేసి కాన్ఫరెన్స్ చివరి రోజు అయిన 28వ తేదీన ప్రత్యేక అవార్డులను అందజేస్తారు. మరోవైపు నోబెల్ గ్రహీత, ప్రముఖ పీడియాట్రిక్ స్పెషలిస్ట్ ప్రొఫెసర్ గ్రెగ్ ఎల్ సెమెంజాకు జీనోమ్ వ్యాలీ ఎక్సలెన్స్ అవార్డును అందజేయనున్నారు.